அரியரத்தினம் மீது ஒழுக்காற்று நடவடிக்கை சிறிதரன் ஏற்பாடு கட்சி கிளை கூட்டத்தில் தீர்மானம்


arijarathinamதமிழரசுக் கட்சியின் தனது உறுப்பினரும், வடக்கு மாகாண சபையின் உறுப்பினருமான ப. அரியரத்தினம் மீது ஒழுக்காற்று நடவடிக்கை எடுப்பதற்கு பாராளுமன்ற உறுப்பினா் சிறிதரன் கட்சியின் தலைமைக்கு  அறிவித்திருக்கின்றாா்.

கிளிநொச்சி கூட்டுறவாளர் மண்டபத்தில் இடம்பெற்ற தமிழரசுக் கட்சியின் கிளிநொச்சி கரைச்சி கிளையின்  கூட்டத்தின் போதே இந்த தீர்டானம் நிறைவேற்றப்பட்டுள்ளது. தீர்மானத்தை கட்சியின் கரைச்சி கிளை ஏகமனதாக நிறைவேற்றியுள்ளது.

நாடாளுமன்ற உறுப்பினா் சி. சிறிதரன் தலைமையில் இடம்பெற்ற கூட்டத்தின் போதே தனது கட்சியின் மாகாண சபை உறுப்பினா்                  ப. அரியரத்தினத்திற்கு எதிராக ஒழுக்காற்று நடவடிக்கைக்கு  தமிழரசு  கட்சியின்  தலைமையை கோருவது என்ற தீர்மனம் மேற்கொள்ளப்பட்டுள்ளது.

அரியரத்தினம் மீதான ஒழுக்காற்று நடவடிக்கை காணமாக  வடக்கு மாகாண சபையில் கல்வி அமைச்சராக இருந்த த. குருகுலராஜா எவ்வித  குற்றங்களும் செய்யவில்லை என்றும்  ஆனால் அரியரத்தினம் அவருக்கு எதிராக செயற்பட்டதோடு,  வடக்கு மாகாண அமைச்சர்களின் ஊழல்களை விசாரித்த விசாரணை குழு முன் தோன்றி   குருகுலராஜாவுக்கு எதிராக ஆதாரங்களுடன் சாட்சியமளித்து கட்சி விரோத நடவடிக்கையில் ஈடுப்பட்டாா் எனத் தெரிவித்தே   ஒழுக்காற்று நடவடிக்கைக்கு தீர்மானம் நிறைவேற்றப்பட்டுள்ளது.

இது தொடர்பில் மாகாண சபை உறுப்பினா் ப. அரியரத்தினத்திடம் தொடர்பு கொண்டு வினவிய போது  இது சம்மந்தமாக தனக்கு எதுவும் தொியாது என்றும்  பாராளுமன்ற உறுப்பினா் சிறிதரனின் ஏற்பாட்டிலேயே இவ்வாறான நடவடிக்கைகள்  மேற்கொள்ளபட்டிருக்க வேண்டும். கல்வி அமைச்சராக இருந்த குருகுலராஜா மீது நான் எந்த இடத்திலும் முறைப்பாடு பதிவு செய்யவில்லை.  விசாரணை குழுவின் அழைப்பின்  பேரில் அவா்களின் ஒரு கேள்விக்கு மாத்திரமே பதிலளித்தேன். ஆதாவது  யூனியன் கல்லூரி அதிபா் நியமனம் சரியா என என்னிடம் வினவினாா்கள் அதற்கான எனது கல்விச் சேவை அனுவபத்தின் அடிப்படையில்  விளக்கம்  அளித்தேன்.  எனவே முறைப்பாடு செய்து என்பது வேறு  விசாரணைக்குழுவுக்கு இருந்த சந்தேகத்தை அவர்களின் அழைப்பின் பேரில் தீர்ப்பதற்காக சாட்சியமளிப்பது என்பது வேறு அதனை இவா்கள் புரிந்துகொள்ள வேண்டும். எனத் தெரிவித்த அரியரத்தினம்

நான் சாட்சியமளித்தமை தொடர்பில் கட்சியின் தலைவா் மாவை சோனாதிராஜா,  கூட்டமைப்பின் தலைவா் சம்மந்தன்  நாடாளுமன்ற உறுப்பினா் சுமந்திரன்  ஆகியோருக்கு விளக்கம் அளித்திருக்கிறேன் அவா்களும் அதனை ஏற்றுக்கொண்டுள்ளனர் எனவும் தெரிவித்தாா்

உங்கள் கருத்து

Name (required)

Email (required)

Website

உங்கள் கருத்தை பகிர்ந்து கொள்ளுங்கள்
English பாமினி உச்சரிப்பு