ரோகிங்யா முஸ்லிம்கள் மீதான படுகொலைகளை கண்டித்து காத்தான்குடியில் ஆர்ப்பாட்டம்


917216845muslim-Lமியன்மார் ரோகிங்யா இன முஸ்லிம்கள் மீதான படுகொலைகளை கண்டித்து காத்தான்குடியில் நேற்று (4) திங்கட்கிழமை பெண்கள் ஆர்ப்பாட்டத்தில் ஈடுபட்டனர்.

காத்தான்குடி பெண்களுக்கான வலுவூட்டலுக்கும் அபிவிருத்திக்குமான அமைப்பின் ஏற்பாட்டில் அதன் நிறைவேற்றுப் பணிப்பாளரும் காத்தான்குடி நகர சபை முன்னாள் உறுப்பினருமான சல்மா அமீர் ஹம்சா தலைமையில் இந்த ஆர்ப்பாட்டம் காத்தான்குடி பிரதேச செயலகத்திற்கு முன்னாள் நடைபெற்றது.

முஸ்லிம்கள் மீதான படுகொலைகளை கண்டிப்பதாகவும் இந்த படுகொலைகளை நிறுத்துமாறும் ஐக்கிய நாடுகள் மனித உரிமைகள் பேரவை உடனடியாக இதில் தலையிடுமாறும் இதன் போது வலியுறுத்தப்பட்டது.

இந்த ஆர்ப்பாட்டத்தில் சுலோகங்களை தாங்கி மௌன ஆர்ப்பாட்டத்தில் பெண்கள் ஈடுபட்டனர்.

ஆர்ப்பாட்ட இறுதியில் இலங்கை அரசாங்கம் மியன்மார் ரோகிங்யா முஸ்லிம்களுக்காக குரல் கொடுக்க வேண்டுமெனக் கூறி ஜனாதிபதிக்கு ஒரு மகஜரையும், ஐக்கிய நாடுகள் சபைக்கான மகஜர் ஒன்றையும் கையளித்தனர்.

காத்தான்குடி பிரதேச செயலாளர் எஸ்.எச்.முசம்மில் ஊடாக குறித்த மகஜரை கையளிக்க நடவடிக்கை எடுக்கப்பட்டது.

காத்தான்குடி பெண்களுக்கான வலுவூட்டலுக்கும் அபிவிருத்திக்குமான அமைப்பின் நிறைவேற்றுப் பணிப்பாளரும் காத்தான்குடி நகர சபை முன்னாள் உறுப்பினருமான சல்மா அமீர் ஹம்சா மகஜர்களை கையளித்தார்.

உங்கள் கருத்து

Name (required)

Email (required)

Website

உங்கள் கருத்தை பகிர்ந்து கொள்ளுங்கள்
English பாமினி உச்சரிப்பு