நீதிபதியை மாற்றுங்கள் – பஷில் மனு


1019098545basil_rajapaksaகொழும்பு மேல் நீதிமன்ற நீதிபதி கிஹான் குலதுங்க முன்னிலையில் விசாரிக்கப்படும் தனக்கு எதிரான வழக்கை, பிறிதொரு நீதிபதிக்கு மாற்ற உத்தரவிடுமாறு கோரி, முன்னாள் அமைச்சர் பஷில் ராஜபக்ஷ மேன்முறையீட்டு நீதிமன்றத்தில் மனுவொன்றை தாக்கல் செய்துள்ளார்.

இன்று குறித்த மனு பரிசீலணைக்கு எடுத்துக் கொள்ளப்பட்டது.

இதற்கமைய, எதிர்வரும் 26ம் திகதி இந்த விடயம் தொடர்பில் தகவல் அளிக்குமாறு, சட்டமா அதிபருக்கு மேன்முறையீட்டு நீதிமன்றம் நோட்டீஸ் அனுப்பியுள்ளது என, எமது செய்தியாளர் குறிப்பிட்டுள்ளார்.

கடந்த ஜனாதிபதித் தேர்தல் காலத்தில் திவிநெகும நிதியைப் பயன்படுத்தி, முன்னாள் ஜனாதிபதி மஹிந்த ராஜபக்ஷவின் உருவம் பொறிக்கப்பட்ட, 50 இலட்சம் பஞ்சாங்கங்கள் அச்சிடப்பட்டமை குறித்து, தனக்கு எதிராக சட்டமா அதிபரால் கொழும்பு மேல் நீதிமன்றத்தில் வழக்கு தாக்கல் செய்யப்பட்டுள்ளதாக, தனது மனுவில் பஷில் ராஜபக்ஷ சுட்டிக்காட்டியுள்ளார்.

இதற்கமைய, இந்த மனு தற்போது நீதிபதி கிஹான் குலதுங்க முன்னிலையில் விசாரிக்கப்பட்டு வருவதாகவும் அவர் கூறியுள்ளார்.

எதுஎவ்வாறு இருப்பினும், அண்மையில் சீல் துணி விவகாரம் குறித்த வழக்கில் தீர்ப்பளித்த அவர், கடந்த ஆட்சிக் காலத்தின் போது, அரச அதிகாரிகள் அழுத்தங்களுக்கு மத்தியில் செயற்பட்டு வந்ததாக நீதிமன்றத்தில் கருத்து வௌியிட்டார் எனவும் பஷில் குறிப்பிட்டுள்ளார்.

இதுபோன்ற கருத்துக்களை கூறும் நீதிபதியிடம் நியாயத்தை எதிர்பார்க்க முடியாது என தனது மனுவில் சுட்டிக்காட்டியுள்ள முன்னாள் அமைச்சர் பஷில் ராஜபக்ஷ, எனவே, தனக்கு எதிரான வழக்கை பிறிதொரு நீதிபதியிடம் மாற்ற உத்தரவிடுமாறு, மேன்முறையீட்டு நீதிமன்றத்திடம் கோரியுள்ளார்.

உங்கள் கருத்து

Name (required)

Email (required)

Website

உங்கள் கருத்தை பகிர்ந்து கொள்ளுங்கள்
English பாமினி உச்சரிப்பு