நாங்கள் பிரிவடைந்தால் அழிவு தான்


image_fbdac1b2deநாட்டின் ஆட்சியை தீர்மானிக்கும் வல்லமை தமிழ் மக்களிடம் இருப்பதனால், அந்த நிலைமையை தொடர வேண்டும். அந்த நிலைமையை உணர்த்தி தமிழ் மக்களுக்கான  அரசியல் தீர்வைப் பெற்றுக்கொடுக்க நாம் தூண்களாக செயற்பட வேண்டுமென்று தெரிவித்த எதிர்க்கட்சித் தலைவரும் தமிழ்த் தேசியக் கூட்டமைப்பின் தலைவருமான இரா.சம்பந்தன், நாங்கள் பிரிந்து நின்று, பிரிவடைந்தால் அழிவுதான் மிஞ்சும் என்றார்.

“எம் ஒற்றுமையை பேணிப்பாதுகாப்பதற்கும், எம்மிடையே பிரிவினையை ஏற்படுத்தாது ஒற்றுமையுடன் செயற்பட்டு எமது மக்களுக்கான தீர்வை பெற்றுக்கொடுக்க வழி வகுக்க வேண்டும்“ என்றும் வலியுறுத்தியுள்ளார்.

வடமாகாண முதலமைச்சரின் ‘நீதியரசர் பேசுகின்றார் ‘  எனும் நூல் வெளியீட்டு விழா, யாழ்ப்பாணம் வீரசிங்கம் மண்டபத்தில், நேற்று (24) நடைபெற்றது. இதில், சிறப்பு விருந்தினராக கலந்துகொண்டு உரையாற்றும் போதே அவர் மேற்கண்டவாறு தெரிவித்தார்.

அங்கு அவர் தொடர்ந்து உரையாற்றுகையில்,

“ஜனாதிபதி தேர்தலின் பின்னர் நானும், ரணிலும் ஜனாதிபதி மைத்திரிபால சிறிசேனவைச் சந்தித்தோம். எம்மை மஹிந்த ராஜபக்சவுடன் பேசுமாறு ஜனாதிபதி  கூறினார். நான் பேசினேன். “என்னோட தோல்விக்கு காரணம் நீயென மஹிந்த கூறினார்”. “அது நானில்லை. எமது மக்கள் தான் காரணம். தமிழ் மக்களின் புறக்கணிக்க முடியாது. தமிழ் மக்களின் ஆதரவைப் பெற்றால் தான் ஆட்சிக்கு வரலாம்” என்றார்.

“தமிழ் மக்களின் தேசிய பிரச்சினைக்கு ஒரு நிரந்தர அரசியல் தீர்வு. அந்த விடயத்தை இந்த சந்தர்ப்பத்தில் வலியுறுத்திறுவது மிகப் பொருத்தமானது. ஒரு நாடு சுதந்திரம் அடைவதற்கு முன்பதாக, அந்த நாட்டில் வாழ்கின்ற வேறுபட்ட மக்கள் மத்தியில் உள்ள அனைத்துப் பிரச்சினைகளுக்கும் தீர்வு காணப்பட்டு, அந்த தீர்வுகள் ஓர் அரசியல் சாசனத்தில் உள்ளடக்கப்பட்டு, நாடு சுதந்திரமடைவதற்கு முன்பதாக அவை நடைபெறும், ஆனால், துரதிஸ்டவசமாக இலங்கையைப் பொறுத்தவரையில் அவ்வாறான ஒரு நிகழ்வு நடைபெறவில்லை. நடைபெற்றிருந்தால், 98 ஆம் ஆண்டு தமிழர்களின் தேசியப் பிரச்சினைக்கு தீர்வு கிடைத்திருக்கும்” என்றார்.

“எமக்கு பூரண சுதந்திரம் வேண்டுமென கேட்டோம். நாடு சுதந்திரம் அடைவதற்கு முன்னர் சோல்பரி ஆணைக்குழுவிடம் பிராந்திய ஆட்சியைக் கேட்கவில்லை. சமஸ்டியை கேட்கவில்லை. நாங்கள் 50 ற்கு50 கேட்டோம்” என்றார்.

“ஒரே நாட்டுக்குள், பிராந்திய ரீதியாக எந்த அதிகாரத்தையும் கேட்கவில்லை.  தமிழ் பேசும் மக்கள் மிகவும் பெரும்பான்மையாக வாழ்ந்த பிரதேசங்களில் உள்ள சுதந்திரத்தின் அடிப்படையில், இறையாண்மையின் அடிப்படையில் பிராந்திய சுயாட்சி தேவை என்பதனை கேட்கவில்லை.  பிராந்திய சுயாட்சி கேட்டிருந்தால், இந்தப் பிரச்சினை அப்போது தீர்ந்திருக்கலாம், தீரவில்லை. பிரச்சினை தொடர்கின்றது” என்றும் அவர் குறிப்பிட்டார்.

“வடக்கு மாகாணத்தில் இன்று குடியேற்றங்கள்  இடம்பெறும் சூழலை அவதானிக்கின்றோம். அவை நிறுத்தப்படவேண்டும். பிராந்திய சுயாட்சியுடன், கணிசமான அதிகாரத்தைப் பெற்றிருந்தால், இவை அனைத்தையும் தவிர்த்திருக்க முடியும். இன்றைக்கு உள்ள பிரச்சினையை எதிர்கொள்ள வேண்டும். எதிர்நோக்க வேண்டும். நாடு பூராகவும், எல்லா மக்களைப் ; பொறுத்தவரையில், எவ்வாறான விதமாக இவற்றினை அடையப் போகின்றோம்.  சர்வதேச ரீதியாக, தமிழ் மக்கள் என்ற வகையில், விசேடமாக வடக்கு, கிழக்கில் எவ்வாறு அணுகப் போகின்றோம். என்பதனை தீர்மானிக்க வேண்டியது அத்தியாவசியம்” என்றார்.

“மாகாணங்களும் கூடிய அதிகாரங்களைக் கேட்கின்றர்கள். காணி, சட்டம் மற்றுமு் ஒழுங்கு அதிகாரம் தமக்குத் தர வேண்டுமென கேட்கின்றார்கள். மத்தியின் தலையீடு இருக்க கூடாது, ஆளுநரின் அதிகாரம் இருக்க கூடாது என கேட்கின்றார்கள். ஆளுநர் பதவி வேண்டாமென கேட்டிருக்கின்றார்கள். நாங்கள் எவரையும் பகைக்க வேண்டிய அவசியமில்லை. அனைவருடனும் நட்புறவினைப் பேண வேண்டும். நியாயத்தினை விளக்க வேண்டும். நீதியை விளக்க வேண்டும்.ஏனைய நாடுகளில் பல கலாசாரத்தினை எவ்விதமான ஆட்சி முறையை பின்பற்றுகின்றார்கள் என்பதனை விளக்க வேண்டும்” என்றார்.

“எமது நிலமைகள் தொடர்பாக தென்பகுதி மக்கள் அறிந்து வருகின்றார்கள். தென்பகுதி மக்களை அனைவரும் இனவாதிகள் என கருதக்கூடாது. இனவாதமற்றவர்களும் இருக்கின்றார்கள். சிறுபான்மை மக்களை நடாத்துவதற்கு இடமளிக்ககூடாது. அது அத்தியவசியமான தேவை” என்றார்.

“இன்று அரசியல் சாசனத்தை, உருவாக்குவதற்கு முயற்சி நடைபெற்றுக்கொண்டு வருகின்றது. அந்த முயற்சியை நடைமுறைப்படுத்தி, நிரந்தர அரசியல் தீர்வினைப் பெற்றுக்கொள்ள முடியுமானால், அந்த சந்தர்ப்பத்தை இழக்க கூடாது. எமது பங்களிப்பை செய்ய வேண்டும். அடிப்படை உரிமைகளை  விட்டுக்கொடுக்க முடியாது. எமது மக்களுக்கு போதிய பாதுகாப்பு, இறைமைய மற்றும்  தீர்வை பெற்றுக்கொடுக்கடிய வழி இருக்குமானால், அந்த சந்தர்ப்பத்தை இழக்க கூடாது. அவற்றை தெளிவாக புரிந்துகொள்ள வேண்டும்” என்றார்.

“சர்வதேசத்துக்கு ஒரு தார்மீக பொறுப்பு உள்ளது. தமிழீழ விடுதலைப் புலிகள் தமது மக்களின் விடுதலைக்காக விடுதலைப் போரட்டத்தை நடாத்தினார்கள். அந்த போராட்டத்தில் வெற்றி பெறவில்லை. அந்த முயற்சியில் நீதி இருந்தது. நியாயம் இருந்தது. அதை மறக்க முடியாது. தமிழ் மக்களின் உரிமைகள் வழங்கப்படவில்லை என ஆயுதப் போராட்டம் முன்னெடுக்கப்பட்டது. அதை சர்வதேச சமூகமும் ஏற்றுக்கொண்டது. ஆயுதப் போராட்டத்தை நிறைவுக்கு கொண்டு வருவதற்கு சர்வதேசம் உதவியது, தமிழீழ விடுதலைப் புலிகள் தடை செய்யப்பட்டார்கள். அவ்வாறான செயற்பாட்டின் காரணமாக தான் இலங்கை அரசாங்கம் தோற்கடித்தது. இதை அனைவரும் எற்றுக்கொள்ள வேண்டும்”என்றார்.

“இலங்கை அரசாங்கம் சர்வதேச வாக்குறுதியை கொடுத்தது. நியாயமான அரசியல் தீர்வை ஏற்படுத்துவோம் என வாக்குறுதியளித்தார்கள். தமிழீழ விடுதலைப் புலிகள் செயற்பட்ட காலத்தில் அரசியல் தீர்வு சம்பந்தமாக, இலங்கை அரசாங்கம் பல்வேறு முன்மொழிவுகளை முன்வைத்தது. அவ்விதமான தீர்வுக்கு இன்று பின்நிற்கின்றார்கள். இதை சர்வதேச சமூகம் புரிந்துகொள்ள வேண்டும்” என்றார்.

“சர்வதேச சமூகம் தார்மீக கடமை இருக்கின்றதென்பதனை சர்வதேச சமூகம் புரிந்துகொள்ள வேண்டும்.  நீதியான நியாயமான அரசியல் தீர்வை வழங்குவதற்கு சர்வதேச சமூகத்துக்கு  பாரிய பங்களிப்பு இருக்கின்றதென்பதனை சர்வதேச சமூகம் உணர்ந்துகொள்ள வேண்டும். இதிலிருந்து தவற முடியாது. தவறினால், அவர்களின் செயற்பாடு சர்வதேச ரீதியாக அhத்தமற்றதாக போய்விடும்” என்றார்.

“எமது மக்கள், இந்த நாட்டில் ஏற்படும் ஆட்சி முறை எமக்கு உகந்ததல்ல அவை மாற்றி அமைக்க வேண்டுமென கோரியிருந்தார்கள். 1960 ஆம் ஆண்டு முதல் எம்மீது ஆட்சி முறை திணிக்கப்பட்டது. எமது ஆதரவுடன் ஆட்சி முறை அமைக்கப்படவில்லை” என்றார்.

“சர்வதேச மனித உரிமைகள் பிரகடனத்தில் புறக்கணிக்கும் செயல். அதுதான் சர்வதேச பிரகடனம். இதை மாற்றி அமைப்பதற்கு சர்வதேச சமூகம் பங்களிப்புச் செய்ய வேண்டும். ஒற்றுமையாக இருக்க வேண்டும். ஒருமித்து நிற்க வேண்டும். ஒரு தூணாக நிற்க வேண்டும். 2015 ஆம் ஆண்டு ஜனாதிபதி தேர்தலின் பின்னர் பல மாற்றத்தை ஏற்படுத்தியுள்ளது. தமிழ் மக்கள் தமது ஒற்றுமையை மூலமாக நாட்டின் ஆட்சி நிர்ணயிக்க கூடியவல்லமை இருக்கின்றது. அந்த நிலமை தொடர வேண்டும். ஒற்றுமை பேணிப்பாதுகாக்க வேண்டும்.வேறுபட்ட கருத்துக்கள் இருக்கலாம், பேசித் தீர்க்க வேண்டும். வேறுபட்ட கருத்துக்கள் இருந்தாலும், ஒற்றுமையுடன் இருக்க வேண்டும்” என்றார்.

உங்கள் கருத்து
  1. BC on June 25, 2018 3:54 pm

    தங்களுக்குள் பிரிவு ஏற்பட்டால் தங்களுக்கு இலாபம் குறைவு என்பதால் ஒற்றுமையாகவே இருந்து தமிழர்களை நாசமாக்கும் செயற்பாடுகளை செய்ய போகிறார்கள்.


Name (required)

Email (required)

Website

உங்கள் கருத்தை பகிர்ந்து கொள்ளுங்கள்
English பாமினி உச்சரிப்பு