செய்திகள்

செய்திகள்

செய்திகள்

“அச்சமின்றி வாழக்கூடிய சூழ்நிலையை உருவாக்க ஊடகங்கள் பக்க பலமாய் இருத்தல் வேண்டும்’

sri-lanka-police00.jpgநாட்டில் சட்டத்தையும், ஒழுங்கையும் நிலைநாட்டி மக்கள் அச்சமும் பீதியுமின்றி வாழக்கூடிய சூழ்நிலையை உறுதிப்படுத்துவதில் ஊடகங்களும் பக்க பலமாய் இருத்தல் அவசியமாகுமென்று மத்திய மாகாண பிரதி பொலிஸ் மா அதிபர் பூஜித ஜயசுந்தர குறிப்பிட்டார். கம்பளை பொலிஸ் பிரிவுக்குட்பட்ட பொலிஸ் அதிகாரிகள் கலந்து கொண்ட கூட்டமொன்று கம்பளை நகர சபை கேட்போர் கூடத்தில் நடைபெற்ற போதே அவர் இவ்வாறு தெரிவித்தார்.

அங்கு அவர் தொடர்ந்து உரையாற்றுகையில்; ஊடகங்கள் சக்தி வாய்ந்தவை, நாட்டின் நிர்வாகத்துறைசார் நிறை குறைகளை சுட்டிக் காட்டும் ஊடகவியலாளர்களின் பணி தேசியப் பணியாகும். ஊடகங்களுடன் நெருக்கமாக செயற்படுவதன் மூலம் எனது பணிகளை இலகுவில் முன்னெடுக்க வழிவகுக்கின்றது.

பொலிஸ் பணி கௌரவமானது. மக்களின் அங்கீகாரம் பெற்ற பணியாகும். இதனால், தான் பொது மக்கள் பொலிஸாரின் சிறு தவறைக் கூட ஏற்றுக் கொள்ள முன்வருவதில்லை.

பொலிஸ் பணியை வேதனத்தைக் கொண்டு மதிப்பிடக்கூடாது. நாம் புரியும் பணி பணத்தால் அளவிடக் கூடியதல்ல. மக்கள் சேவையால் திருப்தி காண வேண்டும். பொலிஸ் சேவையின் மீது மக்கள் தேவையுடையவர்களாக இருக்கின்றனர். எனவே, சில சேவைகளை பொலிஸாரால் மாத்திரமே மேற்கொள்ள முடியம். இதனை வேறு எவராலும் மேற்கொள்ள முடியாது என்றார். இதில் கம்பளை பொலிஸ் பிரிவு சிரேஷ்ட பொலிஸ் அதிகாரி ரஞ்சித் கஸ்தூரி ரட்ன மற்றும் கம்பளை, நாவலப்பிட்டி, புசல்லாவ, கலஹா, குருந்துவத்தை பொலிஸ் நிலைய பொறுப்பதிகாரிகளும் கலந்து கொண்டனர்.

முதலீட்டுக் கம்பனிகளுக்கு குத்தகை அடிப்படையில் காணிகள்

kumarawelgama.jpgஇலங்கையில் முதலீடு செய்ய விரும்பும் முதலீட்டுக் கம்பனிகளுக்கு 50 வருட குத்தகை அடிப்படையில் காணிகளை ஒதுக்கிக்கொடுக்க அமைச்சரவை அங்கீகாரம் வழங்கியுள்ளது. இதற்கான பிரேரணையை முதலீட்டு அபிவிருத்தி அமைச்சர் குமார வெல்கம சமர்ப்பித்திருந்தார்.

ஒதுக்கப்படும் காணியில் 6 மாத காலங்களுக்குள் கைத்தொழில் முயற்சிக்கான கட்டிடங்கள் அமைக்கப்பட வேண்டும். இல்லையெனில் அக்காணிகளை மீளப் பெறும் அதிகாரமும் அமைச்சரவையால் வழங்கப்பட்டுள்ளது. இவ்வாறான கைத்தொழில் பேட்டைகள் ஏற்கனவே குருநாகல், புத்தளம்,  பொலன்நறுவை,  அம்பாறை,  திருகோணமலை, இரத்தினபுரி,  மாத்தளை,  கண்டி, காலி, மாத்தறை, ஹம்பந்தோட்டை, கொழும்பு மற்றும் கம்பஹா ஆகிய மாவட்டங்களில் அமைக்கப்பட்டுள்ளன.

பிரித்தானியாவில்,போர் நிறுத்தத்தை வலியுறுத்தி மாபெரும் ஆர்ப்பாட்டப் பேரணி

இலங் கையில் உடனடியானதும், நிரந்தரமானதுமான போர்நிறுத்தத்தை வலியுறுத்தி தமிழர் பேரவையின் ஏற்பாட்டில் மாபெரும் ஆர்ப்பாட்டப் பேரணி, பிரித்தானியா நேரப்படி இன்று பிற்பகல் 1.00 மணியளவில் ஆரம்பமாகியது.

ceasefire.jpg

இப்பேரணியில் பல பகுதிகளிலிருந்தும் பல்லாயிரக்கணக்கான மக்கள் திரண்டு நீண்ட ஆர்ப்பாட்ட ஊர்வலம் நடாத்தப்பட்டது. இந்த ஊர்வலம் பிரித்தானிய தமிழர்கள் தமது ஆதங்கத்தை பிரித்தானிய அரசக்கும் தமது எதிர்ப்பை இலங்கை அரசக்கும் வெளிப்படுத்தியுள்ளனர். இந்த ஆர்ப்பாட்ட ஊர்வலம் வன்னியில் யுத்த யுத்த்ததை நிரந்தரமாக நிறுத்தும்படி வற்புறுத்தியது.

சித்திரைப் புதுவருட காலத்தில் பாதுகாப்பு குறித்து கூடிய அவதானத்துடன் இருக்குமாறு பொலிஸ் மா அதிபர் வேண்டுகோள்.

igp-sl.jpgஎதிர்வரும் தமிழ் சிங்கள புதுவருட காலப்பகுதியில் புலிகளினால் மேற்கொள்ளப்படக் கூடிய நாசகார தாக்குதல்கள் குறித்து மிகுந்த எச்சரிக்கையுடன் இருக்குமாறு பொலிஸ் மா அதிபர் ஜயந்த விரமரட்ண பொதுமக்களுக்கு எச்சரிக்கை விடுத்துள்ளார்.

68, 863 மக்கள் விடுவிக்கப்பட்ட பகுதிக்கு வருகை

udaya_nanayakkara_brigediars.jpgபுலிகளின் கட்டுப்பாட்டை மீறி பாதுகாப்பு வலயத்தில் இருந்து மேலும் 200 பொது மக்கள் இன்று (ஏப். 11) காலை இராணுவ கட்டுப்பாட்டு பகுதிக்கு வந்து சேர்ந்துள்ளதாக படையினர் தெரிவித்துள்ளனர். புலிகளிடமிருந்து தப்பித்து இதுவரையில் 68, 863 பொதுமக்கள் அரச கட்டுப்பாட்டுக்கு வந்து சேர்ந்துள்ளதாக இராணுவ பேச்சாளர் பிரிகேடியர் உதய நாணயக்கார தெரிவித்துள்ளார். புலிகளின் கட்டுப்பாட்டில் உள்ள பாதுகாப்பு வலயத்தில் இருந்து வெளியேறி மக்கள் பாதுகாப்பாக  அரச கட்டுப்பாட்டிற்கு வருவதற்கான வழிகளை படையினர் அடையாளப்படுத்தி காட்டியுள்ளதாகவும் இதற்கென ஒலி பெருக்கிகள் மூலம் அறிவித்தல்களை தொடர்ந்து ஒலிக்க விட்டுள்ளதாகவும் அவர் கூறினார்.

இலங்கைக்கும் பெல்ஜியத்துக்குமிடையில் புரிந்துணர்வு ஒப்பந்தம்

chamal-rajapaksha.jpgகப்பல் சிப்பந்திகளுக்கு வழங்கப்படும் சான்றிதழ்களை ஏற்றுக்கொள்வது தொடர்பாக இலங்கைக்கும் பெல்ஜியத்துக்குமிடையில் புரிந்துணர்வு ஒப்பந்தம் ஒன்றைச் செய்துகொள்வதற்கு அமைச்சரவை அங்கீகாரம் வழங்கியுள்ளது.

இதற்கான பிரேரணையை துறைமுகங்கள் மற்றும் விமானசேவைகள் அமைச்சர் சமல் ராஜபக்ஷ சமர்ப்பித்திருந்தார். இதன்மூலம் பெல்ஜியத்தில் கப்பல் பணியாளர்களாக வேலை செய்வதற்கு இலங்கையர்களுக்கு வாய்ப்புக் கிடைக்கும் என எதிர்பார்க்கப்படுகிறது.

யாழ். மாவட்டத்தில் நேற்று 47.8 மில்லிமீற்றர் மழை

lighting.jpgயாழ். மாவட்டத்தில் நிலவிய கடும் வரட்சிக்குப் பின்னர் நேற்று வெள்ளிக்கிழமை கடும் மழை பெய்துள்ளது. காலை ஆறு மணி முதல் மாலை மூன்று மணி வரையான காலப்பகுதியில் 47.8 மில்லிமீற்றர் மழை பெய்திருப்பதாக திருநெல்வேலி வானிலை ஆய்வுநிலைய அதிகாரி தெரிவித்துள்ளார். நாடு முழுவதும் சீரற்ற காலநிலை நிலவும் அதேவேளை, யாழ். மாவட்டத்திலும் கடும் மழை பெய்திருப்பதாகவும் குடாநாட்டில் வானம் மப்பும் மந்தாரமுமாக இருப்பதால் தொடர்ந்து மழை பெய்யக் கூடிய சாத்தியம் காணப்படுவதாகவும் அவர் தெரிவித்துள்ளார். யாழ். மாவட்டத்தில் தற்போது பெய்துவரும் மழை சிறுதானிய செய்கையில் ஈடுபட்டுள்ள விவசாயிகளுக்குப் பெரும் நன்மை பயக்குமென தெரிவிக்கப்படுகிறது.

தொடரும் கடும் மழையினால் இடம்பெயர்ந்து பாதுகாப்பு வலயத்திலுள்ளோர் பெரும் அவலம்

rain-wanne.jpgதற்போது தொடரும் கடும் மழையினால் இடம்பெயர்ந்து பாதுகாப்பு வலயத்திலுள்ள மக்கள் மேலும் கஷ்ட நிலைக்குள் தள்ளப்பட்டுள்ளதாக முல்லைத்தீவு மாவட்ட மேலதிக அரச அதிபர் பா. பார்த்தீபன் தெரிவித்துள்ளதுடன், சிறுவர்களே இதனால் பெருமளவில் பாதிக்கப்படுவதாகவும் தெரிவித்தார். இடைநிலை காலநிலையினால் முல்லைத்தீவிலுள்ள புதுமாத்தளன், அம்பலவன் பொக்கணையில் நேற்று முன்தினம் வியாழக்கிழமை பிற்பகல் மழை பெய்தது.

அதேவேளை, நேற்று வெள்ளிக்கிழமை பரவலாக தொடராக மழை பெய்துவருகின்றது. இதனால் இடம்பெயர்ந்து கூடாரங்களில் உள்ள மக்கள் மேலும் நெருக்கடியை எதிர்கொண்டுள்ளனர். இடம்பெயர்ந்த மக்கள் தங்கியுள்ள கூடாரங்களிலுள்ள துவாரங்கள் காரணமாக ஒழுக்கு ஏற்பட்டு சிறுவர்களே அதிகளவில் பாதிக்கப்பட்டுள்ளனர்.

தற்போது உணவுப் பற்றாக்குறை காணப்படுகின்ற நிலையில் கடந்தவாரம் கப்பலில் வந்த 110 மெற்றிக்தொன் உணவுப் பொருட்களை விநியோகித்து வருகின்றோம். மேலும், உணவுப் பொருட்கள் தேவையாகவுள்ளது. இது தொடர்பாக சம்பந்தப்பட்ட தரப்பினருக்கு அறிவிக்கப்பட்டுள்ளது என்றும் அவர் மேலும் தெரிவித்தார்.

சீரற்ற காலநிலையால் கப்பல் திருமலை திரும்பியது

புதுமாத்தளன் பகுதியிலுள்ள அவசரமாக சிகிச்சை பெற வேண்டிய நோயாளர்கள் மற்றும் காயப்பட்டவர்களை புல்மோட்டைக்கு அழைத்துவரும் நோக்கில் புறப்பட்ட சேருவில கப்பல் சீரற்ற காலநிலை காரணமாக திரும்பிவிட்டது. நேற்று முன்தினம் வியாழக்கிழமை இரவு திருகோணமலையிலிருந்து சர்வதேச செஞ்சிலுவைச் சங்க வழித்துணையுடன் சேருவில கப்பல் சென்றது. இக்கப்பல் நேற்று காலை 7 மணியளவில் புதுமாத்தளன் கரையை அடைந்ததாக முல்லைத்தீவு மாவட்ட சுகாதார பணிப்பாளர் டாக்டர் ரி. வரதராஜா தெரிவித்தார்.

எனினும், காலநிலை சீரின்மையால் கடல்கொந்தளிப்பையடுத்து நோயாளர்களையும் காயப்பட்டவர்களையும் கப்பலில் ஏற்றுவது சிரமமானதென்பதால் அக்கப்பல் பிற்பகல் 2 மணிக்கு திருமலை நோக்கி புறப்பட்டதாக அவர் மேலும் தெரிவித்தார். இதேவேளை, புதிதாக நேற்று வெள்ளிக்கிழமை மாலை இக்கப்பலில் கொண்டுவரப்படும் அவசர மேலதிக சிகிச்சைக்காக அழைத்துவரப்படுவோருக்கென புல்மோட்டை கள வைத்தியசாலை தயார் நிலையில் வைக்கப்பட்டிருந்ததாக ஆஸ்பத்திரி வட்டாரங்கள் தெரிவித்தன.

ஐ.நாவுடன் விடுதலை புலிகளுக்குத் தொடர்பு:அரசாங்கம்

un-logo.jpgவன்னியில் விடுவிக்கப்படாதிருக்கும் பாதுகாப்பு வலயங்களுக்குள் இருக்கும் விடுதலைப் புலித் தலைவர்கள் ஐக்கிய நாடுகள் சபையுடன் தொடர்பில் உள்ளமை தெரியவந்திருப்பதாக இலங்கை அரசாங்கம் தெரிவித்துள்ளது.

“நோர்வேயின் சர்வதேச அபிவிருத்தி அமைச்சர் எரிக் சொல்ஹெய்ம், ஆர்ப்பாட்டத்தில் ஈடுபட்ட தமிழர்களிடம், விடுதலைப் புலிகளின் தலைவர்கள் முல்லைத்தீவிலுள்ள பாதுகாப்பு வலயத்தில் இருந்துகொண்டு ஐக்கிய நாடுகள் சபையுடன் தொடர்புகளைப் பேணி வருகின்றனர் எனக் கூறியதாக செய்திகள் வெளியாகியுள்ளன” என ஜனாதிபதி செயலகம் வெள்ளிக்கிழமை வெளியிட்ட அறிக்கையில் குறிப்பிட்டுள்ளது.

ஐக்கிய நாடுகள் அதிகாரிக்கும், தமிழீழ விடுதலைப் புலிகளுக்கும் இடையில் தொலைபேசியில் நடந்த உரையாடலுக்கு நோர்வே ஏற்பாடு செய்து கொடுத்ததாக வெளியான குற்றச்சாட்டுக்களை நோர்வேக்கான தூதுவர் மறுத்திருந்தார். இந்த நிலையிலேயே விடுதலைப் புலிகளுக்கு இன்னமும் ஐ.நாவுடன் தொடர்பிருப்பதாக அரசாங்கம் கூறியுள்ளது.