ஜெயபாலன் த

Friday, June 25, 2021

ஜெயபாலன் த

தேசம்நெற் ஈழ நண்பர்கள் திரைக்கலை ஒன்றியத்தின் 7 வது திரையிடல் நிகழ்வில் 5 குறும்படக் காட்சிகள்

Film_Screeningதேசம் நெற் இணையத்தளமும் ஈழ நண்பர்கள் திரைக்கலை ஒன்றியமும் இணைந்து வழங்கும் 7வது திரையிடல் நிகழ்வு சேர்பிற்றன் சறேயில் இடம்பெறவுள்ளது. யூன் 12 மாலை ஆறு மணிக்கு ஆரம்பமாகவுள்ள இத்திரையிடல் நிகழ்வில் சதா பிரணவனின் இடி முழக்கம், பொன் சுதாவின் நடந்த கதை, பிரேமா சந்தானகுலத்தின் நோய் வீதி, ஜ வி ஜனாவின் மூன்று இரவு நாலு பகல், பாஸ்கரின் நதி ஆகிய படங்கள் திரையிடப்பட உள்ளது. இத்திரைப்படங்கள் இந்தியாவிலும் ஜரோப்பிய திரைப்பட விழாக்களிலும் பரிசில்கள் பெற்றன என்பது குறிப்பிடத்தக்கது.

2008 முதல் தேசம்நெற்றும் ஈழ நண்பர்கள் திரைப்படக் கழகமும் ஏற்பாடு செய்துவரும் குறும் திரைப்பட முயற்சிகளின் 4வது காட்சி நிகழ்வாக இது அமைகிறது. புலம்பெயர் சினிமாத்துறையை ஊக்குவிக்கும் வகையில் நடத்தப்பட்டு வரும் மற்றுமொரு குறுந்திரைப்படக் காட்சி இதுவாகும்.

தேசம்நெற் ஈழநண்பர்கள் திரைப்படக் கழகத்தின் காட்சியிடலில் உங்கள் படைப்புகளையும் காட்சிப்படுத்தி கலந்துரையாடலை மேற்கொள்ள விரும்புபவர்கள் தேசம்நெற்றுடன் தொடர்பு கொள்ளவும்.

7வது திரையிடல் நிகழ்வு:
     காலம்: 12.06.2010
     நேரம்:  மாலை 6 மணி
     இடம்: The Cornerhouse, 116 Douglas Road, Surbiton, Surrey.

    படத்தின் பெயர்                              நேர அளவு         இயக்குனர்

1) இடி முழக்கம்                                  21 நிமிடம்            சதா பிரணவன்

2) நடந்த கதை                                    23 நிமிடம்            பொன் சுதா

3) நோய் வீதி                                       20 நிமிடம்            பிரேமா சந்தானகுலம்

4) மூன்று இரவு – நாலு பகல்     21 நிமிடம்            ஜ.வி. ஜனா

5) நதி                                                         8 நிமிடம்            பாஸ்கர்

படங்கள் குறித்த நேரத்திற்கு ஆரம்பிக்கப் படும். சிற்றுண்டி- பானம் அத்துடன் இராப் போசனமும் வழங்கப்படும்.

கடந்த திரையிடல் நிகழ்வில் இலாபமாக வந்த £50.00  மன்னாரில் உள்ள பார்வை குறைந்த சிறுவர்களுக்கு கண்ணாடி வழங்குவதற்காக அனுப்பி வைத்துள்ளோம்.

அன்பளிப்பு: £5.00  தனிநபர். சிறுவர்கள் அனுமதி இலவசம்.

தொடர்புகளுக்கு: ஆர் புதியவன்     07988  589 923
                                     த ஜெயபாலன்    07800  596 786

பிபிசி உலகசேவையில் முடிவுற்ற யுத்தம் பற்றிய நான்கு நாள் சிறப்பு நிகழ்ச்சி

Stephen_Sackur_HardTalkபிபிசி தொலைக்காட்சியின் உலக சேவையின் முக்கிய நிகழ்ச்சிகளில் ஒன்றான ஹாட் ரோக் இலங்கையின் வடபகுதியில் பதிவாக்கப்பட்டு உள்ளது. இன்று யூன் 7 முதல் நான்கு நாட்களுக்கு இலங்கை பற்றிய விசேட நிகழ்ச்சி தயாரிக்கப்பட்டு உள்ளது. கடந்த 30 ஆண்டுகால யுத்தத்தை இலங்கையரசு முடிவுக்கு கொண்டு வந்த முறை யுத்தத்தின் பின்னான சூழல் இனமுரண்பாட்டின் எதிர்காலம் ஆகிய விடயங்கள் இந்நிழ்ச்சியில் ஆராயப்பட இருப்பதாகத் தெரியவருகின்றது.

நான்கு நாள் நிகழ்ச்சியில் முதல் நாள்: ”தமிழர்களும் முறிந்த வடக்கும் – Tamils and the broken north” என்ற பதிவு இடம்பெறுகின்றது. இதில் ஹாட் ரோக் நிகழ்ச்சி வழங்குனர் ஸ்ரிபன் சக்கர் இராணுவ அதிகாரிகள் பாதுகாப்பு அமைச்சுச் செயலாளர் இன்னமும் காடுகளினுள் மறைந்துள்ள விடுதலைப் புலிகள் யுத்தத்தில் தப்பி வந்த பொதுமக்கள் ஆகிய பல்வேறு தரப்பினருடனுமான நேர்காணல்களின் தொகுப்பு இடம்பெற இருக்கின்றது.

இரண்டாம் நாள் நிகழ்ச்சி: ”அச்சத்தின் கீழ் ஜனநாயகம் – Democracy under threat” என்ற தலைப்பில் ராஜபக்ச சகோதரர்களிடம் குவிந்துள்ள அதிகாரங்கள் பற்றிய பதிவாக இது வருகின்றது.

முன்றாம் நாள் நிகழ்ச்சி ”தனது வாழ்க்கையை மீளக்கட்டமைக்கும் குழந்தைப் போராளி – Former Tiger child soldiers rebuilding their lives.” யின் கதையாக வருகின்றது.

இறுதியாக நான்காம் நாள் நிகழ்ச்சியில் இலங்கையில் மிகுந்த ஆளுமையும் அதிகாரமும் நிறைந்தவரான ஜனாதிபதியின் சகோதரர் பாதுகாப்பு அமைச்சுச் செயலாளர் கோதபாய ராஜபக்ச ஹாட் ரோக்கின் ஹொட் சீற்றில் அமர்த்தப்படுகிறார். கோதபாய ராஜபக்சவுடனான நேர்காணல்.

இந்நிகழ்ச்சிகளை ஹாட் ரோக் நிகழ்ச்சிக்காக ஸ்ரிபன் சக்கர்க்கு வடக்கே யுத்தம் நடைபெற்ற பகுதிகளுக்கு அனுமதி வழங்கப்பட்டதாக பிபிசி தெரிவித்து உள்ளது.

HARDtalk நிகழ்ச்சி நேரம்:
BBC NEWS CHANNEL (UK): Mondays, Tuesdays, Wednesdays and Fridays – 0430 and 2330
BBC WORLD NEWS: Mon to Thurs – 03:30, 08:30, 15:30, 20:30

தமிழ் தேசியத்தின் போராளி மகரசிங்கம் காலமானார்!

Maharasingam_Sதமிழ்த் தேசியத்தின் போராளியான மகரசிங்கம் இன்று (யூன் 4 2010ல்) காலமானார். யாழ்ப்பாணம் மானிப்பாயைப் பிறப்பிடமாகக் கொண்ட இவர் இலங்கை இனப் பிரச்சினை காரணமாக புலம்பெயர்ந்த மிக ஆரம்பகாலத்தவர் ஆவார். தென்கிழக்கு லண்டனில் உள்ள மருத்துவ இல்லத்தில் தனது 87வது வயதில் உயிர் நீத்துள்ளார்.

பிரித்தானியாவில் தமிழ் தேசியத்திற்கான போராட்டங்களை முன்னெடுத்ததில் மகரசிங்கம் குறிப்பிடத்தக்கவர். இவரே பிரித்தானியாவில் தமிழ் மக்கள் மீதான இனஒடுக்குமுறைக்கு எதிராக முதன் முதலில் தொடர்ச்சியான உண்ணாவிரதப் போராட்டத்தை முன்னெடுத்தவர்.

Maharasingam_Sபிரித்தானியாவுக்கு தமிழ் மக்கள் அரசியல் தஞ்சம்கோரிப் புலம்பெயர்ந்த போது அவர்களுக்கான உதவி நடவடிக்கைகளிலும் இவர் ஈடுபட்டுள்ளார். தமிழ் அக்சன் கொமிட்டி என்ற அமைப்பை உருவாக்கி அதனூடாக அரசியல் தஞ்சம் கோரிப் புலம்பெயர்ந்தோருக்கு உதவிகளையும் ஒத்துழைப்பையும் வழங்கி வந்தார். தமிழ் மக்கள் மீதான இனஒடுக்குமுறைக்கு எதிராகவும் அகதிகள் எதிர்நோக்குகின்ற பிரச்சினைகள் தொடர்பாகவும் மகரசிங்கம் ஐநா வின் வெவ்வேறு பிரிவுகளில் தொடர்ச்சியாகக் குரல்கொடுத்து வந்தவர்.

1980க்களின் இறுதிப்பகுதியில் பிரித்தானியத் தமிழர்களின் பிரதிநிதியாகத் தன்னை அறிவித்துக் கொண்ட மகரசிங்கம் அதற்கான கையெழுத்து வேட்டையையும் நடாத்தி இருந்தார். தமிழீழ விடுதலைப் புலிகளின் தலைமை வன்னியில் இருந்திருந்தால் மகரசிங்கம் அவர்கள் நாட்டுப் பற்றாளராக கெளரவிக்கப்பட்டு இருப்பார்.

சாதி மத இன பேதங்களைக் கடந்து லிற்றில் எய்ட் கரம் கொடுக்கின்றது.

Little_Aid_Gambaha_May262010அண்மை யில் இலங்கையில் குறிப்பாக தென்பகுதியில் இடம்பெற்ற வெள்ளப் பெருக்கினால் பாதிக்கப்பட்டவர்களுக்கு லிற்றில் எய்ட் சிறு உதவி நடவடிக்கை ஒன்றை மேற்கொண்டிருந்தது. மே 26ல் லிற்றில் எய்ட் உதவியாளர்கள் கம்பகா மாவட்டத்தில் வெள்ளப் பெருக்கினால் பாதிக்கப்பட்டு சித்தாவத்த என்ற பகுதியில் தங்கியிருந்த 175 குடும்பங்களுக்கு சிறு உதவி நடவடிக்கையை மேற்கொண்டனர். 55 000ரூபாய் (335 பவுண்) செலவில் மேற்கொண்டது. சென் ஜோசப் தேவாலயத்தின் வணக்கத்திற்குரிய அருட் தந்தை ஆயந்த வித்தான இக்குடும்பங்களுக்கான உணவுப் பொதிகளை விநியோகித்தார். http://littleaid.org.uk/little-aid-sends-food-aid-to-flood-victims-in-the-gampaha-district-sri-lanka

ரகம நிகம்பு ஆகிய பகுதிகளுக்கான பிரிதான மருத்துவமனையான பாமுகம வைத்தியசாலைக்கான மருந்துப் பொருட்களை விநியோகிப்பதற்கும் லிற்றில் எய்ட் முயற்சிகளை மேற்கொண்டு உள்ளது. இம்மருந்துப் பொருட்கள் லிற்றில் எய்ட்டின் நீர்கொழும்பு களஞ்சியசாலையில் இருந்து சென் ஜோசப் தேவாலயத்திற்கு அனுப்பப்பட்டு அங்கிருந்து பாமுகம வைத்தியசாலையின் தேவைக்கு ஏற்ப விநியோகிக்கத் திட்டமிடப்பட்டு உள்ளது. அம்மருந்துப் பொருட்கள் டென்மார்க்கின் எல்லையற்ற வைத்தியர் அமைப்பினால் லிற்றில் எய்ட் க்கு வழங்கப்பட்டு இருந்தது தெரிந்ததே. http://www.youtube.com/watch?v=t1kzvHn_GqM

லிற்றில் எயட் அண்மையில் (மே 18ல்) தனது ஓராண்டைக் கடந்து பயணத்தை தொடர்கிறது. வன்னி யுத்தத்தில் இருந்து மீண்ட மக்களுக்கு மரக்கறி வகைகளை வழங்குவதில் ஆரம்பிக்கப்பட்ட அதன் உதவி நடவடிக்கைகள் ஓராண்டில் 1.54 மல்லியன் டொலர் மதிப்புள்ள மருந்துவகைகளை டென்மார்க் எல்லையற்ற  மருத்துவர் அமைப்பினூடாகப் பெற்று இலங்கையில் பெரும்பாலும் வடமாகாணத்தில் உள்ள மருத்துவமனைகளுக்கு விநியோகம் செய்தது. இவற்றினைவிடவும் பல்வேறு உதவித் திட்டங்களை மேற்கொண்டு வருவதுடன் புலம்பெயர் நாடுகளில் உள்ள தாயக மக்களுக்கு உதவக் கூடிய அமைப்புகளை அங்கு உதவி வேண்டியவர்களுடன் தொடர்புகளை ஏற்படுத்தி விடுவதிலும் அதற்கான ஆணுசரணைகளை மேற்கொள்வதிலும் லிற்றில் எய்ட் தொடர்ச்சியாக ஈடுபட்டு வருகின்றது.

மேலும் யுத்தத்தில் பாதிக்கப்பட்ட இராணுவ வீரர்களுக்கான கணணி நிலையம் ஒன்றையும் பனாங்கொட புனர்வாழ்வு மையத்தில் லிற்றில் எய்ட் அமைத்துக் கொடுக்கும் முயற்சிகள் மேற்கொள்ளப்பட்டு உள்ளது. இதன் வைபவரீதியான நிகழ்வு யூன் 6ல் ஏற்பாடு செய்யப்பட்டு உள்ளது.

வன்னி யுத்தத்தின் முடிவில் ஆரம்பிக்கப்பட்டு உள்ள லிற்றில் எய்ட் அமைப்பு சாதி, மத, இன பேதங்களைக் கடந்து இலங்கையில் உள்ள அனைத்து சமூகங்களின் புனர்வாழ்வு நடவடிக்கையிலும் தன்னால் முடிந்த அளவு உதவிகளை மேற்கொண்டு வருகின்றது. லிற்றில் எய்ட் அமைப்பின் கணக்கியல் கோவை மற்றும் அதன் உதவி நடவடிக்கைகளின் வெள்ப்படைத் தன்மை அதன் நம்பகத்தன்மையை வலுப்படுத்தி வருகின்றது. http://littleaid.org.uk/

மனித உரிமை அரசியல் : த ஜெயபாலன்

Nelson_Mandela”ஒடுக்குமுறையும் அதற்கான எதிர்ப்பும் நிகழ்ந்த காலத்தில் ஏற்பட்ட காயங்கள் ஆழமானவை. உண்மை அறியும் மீளுறவை ஏற்படுத்தும் ஆணைக்குழுவினால் மட்டும் அவை குணப்படுத்தக் கூடியவையல்ல. எங்களுடைய பொது மனிதத்துவத்தை இழிவுபடுத்துகின்ற இன அடிப்படையில் ஒருவரில் இருந்து ஒருவரைப் பிரிக்கின்ற அமைப்புமுறையில் இருந்தும் எங்களை ஒடுக்கப்படுபவர்களாகவும் ஒடுக்குமுறையாளர்களாகவும் ஒருவரை ஒருவர் எதிர்க்கின்றதில் இருந்தும் நாங்கள் எங்களை விடுவிக்க வேண்டும்.”
நெல்சன் மண்டேலா, October 29 1998

_._._._._

வருமுன் காப்பதே மிகச் சிறந்த அரசியல் இராஜதந்திரம். ஆனால் வந்த பின் அதனை வைத்து அரசியல் செய்வதற்கும் ஒரு பிரிவினர் உள்ளனர். வருமுன் காக்கப்பட வேண்டியதில் மனித உரிமைகளும் விதிவிலக்கல்ல. மனித உரிமைகள் ஏனைய அனைத்து உரிமைகளிலும் முதன்மையானது. எந்த உரிமைகளுக்காகவும் மனித உரிமைகளை பணயம் வைக்க முடியாது. நாம் வாழ்கின்ற உலகு சமத்துவமான உலகல்ல. ஏற்றத் தாழ்வுகளையுடைய, முரண்பாடுகள் நிறைந்த, ஒடுக்குமுறைகள் தலைதுக்கி நிற்கின்ற உலகு. இதுவே மனித உரிமை மீறல்களுக்கான விளைநிலமாக உள்ளது. இதற்கு மேற்குலகு முதல் மூன்றாம் உலகு வரை விதிவலக்கல்ல. இங்கு மனித உரிமை மீறல்களின் அளவும் கொடூரமும் வேறுபடுகின்றனவே அல்லாமல் அடிப்படையில் மனித உரிமை மீறல்கள் நிகழ்கின்றது. நிகழ்த்தப்படுகின்றது.

இலங்கை சுதந்திரமடைந்த அதே ஆண்டு 1948ல் ஐக்கிய நாடுகள் சபை சர்வதேச மனித உரிமைப் பிரகடனத்தை அறிவித்து நடைமுறைக்கு கொண்டு வந்தது. ஆனாலும் இலங்கை உட்பட உலகின் பல்வேறு பாகங்களிலும் பல்வேறு வடிவங்களில் மனித உரிமைகள் தொடர்ச்சியாக மீறப்பட்டுக்கொண்டே உள்ளது. மனித உரிமைகள் பற்றிய விழிப்புணர்வு முயற்சிகள் மேற்கொள்ளப்பட்டாலும் மனித உரிமைகள் மீறப்படுவதைத் தடுத்து நிறுத்த முடியவில்லை. முரண்பாடுகளை வன்முறையற்ற வழிமுறைகளில் தீர்ப்பதற்கான காத்திரமான முயற்சிகள் மேற்கொள்ளப்படாததன் விளைவு முரண்பாடுகள் கூர்மையடைந்து மிக மோசமான முறையில் மனித உரிமைகள் மீறப்படுவதில் முடிவடைகின்றது.

இவ்வாறு மனித உரிமைகள் மோசமாக மீறப்படுகின்ற சூழலிலும் மனித உரிமைகளைக் கண்காணிக்கின்ற அமைப்புகள் அதனை மீறுகின்ற நாடுகளுக்கோ அமைப்புகளுக்கோ எதிராக நடவடிக்கை எடுக்கின்ற அதிகாரத்தைக் கொண்டிருக்கவில்லை. ஐக்கிய நாடுகள் சபையிலும் மனித உரிமைக் கண்காணிப்பு என்பது அறிக்கை தயாரித்தலுடன் மட்டுப்படுத்தப்படுகின்றது. அறிக்கைகளுக்கு அப்பால் சென்று மனித உரிமைகளை மீறுகின்ற நாடுகளுக்கு எதிராக நடவடிக்கை எடுப்பது என்பது அரசியல் சார்ந்ததாகி விடுகின்றது. மே 28 2009ல் ஐக்கிய நாடுகள் சபையின் மனித உரிமைக் கவுன்சிலில் இலங்கை தொடர்பாக நிறைவேற்றப்பட்ட தீர்மானம் என்பது மனித உரிமை அமைப்புகளின் நடவடிக்கைகள் எவ்வளவுதூரம் அரசியல் சார்ந்தது என்பதற்கு மிகச் சிறந்த எடுத்துக்காட்டு.

இலங்கை அரச படைகளின் மனித உரிமை மீறல்களுக்கு எதிராக ஐக்கிய நாடுகள் மனித உரிமைகள் கவுன்சிலில் மேற்கு நாடுகளின் கூட்டினால் கொண்டுவரப்பட இருந்த தீர்மானம், இலங்கை அரசின் இராணுவ வெற்றியை வரவேற்கும் தீர்மானமாக மாற்றப்பட்டது. இலங்கை அரச படைகளின் யுத்தக் குற்றங்களுக்கு எதிராக பலத்த எதிர்பார்ப்புடன் கொண்டு வரப்பட இருந்த இத்தீர்மானம் புஸ்வாணமாகியது. மாறாக தமிழீழ விடுதலைப் புலிகளின் பிடியிலிருந்து தமிழ் மக்களை விடுவித்ததை பாராட்டும் வகையில் தீர்மானம் நிறைவேற்றப்பட்டது. இலங்கை அரசைப் பாராட்டும் தீர்மானத்திற்கு சாதகமாக 29 நாடுகள் வாக்களித்தன. எதிராக 12 நாடுகள் மட்டுமே வாக்களித்தன. 47 உறுப்பினர்களைக் கொண்ட இந்த மனித உரிமைக் கவுன்சிலில் 6 நாடுகள் வாக்களிப்பில் கலந்துகொள்ளவில்லை.

தீர்மானத்திற்கு ஆதரவாக வாக்களித்தவர்கள்: 29 நாடுகள் – Angola, Azerbaijan, Bahrain, Bangladesh, Bolivia, Brazil, Burkina Faso, Cameroon, China, Cuba, Djibouti, Egypt, Ghana, India, Indonesia, Jordan, Madagascar, Malaysia, Nicaragua, Nigeria, Pakistan, Philippines, Qatar, Russian Federation, Saudi Arabia, Senegal, South Africa, Uruguay, and Zambia.

தீர்மானத்திற்கு எதிராக வாக்களித்தவர்கள்: 12 நாடுகள் – Bosnia and Herzegovina, Canada, Chile, France, Germany, Italy, Mexico, Netherlands, Slovakia, Slovenia, Switzerland, and United Kingdom.

வாக்களிப்பில் கலந்து கொள்ளாதவர்கள்: 6 நாடுகள் – Argentina, Gabon, Japan, Mauritius, Republic of Korea, and Ukraine.

இவ்வாறு மனித உரிமைகள் என்பது அரசியல் சார்ந்தே நிர்ணயிக்கப்படுகின்றது.

Omar_al_Bashirசுடானின் டாபூர் பிரதேசத்தில் ஒமர் ஹசன் அகமட் அல் பசீரின் ஆட்சிக்காலத்தில் 200,000 முதல் 400,000 பேர்வரை கொல்லப்பட்டனர். அல் பசீருக்கு எதிராக சர்வதேச குற்றவியல் நீதிமன்றம் போர்க் குற்றங்கள் மற்றும் மனித்துவத்திற்கு எதிரான குற்றங்களுக்காக மார்ச் 4 2009ல் பிடியாணையை விதித்தது. ஆனாலும் 2010 ஏப்ரல் 26ல் அல் பசீர் மீண்டும் சூடானின் ஜனாதிபதியாகத் தெரிவு செய்யப்பட்டு ஆட்சியை நடத்துகின்றார். சர்வதேச நீதிமன்றத்தின் பிடியானை அர்த்தமற்றதாக்கி உள்ளது.

மனித உரிமைகள் மோசமாக மீறப்பட்டு சர்வதேசத் தலையீட்டுடன் தனிநாடுகளாகத் தங்களை அமைத்துக் கொண்டவை ஈஸ்ற் தீமோரும் கொசோவோவும். இவ்விரு நாடுகளிலும் இலங்கையில் இடம்பெற்றது போன்று அரச இராணுவத்துடன் ஒரு யுத்தத்தை மேற்கொள்கின்ற தமிழீழ விடுதலைப் புலிகள் போன்ற கட்டமைக்கப்பட்ட பலமான இராணுவம் யுத்தத்தில் ஈடுபட்டு இருக்கவில்லை. கிழக்கு தீமோரில் இந்தோனேசிய இராணுவமும் கொசோவோவில் யுகோஸ்லோவிய படைகளும் மோசமான இன அழிப்பு மற்றும் மனித உரிமை மீறல்களில் ஈடுபட்டன. கிழக்கு தீமோரில் அவுஸ்திரேலியாவும் கொசோவோவில் நேட்டோ நாடுகளும் அங்கு இடம்பெற்ற மனித உரிமை மீறல்களை தங்கள் அரசியல் நலனுக்கு சாதகமாக்கிக் கொண்டன. மேலும் கிழக்கு தீமோரும் கொசோவோவும் அமைந்திருந்த புவியியல் அமைவு, மற்றும் சர்வதேச அரசியல் சூழலும் அதற்கு இயைவாக அமைந்தது.

Kosova_Today_Eelam_Tommorrowஅதேசமயம் நேரடியான ஒடுக்குமுறையாளர்களாக இருந்த இந்தோனேசிய அரசிடம் இருந்தும் யுகோஸ்லாவிய அரசிடமிருந்தும் கிழக்கு தீமொரும் கொசோவோவும் விடுதலை பெற்றமை ஓடுக்கப்பட்ட தேசங்களைப் பொறுத்தவரை சாதகமாக அமைந்தது. இதனை முற்றிலும் மாறுபட்ட அரசியல் புவியியல் சூழலுடைய இலங்கையிலும் பிரதியீட செய்து தமிழீழம் பிரித்தெடுக்கப்படும் என்று தனிநாட்டு மனக்கோட்டை கட்டியவர்கள் பலர். தங்கள் மனக்கோட்டைக்கு பல்லாயிரக் கணக்கான வன்னி மக்களை இவர்கள் பலியிட்டனர்.

இந்த மனித உரிமை அரசியலின் அடிப்படையிலேயே இலங்கையில் இடம்பெற்ற மனித உரிமை மீறல்களையும் பார்க்க வேண்டியுள்ளது. இலங்கை சுதந்திரம் அடைந்தது முதல் அங்கு மனித உரிமைகள் மீறப்பட்டே வந்துள்ளது. தமிழ் மக்களின் மொழியுரிமை பறிக்கப்பட்டு மலையக மக்களின் வாழ்வுரிமை பறிக்கப்பட்டு, இலங்கையின் தென்பகுதியில் இடம்பெற்ற கிளர்ச்சிகளும் கடந்த மூன்று தசாப்தங்களாக தமிழீழ விடுதலைப் போராட்டமும் வன்முறை மூலம் ஒடுக்கப்பட்டு பல்லாயிரக் கணக்கானோரின் உயிர்வாழ்வதற்கான உரிமையும் பறிக்கப்பட்டு உள்ளது. இதன் உச்சமே மே 18 2009 வரை இடம்பெற்ற மனித அவலம்.

இயற்கை அனர்த்தங்களால் மோசமான அழிவுகள் இடம்பெற்று வருகின்றது. இந்த இயற்கை அனர்த்தங்களை தடுக்கின்ற ஆற்றல் மனித சமூகத்திற்கு அப்பாற்பட்டது. இயற்கை அனர்த்தங்கள் ஏற்படுத்துகின்ற அழிவை மட்டுப்படுத்த முடியுமே அன்றி தடுக்க முடியாது. ஆனால் மனித உரிமை மீறல்கள் ஏற்படுத்துகின்ற அவலங்கள் மனித சமூகத்தாலேயே மனிதத்துவத்திற்கு எதிராக மேற்கொள்ளப்படுகின்ற வன்முறை. இதனை முழுமையாகத் தடுப்பதற்கு மனித சமூகத்தால் முடியும். எப்போதும் வருமுன் காப்பதற்கான நடவடிக்கைகளில் ஈடுபடுவதே அறிவார்ந்த செயல். மனித உரிமை மீறல்களுக்கு இட்டுச்செல்லக் கூடிய சூழல் தவிர்க்கப்பட வேண்டும்.

Rwandan_Genocideஆனால் மனித உரிமை மீறல்கள் இடம்பெற்று அவலங்கள் நிகழ்ந்த பின் அதற்கு எதிராக மேற்கொள்ளப்படுகின்ற அரசியல் முனைப்பு அம்மனித உரிமை மீறல்கள் இடம்பெறாது தடுப்பதற்கு காட்டப்படவில்லை. இந்த மோசமான தவறு 1994ல் ருவாண்டாவில் இடம்பெற்றது. ருட்சி – குற்ரு இனக்குழுக்களுக்கு இடையே இனமுரண்பாடு கூர்மையடைந்திருந்த ருவாண்டாவில் ருவாண்டாவின் குற்ரு இன ஜனாதிபதியும் புரூன்டி ஜனாதிபதியும் பயணம் செய்த விமானம் சுட்டுவீழ்த்தப்பட்டதையடுத்து இனப்படுகொலை ஆரம்பிக்கப்பட்ட நிலையில் ஐநா படைகளில் 10 பேர் கொல்லப்பட்டதையடுத்து ஐநா தனது படைகளை விலத்திக்கொண்டது. ருவாண்டாவின் மனித அவலத்தில் சர்வதேசம் பார்வையாளராக மட்டுமே இருந்தது. ஏப்ரல் 6 1994ல் முதல் 100 நாட்களில் 800,000 பெரும்பாலும் ருட்சி இனத்தவர்கள் கொல்லப்பட்டனர்.

Kofi_Annan_2004ருவாண்டா படுகொலையின் 10வது ஆண்டு நினைவு மாநாட்டில் கலந்துகொண்ட அப்போதைய ஐநா செயலாளர் நாயகம் கொபி அனன் “The international community failed Rwanda and that must leave us always with a sense of bitter regret. – சர்வதேச சமூகம் ருவாண்டா விடயத்தில் தவறு செய்துவிட்டது. அது எங்களை எப்பொதும் கவலைகொள்ள வைக்கின்ற உணர்வை விட்டுச்சென்றுள்ளது.” எனத் தெரிவித்தார். ருவாண்டா படுகொலையின் போது கொபி அனன் ஐநா அமைதிப்படைக்கு தலைமை ஏற்றிருந்தமை குறிப்பிடத்தக்கது.

Romeo_Dallaire_UN_Rawanda_PKFஅதே மாநாட்டில் உரையாற்றிய ருவான்டாவில் இருந்த சிறிய அமைதிகாக்கும் படைக்கு தலைமை தாங்கிய Lieutenant General Romeo Dallaire வருமாறு தனது அதிருப்தியை வெளியிட்டார். “I still believe that if an organisation decided to wipe out the 320 mountain gorillas there would be still more of a reaction by the international community to curtail or to stop that than there would be still today in attempting to protect thousands of human beings being slaughtered in the same country. – நான் இப்பொழுதும் நம்புகின்றேன், ஒரு குழு மலைகளில் உள்ள 320 கொரில்லாக்களை இல்லாமல் ஒழிக்க முடிவெடுத்தால், சர்வதேச சமூகம் இன்றும் அதே நாட்டில் உள்ள ஆயிரக் கணக்கான மனித உயிர்கள் கொல்லப்படுவதில் இருந்து பாதுகாக்கப்படுவதைக் காட்டிலும் கூடுதலான கவனத்தை அந்த கொரில்லாக்கள் கொல்லப்படுவதைதத் தடுப்பதில் காட்டும்.”

ருவாண்டா படுகொலைகளில் இருந்து ஏதாவது கற்றுக்கொள்ளப்பட்டது என்று கூறிவிட முடியாது. ருவாண்டா படுகொலைகள் நிகழ்ந்த 15 ஆண்டுகளுக்குப் பின்னரே இலங்கையில் மற்றுமொரு மனித அவலம் நிகழ்ந்து உள்ளது. ஏன் இவ்வாறான மனித உரிமை மீறல்களைத் தடுக்க முடியவில்லை என அப்போதைய கனடிய வெளிவிவகார அமைச்சர் Bill Graham, இவ்வாறு கூறுகின்றார். “We lack the political will to achieve the necessary agreement on how to put in place the type of measures that will prevent a future Rwanda from happening. – எதிர்காலத்தில் ருவான்டாவில் நிகழ்ந்தது போன்றதொன்று நிகழாமலிருப்பதை தடுப்பதற்கான நடவடிக்கைகளை முன்வைப்பதற்கான உடன்பாட்டை எட்டுவதற்கான அரசியல் விருப்பு எங்களிடம் குறைவாகவே உள்ளது.” மனித உரிமை அரசியலின் யதார்த்தத்தை அப்போதைய கனடிய வெளிவிவகார அமைச்சர் மேற்கூறியபடி வெளிப்படுத்தி இருந்தார்.

தமிழீழ விடுதலைப் போராட்டம் ஆயுத வடிவம் எடுத்ததும் இலங்கை அரசு இனமுரண்பாட்டை இராணுவ ரீதியிலே கையாள முற்பட்டதும், இலங்கை மனித உரிமை மீறல்களின் விளைநிலமாகியது ஆச்சரியப்படுவதற்கில்லை. மே 18 2009 வரை இலங்கையில் இடம்பெற்ற மனித உரிமை மீறல்களில் இலங்கை அரசும் ஆயுதம் ஏந்திய தமிழ் குழுக்களும் தம் பங்கைக் கொண்டுள்ளன. இம்மனித உரிமை மீறல்களை முற்றாக தவிர்த்திருக்கக் முடியாது போனாலும் வெகுவாக அதனை மட்டுப்படுத்தி இருக்க முடியும்.

சர்வதேச மனித உரிமைக் கோட்பாடுகளை ஏற்றுக்கொண்டு அதனை தனது அரசியலமைப்பிலும் கொண்டுள்ள இலங்கை அரசு மனித உரிமைகளுக்கு மதிப்பளிக்கவில்லை.

TE_LTTE_Pirabaஇலங்கை அரசு பேரினவாத ஒடுக்குமுறை அரசு என்று கூறிக்கொண்டு தமிழ் மக்களின் விடுதலைக்குப் போராடப் புறப்பட்ட விடுதலை அமைப்புகள் இலங்கை அரசின் மனித உரிமை மீறல்களிலும் பார்க்க மோசமான மனித உரிமை மீறல்களை தமிழ் மக்கள் மீதும் சக போராளிக் குழுக்களின் மீதும் சக இனமக்களின் மீதும் மேற்கொண்டன. இவ்வகையான மனித உரிமை மீறல்கள் மே 18 2009 வரை இலங்கை அரசினாலும் அதற்கு ஆதரவாக ஆயுதக் குழுக்களினாலும் தமிழீழ விடுதலைப் புலிகளினாலும் பரவலாக மேற்கொள்ளப்பட்டு இருந்தது. இதன் ஒட்டுமொத்த விளைவாக பல்லாயிரக் கணக்கானவர்கள் கொல்லப்பட்டனர். இந்த எண்ணிக்கை கூட அவரவர் அரசியல் நோக்கத்திற்கு ஏற்ப ஆறாயிரத்தில் இருந்து ஐம்பதினாயிரம் வரை மதிப்பிடப்படுகின்றது.

யுத்தம் எப்போதுமே மிகக் கொடுமையானது. யுத்தத்தில் முதலில் பலியாக்கப்படுவது உண்மை. இப்போது யுத்தம் முடிவடைந்து ஓராண்டு ஆகியும் யுத்தத்தில் இடம்பெற்ற உண்மைகள் வெளிவரவில்லை. இந்த யுத்தத்தில் இடம்பெற்ற உண்மைகளை ஆராய்வதில் அதனைக் கண்டறிவதில் இலங்கை அரசுக்கோ அதன் ஆதரவாளர்களுக்கோ தமிழீழ விடுதலைப் புலிகளுக்கோ அதன் ஆதரவாளர்களுக்கோ எவ்வித அக்கறையும் இல்லை. இவர்களுடைய கவனம் முழுவதும் எதிர்த் தரப்பை அரசியல் ரீதியாக முறியடிக்க மனித உரிமையைப் பயன்படுத்த முற்படுகின்றனர்.

ஓகஸ்ட் 25 2009ல் சிஙகளம் பேசுகின்ற சீருடையில் உள்ளவர்கள் பத்துப் பேர் வரை அவர்களின் கண்களைக் கட்டி நிர்வாணமாக்கி சுட்டுக் கொள்கின்ற காட்சி பிரித்திhனியாவின் சனல் 4 தொலைக்காட்சியில் ஒலிபரப்பப்பட்டது. (http://link.brightcove.com/services/player/bcpid1529573111) இதே போன்று மற்றுமொரு இளைஞர் சித்திரவதை செய்யப்பட்டு கொல்லப்படுகின்ற காட்சி படங்களாக மே 2010ல்  வெளிவந்தள்ளது. இக்கொடுரங்கள் 2009 ஜனவரியில் நிகழ்ந்ததாக தெரிவிக்கப்பட்டும் உள்ளது. மேலும் மே 18 2010ல் பிரித்தானிய சனல் 4 செய்திக்கு பேட்டியளித்துள்ள யுத்த களத்தில் நின்ற முன்னிலை இராணுவ வீரர் சரணடைந்த பொது மக்களையும் புலிகளையும் சித்திரவதை செய்ததாகவும் கொலை செய்ததாகவும் தெரிவித்துள்ளார். வே பிரபாகரனின் 13 வயது மகன் பாலச்சந்திரன் பிரபாகரன் தன்னுடைய மெய்பாதுகாவலர்களுடன் சரணடைந்த போது தகப்பனின் இருப்பிடத்தைக் கேட்டு சித்திரவதை செய்த பின்னர் சுட்டுக்கொல்லப்பட்டதாகவும் அந்த இராணுவ வீரர் தெரிவித்துள்ளார்.

மே 21 2009ல் தேசம்நெற்றில் வெளியான இந்தியாவின் ‘?’ மிகப்பெரும் துரோகம்!! பிரபா உட்பட புலிகளின் தலைவர்கள் அவர்களின் குடும்பங்கள் சரணடைந்த பின்னரேயே கொல்லப்பட்டு உள்ளனர்!!! த ஜெயபாலன் என்ற கட்டுரையில் இது பற்றி விரிவாக எழுதப்பட்டு உள்ளது. மேலும் மே 17 2009ல் நேரம் நெருக்குகின்றது! புலிகள் யாரிடம் சரணடைவது? : த ஜெயபாலன்என்ற கட்டுரையில் சரணடைய உள்ள தமிழீழ விடுதலைப் புலிகளின் போராளிகளுக்கு உள்ள ஆபத்தையும் சுட்டிக்காட்டி இருந்தேன்.

இவற்றுக்கு சில மாதங்களுக்கு முன்னதாகவே தமிழீழ விடுதலைப் புலிகள் ஆயுதங்களைக் கைவிட்டு பேச்சு வார்த்தைக்குச் செல்ல வேண்டியதன் அவசியத்தையும் வலியுறுத்தி இருந்தேன். ஏப்ரல் 16 2009ல் வெளியான கட்டுரையில் புலிகளின் கையில் ஆயுதம் எதற்கு என்ற கேள்வியை ”புலிகள் ஆயுதங்களைக் கைவிடுவது நிரந்தரத் தீர்வுக்கு அவசியம்” பிரான்ஸ் – பிரித்தானிய வெளிவிவகார அமைச்சர்கள் அறிக்கை – புலிகளின் கையில் ஆயுதம்? : த ஜெயபாலன் என்ற தலைப்பில் எழுதி இருந்தேன். பெப்ரவரி 23 2009ல் ”எமது மக்களது பாதுகாப்பின் நிமிர்த்தமே ஆயுதம் தரித்தோம், ஆகையால் அவர்கள் பேரில் அவற்றினை களையவும் தயாராக இருக்க வேண்டும்.” : ரவி சுந்தரலிங்கம் என்ற தலைப்பில் வெளியான கட்டுரையில் ரவி சுந்தரலிங்கத்தின் நேர்காணல் வெளியானது. இதே போன்று பெப்ரவரி 06 2009ல் ”ஆயுதங்களை சர்வதேச கண்காணிப்பில் வைத்துவிட்டு புலிகள் பேச்சுவார்த்தைக்கு முன்வருவதை வரவேற்கிறோம்” சிவாஜிலிங்கம் – நேர்காணல் : ரி சோதிலிங்கம் & த ஜெயபாலன் என்று சிவாஜிலிங்கம் வழங்கிய நேர்காணல் தேசம் நெற்றில் வெளியானது.

இவை எல்லாவற்றுக்கும் மேலாக 2008 நவம்பரிலேயே இலங்கை அரசு யுத்தத்தை நிறுத்த வேண்டும் என்றும் தமிழீழ விடுதலைப் புலிகள் பணயக் கைதிகளாக தடுத்து வைத்துள்ள மக்களை வெளியேற அனுமதிக்க வேண்டும் என்ற தொனிப் பொருளில் தெருநாடகம் ஒன்றை தேசம்நெற் நடத்தி இருந்தது.

Pearl_Logoவன்னி இறுதி யுத்தத்தில் இடம்பெற்ற அவலங்களைத் தடுப்பதற்கு குறைந்தபட்சம் அதன் அவலத்தை மட்டுப்படுத்துவதற்கு பல்வேறு வாய்ப்புகளும் சந்தர்ப்பங்களும் இருந்தும் அவையெல்லாம் புறக்கணிக்கப்பட்டது. இன்று மனித உரிமைகள் மீறப்பட்டதற்கு எதிராகக் குரல் கொடுப்பவர்கள் அன்று யுத்த களத்தின் யதார்த்தத்தை ஏற்கமறுத்து அடம்பிடித்தனர். இன்னும் சொல்லப்போனால் யுத்தகளத்தில் இருந்து மக்களை வெளியேற்றுவதற்கு சர்வதேசம் முயற்சிகள் எடுக்க முயன்றபோது அதற்கு எதிராக அறிக்கைகள் கூட வெளியிடப்பட்டது. யுத்தத்தின் கோரத்தில் சிக்குண்ட மக்களுக்கு அதுவே அவர்களின் பூர்விக மண் என்றும் அங்கிருந்து அவர்களை வெளியேற்ற வேண்டாம் என்றும் இந்த அமைப்புகள் அறிக்கைகளை வெளியிட்டது. முல்லை மக்களை யுத்த பிராந்தியத்தில் இருந்து வெளியேற்ற வேண்டாம்! பாதுகாப்பு வலயத்தை விரிவுபடுத்துங்கள்!!! அமெரிக்கத் தமிழ் அமைப்பு PEARL : த ஜெயபாலன் என்ற மார்ச் 3 2009ல் வெளியான செய்திக்கட்டுரையில் ‘முல்லைத்தீவின் யுத்த பிராந்தியத்தினுள் சிக்குண்ட மக்களை வெளியேற்றுவதற்கு அமெரிக்கா உதவக் கூடாது’ என People for Equality and Relief in Lanka (PEARL) என்ற அமைப்பு கேட்டுக்கொண்டு உள்ளது. ‘மாறாக பாதுகாப்பு வலயத்தை விரிவுபடுத்தவும்’ என்று அவ்வமைப்பு கேட்டுக்கொண்டு உள்ளது. இலங்கை இராணுவம் பாதுகாப்பு வலயம் என்று அறிவித்துள்ள பகுதிகளிலேயே தாக்குதலை மேற்கொண்டு பல நூற்றுக் கணக்கான வன்னி மக்கள் கொல்லப்பட்டும் காயப்பட்டும் உள்ள நிலையில் PEARL நேற்று இந்த வேண்டுகோளை விடுத்து உள்ளது.’ என்று சுட்டிக்காட்டப்பட்டு இருந்தது.

இன்று மனித உரிமைகள் பற்றி பேசுகின்ற தமிழ் ஊடகங்கள் மற்றும் அமைப்புக்கள் பெரும்பாலும் அன்று யுத்தத்தின் உண்மைத் தகவல்கள் மக்களைச் சேரவிடாமல் இருட்டடிப்புச் செய்தன. யுத்தத்திற்கு வெளியே இருந்த தமிழ் மக்கள் களநிலவரம் பற்றிய மயையிலேயே வைக்கப்பட்டனர். இதனால் இந்த ஊடகங்களின் குறுகிய அரசியல் நோக்கங்களது வலையில் இம்மக்கள் வீழ்த்தப்பட்டனர். அதனால் அவர்களால் வன்னி மக்களை அவலத்தில் இருந்து மீட்க முடியாதது மட்டுமல்ல தங்களை அறியாமலேயே வன்னி மக்களின் அழிவுக்கு இம்மக்களும் உடந்தையாக்கப்பட்டனர்.

இலங்கை சுதந்திரம் அடைந்தது முதல் இலங்கை அரசு தமிழ் மக்களின் அடிப்படை மனித உரிமைகளை படிப்படியாக மீறிவந்திருக்கின்றது. இதன் காரணமாகவே தமிழ் மக்கள் பல்வேறு போராட்டங்களை முன்னெடுத்து இறுதியில் தமிழ் தலைமைகள் தாங்கள் தமிழ் மக்களுக்கு விடுதலையைப் பெற்றுக்கொடுப்போம் என்றும் அதற்கு தாங்களே ஏகபோக தலைமை என்றும் அறிவித்தனர். இந்தச் சூழலில் தமிழ் மக்களின் மனித உரிமைகளைப் பாதுகாப்பதற்கான பொறுப்பை யாருடன் யுத்தம் புரிகின்றோமோ அவர்களிடம் ஒப்படைக்க முடியுமா? அதனால் தமிழ் மக்களின் மனித உரிமைகளைப் பாதுகாக்கின்ற, தக்க வைக்கின்ற பொறுப்பு தமிழ் தலைமைகளுக்கும் தமிழ் ஊடகங்களுக்கும் தமிழ் அமைப்புகளுக்கும் உரியது. இந்தப் பொறுப்புக்களை பொறுப்பற்ற விதத்தில் தட்டிக்கழித்தது மட்டுமல்ல தமிழ் மக்களின் மனித உரிமைகளைப் பாதுகாக்க வேண்டியவர்களே அம்மக்களின் உரிமைகளை மட்டுமல்ல அம்மக்களையே பணயம் வைத்து யுத்தம் புரிந்தனர்.

இன்றும் இந்த உண்மையை இருட்டடிப்புச் செய்து கொண்டு எதிரியிடம் நியாயம் சொல்லும்படி மனித உரிமை மீறல் குற்றச்சாட்டுக்களை வைக்கின்றனர். எதிரியிடம் நியாயம் கேட்கும் தமிழ் அரசியல் தலைமைகள் இன்னமும் தமது சொந்த மக்களுக்கு நியாயம் சொல்லவில்லை. ‘ஏன் பேச்சுவார்த்தைகளைக் குழப்பினீர்கள்? ஏன் யுத்தத்திற்குச் சென்றீர்கள்? ஏன் வன்னிக் குழந்தைகளை பலாத்காரமாக இழுத்துச் சென்றீர்கள்? ஏன் யுத்த பிரதேசத்திற்குள் மக்களை பலாத்காரமாகத் தடுத்து வைத்தீர்கள்? ஏன் யுத்தத்தில் இருந்து தப்பியோடிய மக்களைச் சுட்டுக் கொன்றீர்கள்?’ ஏன் இது பற்றியெல்லாம் தமிழ் தேசியக் கூட்டமைப்பின் 22 பாராளுமன்ற உறுப்பினர்களும் அன்று வாய் திறக்கவில்லை?’

இந்த நாடுகடந்த தமிழீழம் குழுவும் வட்டுக்கோட்டைக் குழுவும் தமிழீழ விடுதலைப் புலிகளின் பிரச்சாரப் பீரங்கிகளும் மௌனம் காத்து வன்னி மக்களுக்கு மிகப்பெரும் துரோகம் இழைத்தனர். எதிரியிடம் கேட்ட நியாயத்தில் சிறிதளவையாவது தமிழீழ விடுதலைப் புலிகளை நோக்கியும் தங்களை நோக்கியும் கேட்டு இருந்தால், இந்த உண்மைகளை அன்றே வெளியே கொண்டுவந்திருந்தால் இந்த இழப்புகளை முற்றாகத் தடுத்திருக்காவிட்டாலும் பெருமளவில் மட்டுப்படுத்தி இருக்கலாம்.

ஆனால் எதிரியிடம் நியாயம் கேட்பதற்கு இருந்த வெளி தங்கள் சொந்தத் தலைமைகளிடம் கேட்பதற்கு இருக்கவில்லை என்பதே யதார்த்தம். தமிழ் மக்கள் இலங்கை அரசுக்கு எதிராக மேற்கொண்ட போராட்டங்களுக்கு எண்ணற்ற நியாயங்கள் இருந்தது. இன்றும் இருக்கின்றது. ஆனால் தமிழ் தலைமைகளின் பெரும்பாலான தமிழ் ஊடகங்களின் தமிழ் அமைப்புகளின் குறுகிய அரசியல் நலன்களும் வறட்டுத்தனமான அரசியலுமே அந்த நியாயங்கள் அனைத்தையும் சிதைத்து வெறும் மனித அவலத்தை வைத்து அரசியல் செய்கின்ற கீழ்த்தரமான நிலையை ஏற்படுத்தியது.

LTTE_Training_Civiliansமே 18 2009 முள்ளிவாய்காலுக்கு முன்னதாக இருந்த தமிழீழ விடுதலைப் புலிகளின் ஆதரவு அரசியல் மையத்தை சற்று பார்ப்பது இங்கு பொருத்தமானது. மாவிலாறு அணையை மூடுவதற்கு முன்னதாகவே மக்களை ஆயுத மயப்படுத்துகிறோம் மக்களுக்குப் பயிற்சி அளிக்கின்றோம் என்ற புகைப்படங்கள் வீடியோ காட்சிகள் வெளிவரத் தொடங்கியது. மாவிலாறு அணை மூடப்பட்டு யுத்தத்திற்கு அழைப்பு விடப்படுகின்றது. சர்வதேசம் எங்கும் தமிழ் மக்கள் வாழும் நகரங்களில் பொங்கு தமிழ் நடாத்தி யுத்தத்திற்கான முரசு கொட்டப்படுகின்றது. வெளிநாடுகளில் வாழும் தமிழர்களுக்கு வேண்டுமானால் யுத்தம் என்பது அவர்களின் குழந்தைகள் விளையாடும் ‘எலக்ரோனிக் கேம்’ அக இருக்கலாம். ஆனால் தாயக மக்களுக்கு யுத்தம் என்பது இரத்தமும் சதையும் கொண்ட அவலம். மனித உரிமைகளை ஒட்டுமொத்தமாக மீறுவதற்கான விளைநிலம் தான் யுத்தகளம். இந்த யுத்தகளத்தை அமைத்துவிட்டு மனித உரிமை மீறல்கள் பற்றிப் பேசுவது பிள்ளையைக் கிள்ளிவிட்டு தொட்டிலை ஆட்டுவதைப் போன்றது.

யுத்த முரசு கொட்டிய போதும் யுத்தத்தின் ஆரம்பக் கட்டத்திலும் மனித இழப்புகளும் அவலங்களும் பற்றிக் கேள்விகளை எழுப்பிய போது இவர்கள் மனித உரிமைகளுக்காக குரல்கொடுக்கவில்லை. ‘விடுதலைப் போராட்டத்தில் இவை தவிர்க்க முடியாதவை. இரத்தம் சிந்தாமல் விடுதலை அடைய முடியாது.’ என்றெல்லாம் இவர்கள் ழுழங்கி யுத்த வேள்விக்கு நெய்வார்த்தனர்.

Kosovo_Tamil_Eelamபின்னர் தமிழ் மக்களின் இழப்புகள் அதிகரித்த வேளையில் கொசோவோ, கிழக்கு தீமோர் ஆகிய நாடுகளில் இடம்பெற்ற அவலங்களை முன்வைத்து வன்னி மக்களை யுத்த வேள்விக்கு பலியிடவும் தயாராய் இருந்தனர். தமிழ் மக்களின் மனித அவலம் மோசமாக மோசமாக கொசோவோ, கிழக்கு தீமோர் போன்று சர்வதேசம் தலையிட்டு தமிழ் மக்களுக்கு விடுதலை பெற்றுத்தரும் என்றும் விளக்கம் தரப்பட்டது. தமிழ் மக்கள் மனித அவலத்தின் உச்சியில் இருந்த போது தமிழீழ விடுதலைப் புலிகள் சார்பான தமிழ் தலைமைகளும் ஊடகங்களும் அமைப்புகளும் தமிழீழத்தை நெருங்கிவிட்டதாகவே பிரச்சாரம் செய்தன. வன்னி மக்கள் யுத்த அவலத்தின் வலியில் துடித்துக் கொண்டிருந்த அப்போதும் இவர்கள் மனித உரிமை மீறல்கள் பற்றிப் பேசவில்லை.

மே 18 2009ல் யுத்தம் முடிவுக்கு வந்து தற்போது ஓராண்டு ஆகியுள்ள வேளையில் கோமாவில் இருந்து எழும்பியவர்கள் போன்று மனித உரிமைகள் மீறப்பட்டுவிட்டதாக கோசம் எழுப்புகின்றனர். தமிழீழ விடுதலைப் புலிகள் சார்பான தமிழ் தலைமைகளும் ஊடகங்களும் அமைப்புகளும் இன்று எழுப்புகின்ற மனித உரிமை மீறல் தொடர்பான கோசங்கள் அவர்களின் அரசியல் இருப்பை தொடர்ந்தும் தக்க வைப்பதற்காக தங்கள் குறுகிய அரசியல் நலன்களையும் வியாபாரங்களையும் பேணுவதற்காக வைக்கப்படுகின்ற கோசங்களே. இவர்கள் மனித அவலத்தை அரசியலாக்கி மீண்டும் ஒரு மனித அவலத்திற்கு வித்திடக் கூடியவர்கள்.

அதேசமயம் இலங்கையில் வன்னி யுத்தம் உட்பட இதுவரை மீறப்பட்டு வந்த மனித உரிமைகள் தொடர்பான தமிழ், முஸ்லீம், சிங்கள மக்களின் நியாயமான குரல்கள் வலுப்படுத்தப்பட்டு அவர்களுக்கான நியாயங்கள் கிடைப்பதற்கான வழி மேற்கொள்ளப்பட வேண்டும். இந்த சமூகங்களிடையே நிரந்தர சமாதானத்தை ஏற்படுத்துவதற்கு சமூகங்களிடையே பரஸ்பர நம்பிக்கையையும் மீளுறவும் ஏற்படுத்தப்பட வேண்டும். இந்த மக்களுக்கு ஏற்பட்ட இழப்புகள் அவலங்களுக்கு நியாயம் கிடைக்க வேண்டும் என்பது வெறுமனே நீதி கிடைப்பது ஆகாது. நீதி என்பதும் ஒரு வகையில் பழிவாங்குவதே.

நூறுநாட்கள் ருவாண்டாவில் இடம்பெற்ற ருட்சி இனத்தவர்களின் படுகொலைகள் 1994 யூலை அளவில் குற்ரு அரசு சரிந்து Rwandan Patriotic Front (RPF) ருட்சி அரசு ஆட்சியைக் கைப்பற்றியதைத் தொடர்ந்து முடிவுக்கு வந்தது. 1994ல் நூறுநாட்களில் இடம்பெற்ற இனப்படுகொலைகள் தொடர்பில் 120 000 பேர் சிறைகளில் அடைக்கப்பட்டனர். விசாரணைகளை மேற்கொள்ள 100 வருடங்கள் ஆகும் என மதிப்பிட்ட ஆர்பிஎப் அரசு குறைந்த குற்றம் இழைத்த 20 000 பேரை 2003ல் விடுதலை செய்தது. 2004ல் குற்றங்களை ஒப்புக் கொண்ட 30 000 பேர் விடுதலை செய்யப்பட்டனர். அவர்கள் ஏற்கனவே ஒன்பது ஆண்டுகள் சிறையில் இருந்துள்ளனர். இவ்வாறு குற்றத்தை ஒப்புக்கொண்டு மன்னிப்புக் கேட்பவர்கள் விடுவிக்கப்பட்டனர். தேர்ச்சி பெற்ற சட்டத்துறை சார்ந்தவர்கள் அல்லாமல் கிராமப் பெரியவர்களின் தலைமையில் தொகையாக வழக்குகள் விசாரிக்கப்பட்டது. ஆனாலும் 1994 யூலையில் ஆர்பிஎப் அரசமைத்ததை அடுத்து 2 மில்லியன் குற்ரு இனத்தவர்கள் கொங்கோவில் தஞ்சம் புகுந்தனர். அங்கிருந்து குற்ரு ஆயுதக் குழுக்கள் யுத்தத்தில் ஈடுபட்டு உள்ளன. இதில் 5 மில்லயன் பேர் கொல்லப்பட்டு உள்ளனர். கொன்கோலிஸ் ருட்சி ஆயுதக் குழுவும் தாக்குதல் நடவடிக்கைகளில் ஈடுபட்டு உள்ளது. தாங்கள் ஆயுதத்தை வைத்தல் தங்கள் மக்கள் அழிக்கப்பட்டு விடுவார்கள் என அவர்கள் கருதுகின்றனர்.

ஒரே மொழி பேசுகின்ற ஒரே ஒரே பாரம்பரியத்தையுடைய ஒரே பிராந்தியத்தில் வாழ்பவர்களான ருட்சி – குற்ரு சமூகக் குழுக்களால் மீளுறவை ஏற்படுத்திக் கொள்ள முடியவில்லை. அங்கு இனப்படுகொலைக்கு உள்ளான ருட்சி இனத்தவர்களே ஆட்சியைக் கைப்பற்றிய போதும் நீதி விசாரணைகள் மேற்கொள்ளப்பட்டு தண்டனைகள் வழங்கப்பட்ட போதும் அங்கு இனமுரண்பாடு இன்னமும் கூர்மையாகவே உள்ளது. 1994 இனப்படுகொலையில் கொல்லப்பட்டது போன்று ஐந்து மடங்கு மக்கள் 5 மில்லியன் வரை கொல்லப்பட்டு உள்ளனர். இவர்களில் பாதிக்கப்பட்ட சாட்சிகள் பலரும் தேடிக் கொல்லப்பட்டனர்.

இந்த வகையில் தென்னாபிரிக்காவில் மேற்கொள்ளப்பட்ட Truth and Reconciliation Commission – உண்மை அறியும் மீளுறவை ஏற்படுத்தும் ஆணைக்குழு ஒரு முன்னுதாரணமாகும். 21000 சாட்சியங்களின் வாக்குமூலங்களுடன் 3500 பக்கங்களில் தயாரிக்கப்பட்டு கையளிக்கப்பட்ட இவ்வாணைக்குழுவின் அறிக்கை வெளிவருவதை தென்னாபிரிக்காவின் இனஒடுக்குமுறை அரசின் அதிபராக இருந்த டிபிள்யு டி கிளார்க், இன ஒடுக்குமுறைக்கு எதிராகப் போராடிய ஆபிரிக்க தேசிய காங்கிரஸ் ஆகிய இரு தரப்பினருமே எதிர்த்தனர், அவ்வறிக்கை வெளியிடப்படுவதற்கு எதிராக சட்ட நடவடிக்கையிலும் இறங்கினர். இவ்வறிக்கை எவ்வித பாரபட்சமும் இன்றி சகல தரப்பினர்களாலும் மேற்கொள்ளப்பட்ட மனித உரிமை மீறல்களை வெளிக்கொண்டுவந்தது. இம்மனித உரிமை மீறல்களில் டபிள்யு டி கிளார், வின்னி மண்டேலா உட்பட முக்கிய அரசியல் புள்ளிகளினது பாத்திரம் வெளிச்சத்திற்கு கொண்டுவரப்பட்டது.

Nelson_Madela_and_Desmond_TuTuஉண்மையறியும் மீளுறவை ஏற்படுத்தும் ஆணைக்குழுவின் தலைவர் அச்பிசப் டெஸ்ட்மன் ருரு ”Fellow South Africans, accept this report as a way – an indispensible way – to heal. – சக தென்னாபிரிக்கர்கள் இந்த அறிக்கையை ஏற்பட்ட காயங்களில் இருந்து குணம் அடைவதற்கான வழியாக தவிர்க்க முடியாத ஒரே வழியாகக் கொள்ள வேண்டும்” என இவ்வறிக்கையை அப்போதைய தென்னாபிரிக்காவின் அதிபர் நெல்சன் மண்டேலாவிற்கு கையளிக்கும் போது தெரிவித்தார். இந்த அறிக்கையை ஏற்றுக்கொண்டு கருத்து வெளியிட்ட நெல்சன் மண்டேலா “The wounds of the period of repression and resistance are too deep to have been healed by the TRC alone. We are extricating oursleves from a system which that insulted our common humnaity by dividing us from one another on the basis of race and setting us against each other, as oppressed and oppressor. – ”ஒடுக்குமுறையும் அதற்கான எதிர்ப்பும் நிகழ்ந்த காலத்தில் ஏற்பட்ட காயங்கள் ஆழமானவை. உண்மை அறியும் மீளுறவை ஏற்படுத்தும் ஆணைக்குழுவினால் மட்டும் அவை குணப்படுத்தக் கூடியவையல்ல. எங்களுடைய பொது மனிதத்துவத்தை இழிவுபடுத்துகின்ற இன அடிப்படையில் ஒருவரில் இருந்து ஒருவரைப் பிரிக்கின்ற அமைப்புமுறையில் இருந்தும் எங்களை ஒடுக்கப்படுபவர்களாகவும் ஒடுக்குமுறையாளர்களாகவும் ஒருவரை ஒருவர் எதிர்க்கின்றதில் இருந்தும் நாங்கள் எங்களை விடுவிக்க வேண்டும்.” எனத் தெரிவித்தார்.

நெல்சன் மண்டேலா, டெஸ்மன்ட் ருரு போன்ற மாண்புமிகு தலைவர்களால் தென்னாபிரிக்கா இன ஒடுக்குமுறையில் இருந்து தன்னை குறிப்பிடத்தக்க அளவில் விடுவித்துக் கொண்டது மட்டுமல்ல சிறுபான்மைக் குழுக்களுக்கு எதிராக மற்றுமொரு இனஒடுக்குமுறையை தாங்கள் மேற்கொள்ளாமலும் பழிவாங்கல் நடவடிக்கைகளுக்குச் செல்வதில் இருந்தும் தென்னாபிரிக்காவை தற்காத்துக் கொண்டனர். இதன் மூலம் சர்வதேசத்திற்கு இனமுரண்பாடுகளை அணுகுவதற்கும் பகைமையுண்ட சமூகங்களிடையே மீளுறவை ஏற்படுத்துவதற்கான யதார்த்தமான செயன்முறையை வழங்கி உள்ளனர்.

உண்மை அறியும் மீளுறவை ஏற்படுத்தும் ஆணைக்குழு மூன்று குழுக்களைக் கொண்டிந்தது. அதில் முதன்மையாக இருந்தது மனித உரிமை மீறல்கள் தொடர்பான உண்மைகளை அறிவது. இக்குழு பாதிக்கப்பட்டவர்களது முறைப்பாடுகளையும் அவர்களின் சாட்சியங்களையும் பதிவு செய்தது. இரண்டாவது குழு இரு தரப்பிலும் பாதிக்கப்பட்டவர்களுக்கு நட்டஈடுகளை வழங்கி அவர்களுக்கு புனர்வாழ்வு அளித்தது. மூன்றாவது குழு பொது மன்னிப்பு அளிப்பதற்கான அதிகாரத்தைக் கொண்டிருந்தது. தங்களுடைய செயற்பாடுகள் பற்றி முழுமையாக ஒத்துக்கொண்டு உண்மையை அறிய உதவியவர்களுக்கு பொது மன்னிப்பு வழங்கப்பட்டது. இதில் மிக மோசமான குற்றச்செயல்களில் ஈடுபட்டவர்களுக்கும் பொது மன்னிப்பு வழங்கப்பட்டு உள்ளது. இருந்தாலும் புதிய தேசத்தை கட்டமைப்பதற்கு உண்மைகளை வெளிக்கொண்டுவந்து மீளுறவை ஏற்படுத்துவதே சரியான வழியாக கணிக்கப்படுகின்றது.

gl-hilary.bmpரமிழ்ஸ் போர் ஓபாமா என்று ‘அணிவகுத்த தமிழர்களின் நன்மதிப்பைப் பெற்ற’ ஒபாமா அரசு இலங்கை அரசின் Lessons Learnt and Reconciliation Commission – பாடங்களைக் கற்றுக் கொள்ளும் மீளுறவை ஏற்படுத்தும் ஆணைக்குழு  என்ற ஆணைக்குழுவை வரவேற்றுள்ளது. 2002 யுத்த நிறுத்த உடன்படிக்கை செயலிழந்து மே 19 வரையான நிகழ்வுகளுக்கு இட்டுச்சென்றதற்கான காரணங்களையும் சுழலையும் அறிவதும் அதற்கு குறிப்பிட்ட நபரோ, குழுவோ, நிறுவனமோ நேரடியாகவோ அல்லது மறைமுகமாகவோ காரணமா என்பதை கண்டுகொள்வதம் எதிர்காலத்தில் இவ்வாறான முரண்பாடுகள் ஏற்படாமல் தடுப்பதற்கான வழிவகைகளை ஆராய்வதுமே இந்த ஆணைக்குழுவின் பிரதான செயற்பாடாக உள்ளது. இங்கு மனித உரிமை மீறல்கள், யுத்தக் குற்றங்கள், பற்றி எதனையும் இலங்கை அரசு குறிப்பிட்டு இருக்கவில்லை. இது ஐ நா வின் விசாரணைக் குழுவை அமைத்து சுயாதீன விசாரணைகளை மேற்கொள்ள வேண்டும் என்ற கோரிக்கைகளுக்கு பதிலாக இந்த பாடங்களைக் கற்றுக் கொள்ளும் மீளுறவை ஏற்படுத்தும் ஆணைக்குழு உருவாக்கப்பட்டு உள்ளது. தென்னாபிரிக்காவின் உண்மையை அறியும் மீளுறவை ஏற்படுத்தும் ஆணைக்குழுவில் இருந்து இக்குழு அதன் அடிப்படை நோக்கத்திலேயே வேறுபடுவதால் பாடங்களைக் கற்றுக் கொள்ளும் மீளுறவை ஏற்படுத்தும் ஆணைக்குழுவின் உருவாக்கம் இலங்கை அரசு பாடங்களைக் கற்றுக்கொள்ள மறுக்கின்றது என்ற ஐயப்பாட்டையே தருகின்றது.

Mahinda Rajapaksaஇலங்கை அரச படைகள் மனித உரிமைகளை மீறவில்லை, இந்த யுத்தத்தில் பொது மக்களின் ஒரு சொட்டு இரத்தமும் சிந்தவில்லை போன்ற உண்மைக்கு முற்றிலும் முரணான விடாப்பிடியான இலங்கை அரசின் கருத்துக்கள் இவ்வரசு உண்மையை அறியவோ ஏற்றுக்கொள்ளவோ தயாரில்லை என்பதனையே காட்டுகின்றது. தவறுகளை ஏற்றுக்கொள்ளாத எவரும் அத்தவறுகளில் இருந்து தம்மைத் திருத்திக்கொள்ள முடியாது. அதற்கு இலங்கை அரசும் விதிவிலக்கல்ல. இலங்கை அரசு தென்னாபிரிக்காவின் பாடங்களைக் கற்றுக்கொண்டு உண்மையை அறியவும் அதனை ஏற்றுக்கொள்ளவும் தயாராக வேண்டும். இங்கு உண்மையை அறிவது தண்டனை வழங்குவதற்காக அல்ல அதிலிருந்து பாடங்களைக் கற்றுக்கொண்டு புதிய பாதையில் மீளுறவை ஏற்படுத்தி பயணிப்பதற்காகவே.

இலங்கை அரசு மனித உரிமைகள் பற்றிய உண்மையை அறியவோ ஏற்றுக்கொள்ளவோ மறுக்கின்றதன் அடிப்படைக் காரணம் அது வெற்றி பெற்ற தனது இராணுவத்தை தண்டனையை நோக்கித் தள்ளிவடும் என்பதும் அதனால் பெரும்பான்மைச் சிங்கள மக்கள் மத்தியில் தனது செல்வாக்கு சரிந்துவிடும் என்ற அச்சமும். மாறாக தமிழீழ விடுதலைப் புலிகளின் ஆதரவுத் தளங்களில் இருந்து எழுகின்ற மனித உரிமைக் கோசங்கள் பெரும்பாலும் தங்களுக்கு ஏற்பட்ட தோல்விக்கு எப்படியாவது இலங்கை அரசைப் பழிவாங்கி விடவேண்டும் என்கின்ற ஆவல். இந்த கோல்போஸ்ட்டுகளுக்கு இடையே மனித உரிமைகள் என்கின்ற பந்து உதைபடுகின்றது.

இவற்றில் இருந்து விடுவித்துக் கொண்டு முரண்பட்டு, பிளவுண்டுள்ள சமூகங்களிடையே எதிர்காலத்தில் இவ்வாறான துயர் மிகு அவலங்கள் நிகழாது என்ற அச்சத்தைப் போக்கும் வகையிலும் சமூகங்களிடையே நம்பிக்கையையும் மீளுறவையும் ஏற்படுத்தும் வகையில் இதுவரை இலங்கையில் இடம்பெற்ற மனித உரிமைமீறல்கள் தொடர்பான பாரபட்சமற்ற விசாரணைகள் மேற்கொள்ளப்பட்டு பாதிக்கப்பட்டவர்கள் உண்மைகளை அறியவும் அவர்களுக்கு ஏற்பட்ட இழப்புகள் ஈடுசெய்ய முடியாதவையானாலும் அவர்களுக்கு பொருளாதார ரீதியாக நட்ட ஈட்டை வழங்கி அவர்களுடைய புனர்வாழ்வுக்கு வழியமைக்க வேண்டும். இங்கு கேட்கப்படுகின்ற நீதி தண்டனை வழங்குவதற்கான பழிவாங்குகின்ற நீதியல்ல மாறாக சமூகத்தின் மீளுருவாக்கத்திற்கான நீதி.

கனடா: தமிழ் தேசிய விடுதலைப் போராட்டத்தின் மீள்மதிப்பீடும் கலந்துரையாடலும் – மே 18 இயக்கம் : ஜெயபாலன் த

Viyoogamமே 18 2009ல் முடிவுக்கு வந்த வன்னி யுத்தம் தமிழீழ விடுதலைப் போராட்டத்தின் போக்கிலும் பாரிய தாக்கத்தை ஏற்படுத்தி இருந்தது. வன்னி யுத்ததத்தில் நிகழ்ந்த மிக மோசமான மனித அவலமும் விடுதலைப் புலிகளை வெற்றி கொண்ட இலங்கை அரசு தமிழ் மக்களின் தேசிய இனப் பிரச்சினைக்குத் தீர்வு காணத் தயாரில்லாததுமான அரசியல் சூழல் இலங்கை அரசுக்கு எதிரான தொர்ச்சியான போராட்டத்தின் அவசியத்தை வலியுறுத்தி நிற்கின்றது. இதன் எதிரொலியாக நீண்ட அரசியல் பின்னணியை உடையவர்களின் கூட்டு முயற்சியாக மே 18 இயக்கம் கடந்த ஆண்டு உருவானது தெரிந்ததே.

மே 22ல் நடந்து முடிந்த வன்னி யுத்தத்தினை நினைவுகொள்ளும் நிகழ்வு ஒன்றை மே 18 இயக்கம் கனடாவில் ஏற்பாடு செய்துள்ளது. ‘தமிழ் தேசிய விடுதலைப் போராட்டத்தின் மீள் மதிப்பீடும் கலந்தரையாடலும்’ என்ற தலைப்பில் இந்நினைவு நிகழ்வு ஏற்பாடு செய்யப்பட்டு உள்ளது. ‘நடந்து முடிந்த இனப்படுகொலைகளில் இருந்து மீள் எழுச்சி கொள்ளும் நாளாக மே 18யை நினைவுகூருவோம்’ என மே 18 இயக்கம் தனது அழைப்பிதழில் கேட்டுக் கொண்டு உள்ளது. ( மேலதிக தகவல்களுக்கு: May18_Movement_Discussion )

மே 18 இயக்கம் தனது அரசியல் கொள்கை இதழாக வியூகம் சஞ்சிகையை வெளியிட்டு வருவதும் அதன் வெளியீட்டு நிகழ்வு கனடா லண்டன் பாரிஸ் ஆகிய நகரங்களில் இடம்பெற்றதும் குறிப்பிடத்தக்கது.

மே 18 இயக்கம் தொடர்பான மேலதிக வாசிப்பிற்கு:

தமிழ் தேசிய விடுதலைப் போராட்டத்தின் மீள்மதிப்பீடும் கலந்துரையாடலும் – மே 18 இயக்கம் : ஜெயபாலன் த

பிற்போக்கு தலைமைகளையும், கைக்கூலிகளையும் தோற்கடிப்போம்!

இடதுசாரி முன்னணித் தோழர் விக்கிரமபாகுவை ஆதரிப்பதாக ‘மே 18 இயக்கம்’ முடிவு!

பாராளுமன்ற ஜனநாயகமும் ஜனநாயக முன்னணியும் : ரகுமான் ஜான்

இலங்கையில் தேர்தலும் தமிழ் மக்களது அரசியல் எதிர்காலமும் : கலந்துரையாடல்

 ‘ஜனநாயகப் பண்போடு நடந்துகொண்டால் மட்டுமே சரியான வழியில் நிற்பவருடன் மற்றவர் இணைந்துகொள்ள முடியும்’ ரகுமான் ஜான் – வியூகம் வெளியீடு தொகுப்பு : த ஜெயபாலன்

‘விவாதக் களத்திற்கான தளத்தின் ஆரம்பமே வியூகம்’ ரொறன்ரோ வியூகம் வெளியீட்டு நிகழ்வில் ரகுமான் யான்

இரயாகரன் சார்! எனக்கொரு உண்மை தெரிந்தாக வேணும் : த ஜெயபாலன்

மே 18 இயக்கமும் வியூகம் வெளியீடும் : த ஜெயபாலன்

தமிழர் அரசியல்ரீதியாக தம்மை ஒழுங்கமைத்துக் கொள்வதை நோக்கி… : ரகுமான் ஜான்

இதுவும் கடந்து போம்: புலியெதிர்ப்பின் அரசியல்: தேசபக்தன்
 
நடந்து முடிந்ததும்! நடக்க வேண்டியதும்!!! : தேசபக்தன்

இனியொரு முள்ளிவாய்க்கால் செய்திடோம் என்று சங்கே முழங்கு!!! : த ஜெயபாலன்

May18_2009_Rememberanceவன்னி யுத்தம் முற்றுப் பெற்று ஓராண்டுகள் நினைவு கூரப்படுகின்றது. சுதந்திர இலங்கையில் காலம் காலமாக தமிழ் அரசியல் தலைமைகளின் அரசியல் சாணக்கியம் என்பது நினைவு கூரலிற்கு அப்பால் ஓரடியும் எடுத்து வைக்கவில்லை. இதற்கு தமிழ் மிதவாதத் தலைமைகளோ தீவிரவாதத் தலைமைகளோ விதிவிலக்கல்ல. வன்னி யுத்தத்தைத் தடுப்பதற்கான அரசியல் வழிமுறைகள் இருந்த போதும் தமிழ் மக்களின் ஏகபிரதிநிதித்துவத் தலைமையும் அது தெரிவு செய்திருந்த ஒருவழி அரசியல்பாதையும் தமிழ் மக்களை பணயம் வைத்து தன்னுடன் மக்களையும் உடன்கட்டையேறச் செய்துள்ளது. ஆதன் ஓராண்டை சம்பிரதாயபூர்வமாக தமிழ் தேசியத் தலைமை தனது அரசியல் உயிர்ப்பிற்கு கையிலெடுத்துள்ளது.

சுதந்திர இலங்கையில் பல்வேறுபட்ட சமூக முரண்பாடுகள் இருந்த போதும் பிரதான முரண்பாடாக இருப்பது ஒடுக்குகின்ற ஆளும் குழுமத்திற்கும் ஒடுக்கப்படுகின்ற மக்களுக்கும் இடையிலான முரண்பாடு. இந்த முரண்பாட்டில் குறிப்பாக ஒடுக்கப்படுகின்ற தமிழ் சமூகத்திற்கும் ஒடுக்குகின்ற ஆளும் குழுமத்திற்கும் இடையிலான முரண்பாடு தமிழ் மக்கள் மத்தியில் பிரதான முரண்பாடாக இருந்து வந்துள்ளது. ஒடுக்குகின்ற குழுமம் அல்லது ஒடுக்குகின்ற அரசு தானாக முன்வந்து ஒடுக்குமுறையைக் கைவிடப் போவதில்லை. அது தொடர்ந்தும் ஒடுக்குமுறையை தக்க வைத்துக் கொள்வதற்கான வழிவகைகளை தொடர்ச்சியாகத் தேடிக்கொண்டே இருக்கும். ஆந்த ஒடுக்குமுறைக்கு எதிராக தலைமை தாங்குவதாகக் கூறிக்கொள்கின்ற சக்திகளுக்கே ஒடுக்கப்பட்ட மக்கள் பற்றிய பொறுப்பு உண்டு. அம்மக்கள் மேலும் ஒடுக்குமுறைக்கு உள்ளாவதை தடுத்து அல்லது மட்டுப்படுத்தி அம்மக்களின் உரிமைகளை வென்றெடுப்பது ஒடுக்கப்பட்ட சமூகத்திற்கு தலைமை தாங்குபவர்களின் பொறுப்பு.
  
ஆனால் தமிழ் மக்களுக்கு தலைமை தாங்கிய தமிழ்த் தேசியவாதத் தலைமைகளின் அரசியல் என்பது தமிழ் மக்களின் வாழ்வியலை மிகமோசமாகப் பின்னடையச் செய்துள்ளது. கடந்தகால வரலாற்றுப் பக்கங்களைப் புரட்டி 2009, 1983, 1977, 1956 என்று சிங்கள பேரினவாதத்தின் ஒடுக்குமுறையைக் காட்டி அரசியல் செய்கின்ற போக்கே தொடர்கின்றது. இந்தக் காலகட்டத்திற்கு இன்னும் சற்றுப் பின் சென்று பிரித்தானிய காலனித்துவம் தான் இவையெல்லாவற்றுக்கும் காரணம் என்று பழிபோடுவதும் இவர்கள் கையாள்கின்ற மற்றுமொரு யுக்தி. சுpங்கள பேரினவாதம், காலனித்துவம் பூச்சாண்டிகளெல்லாம் தமிழ் மக்களுக்குத் தெரியாததல்ல. இதனை ஆண்டாண்டு காலம் சொல்லிக் கொண்டு இருப்பதற்கு தமிழ் மக்களுக்கு அரசியல் தலைமை அவசியமில்லை. இந்தச் சூழலில் உங்களால் தமிழ் மக்கள் மீது நடத்தப்படுகின்ற ஒடுக்குமுறையை நிறுத்தவோ மட்டுப்படுத்தவோ முடியுமா? துமிழ் மக்களது உரிமைகளை வென்றெடுக்க முடியுமா? அதனைச் செய்ய முடியாத தலைமைகள் அப்பொறுப்பில் இருந்து தங்களை வெளியேறுவதே அழகு.

ஆனால் இதுவரை அவ்வாறு நிகழவில்லை. மீண்டும் மீண்டும் தமிழ் மக்களில் சவாரி செய்த தமிழ் தலைமைகள் சவாரி செய்வதில் ருசி கண்டனவேயன்றி இலக்கு நோக்கி நகரவில்லை. மாறாக அதற்கு எதிராகவே நகர்ந்துள்ளன. ஒடுக்கப்படுகின்ற தமிழ் மக்களுக்கு தலைமை தாங்கிய மிதவாதத் தீவிரவாதத் தமிழ் தேசியவாதத் தலைமைகளால் கடந்த அறுபது ஆண்டுகளில் தமிழ் மக்களுக்கு எதனையும் சாதிக்க முடியவில்லை என்ற உண்மையை ஏற்றுக் கொண்டு அதற்கான காரணத்தை கண்டறிய வேண்டிய அவசரமும் அவசியமும் தற்போது ஏற்பட்டுள்ளது.

தமிழீழ விடுதலைப் புலிகளை வெற்றிகொள்ள எவ்வாறு முடிந்தது என்ற இந்திய ஊடகவியலாளரின் கேள்விக்குப் பதிலளித்த பாதுகாப்பு அமைச்சுச் செயலாளர் கோத்தபாய ராஜபக்ச ‘கடந்த 30 ஆண்டுகளாக தமிழீழ விடுதலைப் புலிகளை இலங்கை இராணுவத்தால் வெற்றிகொள்ள முடியவில்லை என்பதை ஏற்றுக் கொண்டு அதற்கான காரணங்களைக் கண்டு பிடித்து சரி செய்தோம்;. ஆட்சிக்கு வந்த 5 ஆண்டுகளிலேயே தமிழீழ விடுதலைப் புலிகளை முற்றாக அழித்தோம்.’ என்று தெரிவித்திருந்தார்.

ஒடுக்குமுறை மேற்கொள்கின்ற அரசிடம் தனது இலக்குநோக்கி இருந்த விவேகமும் தூரநோக்கும் அதனிடமிருந்து விடுதலை பெறுவதற்காகப் போராடுவதாகக் கூறிக்கொண்டு தங்களை ஏகபிரதிநிதிகளாகக் அறிவித்த தமிழீழ விடுதலைப் புலிகளிடம் இருக்கவில்லை. அதனாலேயே அரச இயந்திரம் ‘புரஜக்ற் பீக்கன்’ என்று கால அட்டவணை போட்டு தமிழீழ விடுதலைப் புலிகளை முற்றாக அழிக்க முடிந்தது. தமிழீழ விடுதலைப் புலிகள் எதிரியின் பலத்தையும் பலவீனத்தையும் மட்டும் அறியாமல் இருக்கவில்லை தங்களுடைய பலத்தையும் பலவீனத்தையுமே அறியாமல் இருந்துள்ளனர்.

மூன்று தசாப்த கால விடுதலைப் போராட்டத்தை முன்னெடுத்த தமிழீழ விடுதலைப் புலிகள் அனைத்துப் போராளிக் குழுக்களையும் மிதவாதத் தமிழ் அரசியல் தலைமைகைளயும் அழித்து தங்களை ஏக பிரதிநிதிகள் என்று அறிவித்தனர். மே 16 2009 வரை அவர்கள் ‘தமிழீழ விடுதலைப் போராட்டத்தின் இறுதி யுத்தம்’ என்றும் ஒவ்வொரு நிலப்பரப்பையும் இழக்கப்பட்டுக் கொண்டு இருக்கும் போதும் வகை தொகையின்றி மக்கள் கொல்லப்பட்டுக் கொண்டு இருக்கும் போதும் ‘தமிழீழத்தை நெருங்கிவிட்டோம் என்றும் அறிவித்தனர். ‘தலைவர் திட்டமிட்டபடியே பின்வாங்குகிறோம். உள்ளுக்கு விட்டு அடிப்போம்.’ ஏன்று அரசியல் இராணுவ ஆய்வுகள் களைகட்டின. 30 ஆண்டுகால போராட்டத்தை முன்னெடுத்தவர்கள் மே 17 2009ல் இரவோடு இரவாக வரலாறாகிப் போனார்கள். வுரலாற்றை கற்றுக்கொள்ள மறுத்தவர்கள் தங்கள் உச்சவிலையை அதற்குச் செலுத்தினர். இவர்களால் அப்பாவி மக்களும் தங்கள் உச்சவிலையைச் செலுத்த வேண்டி ஏற்பட்டது.

ஆனால் இந்த மிக மோசமான நிலையிலும் மிதவாத தீவிரவாத தமிழ் தேசியத் தலைமைகள் தாங்கள் கடந்து வந்த பாதையை இதுவரை மீளாய்வு செய்யவில்லை. தமிழ் தேசியவாதத்தை புலம்பெயர்ந்த மண்ணில் உசுப்பி விட்டுக் கொண்டிருந்தவர்கள் தங்கள் கரங்களில் உள்ள இரத்தக் கறையைக் கண்டுகொள்ள மறுக்கின்றனர். உண்மையை ஏற்றுக்கொள்ள மறுப்பவர்கள் ஒரு சமூகத்தைத் தலைமை தாங்குவதற்கான அடிப்படைத் தகுதியை இழக்கின்றனர். இத்தலைமைகள் கடந்த காலத் தவறுகளை ஏற்க மறுப்பது அதே தவறுகளை அவர்கள் மீண்டும் விடுவதற்கே வழிகோலும். தமிழ் மக்களுக்காக தமிழ் தலைமைகளால் எதனையும் சாதிக்க முடியாமல் போனதற்கான முழுமுதற் காரணம் அவர்களுடைய கட்சிசார்ந்த அல்லது தனிப்பட்ட சந்தர்ப்பவாத அரசியல் நிலைப்பாடுகளே. தங்களுடைய அரசியல் பற்றிய மதிப்பீட்டை அவர்கள் என்றும் மேற்கொண்டதில்லை. எதிரியின் மீது பழியைப் போட்டுவிட்டு எதிரியின் பலவீனத்தில் அரசியல் செய்கின்ற தலைமைத்துவமே இதுவரை இருந்துள்ளது. இன்றும் இருக்கின்றது.

இன்று புலம்பெயர் நாடுகளில் உள்ள முதலாளித்துவக் கட்சிகளே தேர்தலில் மக்கள் தங்கள் கட்சிக்கு வாக்களிக்கத் தவறும்பட்சத்தில் தாங்கள் நிராகரிக்கப்பட்டுள்ளதை ஏற்று கட்சிப் பதவியில் இருந்து வெளியேறி புதிய தலைமைக்கு வழிவிடுகின்றார்கள். ஆனால் தமிழ் மக்களின் விடுதலையை முன்னெடுத்த மிதவாதத் தலைமையாக இருந்தாலென்ன, தீவிரவாதத் தலைமையாக இருந்தாலென்ன எப்போதும் மக்கள் அபிப்பிராயம் பற்றி கணக்கிலெடுத்ததில்லை.

எஸ் ஜே வி செல்வநாயகம் நோய்வாய்ப்படும் வரை அவரே தமிழரசுக் கட்சித் தலைவர் தலைவர், அப்பாப்பிள்ளை அமிர்தலிங்கம் சுட்டுக் கொல்லப்படும் வரை அவரே தமிழர் விடுதலைக் கூட்டணியின் செயலாளர்நாயகம், தமிழீழ விடுதலைப் புலிகளால் அல்லது வேறுவழிகளில் கொல்லப்படும்வரை ஒரே தலைமையே அந்தந்த இயக்கங்களை வழிநடத்தியது. ஆனால் தமிழீழ விடுதலைப் புலிகளின் தலைவர் கொல்லப்பட்டு ஓராண்டு ஆகியும் கொல்லப்பட்டாரா இல்லையா என்ற விவாதம் தொடர்கிறது. அதற்கு இன்னமும் தலைமை இல்லை.

வன்னியில் மக்கள் தினம்தினம் கொல்லப்பட்டுக் கொண்டிருக்கையில் ஆட்சியாளர்களுடன் பேச மறுத்த தமிழ் தேசியக் கூட்டமைப்பின் தலைவர் ஆர் சம்பந்தன் தற்போது அதே அரசுடன் பேசத் தயார் என்கிறார். இதையே அன்று அந்த அரசுடனும் பேசி தமிழீழ விடுதலைப் புலிகளுடனும் பேசி பணயமாக தடுத்து வைக்கப்பட்டு இருந்த ஆயிரக் கணக்கான வன்னி மக்களை பாதுகாப்பாக வெளியேற அனுமதித்து இருந்தால் இன்று எத்தனை ஆயிரம் உயிர்கள் காப்பாற்றப்பட்டு இருக்கும். ‘யுத்தத்தின் ஆரம்பத்திலேயே தமிழ் தேசியக் கூட்டமைப்பால் புலிகளைப் பேச்சுவார்த்தைக்கு நிர்பந்தித்து இருக்க முடியும்’  என எம் கே சிவாஜிலிங்கம் 2009 பெப்ரவரியில் தேசம்நெற்க்கு வழங்கிய செவ்வியில் தெரிவித்து இருந்தார். ஆனால் தமிழ் தேசியக் கூட்டமைப்பு அதனைச் செய்யவில்லை. இன்று சகல பழியையும் தமிழீழ விடுதலைப் புலிகளிலும் இலங்கை அரசின் மீதும் போட்டுவிட்டு தமிழ் மக்களின் அரசியல் தலைமையை ஆர் சம்பந்தன் தக்க வைத்துள்ளார். வன்னி மக்களின் இவ்வளவு அழிவிலும் ஆர் சம்பந்தனுக்கும் தமிழ் தேசியக் கூட்டமைப்பிற்கும் பொறுப்பு உள்ளது. இந்த மக்களுக்கு ஏற்பட்ட இழப்பை தடுத்து நிறுத்தவோ மட்டுப்படுத்தவோ முடியாத இயலாமைக்காக ஆர் சம்பந்தன் தனது தலைமையைத் துறந்திருக்க வேண்டும்.

அதேபோல் தமிழ் மக்களால் தேர்தல் மூலம் நிராகரிக்கப்பட்டுக் கொண்டிருக்கும் தமிழர் விடுதலைக் கூட்டணித் தலைவர் வி ஆனந்தசங்கரி, புளொட் தலைவர் சித்தார்த்தன், ஈபிஆர்எல்எப் தலைவர் சிறிதரன் போன்றவர்கள் தங்கள் தலைமையை தொடர்ந்தும் வைத்திருப்பது மக்களுடைய தீர்மானத்திற்கு எதிரானது. இவர்கள் தங்கள் தலைமைகளைத் துறப்பதுடன் இவ்வமைப்புகள் தங்கள் அரசியல் பற்றி தீர்க்கமான முடிவுகளுக்கு வரவேண்டும். அவசியமானால் கூட்டிணைவை ஏற்படுத்துவது அமைப்பினைக் கலைத்துவிடுவது பற்றி இவர்கள் சிந்திப்பது அவசியம்.

தமிழ் மக்களின் தலைமைத்துவம் என்பது யாருக்கும் ஆயுட்காலப் பதவியல்ல. குறிப்பிட்ட காலத்தில் இத்தலைமைகளால் தமிழ் மக்களுக்கு எதனையும் சாதிக்க முடியாது போயுள்ள நிலையில் இவர்கள் தங்கள் தலைமைப் பொறுப்புக்களில் இருந்து ஒதுங்குவதே மேல். தென்னாபிரிக்க தலைவர் நெல்சன் மண்டேலா அம்மக்களின் விடுதலையை வென்றெடுத்து அம்மக்களால் நேசிக்கப்பட்ட போதும் தொடர்ந்தும் அந்தத் தலைமையை உடும்புப் பிடியாகப் பிடித்துக் கொள்ளவில்லை. தமிழ் சமூகம் அவ்வாறான தலைவர்களை உருவாக்காது போனது அல்லது அவ்வாறானவர்கள் கொல்லப்பட்டமை மிகவும் துரதிஸ்டமானது.

பொதுவாகவே இந்தத் தலைமையை தக்க வைத்துள்ளவர்கள் அமைப்பில் கட்சியில் உள்ளவர்கள் வற்புறுத்துகின்றார்கள், தலைமையை ஏற்பதற்கு ஆளில்லை போன்ற நொண்டிச்சாட்டுக்களையே தெரிவிப்பது வழமை. நீங்கள் தலைமையை உடும்புப் பிடியாகப் பிடித்து இருந்தால் ஒருவர் எப்படி தலைமை ஏற்க முன்வருவார். இத்தலைமைகளுடைய இவ்வளவு கால அனுபவமும் சாணக்கியமும் தமிழ் மக்களுக்கு எதையும் சாதிக்கவில்லை. ஆனால் தமிழ் மக்களுக்கு தங்கள் ஆயுட்காலம் முழுவதும் தலைமை தாங்குவதற்கு மட்டுமே அவை பயன்படுகின்றது.

இனியொரு முள்ளிவாய்க்கால் நோக்கி நாம் செல்லாது இருக்க வேண்டுமானால் தமிழ் மக்களினால் இதுவரை காலமும் எதனையும் சாதிக்க முடியாது போன காரணங்களை ஆராய்ந்து கண்டறிய வேண்டும். தமிழ் சமூகத்தின் அரசியல் பலத்தையும் பலவீனத்தையும் ஆராய வேண்டும். கடந்த ஆண்டு முள்ளிவாய்க்காலுக்கு வன்னி மக்களை அழைத்துச் சென்ற தமிழ் அரசியல் தலைமைகள் அவர்கள் தயாகத்தில் இருந்தாலென்ன புலம்பெயர் நாடுகளில் இருந்தாலென்ன அதற்கான பொறுப்புக்களை ஏற்றுக்கொண்டு தங்கள் தலைமைகளில் இருந்து வெளியேற வேண்டும். அல்லது வெளியேற்றப்பட வேண்டும். அதன் பின்னர் தமிழ் சமூகத்தின் உரிமைகளை வென்றெடுப்பதற்கான புதிய திட்டமிடலை புதிய தலைமையொன்று முன்னெடுக்க வேண்டும். ஒரே குட்டையில் கூறிய மட்டைகள் தலைமைத்துவத்தை தங்கள் ஆயுள் வரைக்கும் தக்கவைப்பதற்கும் பழைய புதிய பிளாவில் பழைய கள்ளு அருந்தும் அரசியலுக்கும் முற்றுப் புள்ளி வைக்கப்பட வேண்டும். இவற்றின் மூலமே இனியொரு முள்ளிவாய்க்கால் நோக்கி தமிழ் மக்கள் நகர்த்தப்படுவதை தடுக்க முடியும்.

இனியொரு முள்ளிவாய்க்கால் செய்திடோம் என்று சங்கே முழங்கு!!!

கே ரி ராஜசிங்கத்திற்கு எதிராக சுவீடன் நீதிமன்றம் தீர்ப்பு! சேதுரூபனுக்கு 125 000 குரோணர்கள் நட்டஈடு வழங்கும்படி ஏசியன் ரிபியூனுக்குப் பணிப்பு!!! : த ஜெயபாலன்

Nadarajah_Sethurubanநோர்வே நியூஸ் இணையத்தள ஆசிரியர் நடராஜா சேதுரூபன் ஏசியன் ரிபியூன் மற்றும் அதன் ஆசிரியர் கே ரி ராஜசிங்கத்திற்கு எதிராகப் பதிவு செய்த வழக்கில் ஏசியன் ரிபியூனுக்கு எதிராக சுவீடன் நீதிமன்றம் தீர்ப்பு வழங்கி உள்ளது. சேது என்று அறியப்பட்ட நடராஜா சேதுரூபனுக்கு அவதூறை ஏற்படுத்தும் விதத்தில் கட்டுரைகள் செய்திகளை ஏசியன் ரிபியூன் வெளியிட்டதாக அதன் ஆசிரியர் கே ரி ராஜசிங்கத்தை சுவீடன் நீதிமன்றம் கண்டித்துள்ளது. இவ்வாறான அவதூறுகளால் நடராஜா சேதுரூபனுக்கு ஏற்பட்ட இழப்பிற்கு 125 000 குரோணர் (12 000 பவுண்கள்) நட்டஈடு செலுத்தும்படி சுவிடன் நீதிமன்றம் ஏசியின் ரிபியூனுக்கு எதிரான தீர்ப்பில் குறிப்பிட்டுள்ளது. மேலதிக நட்டஈடு பற்றிய விபரம் பின்னர் அறிவிக்கப்படும் எனவும் தெரிவிக்கப்படுகின்றது. (தீர்ப்பு : Judgement_on_KTR_V_Sethu )

சுவீடன் நீதிமன்றத்தால் வழங்கப்பட்டுள்ள இத்தீர்ப்பையும் அதன் அங்கிகரிக்கப்பட்ட மொழிபெயர்ப்பையும் ஏசியன் ரிபியூன் இணையத்தளத்திலும் இலங்கையில் வெளியாகும் பத்திரிகையிலும் முன் பக்கத்தில் பிரசுரிக்க வேண்டும் என்றும் நீதிமன்றம் பணித்துள்ளது. மேற்படி தீர்ப்புக்கு எதிராக ஏசியன் ரிபியூன் மேன்முறையீடு செய்வதாக இருந்தால் யூன் 2ம் திகதிக்கு முன்னதாக மேன்முறையீடு செய்ய வேண்டும்.

‘இத்தீர்ப்பு நீதியை நிலை நாட்டியுள்ளது. நான் எப்போதும் தமிழீழ விடுதலைப் புலிகளின்  உறுப்பினராக இருந்ததில்லை. அவர்களின் உளவுப் பிரிவிலும் பணியாற்றியதில்லை. அப்படி இருந்தும் என்னைப் புலி உறுப்பினராகக் குற்றம்சாட்டி எனக்கு உயிராபத்து ஏற்படுத்தும் வகையிலேயே ஏசியன் ரிபியூன் செய்திகளையும் கட்டுரைகளையும் வெளியிட்டு வந்தது. இந்தத் தீர்ப்பு உண்மைக்காக நான் போராடியதற்குக் கிடைந்த வெற்றி.’ என்று நடராஜா சேதுரூபன் இத்தீர்ப்புத் தொடர்பாக தேசம்நெற்க்கு கருத்துத் தெரிவித்தார்.

நடராஜா சேதுரூபன் பற்றி ஏசியன் ரிபியூனில் வெளியான செய்திகளும் கட்டுரைகளும் இலங்கையிலும் வேறு நாடுகளில் உள்ள இணையத் தளங்களிலும் பரவலாக மீள்பிரசுரமாகி இருந்தமை குறிப்பிடத்தக்கது. ஏசியன் ரிபியூனுக்கு இலங்கை அரசு நிதியுதவி வழங்கி வருவது தெரிந்ததே.

சுவீடனைத் தளமாகக் கொண்டு இயங்கும் ஆசிய கற்கைகளுக்கான மையமே ஏசியன் ரிபியூனை இயக்குகின்றது. ஆதனால் இவ்வழக்கு சுவீடனிலேயே நடத்தப்பட்டது. நோர்வேயில் வாழும் நடராஜா சேதுரூபன் ஏசியன் ரிபியூனுக்கு எதிரான வழக்கை  நோர்வே அரச சட்டத்தரணிகள் மூலமாகப் பதிவு செய்திருந்தார். ஏசியன் ரிபியூனின் மேன்முறையீடு செய்து அது தோல்வி காணும் பட்சத்தில் நட்டஈடு சில மில்லியன் குரோணர்களைத் தாண்டும் என மதிப்பிடப்படுகின்றது.

இலங்கையில் தமிழர் விடுதலைக் கூட்டணித் தலைவர் வி ஆனந்தசங்கரி வீரகேசரி பத்திரிகைக்கு எதிராகத் தொடுத்த வழக்கில் வெற்றிபெற்றிருந்தார். அப்பத்திரிகை நட்ட ஈட்டினை வழங்கப் பணிக்கப்பட்டது. ஆனால் தமிழ் ஊடகவியலாளர் ஒருவர் மற்றுமொரு தமிழ் ஊடகத்திற்கு எதிராக ஊடகவியலாளருக்கு எதிராக மானநட்ட வழக்கினை தொடுத்து அதில் வெற்றி பெற்றது அண்மைக்காலத்தில் இதுவே முதற்தடவையாகும். இவ்வழக்கு ஊடகங்கள் தங்கள் செய்திகள் கட்டுரைகளில் பொறுப்புடன் நடந்து கொள்ள வேண்டியதன் அவசியத்தை வலியுறுத்தி நிற்கின்றது.

இவ்வழக்கில் சம்பந்தப்பட்ட இருவருமே சுயாதீன ஊடகவியலாளர்களாக அறியப்பட்டவர்கள் அல்லர். அவர்கள் குறிப்பிட்ட காலகட்டங்களில் குறிப்பிட்ட அரசியல் பின்னணியில் செயற்பட்டவர்கள். செய்திகளையும் கட்டுரைகளையும் தங்கள் சொந்த விருப்பு வெறுப்புகளின் அடிப்படையில் பிரசுரித்து வந்திருந்தனர்.

இணைய வலையத்தின் அனாமதேயத் தன்மையினால் புனைப்பெயர்களில் தனிப்பட்ட தாக்குதல்கள் மிகமோசமாக நடத்தப்பட்டு வந்தது. இதில் கே ரி ராஜசிங்கம், நடராஜா சேதுரூபன் உட்பட பலரது பெயர்கள் புலம்பெயர் தமிழ் சமூகத்தினால் நன்கு அறியப்பட்டு இருந்தது. இவ்வழக்கின் தீர்ப்பு இவ்வகையான தனிநபர் தாக்குதலை மட்டுப்படுத்தவதற்கு உதவும் வாய்ப்பு உள்ளது.

நடராஜா சேதுரூபன் தொடர்பாக தேசம்நெற்றில் வெளியான கட்டுரைகள்:

புனைபெயரில் ஒழிந்து கொண்டு பத்திரிகா தர்மம் பேசும் எஸ் சிவரூபனுக்கு….. : நடராஜா சேதுரூபன்

சேதுவும் தேசம் ஜெயபாலனின் பொறுப்பற்ற பத்திரிகா தர்மமும். : எஸ் சிவரூபன்

முன்னாள் ஐரோப்பிய ‘புலி’ ஆதரவாளர் மகிந்த ராஜபக்சவுக்காக பிரச்சாரம் செய்ய இலங்கை செல்கிறார். : த ஜெயபாலன்

லண்டன் உள்ளுராட்சி தேர்தலும் புலம்பெயர்ந்த தமிழ் வாக்காளர்களும் புலம்பெயராத சிந்தனையும் : த ஜெயபாலன்

London_Local_Councilsலண்டனில் மே 6ல் இடம்பெற்ற உள்ளுராட்சித் தேர்தலில் 50 வரையான தமிழர்கள் போட்டியிட்டு 13 பேர் உள்ளுராட்சி ஆசனங்களைப் பெற்றுள்ளனர். லண்டனில் இதுவரை நடந்த உள்ளுராட்சித் தேர்தலில் இவ்வளவு தொகையான தமிழர்கள் போட்டியிட்டதும் பத்துக்கும் மேற்பட்ட ஆசனங்களை வென்றதும் இதுவே முதற்தடவையாகும். கடந்த தேர்தலில் கவுன்சிலர்களாகத் தெரிவு செய்யப்பட்ட போல் சத்தியநேசன், மைக் செல்வா, மனோகரன் தர்மராஜ், தயா இடைக்காடர், நிசாம் அலாவி இஸ்மைல், யோகன் கோகநாதன், எலிசா பாக்கியதேவி மஅன், சசிகலா, கைருள் கரீமா மரிக்கார் ஆகியோர் இம்முறை மீண்டும் கவுன்சிலர்களாகத் தெரிவு செய்யப்பட்டு உள்ளனர். போட்டியிட்ட தமிழ் வேட்பாளர்களில் நியூஹாமில் போட்டியிட்டு நான்காவது முறையாக கவுன்சிலராகத் தெரிவு செய்யப்பட்ட போல் சத்தியநேசன் ஆகக் கூடுதலான வாக்குகளைப் (3453) பெற்றுள்ளார்.

தமிழ், தமிழ் பேசும் கவுன்சிலர்களுள் மைக் செல்வா தமிழகத்தை பின்னணியாகக் கொண்டவர். நிசாம் அலாவி இஸ்மைல், கைருள் கரீமா மரிக்கார் ஆகிய இருவரும் இலங்கைப் பின்னணியைக் கொண்ட முஸ்லிம்கள். ஏனையவர்கள் இலங்கைப் பின்னணியை உடைய தமிழர்கள் என்பது குறிப்பிடத்தக்கது. இவர்கள் அனைவருமே தமிழ் பேசுபவர்கள்.

தமிழ் கவுன்சிலர்களின் அரசியல்:

Cllr Thaya Idaikadar with former TNA MP Pathmini Sithambaranathanதமிழ் கவுன்சிலர்களாகத் தெரிவு செய்யப்பட்டுள்ள பதினொருவரில் (இரு முஸ்லீம் கவுன்சிலர்கள் நீங்கலாக) பெரும்பாலானவர்கள் தமிழ் தேசியத்தை முன்வைத்தே தமிழ் வாக்கு வங்கியை தமதாக்கிக் கொண்டனர். இவர்கள் தமிழ் தேசியத்தில் முழுமையாக நம்பிக்கை வைக்காத போதும் அதன் அலையில் செல்வதன் மூலமே தங்கள் வாக்கு வங்கியைப் பலமாக்க முடியும் என்ற நம்பிக்கையில் செயற்பட்டனர். இவர்களில் குறிப்பாக தயா இடைக்காடர், சுரேஸ் கிருஸ்ணா அவருடைய துணைவியார் சுரேஸ் சசிகலா, யோகன் யோகநாதன் அவருடைய மகன் ரோகான் யோகநாதன் (இம்முறை தெரிவாகவில்லை) ஆகியோர் முக்கியமானவர்கள். ஏனையவர்களும் இந்த தமிழ் தேசிய அலைக்கு ஓரளவுக்கு வளைந்து கொடுக்க வேண்டிய நிலையிலேயே இருந்தனர். 

மனோ தர்மராஜ் பெரும்பாலும் தமிழ் என்ற வகையில் தன்னை அடையாளப்படுத்துபவர் அல்ல.

Lab_Cllr_Paulமாறாக போல் சத்தியநேசன் இந்த ‘புலித் தேசியம்’ ஆகிப் போன தமிழ் தேசிய அலைக்கு எதிரானவராகவே கணிக்கப்பட்டார். வன்னி யுத்தம் உக்கிரமாகி இருந்தவேளை தமிழ் கவுன்சிலர்களும் கவுன்சிலராக வர விரும்பியவர்களும் புலித் தேசியத்திற்கு ஆதரவான நிலையை எடுக்க நிர்ப்பந்திக்கப்பட்ட போதும் போல் சத்தியநேசன், வரன் கனகசுந்தரம் போன்றவர்கள் யுத்தத்தை நிறுத்தும்படி இலங்கை அரசைக் கேட்டுக்கொண்ட அதேநேரம் மக்களை பணயக் கைதிகளாக வைத்திராமல் அவர்களை விடுவிக்கும்படி கேட்டுக் கொண்டனர். இவற்றைச் சித்தரிக்கும் தெருநாடகம் தேசம்நெற்றால் ஈஸ்ற்ஹாம் வீதியில் நடத்தப்பட்டதற்கு ‘புலித் தேசியம்’ கடுமையான எதிர்ப்பைத் தெரிவித்தது. இத்தெரு நாடகத்தை இயக்கியவர்களில் ரெட் யூனியன் சோசலிஸ்ட் கட்சி கூட்டில் போட்டியிட்ட உதயசேனன் தனபாலசிங்கமும் முக்கியமானவர்.

பிரித்தானிய உள்ளுராட்சி மன்றுக்கு கவுன்சிலராகத் தெரிவு செய்யப்படுபவர் தனது உள்ளுர் பிரதேசத்திற்கு காத்திரமான சேவையை வழங்க வேண்டும் என்பதே நோக்கம். உள்ளுராட்சி மன்றத்தின் அதிகாரம் மிகவும் மட்டுப்படுத்தப்பட்டது. ஆயினும் தமிழ் தேசிய அலையானது இந்த உள்ளுராட்சி மன்ற தமிழ் வேட்பாளர்களை வைத்து கட்டமைக்கும் அரசியலோ மிகவும் போலியானது. ஆனால் இதனை உணர்ந்திருந்த கவுன்சிலர்களும் தங்கள் வாக்கு வங்கியை மட்டும் கருத்தில் கொண்டு புலித் தேசியத்தின் அலைக்கு எடுபட்டனர். இவர்களது தேர்தல் பிரிவில் சகல இன மக்களும் வாழ்ந்த போதும் தமிழ் வாக்காளர்கள் மொத்தமாக வாக்கு அளித்தால் வென்றுவிடலாம் என்ற கணிப்பில் (அக்கணிப்பு உண்மையானதும் கூட) இவர்கள் காலத்துக்குக் காலம் தமிழ் மக்களின் அரசியல் அவலத்தை தங்கள் அரசியல் லாபத்திற்கு பயன்படுத்திக் கொள்கின்றனர்.

Eliza_PackiaDevi_Mannஇவர்களில் எலிசா பாக்கியதேவி மஅன் விதிவிலக்கானவர். இவர் தமிழ் தேசியத்தின் மீது நம்பிக்கை கொண்டவரே அன்றி அதனை வைத்து அரசியல் செய்பவர் அல்ல. அந்த அவசியம் அவருக்கு இல்லை. ஏனெனில் அவர் தமிழ் வாக்காளரில் தங்கியில்லை.

தமிழ் கவுன்சிலர்கள் தாங்கள் வாழும் தேர்தல் பிரிவின் சகல இன மக்களையும் பிரதிநிதித்துவப்படுத்தவதுடன் அம்மக்களை நோக்கி தங்கள் சேவைகளை வழங்கத் தவறும்பட்சத்தில் அவர்கள் தங்கள் ஆனசங்களை இழக்க நேரிடலாம்.

ஒரே நபர்கள் வேறுவேறு தொப்பிகளை அணிவது போல் புலித் தேசியவாதிகள் பிரித்தானிய தமிழர் பேரவை, நாடுகடந்த தமிழீழம், வட்டுக்கோட்டைத் தீர்மானக்குழு, உலகத் தமிழர் பேரவை, ரமிழ்ஸ் போர் லேபர், ரமிழ்ஸ் போர் கொன்சவேடிவ் என்ற தொப்பிகளை மாறி மாறி அணிகின்றனர். சில சமயங்களில் இவர்களுக்கு தாங்கள் எந்தத் தொப்பியை அணிந்துள்ளோம் என்று தெரியாமலேயே நடந்தும் கொள்கின்றனர். இந்தத் தொப்பிகளை சில தமிழ் கவுன்சிலர்களும் தங்கள் வாக்கு வங்கியைப் பலப்படுத்த விரும்பி அணிந்து கொள்கின்றனர். சிலர் விரும்பாமலேயே அணிந்து கொள்ள நிர்ப்பந்திக்கப்படுகின்றனர். 

இவர்களுடைய அரசியல் மாறாட்டம் மிகவும் கேலிக்கூத்தானதாக உள்ளது. நாடுகடந்த தமிழீழப் பாராளுமன்றத்தில் நின்ற டேவிட் ஜோசப் தாங்கள் ஒவ்வொரு பகுதியில் ஒவ்வொரு கட்சியை ஆதரிக்கப் போவதாக அறிவித்தார். பிரித்தானிய தமிழர் பேரவையின் உறுப்பினர்கள் ஒரு தேர்தல் பிரிவில் தொழிற்கட்சிக்கு பிரச்சாரம் செய்தனர். அதே நபர்கள் சில மைல்களுக்கு அப்பால் கொன்சவேடிவ் கட்சிக்கு பிரச்சாரம் செய்கின்றனர். ஒவ்வொரு கட்சிக்கும் அதற்கென்று கொள்கைகள் உள்ளது. அவற்றின் கொள்கை அடிப்படையில் உடன்பாட்டுக்குவராது தனிப்பட்ட வேட்பாளர்களின் அடிப்படையில் அரசியலை முன்னெடுத்து நம்பகத்தன்மை அற்றவர்களாகவும் கொள்கையற்றவர்களாகவும் தங்களை இனம்காட்டிக் கொள்கின்றனர். இவ்வாறான முரண்நகையான அரசியல் செயற்பாடுகள் கடந்தகாலங்களில் தாயகத்திலும் புலம்பெயர்நாடுகளிலும் பாதகமான விளைவுகளையே ஏற்படுத்தியது. அதனையே இன்னமும் தொடர்கின்றனர். 

வெற்றியும் தோல்வியும்:

Lab_Cllr_Jeyaranjan_Thavathurayதவத்துரை ஜெயரஞ்சன், கனபதிப்பிள்ளை நகீரதன், கிருஸ்ணா சுரேஸ், செல்லையா லோகேந்திரன் ஆகிய நால்வரும் புதிதாக இம்முறை கவுன்சிலர்களாகத் தெரிவு செய்யப்பட்டு உள்ளனர். தவத்துரை ஜெயரஞ்சன், கிருஸ்ணா சுரேஸ் ஆகிய இருவரும் கடந்த உள்ளுராட்சித் தேர்தலில் போட்டியிட்டு தோல்வியைத் தழுவி இருந்தனர். இம்முறை அவர்கள் வெற்றியைத் தழுவிக் கொண்டனர். மாறாக சென்றமுறை கவுன்சிலராக இருந்த யோகன் யோகநாதனின் மகன் றோகான் யோகநாதன் இம்முறை தனது ஆசனத்தை இழந்துள்ளார்.

கடந்த உள்ளுராட்சித் தேர்தலில போட்டியிட்ட சிலர் இம்முறை தேர்தலில் போட்டியிடவில்லை. வட்டுக்கோட்டை தீர்மானத்தை முன்னெடுத்த பரமகுமாரன் இம்முறை போட்டியிடவில்லை. ‘ஒரு பேப்பர்’ ஆசிரயர் கோபி கோபிரட்ணமும் இம்முறை போட்டியிடவில்லை. இவர்கள் கடந்த தேர்தலில் தொழிற்கட்சியில் போட்டியிட்டு இருந்தனர். தங்களுக்கு வெல்வதற்கு வாய்ப்புள்ள ஆசனங்கள் வழங்கப்படாததால் தேர்தலில் இருந்து ஒதுங்கி இருப்பதாகத் தெரியவருகின்றது. ஆனால் இத்தடவை தொழிற் கட்சியில் போட்டியிட்ட 16 தமிழ் பேசும் வேட்பாளர்களில் 10 பேர் கவுன்சிலராகத் தெரிவு செய்யப்பட்டனர். இன்னும் ஒரு சிலர் ஓரிரு நூறுக்கும் குறைவான வாக்குகளால் தோல்வியைத் தழுவி இருந்தனர்.

சென்ற தேர்தலில் கொன்சவேடிவ் கட்சி சார்பில் போட்டியிட்ட பீற்றர் ரட்ணராஜா இத்தடவை போட்டியிடவில்லை.

போல் சத்தியநேசன் மற்றும் புலித் தேசியத்திற்கு ஆதரவு வழங்காத வேட்பாளர்களுக்கு எதிரான சேறடிப்பு பிரச்சாரம் ஒன்று நியூஹாமில் தீவிரமாக மேற்கொள்ளப்பட்டது. இருந்தும் அப்பிரச்சாரம் பெரும்பாலும் அர்த்தமற்றதாகிப் போனது. போல் சத்தியநேசன் 3500க்கும் அதிகமான வாக்குகளைப் பெற்றுக் கொண்டு நான்காவது தடவையாகவும் கவுன்சிலராகத் தெரிவு செய்யப்பட்டார். ‘புலித் தேசியம்’ அணியில் நின்றவர்களைக் காட்டிலும் அவர் 1000 வாக்குகளை அதிகம் பெற்று வெற்றி பெற்றுள்ளார். 

Senan - Trade Union & Socialist Coalitionஇத்தேர்தலில் சேனன் என அறியப்பட்ட உதயசேனன் தனபாலசிங்கம் நிராகரிக்கப்பட்டமை கவனத்திற்குரியது. தான் வாழ்கின்ற பகுதியில் மட்டுமல்லாமல் உலகின் எப்பாகத்திலும் ஒடுக்கப்படுகின்ற சமூகத்திற்காக நீண்டகாலமாகப் போராடி வருபவர். உள்ளுர் விப்ஸ்குரொஸ் மருத்துவமனையின் சில பிரிவுகள் மூடப்படுவதற்கு எதிராகவும் இந்தோனேசியக் கடலில் தத்தளிக்கும் அகதிகளுக்காகவும் குரல் கொடுக்கும் இவருக்கும் இவரது கட்சிக்கும் மிகக் குறைந்த வாக்குகளே கிடைத்துள்ளது. போட்டியிட்ட 50 வரையான வேட்பாளர்களில் சேனன் 104 வாக்குகளை மட்டுமே பெற்றுள்ளார். இவர் போட்டியிட்ட தேர்தல் பிரிவிலும் இவரது வாக்கே மிகக் குறைந்ததாக உள்ளது.

மக்களுக்காக குரல் கொடுக்கும் ரேட் யூனியன் சோசலிஸ்ட் கோஓலிசன் வாக்காளர்களின் நம்பிக்கையை வென்றெடுக்கத் தவறிவிடுகின்றது. இலங்கைத் தமிழர் பிரச்சினையை கையிலெடுத்து பல்வேறு போராட்டங்களை இவர்கள் முன்னெடுத்து போதும் இவர்களால் லண்டன் தமிழ் மக்களை தம் பக்கம் வெற்றி கொள்ள முடியவில்லை. ரமிழ்ஸ் போர் லேபர், ரமில்ஸ் போர் கொன்சவேடிவ் என்றெல்லாம் அமைப்புகள் உருவாகிய போதும் ரமிழ்ஸ் போர் சோசலிஸ்ட் என்று ஒரு அமைப்பை ஏற்படுத்த முடியவில்லை. இவர்களுக்கும் தமிழ் மக்களுக்கும் மட்டுமல்ல பெரும்பான்மை மக்களுக்கும் இடையே உள்ள ஒவ்வாத இரசாயன மாற்றத்தை மாற்றாதவரை இவர்கள் தொடர்ந்தும் நிராகரிக்கப்படும் நிலையே உள்ளது. இது லண்டனில் மட்டுமல்ல இலங்கையில் உள்ள இடதுசாரிக் கட்சிகளின் நிலையும் இதுவாகவே உள்ளது. 

Varatheeswaran_Kஇக்கட்சியைக் காட்டிலும் சுயேட்சையாக போட்டியிட்ட வரன் கனகசுந்தரம் கணிசமான வாக்குகளைப் பெற்றுள்ளமை இங்கு குறிப்பிடத்தக்கது. வாக்குகளை வைத்து கட்சிகளின் கொள்கைகளை ஒப்பிடுவது மதிப்பீடு செய்வதோ சிறந்த அணுகுமுறையாக இல்லாத போதும் தேர்தலின் முடிவில் யார் மக்களுடைய அங்கிகாரத்தைப் பெறுகிறார்கள் என்பதே தீர்மான சக்தியாக அமைகின்றது.

புலம்பெயர்ந்த தமிழர்களின் பிரதிநிதித்துவம்:

புலம்பெயர்ந்து லண்டனில் கணிசமான தொகையினர் வாழ்ந்த போதும் பிரித்தானிய பிரதான அரசியல் நீரோட்டத்தில் இவர்கள் ஒரு ஓரமாகவே நிற்கின்றனர். 100 000 தமிழ் வாக்காளர்களுக்கு மேல் லண்டனிலும் லண்டனைச் சுற்றிய புறநகர்ப் பகுதிகளில் உள்ள 32 உள்ளுராட்சிப் பிரிவுகளிலும் வாழ்கின்றனர். 32 உள்ளுராட்சிப் பிரிவுகளுக்கும் 1849 கவுன்சிலர்கள் தெரிவு செய்யப்பட்டுள்ளனர். இவர்களில் 13 பேரே தமிழ் பின்னணியை உடையவர்களாக இருந்துள்ளனர். 

பாராளுமன்றத் தேர்தலுக்கு மாறாக உள்ளுராட்சித் தேர்தலில் லேபர் கட்சி கூடுதலான ஆசனங்களைப் பெற்றுள்ளது. லேபர் கட்சி 864 ஆசனங்களையும் கொன்சவேடிவ் கட்சி 748 ஆசனங்களையும் லிபிரல் டெமொகிரட் கட்சி 217 ஆசனங்களையும் ஏனையவை 20 ஆசனங்களையும் வென்றுள்ளன. 13 ஆண்டுகாலத் தொடர்ச்சியான ஆட்சிக்குப் பிற்பாடும் உள்ளுராட்சிமன்றத் தேர்தலில் லேபர் கட்சி எதிர்பார்த்திராத வெற்றியைச் சந்தித்து உள்ளது. இது பல தமிழ் கவுன்சிலர்கள் வெல்வதற்கும் வாய்ப்பை அளித்துள்ளது.

ஒரு உள்ளுராட்சித் தேர்தல் பிரிவில் சராசரியாக 9000 முதல் 10000 வரையான வாக்காளர்கள் இருப்பர். வழமையான உள்ளுராட்சித் தேர்தல்களில் 30 வீதம் முதல் 40 வீதமான வாக்காளர்களே வாக்களிப்பில் ஈடுபடுவதால் தமிழ் வாக்குகள் மொத்தமாக தமிழ் ஒரு வேட்பாளருக்குச் செல்லுமாயின் அவர் வெற்றி பெறுவதற்கான வாய்ப்புகள் அதிகம் உண்டு. அந்த வகையில் தமிழ் வேட்பாளர்களும் வாக்காளர்களும் இந்த வாக்குக் கணிப்பீட்டை சரிவரச் செய்ய முடியுமாயின் 50க்கும் மேற்பட்ட தமிழ் கவுன்சிலர்கள் உள்ளுராட்சிமன்றுக்குத் தெரிவு செய்யப்படுவதற்கு வாய்ப்புகள் உள்ளது. 

Lab_Cllr_Sasikala100 000 தமிழ் வாக்காளர்களும் சம அளவில் அனைத்து உள்ளுராட்சி மன்றங்களிலும் உள்ளுராட்சிப் பிரிவுகளிலும் பரவலாக வசிக்கவில்லை. குறிப்பாக நியூஹாம், ரெட்பிரிஜ், ஹரோ, பிரன்ற், குரொய்டன், வொன்ஸ்வேர்த் ஆகிய உள்ளுராட்சி மன்றங்களைச் சேர்ந்த குறிப்பிட்ட சில உள்ளுராட்சிப் பிரிவுகளிலே செறிவாக வாழ்கின்றனர். குறிப்பாக ஹரோவை எடுத்துக் கொண்டால் அங்கு 6 தமிழ் கவுன்சிலர்கள் தெரிவு செய்யப்பட்டு உள்ளனர். ஆனால் அதன் அளவுக்கு அல்லது அதிலும் அதிகமாக தமிழ் மக்களைக் கொண்ட குட்டி யாழ்ப்பாணம் என்றழைக்கப்படும் நியூஹாமில் போல் சத்தியநேசன் மட்டுமே கவுன்சிலராகத் தெரிவு செய்யப்பட்டு உள்ளார். தமிழ் மக்கள் அதிகம் வாழாத பகுதிகளில் இருந்தும் தமிழ் கவுன்சிலர்கள் தெரிவு செய்யப்பட்டு உள்ளனர். குறிப்பாக தமிழ் மக்களே இல்லாத சவுத்வாக் கவுன்சிலில் இருந்து எலிசா பாக்கியவதி மஅன் மூன்றாவது தடவையும் கவுன்சிலராகத் தெரிவு செய்யப்பட்டு உள்ளார். ஆகவே தமிழ் மக்கள் தங்கள் உள்ளுராட்சி மன்றப் பிரிவுகளில் எதிர்காலத்தில் தங்கள் பிரதிநிதித்துவத்தை அதிகரிக்கச் செய்ய நிறைய வாய்ப்புகள் உள்ளது.

தமிழ் பிரதிநிதித்துவம் பாதிக்கப்படுவதற்கான காரணங்கள்:

தமிழ் வாக்காளர்கள் தங்களை வாக்காளர் பதிவேட்டில் பதிவு செய்து கொள்ளாமை, பதிவு செய்த வாக்காளர்களும் தங்கள் வாக்குகளை செலுத்தாமை என்பன தமிழ் மக்களின் உள்ளுராட்சிமன்றப் பிரதிநிதித்துவம் பாதிக்கப்படுவதற்கான முக்கிய காரணமாக உள்ளது. மேலும் கவுன்சிலராக வர விரும்புபவர்கள் தேர்தலுக்கு சில வாரங்களுக்கு முன் கட்சியில் இணைந்து தங்களுக்கு வெல்வதற்கான வாய்ப்புள்ள ஆசனங்களை எதிர்பார்க்கின்றனர். அவ்வாறான ஆசனம் வழங்கப்படவில்லை என்றவுடன் அந்தக் கட்சியைவிட்டுவிட்டு அடுத்த தேர்தலுக்கு வேறுகட்சிக்குச் செல்கின்றனர். மேலும் கொள்கையின் அடிப்படையில் கட்சியை ஆதரிக்காமல் தங்கள் சுயநல அடிப்படையில் செயற்படுவதால் இவர்கள் கட்சியிலும் வாக்காளர் மத்தியிலும் நம்பகத்தன்மையைப் பெறுவதில்லை. 

Lab_Cllr_Suresh_Krishnaஆனால் தவத்துரை ஜெயரஞ்சன், சுரேஸ் கிருஸ்ணா ஆகியோர் தாங்கள் இரு தடவை தோற்றுப் போனபோதும் அதே கட்சியில் தொடர்ந்தும் நின்று கட்சிக்கு தங்கள் ஒத்துழைப்பை வழங்கி இம்முறை மீண்டும் போட்டியிட்டு வெற்றிபெற்றுள்ளனர். மக்களது சேவையை முன்னிறுத்தி கட்சிக்கு நம்பகமாக ஒருவர் தொடர்ந்தும் தனது அரசியல் கடமையைச் செய்வாராயின் அவருக்கு வெற்றிக்கான வாய்ப்புகள் அதிகம் என நான்காவது தடவையாக கவுன்சிலராகத் தெரிவு செய்யப்பட்டுள்ள போல் சத்தியநேசன் தேசம்நெற்றுக்குத் தெரிவித்தார். ஒவ்வொரு தேர்தலில் ஒவ்வொரு கட்சியில் நிற்பதும் கட்சிக்கு முரணாகச் செயற்படுபவர்களும் அரசியல் வியாபாரிகள் என்றும் போல் சத்தியநேசன் குற்றம்சாட்டினார்.

பிரித்தானிய அரசியல் கட்சிகளுடன் தமிழ் மக்களின் ஈடுபாடு:

Brent         : Queensbury – Kanapathipillai Naheerathan  (Labour)
Croydon    : Broad Green – SELVA Mike (Labour)
Harrow      : Roxbourne – Manoharan Dharmarajah (Labour)
Harrow      : Headstone South – Sasikala Suresh (Labour)
Harrow      : Queensbury – Nizam Alavi Ismail (Labour)
Harrow      : Roxeth – Thayapara Idaikkadar (Labour)
Harrow      : Rayners Lane – Krishna Suresh (Labour)
Harrow      : West Harrow – Kairul Kareema Marikar (Labour)
Kingston    : St Mark’s – YOGANATHAN Yogan (Liberal Dem)
Newham    : Eastham North – Paul Duraisamy Sathianesan  (Labour)
Merton      : Cannon Hill – Lohendran Chelliah  (Conservative)
Redbridge  : Newbury – Jeyaranjan, Thavathuray (Labour)
Southwark : Riverside – Eliza Packia Devi Mann (Liberal Dem)

இம்முறை கவுன்சிலர்களாகத் தெரிவு செய்யப்பட்டவர்களில் எலிசா பாக்கியதேவி மஅன், யோகன் யோகநாதன் ஆகிய இருவரும் லிபிரல் டெமோகிரட் கட்சியில் நின்றும் ஏனைய 10 கவுன்சிலர்களும் லேபர் கட்சியில் நின்றும் தெரிவு செய்யப்பட்டு உள்ளனர். உள்ளுராட்சித் தேர்தல் இடம்பெற்ற அதே தினம் நடைபெற்ற பிரித்தானிய பாராளுமன்றத்திற்கான தேர்தலில் பெரும்பான்மையைப் பெறாவிட்டாலும் அதிகப் படியான ஆசனங்களைப் பெற்று ஆட்சி அமைக்க முயற்சிக்கும் கொன்சவேடிவ் கட்சியில் இருந்து ஒரு தமிழர் செய்யப்பட்டு உள்ளார். கொசவேடிவ் கட்சியின் சார்பில் 13 பேர் போட்டியிட்ட போதும் ஒருவரே வெற்றி பெற்றார். கிறிஸ்ரியன் பீப்பிள்ஸ் அலையன்ஸ், கிரீன் கட்சி ஆகியவிற்றில் முறையே 5 வேட்பாளர்களும் 4 வேட்பாளர்களும் போட்டியிட்டனர் அவர்களும் வெற்றி பெறவில்லை. சுயேட்சையாக இரு தமிழர்கள் போட்டியிட்டனர். அவர்களும் வெற்றி பெறவில்லை. ரேட்யூனியன் சோசலிஸ்ட் கோஓஎலிசனில் போட்டியிட்டவரும் வெற்றி பெறவில்லை.

தெரிவு செய்யப்பட்ட 13 கவுன்சிலர்களில் 6 கவுன்சிலர்கள் கரோ உள்ளுராட்சி மன்றத்திற்கு தெரிவு செய்யப்பட்டு உள்ளனர். இங்கு 12 தமிழ் பேசுவோர் தேர்தலில் போட்டியிட்டு இருந்தனர். அடுத்து நியூஹாம், பிரன்ற் ஆகிய உள்ளுராட்சி மன்றங்களில் ஏழு, ஏழு பேர் போட்டியிட்டு இருந்தனர். இவ்விரு உள்ளுராட்சி மன்றுக்கும் ஒவ்வவொரு கவுன்சிலர்கள் தெரிவு செய்யப்பட்டு இருந்தனர். கிங்ஸ்ரன் அப்ஒன் தேம்ஸ் உள்ளுராட்சி மன்றில் ஆறு தமிழர்கள் போட்டியிட்டு ஒரு தமிழ் கவுன்சிலர் வெற்றி பெற்றிருந்தார். மேட்டன் கவுன்சிலில் மூவர் போட்டியிட்டு கொன்சவேடிவ் கட்சியில் ஒருவர் தெரிவு செய்யப்பட்டார். குரொய்டன் உள்ளுராட்சி மன்றில் 3 தமிழர்கள் போட்டியிட்டு இருந்தனர். இவர்களில் ஒருவர் கவுன்சிலர்களாகத் தெரிவு செய்யப்பட்டனர். ரெட்பிரிஜ் உள்ளுராட்சிப் பிரிவில் போட்டியிட்ட இரு தமிழர்களில் ஒருவர் கவுன்சிலராகத் தெரிவானார். தமிழ் மக்கள் பெரும்பாலும் வாழாத சவுத்வாக் உள்ளுராட்சி மன்றில் போட்டியிட்ட ஒருவர் கவுன்சிலராகத் தெரிவானார்.

லண்டன் உள்ளுராட்சிமன்றத் தேர்தலில் போட்டியிட்டவர்களும் அவர்கள் பெற்ற வாக்குகளும்:

Paul Duraisamy Sathianesan  _ _ _ _ _  Labour              3,453
SELVA Mike _ _ _ _ _ _ _ _ _ _ _ _ _   Labour               3451
Jeyaranjan, Thavathuray _ _ _ _ _ _  _ Labour               3305    
Kanapathipillai Naheerathan _ _ _ _ _   Labour               2713 
Manoharan Dharmarajah _ _ _ _ _ _ _  Labour               2662
Thayapara Idaikkadar _ _ _ _ _ _ _ _ _Labour               2514
Nizam Alavi Ismail _ _ _ _ _ _  _ _ _ _  Labour               2324
YOGANATHAN Yogan _ _ _ _ _ _ _  _ Liberal Dem      2169
Eliza Packia Devi Mann _ _ _ _ _ _ _ _  Liberal Dem     2069
Sasikala Suresh _ _ _ _ _ _ _ _ _ _ _ _ Labour               1914       
Krishna Suresh _ _ _ _ _ _ _ _ _ _ _ _  Labour              1904
Lohendran Chelliah  _ _ _ _ _ _ _ _ _ _Conservative    1860 
Kairul Kareema Marikar _ _ _ _ _ _ _ _Labour              1831

Thambimuthu Selvaratnam _ _ _ _ _ _  Labour              2216
Murugesu Sivarajah _ _ _ _ _ _ _  _ _ _Liberal Dem      2115
YOGANATHAN Rohan _ _ _ _ _ _ _ _   Liberal Dem     1933       
KUGAN Kamala _ _ _ _ _ _ _ _ _ _ _ _ Liberal Dem     1784                
Sivanantharasa Panchadcharam _ _ _ _ Conservative    1628
Marshel Amutharasan _ _ _ _ _ _ _ _ _ Liberal Dem     1614
Uma Kumaran _ _ _ _ _ _ _ _ _ _ _ _ _ Labour              1535
EMMANUEL Fabion _ _ _ _ _ _ _ _  _ _ Conservative   1521           
Sockanathan Keitheeswaran _ _ _ _ _ _ Conservative    1437
Shivakuru Selvathurai _ _ _ _ _ _ _ _ _ Conservative    1419
JEYADEVA Selva _ _ _ _ _ _ _ _ _ _ _  Conservative    1418
DEWAN Rajesh Kumar _ _ _ _ _ _ _ _   Christian PA     1299
Moses Rajkumar  _ _ _ _ _ _ _ _ _ _ _  Conservative    1,245
Arujuna SIVANANTHAN _ _ _ _ _ _ _  Conservative    1,244
Sivakumar CHELLIAH _ _ _ _ _ _ _ _   Labour              1224
RATNARAJAN, KarrunaThewi _ _ _ _  Conservative    1074
Nadanakumaran, Jeya _ _ _ _ _ _ _ _ _Conservative    1052
Thaneswaran, Thane  _ _ _ _ _ _ _ _ _ Conservative      962
Duraimurugan Kannan _ _ _ _ _ _ _ _ _Conservative      911
VALLIPURAM Kulendran _ _ _ _ _ _    Liberal Dem       933
Arunasalam Pirapaharan _ _ _ _ _ _ _ _Liberal Dem       794
Sakthivel Karuppiah _ _ _ _ _ _ _ _ _ _Liberal Dem        778
Vasantha Mahadevan _ _ _ _ _ _ _ _ _  Conservative      717
Waran Kanagasundaram _ _ _ _ _ _ _ _ Independent      533
SELLAYAH Dyan _ _ _ _ _ _ _ _ _ _ _ _Labour                474 
JAYASUNDERA Niranjan _ _ _ _ _ _  _ Labour                 371                  
Thivendaram Balaraman _ _ _ _ _ _ _ _ Green                  341
Selvarani Balaraman _ _ _ _ _ _ _ _ _ _ Green                  309
Balakrishnasharma Srikanthan _ _ _ _ _ Green                  260 
Sella Varathalingam Jeyakumar _ _ _ _  ChristianPA         186
Subashini Srikanthan _ _ _ _ _ _ _ _ _ _Green                  184
Mauran Uthayakumar _ _ _ _ _ _ _ _ _ Christian PA        157  
Jayakrishna, Jayarajasingham _ _ _ _ _  ChristianPA         149
Nakkeeran Arasaratnam _ _ _ _ _ _ _ _ Independent       146    
Senan THANABALASINGAM _ _ _ _ _  Socialist Coal’n   104
Danaraj Joseph _ _ _ _ _ _ _ _ _ _ _ _ _Christian PA         78

கவுன்சில்களின் அடிப்படையில் தமிழ் வாக்காளர்கள்: 

Brent
Alperton
Murugesu Sivarajah _ _ _ _ _ _ _  _ _ _  Liberal Dem   2115

Preston
Thambimuthu Selvaratnam _ _ _ _ _ _  Labour             2216

Queensbury
Selvarani Balaraman _ _ _ _ _ _ _ _ _   Green               309 
Thivendaram Balaraman _ _ _ _ _ _ _  Green               341  
Kanapathipillai Naheerathan _ _ _ _ _   Labour             2713    Elected

Sudbury
Balakrishnasharma Srikanthan _ _ _ _  Green               260   
Subashini Srikanthan _ _ _ _ _ _ _ _ _  Green              184  

Croydon
Broad Green
SELVA Mike _ _ _ _ _ _ _ _ _ _ _ _ _ Labour             3451      20.1%     Elected
EMMANUEL Fabion _ _ _ _ _ _ _ _ _ _Conservative      1521       8.9%

West Thornton.
JEYADEVA Selva _ _ _ _ _ _ _ _ _ _   Conservative  1418        7.7% 

Enfield
Edmonton Green Ward
RATNARAJAN, KarrunaThewi _ _ _   Conservative  1074

Greenwich
Middle Park and Sutcliffe
Arujuna SIVANANTHAN _ _ _ _ _ _ _Conservative  1,244

Harrow
Roxbourne
Manoharan Dharmarajah _ _ _ _ _ _ _ Labour            2662       (17.76%)      Elected
Sockanathan Keitheeswaran _ _ _ _ _  Conservative  1437         (9.59%)
Shivakuru Selvathurai _ _ _ _ _ _ _ _  Conservative  1419         (9.47%)

Headstone South
Sasikala Suresh _ _ _ _ _ _ _ _ _ _ _  Labour            1914         (12.68%)     Elected
Mauran Uthayakumar _ _ _ _ _ _ _ _ Christian PA   157           (1.04%)

Queensbury
Nizam Alavi Ismail _ _ _ _ _ _ _ _ _ _Labour           2324         (15.75%)      Elected

Roxeth
Thayapara Idaikkadar _ _ _ _ _ _ _ _ Labour           2514          (16.97%)      Elected

Rayners Lane
Krishna Suresh _ _ _ _ _ _ _ _ _ _ _  Labour            1904           (11.62%)      Elected
Sivanantharasa Panchadcharam _ _   Conservative  1628             (9.94%)
Marshel Amutharasan _ _ _ _ _ _ _  Liberal Dem    1614             (9.85%)
Danaraj Joseph _ _ _ _ _ _ _ _ _ _ _ Christian PA       78             (0.48%)

Headstone North
Sella Varathalingam Jeyakumar _ _  ChristianPA       186             (1.24%)

West Harrow
Kairul Kareema Marikar _ _ _ _ _ _ Labour               1831           (12.81%)       Elected

Pinner South
Uma Kumaran _ _ _ _ _ _ _ _ _ _ _ Labour             1535             (10.00%)

Havering
Emerson Park
Nakkeeran Arasaratnam _ _ _ _ _ Independent       146

Kingston upon Thames

Berrylands
YOGANATHAN Rohan _ _ _ _ _    Liberal Dem       1933         (14%)

Beverley
SELLAYAH Dyan _ _ _ _ _ _ _ _  Labour                  474           (3%)

Coombe Vale
KUGAN Kamala _ _ _ _ _ _ _ _ _ Liberal Dem       1784          (13%)
DEWAN Rajesh Kumar _ _ _ _ _  Christian PA       1299           (1%)

St Mark’s
YOGANATHAN Yogan _ _ _ _ _  Liberal Dem       2169          (15%)      Elected
JAYASUNDERA Niranjan _ _ _ _ Labour                  371            (3%)

Merton
Longthornton
Nadanakumaran Jeya _ _ _ _ _ Conservative      1052 

Cannon Hill
Jayakrishna, Jayarajasingham _  ChristianPA        149
Lohendran Chelliah _ _ _ _ _ _ _Conservative     1860 

Newham
Eastham North
Duraimurugan Kannan _ _ _ _ _ Conservative      911
Vasantha Mahadevan _ _ _ _ _ _Conservative      717
Paul Duraisamy Sathianesan  _ _ Labour             3,453     Elected
Sakthivel Karuppiah _ _ _ _ _ _  Liberal Dem        778

Wall End
Moses Rajkumar  _ _ _ _ _ _ _ _Conservative      1,245
Waran Kanagasundaram _ _ _ _ Independent         533
Arunasalam Pirapaharan _ _ _ _ Liberal Dem         794

Redbridge
Clementswood
Thaneswaran, Thane  _ _ _ _ _ Conservative         962

Newbury   
Jeyaranjan, Thavathuray _ _ _ Labour                   3305      Elected   

Southwark
Riverside
Eliza Packia Devi Mann _ _ _ _Liberal Dem           2069       Elected

Walthamforest
Larkswood
Sivakumar CHELLIAH _ _ _ _ Labour                   1224

Higham Hill
Senan THANABALASINGAM _Socialist Coalition  104

Wandsworth
Tooting
VALLIPURAM Kulendran _ _ _Liberal Dem          933

பிரித்தானியத் தேர்தலில் சிறுபான்மை இனங்கள் தொழிற்கட்சியின் வீச்சியை மட்டுப்படுத்தி உள்ளது! : த ஜெயபாலன்

Stephen_Timms_MP_Easthamஅடுத்தடுத்து மூன்று தடவைகள் தொழிற்கட்சி பிரித்தானியாவில் தனது ஆட்சியைத் தக்க வைத்துக் கொண்டது. 13 ஆண்டுகள் ஒரு கட்சியின் தொடர்ச்சியான ஆட்சியினால் ஏற்பட்ட சலிப்பு, பொருளாதார வீழ்ச்சி மற்றும் காரணிகளால் இத்தேர்தல் தொழிற்கட்சிக்கு பாதகமாக அமையும் என்றே எதிர்வு கூறப்பட்டது. பிரித்தானியப் பாராளுமன்றத்திற்கான தேர்தலில் தொழிற்கட்சி சிறுபான்மை இனங்கள் அதிகம் வாழ்கின்ற பகுதிகளிலேயே தனது தோல்வியைத் தடுத்து நிறுத்தியுள்ளது. இத்தேர்தலில் தொழிற்கட்சி 91 ஆசனங்களை கொசவேடிவ் கட்சியிடம் இழந்துள்ளது. அதில் 80 வரையான ஆசனங்கள் சிறுபான்மையினங்கள் அதிகம் வாழாத இங்கிலாந்தின் உட்பகுதிகளிலேயே இழக்கப்பட்டு உள்ளது. வேல்ஸில் நான்கு ஆசனங்களும் இலண்டனில் ஆறு ஆசனங்களும் மட்டுமே கொன்சவேடிவ் கட்சிக்குச் சென்றுள்ளது. ஏனைய ஆசனங்களை தொழிற்கட்சி தொடர்ந்தும் தக்க வைத்துக் கொண்டது.

ஆயினும் லண்டனில் தொழிற்கட்சியினால் இழக்கப்பட்ட ஆசனங்களுக்குரிய தேர்தல் தொகுதிகளிலும் கணிசமான தமிழ் வேட்பாளர்கள் இருந்துள்ளனர். இதில் சில பகுதிகளில் போட்டியிட்ட மூன்று கட்சிகளுமே தமிழ் சமூகத்துடன் ஈடுபாடு கொண்டிருந்தமையால் தமிழ் வாக்குகள் தொகையாக ஒருவருக்கு செல்கின்ற நிலை இருக்கவில்லை. குறிப்பாக கிழக்கு லண்டனில் தொழிற்கட்சி வேட்பாளருக்கு எதிரான பிரச்சாரங்கள் தமிழ் தேசியவாதிகளால் முடுக்கிவிடப்பட்டும் இருந்தது. ரோனி மக்நோல்ரி பா உ க்களின் அலவுன்ஸ் விடயத்தில் பத்திரிகைகளில் அம்பலப்படுத்தப்பட்டு இருந்தமையும் அவரது தோல்விக்குக் காரணமாக அமைந்தது.

ஸ்கொட்லாந்தில் தொழிற்கட்சி எந்த ஒரு ஆசனத்தையும் இழக்கவில்லை என்பது குறிப்பிடத்தக்கது. சிறுபான்மையினங்கள் வாழ்கின்ற பகுதிகளில் கொன்சவேடிவ் கட்சியின் பக்கம் ஏற்பட்ட சாய்வு வீதம் நாட்டின் ஏனைய பகுதிகளிலும் 50 வீதம் குறைவாகவே இருந்தது.

லண்டன் மற்றும் அதன் புறநகர்ப் பகுதிகளில் 73 ஆசனங்களில் 38 ஆசனங்கள் தொழிற்கட்சிக்கும் 28 ஆசனங்கள் கொன்சவேடிவ் கட்சிக்கும் 7 ஆசனங்கள் லிபிரல் கட்சிக்கும் சென்றிருந்தது. இப்பகுதி பாராளுமன்ற உறுப்பினர்கள் தமிழ் மக்களின் பல்வேறு விடயங்களுடனும் தங்களை அடையாளப்படுத்தி வந்தனர். சில சமயங்களில் தமிழ் மக்களின் வேறு வேறு முகாம்களில் இவர்கள் அடையாளப்படுத்தப்பட்டு தனிப்பட்ட தாக்குதல்களுக்கும் இலக்காகி உள்ளனர். அதனையொட்டி ஒரே அமைப்பு வேறுவேறு கட்சி பாராளுமன்ற உறுப்பினர்களுக்கு தங்கள் ஆதரவை வழங்கி இருந்தது.

நாடுகடந்த தமிழீழப் பாராளுமன்றத்திற்காகப் போட்டியிட்ட டேவிட் ஜோசப் தமிழ் மக்களும் அமைப்புகளும் ஒரே கட்சிக்கு தங்கள் ஆதரவை வழங்காமல் எப்பாராளுமன்ற உறுப்பினர் தங்களுக்கு ஆதரவு தருகின்றனரோ அவர்களைத் தெரிவு செய்து வாக்களிக்க வேண்டும் என்று கேட்டு இருந்தார். அதன்படி அவர்கள் வேறு வேறு தேர்தல் தொகுதிகளில் வேறு வேறு கட்சிகளை ஆதரித்தனர். குறிப்பாக கிழக்கு இலண்டனில் தமிழ் தேசியத்திற்கான ஆதரவாளர்கள் கொன்சவேடிவ் கட்சிக்கு வாக்களிக்கும்படி கேட்டிருந்தனர். நாடுகடந்த தமிழீழத்திற்கான பாராளுமன்ற உறுப்பினர்களும் அதன் ஆதரவாளர்களும் கொன்சவேடிவ் கட்சிக்கு அலுவலகம் ஒன்றை ஈஸ்ற்ஹாமில் திறந்து வைத்தனர். கொன்சவேடிவ் வேட்பாளரை மேளதாளத்துடன் அழைத்து வீதிவலம் வந்தனர். தென்மேற்கு லண்டனில் சென் கந்தையா போன்ற ரமில்ஸ் போர் லேபர் தொழிற்கட்சிக்கு வாக்களிக்கும்படி கேட்டுக் கொண்டது.

தமிழர்கள் மிகவும் செறிந்து வாழ்கின்ற ஈஸ்ஹாமில் நாடுகடந்த தமிழீழ அணியால் மேற்கொள்ளப்பட்ட பிரச்சாரத்திற்கு மாறாக தொழிற்கட்சிப் பாராளுமன்ற உறுப்பினர் மீண்டும் அதே தொகுதியில் 25000க்கும் அதிகப்படியான வாக்குகளால் தெரிவு செய்யப்பட்டார்.  நாட்டின் பல பகுதிகளிலும் தொழிற்கட்சியின் வாக்கு வீதம் குறைந்துள்ள நிலையில் ஈஸ்ஹாமில் தொழிற்கட்சி பெற்ற வாக்குகள் 16 வீதத்தால் அதிகரித்து இருந்தமை குறிப்பிடத்தக்கது.

லண்டன் மற்றும் புறநகர்ப் பகுதிகளில் தமிழ் சமூகத்துடன் ஈடுபாடு கொண்டவர்கள்; பெரும்பாலும் வெற்றி பெற்றுள்ளனர்.

தமிழ் சமூகத்துடன் ஈடுபாடு கொண்ட தங்கள் ஆசனங்களைத் தக்க வைத்துக் கொண்டவர்கள்:
சாய்மன் ஹீயூச், பரி கார்டினர், ஸ்ரீபன் ரிம்ஸ், ஸ்ரீபன் பொன்ட், விரேந்திர சர்மா, அன்ரூ லவ், கரத் தோமஸ், ஜோன் மக்டொனால், மைக் கேப்ஸ், ஜெரிமி கோபின், எட்வேட் டேவி, சோபியா மக்டோனா, சித்திக் கான், (இவர்களில் சாய்மன் ஹியூச், எட்வேட் டேவி இருவரும் லிபிரல் டெமொகிரட் கட்சியைச் சேர்ந்தவர்கள். ஏனைய அனைவரும் தொழிற் கட்சியினர்.)

தமிழ் சமூகத்துடன் ஈடுபாடு கொண்ட ஆனால் தங்கள் ஆசனங்களை இழந்தவர்கள்:
டோன் பட்லர், ஜெரி றையன், ஜோஆன் ரையன், ரொனி மக்நோல்ரி, அன்றியூ டிஸ்மோர், சோனியா க்லின் (இவர்கள் அனைவரும் தொழிற்கட்சியின் சார்பில் போட்டியிட்டவர்கள் என்பது குறிப்பிடத்தக்கது.)

ஐக்கிய ராஜ்சியம் அல்லது பிரித்தானியா என்பது இங்கிலாந்து வேல்ஸ், ஸ்கொட்லாந்து, வட அயர்லாந்து ஆகிய பிரதேசங்களை உள்ளடக்கியது. மே 6ல் நடந்து முடிந்த தேர்தலில் கொன்சவேடிவ் கட்சி இங்கிலாந்தில் மட்டுமே ஏனைய கட்சிகளிளுலம் பார்க்க கூடுதலான ஆசனங்களைப் பெற்றுள்ளது. பிரித்தானியப் பாராளுமன்றத்தின் 650 ஆசனங்களில் 533 ஆசனங்கள் இங்கிலாந்தில் இருப்பது குறிப்பிடத்தக்கது. வேல்ஸ் 40 ஆசனங்களையும் ஸ்கொட்லாந்து 59 ஆசனங்களையும் வட அயர்லாந்து 18 ஆசனங்களையும் கொண்டுள்ளது. வேல்ஸ் மற்றும் ஸ்கொட்லாந்தில் தொழிற்கட்சி முறையே 26 ஆசனங்களையும் 41 ஆசனங்களையும் பெற்றுக் கொண்டது. கோன்சவேடிவ் கட்சி வேல்ஸில் கடந்த தேர்தலைவிட அதிக ஆசனங்களைப் பெற்று தனது ஆசனங்களை 8 ஆக்கியது. ஆனால் ஸ்கொட்லாந்தில் ஒரேயொரு ஆசனத்தையே பெற்றுக் கொண்டது. வடஅயர்லாந்தில் பிரித்தானியாவின் தேசியக் கட்சிகள் எதுவும் போட்டியிடவில்லை. பிராந்தியக் கட்சிகளே போட்டியிட்டு இருந்தன.

தமிழ் சமூகத்துடன் ஈடுபாடு கொண்ட பாராளுமன்ற உறுப்பினர்களின் தேர்தல் தொகுதி நிலை:

Bermonsey & Old Southwak
Simon Hughes        Liberal Democrat      21,590      48.4      +0.7
Val Shawcross        Labour                        13,060      29.2      -2.4
Loanna Morrison   Conservative                7,638       17.1      +4.1

Brent North
Barry Gardiner        Labour                       24,514      46.9      -2.5
Harshadbhai Patel  Conservative             16,486      31.5      +2.2
James Allie               Liberal Democrat       8,879       17.0      -2.5

Brent Central
Sarah Teather  Liberal Democrat           20,026        44.2    +13.1
Dawn Butler     Labour                             18,681         41.2      -8.9
Sachin Rajput  Conservative                     5,068         11.2      -1.9

Croydon Central
Gavin Barwell  Conservative                  19,657         39.5      -0.9
Gerry Ryan      Labour                            16,688         33.5       -7.6
Peter Lambell  Liberal Democrat            6,553         13.2      +0.4

Croydon North
Malcolm Wicks  Labour                          28,949         56.0      +2.4
Jason Hadden   Conservative                12,466          24.1      +1.9
Gerry Jerome   Liberal Democrat          7,226          14.0      -3.2

Eastham
Stephen Timms  Labour                        35,471        70.4        +16.8
Paul Shea            Conservative                 7,645      15.2           +1.4
Chris Brice          Liberal Democrat          5,849      11.6          +0.8

Ealing North
Stephen Pound  Labour                           24,023      50.4       +3.5
Ian Gibb             Conservative                 14,722       30.9       +2.6
Chris Lucas        Liberal Democrat           6,283       13.2        -6.0

Ealing Southall
Virendra Sharma  Labour                        22,024     51.5      -5.8
Gurcharan Singh   Conservative             12,733     29.8      +10.8
Nigel Bakhai          Liberal Democrat        6,383     14.9      -3.3

Edmonton
Andy Love                       Labour                        21,665      53.7     -2.3
Andrew Charalambous  Conservative             12,052      29.8     +2.3
Iarla Kilbane-Dawe        Liberal Democrat       4,252       10.5     -1.5
    
Enfield North
Nick de Bois  Conservative                      18,804      42.3      -0.8
Joan Ryan     Labour                                 17,112      38.5      -2.3
Paul Smith    Liberal Democrat                5,403      12.2      +0.7

Harrow West
Gareth Thomas        Labour                     20,111       43.6      -5.0
Rachel Joyce             Conservative          16,968       36.8      +6.4
Christopher Noyce  Liberal Democrat     7,458        16.2      -2.5
    
Harrow East
Bob Blackman   Conservative                21,435        44.7        +6.1
Tony McNulty  Labour                          18,032        37.6         -7.9
Nahid Boethe    Liberal Democrat          6,850        14.3        +0.1

Hayes & Harlington
John McDonnell          Labour                23,377         54.8       -1.6
Scott Seaman-Digby  Conservative     12,553          29.4      +1.7
Satnam Kaur Khalsa   Liberal Democrat 3,726         8.7        -1.1

Hendon
Matthew Offord    Conservative             19,635       42.3   +5.2
Andrew Dismore  Labour                        19,529       42.1    -3.0
Matthew Harris    Liberal Democrat        5,734       12.4    -1.7

Ilford South
Mike Gapes              Labour                       25,311    49.4     +0.6
Toby Boutle             Conservative            14,014     27.4     +0.1
Anood Al-Samerai  Liberal Democrat       8,679     17.0     -3.6

Ilford North
Lee Scott          Conservative                   21,506      45.8     +2.0
Sonia Klein       Labour                             16,102       34.3     -5.4
Alex Berhanu  Liberal Democrat             5,924       12.6     -1.2

Islington North
Jeremy Corbyn             Labour                      24,276      54.5     +3.3
Rhodri Jamieson-Ball  Liberal Democrat     11,875      26.7     -3.2
Adrian Berrill-Cox       Conservative               6,339      14.2    +2.4

Kingston & Surbiton
Edward Davey   Liberal Democrat                28,428     49.8     -1.3
Helen Whately   Conservative                       20,868     36.5    +3.5
Max Freedman  Labour                                   5,337        9.3     -3.8

Leyton & Wanstead
John Cryer          Labour                                17,511       43.6     -2.2
Farooq Qureshi  Liberal Democrat               11,095     27.6     +2.9
Ed Northover     Conservative                        8,928      22.2    -0.5

Leicester East
Keith Vaz             Labour                              25,804       53.8     -5.0
Jane Hunt           Conservative                     11,722        24.4     +4.6
Ali Asghar           Liberal Democrat               6,817         14.2    -2.3

Mitcham & Mordern
Siobhain McDonagh  Labour                        24,722        56.4     -0.3
Melanie Hampton     Conservative               11,056       25.2    +0.6
Diana Coman             Liberal Democrat          5,202       11.9    -2.1

Tooting
Sadiq Khan     Labour                                      22,038      43.5      +0.8
Mark Clarke   Conservative                           19,514       38.5      +8.0
Nasser Butt    Liberal Democrat                      7,509       14.8      -4.8

Walthamstow
Stella Creasy       Labour                                 21,252      51.8      +1.5
Farid Ahmed      Liberal Democrat                11,774      28.7      +1.6
Andy Hemsted  Conservative                          5,734      14.0      -4.2