July

Sunday, September 19, 2021

July

அமரர்கள் அமிர்தலிங்கம், யோகேஸ்வரனின் 21வது நினைவு தினம்

தமிழர் விடுதலைக் கூட்டணியின் செயலாளர் நாயகமும், இலங்கையின் வரலாற்றிலேயே எதிர்க்கட்சித் தலைவராகவும் இருந்து செயலாற்றிய அமரர் அமிர்தலிங்கம் மற்றும் முன்னாள் யாழ். மாவட்டப் பாராளுமன்ற உறுப்பினர் அமரர் யோகேஸ்வரன் ஆகியோரின் 21வது நினைவுதினம் நாளையாகும். இதனையிட்டு த.வி.கூ. யாழ். மாவட்ட தலைமைச் செயலகத்தில் நாளை காலை 10.00 மணியளவில் கூட்டம் இடம்பெறும்.

டெங்குவினால் பாதிப்பு; பெண் டாக்டர் மரணம்

mosquito.jpgபதுளை வைத்தியசாலை டாக்டர் ஒருவர் டெங்கு நோயினால் பாதிக்கப்பட்ட நிலையில் பதுளை வைத்தியசாலை அதிதீவிர சிகிச்சைப் பிரிவில் சிகிச்சை பெற்று வந்தார். இவர் நேற்று (11) மாலை உயிரிழந்துள்ளார்.

இவ்வாறு டெங்கு நோயினால் பீடிக்கப்பட்ட நிலையில் அதிதீவிர பிரிவில் சிகிச்சைப் பெற்று வந்த இவர், லக்மாலி விஜேநாயக்க (வயது 31) எனவும் திருமணமாகாவர் எனவும் தெரிவிக்கப்படுகிறது.

இவர் பதுளை மாகாண வைத்திய சாலையில் 23 வது சிறுவர் வார்ட்டில் டாக்டராகப் பணிபுரிந்தவர். இவர் நோயாளிகளுடன் மிகவும் காருண்யமாக நடந்து கொண்டு அனைவரினதும் பெரு மதிப்பைப் பெற்று வந்தமையும் குறிப்பி டத்தக்கது.

சில நாட்களுக்கு முன் டெங்கு நோயால் பாதிக்கப்பட்ட இவரே வைத்தியசாலையில் சிகிச்சைப் பெற்றுள்ளார். (10) நேற்று முன்தினம் கடுமையாகப் பாதிக்கப்பட்ட நிலையில் இவர் அதிதீவிர சிக்சசைப் பிரிவில் அனுமதிக்கப்பட்டு சிகிச்சை பெற்று வந்த வேளை உயிரிழந்துள்ளதாக தெரிவிக்கப்படுகிறது.

வேலணை வைத்தியசாலையில் மருத்துவமாது தூக்கில் சடலமாக மீட்பு. வைத்தியசாலை பொறுப்பதிகாரி பாதுகாப்பான இடத்திற்கு மாற்றம்!

வேலணை அரசினர் வைத்தியசாலையில் குடும்பநல மாதவாகப் பணியாற்றிய பெண்ணொருவர் கயிற்றில் சுருக்கிடப்பட்ட நிலையில் சடலமாக மீட்கப்பட்டுள்ளார். நேற்றுக் (July 10 2010) காலை 7.30 மணியளவில் வைத்தியசாலையில், இவரது தங்கும் அறையில் இவரது சடலம் மீட்கப்பட்டுள்ளது. வேலணை வைத்தியசாலையில் கடமையாற்றி வந்த கைதடி தெற்கைச் சேர்ந்த சரவணை தர்சிகா (வயது 27) என்ற பெண்ணே இவ்வாறு சடலமாக மீட்கப்பட்டார். இச்சம்பவம் வேலணைப் பகுதியில் பெரும் பரபரப்பை எற்படுத்தியுள்ளது.

இச்சம்பவம் பற்றி தெரிய வருவதாவது:  வேலணை அரசினர் வைத்தியசாலை பிரசவ விடுதியில்  பணியாற்றிய குடும்பநல உத்தியோகத்தர் விடுமுறையில் சென்றதையடுத்து பதில் கடமையாற்றும் பணிக்காக தர்சிகா வேலணைக்குச் சென்றார். நேற்று முன்தினம் இரவுக் கடமையில் இருந்த போது அவர் கையடக்கத் தொலைபேசியில் உரையாடியதைக் குற்றம் சாட்டி வைத்தியசாலையின் பொறுபதிகாரி டொக்ரர் பிரியந்த செனவிரட்ண என்பவர் கோபத்தில் பல தடைவைகள் சத்தமிட்டு அவரைத் திட்டியதோடு, அவரது கையக்கத் தொலைபேசியையும் பறித்துள்ளார்.

இதனால் பயந்துபோன தர்சிகா மயக்கமுற்றுள்ளார். அவருக்கு சக ஊழியர்கள் முதலுதவி சிகிச்சையளித்துள்ளனர். பின்னர் நேற்று அதிகாலை அப்பெண் தனது கடமையை ஆரம்பித்த போதும் குறிப்பட்ட வைத்திய அதிகாரி அவரை மேலும் திட்டியுள்ளார். தனது கையடக்கத் தொலைபேசியைத் தருமாறு தர்சிகா கேட்டபோது, அதனைக் கொடுப்பதற்கு அதிகாரி மறுத்துள்ளார்.

இதனையடுத்து நேற்றுக்காலை சில மணிநேரம் தர்சிகாவைக் காணவில்லை என வைத்தியசாலைப் பணியாளர்கள் தேடியுள்ளனர். பின்னர் அவரது விடுதி யன்னலைத் திறந்து பார்த்தபோது. மின்விசிறியில் தொடுக்கப்பட்ட கயிற்றில் சீருடையணிந்த நிலையில் சடலமாக  தர்சிகா தொங்குவதைப் பணியாளர்கள் கண்டுள்ளனர். இச்சம்பவத்தையடுத்து. ஊர்காவற்றுறை பதில் நீதவான் யாழ்.பிராந்திய சுகாதாரசேவைகள் பணிப்பாளர்  டொக்ரர் கேதீஸ்வரன், மற்றும் ஊர்காவற்றுறைப் பொலிஸார் நேரில் சம்பவ இடத்திற்குச் சென்று விசாணைகளை மேற்கொண்டனர். பிரேத பரிசோதனைகளுக்காக பின்னர் சடலம் யாழ்.வைத்தியசாலைக்கு கொண்டு செல்லப்பட்டது.

நான்கு மாதங்களுக்கு முன்னர் குறிப்பிட்ட வைத்திய பொறுப்பதிகாரி வைத்தியசாலைக் கட்டப்பணியில் ஈடுபட்டுக் கொண்டிருந்த ஒருவரைத் தாக்கியதாகவும், அதனால் அக்கட்டடப்பணி இடைநிறுத்தப்பட்டதாகவும், இதனையடுத்து யாழ்.பிராந்திய சுகாதார சேவைகள் பணிப்பாளர் நேரில் சென்று சமரசம் செய்ததாகவும் கூறப்படுகின்றது.

புனர்வாழ்வு முகாமில் தடுத்து வைக்கப்பட்டிருந்த ஏழு பல்கலைக்கழக மாணவர்கள் விடுவிப்பு.

University of Jaffnaபுனர்வாழ்வு முகாமில் ஒரு வருடமாகத் தடுத்து வைக்கப்பட்டிருந்த ஏழு பல்கலைக்கழக மாணவர்கள் நேற்று (10-07-2010) விடுவிக்கப்பட்டுள்ளனர். தெல்லிப்பழை புனர்வாழ்வு முகாமில் தடுத்து வைக்கபட்டிருந்தவர்களில் குறிப்பிட்ட ஏழு பேரே விடுவிக்கப்பட்டுள்ளனர். இவர்களில் நான்கு ஆண்களும், மூன்று பெண்களும் அடங்குகின்றனர்.

Gunasegara D E W_Ministerநேற்று தெல்லிப்பழை பிரதேசச் செயலகத்தில் புனர்வாழ்வு மற்றும், மறுசீரமைப்பு அமைச்சினால் மேற்கொள்ளப்பட்ட நடமாடும் சேவையின் போதே புனர்வாழ்வு மற்றும் சிறைச்சாலைகள் அமைச்சர் டி.யூ. குணசேகரவால் இவர்கள் விடுவிக்கப்பட்டனர். இம்மாணவர்கள் ஏழு பேரும், யாழ். பல்கலைக்கழக துணைவேந்தரிடம் கையளிக்கப்பட்டனர். இந்நிகழ்வில் போரினால் பாதிக்கப்பட்டு சொத்துக்களை இழந்த பத்துப்பேருக்கு இழப்பீடுகள் வழங்கப்பட்டன.

தெல்லிப்பழை பிரதேசச் செயலகத்தில் நேற்று இடம்பெற்ற இந்நிகழ்வில் கலந்து கொண்டு அமைச்சர் டி.யூ, குணசேகர உரையாற்றுகையில் – மீள்குடியேற்றம், புனர்வாழ்வு நடவடிக்கைகளை மேற்கொள்வதென்பது சுலபமானது அல்ல அவைப் படிப்படியாகவே மேற்கொள்ளப்பட வேண்டும் எனக்கூறினார். 40ஆயிரம் பேரே இன்னமும் மீள்குடியேற்றப்பட உள்ளதாகவும் அவர் தெரிவித்தார்.

கிளிநொச்சிப் பகுதிகளில் கள்வர்களின் தொல்லை அதிகரித்து வருகின்றது.

மக்கள் மீள்குடியமர்த்தப்பட்டுள்ள கிளிநொச்சிப் பகுதிகளில் கள்வர்களின் தொல்லை அதிகரித்துள்ளதாக மீள்குடியேற்றப்பட்ட மக்கள் தெரிவிக்கின்றனர்.  சொத்துக்கள் எல்லாவற்றையும் இழந்துள்ள நிலையில் தங்கள் காணிகளில் கூடாரங்கள் அமைத்து தங்கியுள்ள இம்மக்களின் நகை. பணம் போன்றவற்றை இரவு வேளைகளில் சென்று அபகரித்துச் செல்லும் கள்வர்களால் மீள்குடியமர்த்தப்பட்ட மக்கள் மிகுந்த அச்சம் கொண்டுள்ளனர்.

கடந்த சில தினங்களுக்கு முன்பு கிளிநொச்சி உதயநகர் மேற்கில் வசிக்கும் ஒருவருடயை வீட்டினுள் புகுந்த கள்வர்கள் அவரிடமிருந்த பணம். நகை. மற்றும் சில பொருட்களை களவாடிச் சென்றுள்ளனர். இறுதிக்கட்டப் போரில் காயமுற்றதால் நடமாடமுடியாத நிலையில் உள்ள அவரது விட்டிலேயே இக்கொள்ளளைச் சம்பவம் நடைபெற்றுள்ளது. கதவுகள். யன்னல்களற்ற வீட்டில் அவரும் அவரது குடும்பத்தினரும் உறங்கிக்கொண்டிருந்த வேளையில் கள்வர்கள் வீட்டினுள் புகுந்து கொள்ளையில் ஈடுபட்டுள்ளனர்.

மீள்குயேற்றப்பட்டுள்ள மக்கள் தங்கள் இருப்பிடங்களில் பாதுகாப்பற்ற நிலையில் தங்கியுள்ளதால் கள்வர்களின் செயற்பாடுகளுக்கு அது இலகுவாகவுள்ளதாக அம்மக்கள் தெரிவிக்கின்றனர்.

உண்ணாவிரதப் போராட்டத்தை விமல் வீரவன்ஸ முடிவுக்கு கொண்டுவர ஜனாதிபதியிடம் 4 கோரிக்கைகள்.

ww-pr.jpgதேசிய சுதந்திர முன்னணியின் தலைவரும் அமைச்சருமான விமல் வீரவன்ஸவின் நான்கு கோரிக்கைகள் நிறைவேற்றுவார் என்று ஜனாதிபதி மஹிந்த ராஜபக்ஸ உறுதிமொழி வழங்கியதையடுத்தே சாகும் வரையான உண்ணாவிரதப் போராட்டத்தை விமல் வீரவன்ஸ முடிவுக்கு கொண்டு வந்திருக்கின்றார். இத்தகவலை தேசிய சுதந்திர முன்னணி உறுதிப்படுத்தி உள்ளது.

அந்த நிபந்தனைகள் வருமாறு:-

1. ஐக்கிய நாடுகள் சபையின் நிபுணர்கள் குழுவை எக்காரணத்தை கொண்டும் இலங்கைக்குள் அனுமதிக்கக் கூடாது.

2. ஐ.நா நிபுணர் குழு சம்பந்தமாக விசாரணை நடத்த உள்நாட்டு நிபுணர்கள் குழு ஒன்று நியமிக்கப்பட வேண்டும்.

3. ஐ.நாவின் எந்த நிபந்தனைகளுக்கும் உடன்பட்டு ஐ.நா நிபுணர் குழுவை விசாரணை மேற்கொள்ள அனுமதிக்க கூடாது.

4. ஐக்கிய நாடுகள் சபையுடன் பேசி, நிபுணர்கள் குழுவை நீக்க வேண்டும்.

வீரவன்ஸவின் தாயார் மரணம்

funeral-flowers.gifநேற்று இரவு விமல் வீரவன்ஸவின் தாயார் கொழும்பு தேசிய வைத்தியசாலையில் உயிரிழந்துள்ளதாக முன்னாள் பாராளுமன்ற உறுப்பினர் ஜெயந்த சமரவீர தகவல் தெரிவித்துள்ளார்.

உலகக் கோப்பை கால்பந்து வெல்லப்போவது யார்? மோதலில் நெதர்லாந்து – ஸ்பெயின்

spt2.jpgஉலகின் 6 கண்டங்களில் இருந்து 32 அணிகள் பங்கேற்ற இந்த உலகக் கோப்பை கால்பந்து போட்டி தற்போது இறுதிக் கட்டத்தை எட்டியுள்ளது. உலகக் கோப்பை கால்பந்து போட்டியில் இன்று ஞாயிற்றுக்கிழமை இரவு நடைபெறும் இறுதி ஆட்டத்தில் நெதர்லாந்து – ஸ்பெயின் அணிகள் மோதுகின்றன.

கால்பந்து விளையாட ஆரம்பித்து 76 ஆண்டுகளுக்குப்பின் முதன்முறையாக இறுதி ஆட்டத்துக்கு முன்னேறியுள்ளது ஸ்பெயின். 1974-ம் ஆண்டு மேற்கு ஜெர்மனியிடமும்இ 1978-ம் ஆண்டு ஆர்ஜென்டீனாவிடமும் இறுதி ஆட்டத்தில் தோல்வியடைந்து கோப்பையை தவறவிட்ட நெதர்லாந்து அணி தற்போது மூன்றாவது முறையாக இறுதி ஆட்டத்துக்கு தகுதிபெற்றுள்ளது. இதனால் இரு அணிகளும் உலகக் கோப்பையை வெல்லும் துடிப்போடு இறுதி ஆட்டத்தில் களமிறங்குகின்றன.

ஜோன் ஹோம்ஸின் இடத்திற்கு புதியவர் நியமனம் – ஐ.நா. செயலர் அவசர நடவடிக்கை

ஐக்கிய நாடுகள் சபையின் மனிதாபிமான விவகாரங்களுக்கான ஒருங்கிணைப்பு அலுவலகத்தின் பிரதிச் செயலாளர் நாயகமாகப் பணியாற்றிய ஜோன் ஹோம்ஸின் இடத்துக்குப் புதியவர் நியமிக்கப்பட்டுள்ளார்.

தற்போது அவுஸ்திரேலியாவுக்கான பிரிட்டிஷ் உயர்ஸ்தானிகராகக் கடமையாற்றும் திருமதி வெலேரி அமோஸ் ஐ.நா. செயலாளர் நாயகம் பான் கி மூனினால் ஹோம்ஸின் இடத்திற்கு நியமிக்கப்பட்டுள்ளதா அவரின் இணைப் பேச்சாளரான ஃபர்ஹான் ஹக் தெரிவித்துள்ளார்.

ஜோன் ஹோம்ஸ் இதுவரை காலம் ஆற்றிய பணிகளுக்காக அவருக்கு நன்றி தெரிவித்துள்ள செயலாளர் நாயகம் பான் கி மூன் புதியவர் அந்தப் பணியைத் திறம்பட மேற்கொள்வாரென நம்பிக்கை தெரிவித்துள்ளார்.ஜோன் ஹோம்ஸ் இலங்கை அரசாங்கத்தரப்பால் முன்னர் கடும் விமர்சனத்திற்கு ஆளானவர் என்பது குறிப்பிடத்தக்கது.

முன்னாள் அமைச்சர் மகேஸ்வரனை படுகொலை செய்தவர்களை உடன் கண்டுபிடியுங்கள். – அமைச்சர் தேவானந்தா அரசிடம் கோரிக்கை!

douglas-devananda.jpg‘முன்னாள் அமைச்சர் மகேஸ்வரனை படுகொலை செய்தவர்களை உடன் கண்டுபிடியுங்கள். எம்மீதுள்ள களங்கத்தை போக்குங்கள்” என – அமைச்சர் டக்ளஸ் தேவானந்தா அரசிடம் கோரிக்கை விடுத்துள்ளார்.

ஐக்கிய தேசியக் கட்சியின் முன்னாள் பாராளுமன்ற உறுப்பினரும் அமைச்சருமான தி.மகேஸ்வரனை படுகொலை செய்தவர்களை கைது செய்யுமாறு ஈ.பி.டி.பியின் செயலாளர் நாயகமும் அமைச்சருமான டக்ளஸ் தேவானந்தா அரசாங்கத்திடம் கோரியுள்ளார். கொலையாளிகளை உடனடியாக கைது செய்து தம்மீது சுமத்தப்பட்டுள்ள குற்றச்சாட்டுக்களை நீக்குமாறு அவர் கோரியுள்ளார்.

அத்துடன் அண்மையில் சாவகச்சேரியில் மாணவர் ஒருவர் கடத்திச் செல்லப்பட்டு படுகொலை செய்யப்பட்ட சம்பவம் தொடர்பிலும், விரிவான விசாரணகள் நடத்தப்பட வேண்டும் எனவும் அவர்  தெரிவித்துள்ளார். இக்கொலை தொடர்பாகவும் சிலர் தம்மீது குற்றம் சுமத்தி வருவுதாகவும் அவர் குறிப்பிட்டுள்ளார்.

இச்சம்பவங்களை முன்னிறுத்தி எதிர்க்கட்சி உறுப்பினர்கள் தம்மீதும் தமது கட்சி மீதும் பாராளுமன்றத்தில் கடுமையாக விமர்சித்து வருகின்றனர் எனவும், இவற்றிற்கும் தமக்கும் எவ்விதத் தொடர்பும் இல்லை எனவும் அவர் தெரிவித்துள்ளார். குற்றவாளிகள் கைது செய்யப்பட்டு உரிய விசாணைகளை நடத்தி தம்மீது சுமத்தப்பட்டுள்ள களங்கத்தை போக்குமாறும் அவர் அரசாங்கத்திடம் கோரியுள்ளார்.

மகேஸ்வரனின் மனைவியும் தற்போது ஐக்கிய தேசியக்கட்சியின் பாராயுளுமன்ற உறுப்பினராக இருப்பவருமான விஜயகலா மகேஸ்வரன் பாராளுமன்றத்தில் ஆற்றிய உரைக்கு பதிலளிக்கும் வகையிலேயே அமைச்சர் டக்ளஸ் தேவானந்தா இவற்றைத் தெரிவித்துள்ளார்.