ரோஹினி கொசோக்லு அமெரிக்க மக்கள் எதிர்கொள்ளும் சில முக்கியமான பிரச்சனைகள் தொடர்பில் நிபுணர் மட்டுமல்ல, செனட் சபை உறுப்பினர் மற்றும் ஜனாதிபதித் தேர்தல் பிரசாரத்தின் எனது நெருங்கிய மற்றும் நம்பகமான உதவியாளர்களில் ஒருவராகவும் இருந்தார் என்றும் கமலா ஹரிஸ் கூறியுள்ளார்.
ரோஹினி கொசோக்லுவின் பெற்றோர் மருத்துவர் விஜயதேவேந்திர ரவீந்திரன் மற்றும் ஷோபனா ரவீந்திரன் ஆகியோர் 1980களின் முற்பகுதியில் யாழ்ப்பாணத்திலிருந்து அமெரிக்காவுக்கு குடிபெயர்ந்தவர்களாவர். கடந்த 2018 ஆம் ஆண்டில், அமெரிக்க துணை ஜனாதிபதித் தேர்தலில் வேட்பாளரான கமலா ஹரிஸின் தலைமைப் பணியாளராகப் ரோஹினி கொசோக்லு பொறுப்பேற்றார். இதன்போது அமெரிக்க செனட்டர் ஒருவருக்கு தலைமைப் பணியாளர் பதவியை வகித்த ஒரே அமெரிக்க ஆசியப் பெண் என்ற பெருமையையையும் அவர் பெற்றார்.
ரோஹினி கொசோக்லு, மிச்சிகன் பல்கலைக்கழகம் மற்றும் ஜோர்ஜ் வொஷிங்டன் பல்கலைக்கழகத்தின் பட்டதாரி ஆவார். மிச்சிகன் செனட்டர் டெபி ஸ்டெபெனோ சார்பில் பணியாற்றும்போது கடிதத் தொடர்பு மேலாளராக அரசியலில் நுழைந்தார். பட்டம் பெற்ற பின்னர் ஸ்டீபெனோவின் சிரேஷ்ட கொள்கை ஆலோசகராக பணியாற்றினார். பின்னர் அவர் கொலராடோ செனட்டர் மைக்கேல் பென்னட்டின் கீழ் சிரேஷ்ட சுகாதார ஆலோசகராக பணியாற்றினார். அந்த நேரத்தில் ஒபாமா கெயார் திட்டத்திலும் பணியாற்றினார்.
