Monday, October 18, 2021

பெங்களூரை இலகுவாக சாய்த்த கொல்கத்தா !

ஐ.பி.எல். கிரிக்கெட்டில் 31-வது லீக் ஆட்டம் இன்று அபுதாபியில் நடைபெற்றது. இதில் கொல்கத்தா நைட் ரைடர்ஸ்- ரோயல் சேலஞ்சர்ஸ் பெங்களூர் அணிகள் பலப்பரீட்சை நடத்தின. நாணயச்சுழற்சியில் வென்று பேட்டிங் தேர்வு செய்த ஆர்.சி.பி. அணி 92 ஓட்டங்களுக்குள் படுமோசமாக சுருண்டது. அந்த அணி சார்பாக படிக்கல் பெற்ற 22 ஓட்டங்களே அதிக பட்சமாக காணப்பட்டது.
கொல்கத்தா அணி சார்பில் வருண் சக்ரவர்த்தி, அந்த்ரே ரஸல் தலா 3 விக்கெட் வீழ்த்தினர்.
பின்னர்  93 ஓட்டங்கள் கள் அடித்தால்  வெற்றி என்ற இலக்குடன் கொல்கத்தா நைட் ரைடர்ஸ் களம் இறங்கியது. துடுப்பாட்டத்தில்  சொதப்பிய ஆர்.சி.பி. பந்து வீச்சிலாவது சிறப்பாக செயல்படும் என எதிர்பார்க்கப்பட்டது. ஆனால் கொல்கத்தா நைட் ரைடர்ஸ் அணியின் தொடக்க வீரர்களான ஷுப்மான் கில், வெங்கடேஷ் அய்யர் ஆகியோர் அதிரடி ஆட்டத்தை வெளிப்படுத்தினர்.
இந்த ஜோடி முதல் விக்கெட்டுக்கு 9.1 ஓவரில் 82 ஓட்டங்கள் குவித்தது. ஷுப்மான் கில் 34 பந்தில் 48 ஓட்டங்கள் விளாசினார். வெங்கடேஷ் அய்யர் 27 பந்தில் 41 ஓட்டங்கள் அடித்து ஆட்டமிழக்காமல் இருக்க கொல்கத்தா நைட் ரைடர்ஸ் 10 ஓவரில் 1 விக்கெட் இழப்பிற்கு 94 ஓட்டங்கள் எடுத்து 9 விக்கெட் வித்தியாசத்தில் அபார வெற்றி பெற்றது.
Show More
Leave a Reply

Your email address will not be published. Required fields are marked *