மாணவியின் நிர்வாண காணொளியினை சமூக வலைத்தளங்களில் வெளியிட்ட காதலன் உட்பட மூவர் காவல்துறையினரால் கைது செய்யப்பட்டுள்ளனர்.
மொனராகலையில் இடம்பெற்ற இந்த சம்பவத்தில் 17 வயதுடைய பாடசாலை மாணவியே இவ்வாறான நிலைமைக்கு ஆளாகியுள்ளார்.
இவ்வாறு கைது செய்யப்பட்ட சந்தேகநபர்கள் 20, 23 மற்றும் 24 வயதுடைய மொனராகலை, பண்டாரவாடிய, பட்டியாலந்த, மகந்தனமுல்ல பிரதேசங்களைச் சேர்ந்தவர்கள் எனத் தெரிவிக்கப்பட்டுள்ளது.
குறித்த காணொளியை பாடசாலை மாணவியின் காதலன் பெற்று தனது நண்பர்களுக்கு வழங்கியதாகவும் பின்னர் அதனை சமுக வலைத்தளங்களில் பகிர்ந்துள்ளதாகவும் தெரிவிக்கப்பட்டுள்ளது.
இவர்கள் மொனராகலை நீதவான் முன்னிலையில் முன்னிலைப்படுத்தப்படவுள்ளதுடன் மொனராகலை காவல்துறையினர் மேலதிக விசாரணைகளை மேற்கொண்டு வருகின்றனர்.
