புலம்பெயர் வாழ்வியல்

நோர்வே நியூஸ் இணையத்தள ஆசிரியர் நடராஜா சேதுரூபன் ஏசியன் ரிபியூன் மற்றும் அதன் ஆசிரியர் கே ரி ராஜசிங்கத்திற்கு எதிராகப் பதிவு செய்த வழக்கில் ஏசியன் ரிபியூனுக்கு எதிராக சுவீடன் நீதிமன்றம் தீர்ப்பு வழங்கி உள்ளது. சேது என்று அறியப்பட்ட நடராஜா சேதுரூபனுக்கு அவதூறை ஏற்படுத்தும் விதத்தில் கட்டுரைகள் செய்திகளை ஏசியன் ரிபியூன் வெளியிட்டதாக அதன் ஆசிரியர் கே ரி ராஜசிங்கத்தை சுவீடன் நீதிமன்றம் கண்டித்துள்ளது. இவ்வாறான அவதூறுகளால் நடராஜா சேதுரூபனுக்கு ஏற்பட்ட இழப்பிற்கு 125 000 குரோணர் (12 000 பவுண்கள்) நட்டஈடு செலுத்தும்படி சுவிடன் நீதிமன்றம் ஏசியின் ரிபியூனுக்கு எதிரான தீர்ப்பில் குறிப்பிட்டுள்ளது. மேலதிக நட்டஈடு பற்றிய விபரம் பின்னர் அறிவிக்கப்படும் எனவும் தெரிவிக்கப்படுகின்றது. (தீர்ப்பு : Judgement_on_KTR_V_Sethu )

சுவீடன் நீதிமன்றத்தால் வழங்கப்பட்டுள்ள இத்தீர்ப்பையும் அதன் அங்கிகரிக்கப்பட்ட மொழிபெயர்ப்பையும் ஏசியன் ரிபியூன் இணையத்தளத்திலும் இலங்கையில் வெளியாகும் பத்திரிகையிலும் முன் பக்கத்தில் பிரசுரிக்க வேண்டும் என்றும் நீதிமன்றம் பணித்துள்ளது. மேற்படி தீர்ப்புக்கு எதிராக ஏசியன் ரிபியூன் மேன்முறையீடு செய்வதாக இருந்தால் யூன் 2ம் திகதிக்கு முன்னதாக மேன்முறையீடு செய்ய வேண்டும்.

‘இத்தீர்ப்பு நீதியை நிலை நாட்டியுள்ளது. நான் எப்போதும் தமிழீழ விடுதலைப் புலிகளின்  உறுப்பினராக இருந்ததில்லை. அவர்களின் உளவுப் பிரிவிலும் பணியாற்றியதில்லை. அப்படி இருந்தும் என்னைப் புலி உறுப்பினராகக் குற்றம்சாட்டி எனக்கு உயிராபத்து ஏற்படுத்தும் வகையிலேயே ஏசியன் ரிபியூன் செய்திகளையும் கட்டுரைகளையும் வெளியிட்டு வந்தது. இந்தத் தீர்ப்பு உண்மைக்காக நான் போராடியதற்குக் கிடைந்த வெற்றி.’ என்று நடராஜா சேதுரூபன் இத்தீர்ப்புத் தொடர்பாக தேசம்நெற்க்கு கருத்துத் தெரிவித்தார்.

நடராஜா சேதுரூபன் பற்றி ஏசியன் ரிபியூனில் வெளியான செய்திகளும் கட்டுரைகளும் இலங்கையிலும் வேறு நாடுகளில் உள்ள இணையத் தளங்களிலும் பரவலாக மீள்பிரசுரமாகி இருந்தமை குறிப்பிடத்தக்கது. ஏசியன் ரிபியூனுக்கு இலங்கை அரசு நிதியுதவி வழங்கி வருவது தெரிந்ததே.

சுவீடனைத் தளமாகக் கொண்டு இயங்கும் ஆசிய கற்கைகளுக்கான மையமே ஏசியன் ரிபியூனை இயக்குகின்றது. ஆதனால் இவ்வழக்கு சுவீடனிலேயே நடத்தப்பட்டது. நோர்வேயில் வாழும் நடராஜா சேதுரூபன் ஏசியன் ரிபியூனுக்கு எதிரான வழக்கை  நோர்வே அரச சட்டத்தரணிகள் மூலமாகப் பதிவு செய்திருந்தார். ஏசியன் ரிபியூனின் மேன்முறையீடு செய்து அது தோல்வி காணும் பட்சத்தில் நட்டஈடு சில மில்லியன் குரோணர்களைத் தாண்டும் என மதிப்பிடப்படுகின்றது.

இலங்கையில் தமிழர் விடுதலைக் கூட்டணித் தலைவர் வி ஆனந்தசங்கரி வீரகேசரி பத்திரிகைக்கு எதிராகத் தொடுத்த வழக்கில் வெற்றிபெற்றிருந்தார். அப்பத்திரிகை நட்ட ஈட்டினை வழங்கப் பணிக்கப்பட்டது. ஆனால் தமிழ் ஊடகவியலாளர் ஒருவர் மற்றுமொரு தமிழ் ஊடகத்திற்கு எதிராக ஊடகவியலாளருக்கு எதிராக மானநட்ட வழக்கினை தொடுத்து அதில் வெற்றி பெற்றது அண்மைக்காலத்தில் இதுவே முதற்தடவையாகும். இவ்வழக்கு ஊடகங்கள் தங்கள் செய்திகள் கட்டுரைகளில் பொறுப்புடன் நடந்து கொள்ள வேண்டியதன் அவசியத்தை வலியுறுத்தி நிற்கின்றது.

இவ்வழக்கில் சம்பந்தப்பட்ட இருவருமே சுயாதீன ஊடகவியலாளர்களாக அறியப்பட்டவர்கள் அல்லர். அவர்கள் குறிப்பிட்ட காலகட்டங்களில் குறிப்பிட்ட அரசியல் பின்னணியில் செயற்பட்டவர்கள். செய்திகளையும் கட்டுரைகளையும் தங்கள் சொந்த விருப்பு வெறுப்புகளின் அடிப்படையில் பிரசுரித்து வந்திருந்தனர்.

இணைய வலையத்தின் அனாமதேயத் தன்மையினால் புனைப்பெயர்களில் தனிப்பட்ட தாக்குதல்கள் மிகமோசமாக நடத்தப்பட்டு வந்தது. இதில் கே ரி ராஜசிங்கம், நடராஜா சேதுரூபன் உட்பட பலரது பெயர்கள் புலம்பெயர் தமிழ் சமூகத்தினால் நன்கு அறியப்பட்டு இருந்தது. இவ்வழக்கின் தீர்ப்பு இவ்வகையான தனிநபர் தாக்குதலை மட்டுப்படுத்தவதற்கு உதவும் வாய்ப்பு உள்ளது.

நடராஜா சேதுரூபன் தொடர்பாக தேசம்நெற்றில் வெளியான கட்டுரைகள்:

புனைபெயரில் ஒழிந்து கொண்டு பத்திரிகா தர்மம் பேசும் எஸ் சிவரூபனுக்கு….. : நடராஜா சேதுரூபன்

சேதுவும் தேசம் ஜெயபாலனின் பொறுப்பற்ற பத்திரிகா தர்மமும். : எஸ் சிவரூபன்

முன்னாள் ஐரோப்பிய ‘புலி’ ஆதரவாளர் மகிந்த ராஜபக்சவுக்காக பிரச்சாரம் செய்ய இலங்கை செல்கிறார். : த ஜெயபாலன்

லண்டனில் மே 6ல் இடம்பெற்ற உள்ளுராட்சித் தேர்தலில் 50 வரையான தமிழர்கள் போட்டியிட்டு 13 பேர் உள்ளுராட்சி ஆசனங்களைப் பெற்றுள்ளனர். லண்டனில் இதுவரை நடந்த உள்ளுராட்சித் தேர்தலில் இவ்வளவு தொகையான தமிழர்கள் போட்டியிட்டதும் பத்துக்கும் மேற்பட்ட ஆசனங்களை வென்றதும் இதுவே முதற்தடவையாகும். கடந்த தேர்தலில் கவுன்சிலர்களாகத் தெரிவு செய்யப்பட்ட போல் சத்தியநேசன், மைக் செல்வா, மனோகரன் தர்மராஜ், தயா இடைக்காடர், நிசாம் அலாவி இஸ்மைல், யோகன் கோகநாதன், எலிசா பாக்கியதேவி மஅன், சசிகலா, கைருள் கரீமா மரிக்கார் ஆகியோர் இம்முறை மீண்டும் கவுன்சிலர்களாகத் தெரிவு செய்யப்பட்டு உள்ளனர். போட்டியிட்ட தமிழ் வேட்பாளர்களில் நியூஹாமில் போட்டியிட்டு நான்காவது முறையாக கவுன்சிலராகத் தெரிவு செய்யப்பட்ட போல் சத்தியநேசன் ஆகக் கூடுதலான வாக்குகளைப் (3453) பெற்றுள்ளார்.

தமிழ், தமிழ் பேசும் கவுன்சிலர்களுள் மைக் செல்வா தமிழகத்தை பின்னணியாகக் கொண்டவர். நிசாம் அலாவி இஸ்மைல், கைருள் கரீமா மரிக்கார் ஆகிய இருவரும் இலங்கைப் பின்னணியைக் கொண்ட முஸ்லிம்கள். ஏனையவர்கள் இலங்கைப் பின்னணியை உடைய தமிழர்கள் என்பது குறிப்பிடத்தக்கது. இவர்கள் அனைவருமே தமிழ் பேசுபவர்கள்.

தமிழ் கவுன்சிலர்களின் அரசியல்:

தமிழ் கவுன்சிலர்களாகத் தெரிவு செய்யப்பட்டுள்ள பதினொருவரில் (இரு முஸ்லீம் கவுன்சிலர்கள் நீங்கலாக) பெரும்பாலானவர்கள் தமிழ் தேசியத்தை முன்வைத்தே தமிழ் வாக்கு வங்கியை தமதாக்கிக் கொண்டனர். இவர்கள் தமிழ் தேசியத்தில் முழுமையாக நம்பிக்கை வைக்காத போதும் அதன் அலையில் செல்வதன் மூலமே தங்கள் வாக்கு வங்கியைப் பலமாக்க முடியும் என்ற நம்பிக்கையில் செயற்பட்டனர். இவர்களில் குறிப்பாக தயா இடைக்காடர், சுரேஸ் கிருஸ்ணா அவருடைய துணைவியார் சுரேஸ் சசிகலா, யோகன் யோகநாதன் அவருடைய மகன் ரோகான் யோகநாதன் (இம்முறை தெரிவாகவில்லை) ஆகியோர் முக்கியமானவர்கள். ஏனையவர்களும் இந்த தமிழ் தேசிய அலைக்கு ஓரளவுக்கு வளைந்து கொடுக்க வேண்டிய நிலையிலேயே இருந்தனர். 

மனோ தர்மராஜ் பெரும்பாலும் தமிழ் என்ற வகையில் தன்னை அடையாளப்படுத்துபவர் அல்ல.

மாறாக போல் சத்தியநேசன் இந்த ‘புலித் தேசியம்’ ஆகிப் போன தமிழ் தேசிய அலைக்கு எதிரானவராகவே கணிக்கப்பட்டார். வன்னி யுத்தம் உக்கிரமாகி இருந்தவேளை தமிழ் கவுன்சிலர்களும் கவுன்சிலராக வர விரும்பியவர்களும் புலித் தேசியத்திற்கு ஆதரவான நிலையை எடுக்க நிர்ப்பந்திக்கப்பட்ட போதும் போல் சத்தியநேசன், வரன் கனகசுந்தரம் போன்றவர்கள் யுத்தத்தை நிறுத்தும்படி இலங்கை அரசைக் கேட்டுக்கொண்ட அதேநேரம் மக்களை பணயக் கைதிகளாக வைத்திராமல் அவர்களை விடுவிக்கும்படி கேட்டுக் கொண்டனர். இவற்றைச் சித்தரிக்கும் தெருநாடகம் தேசம்நெற்றால் ஈஸ்ற்ஹாம் வீதியில் நடத்தப்பட்டதற்கு ‘புலித் தேசியம்’ கடுமையான எதிர்ப்பைத் தெரிவித்தது. இத்தெரு நாடகத்தை இயக்கியவர்களில் ரெட் யூனியன் சோசலிஸ்ட் கட்சி கூட்டில் போட்டியிட்ட உதயசேனன் தனபாலசிங்கமும் முக்கியமானவர்.

பிரித்தானிய உள்ளுராட்சி மன்றுக்கு கவுன்சிலராகத் தெரிவு செய்யப்படுபவர் தனது உள்ளுர் பிரதேசத்திற்கு காத்திரமான சேவையை வழங்க வேண்டும் என்பதே நோக்கம். உள்ளுராட்சி மன்றத்தின் அதிகாரம் மிகவும் மட்டுப்படுத்தப்பட்டது. ஆயினும் தமிழ் தேசிய அலையானது இந்த உள்ளுராட்சி மன்ற தமிழ் வேட்பாளர்களை வைத்து கட்டமைக்கும் அரசியலோ மிகவும் போலியானது. ஆனால் இதனை உணர்ந்திருந்த கவுன்சிலர்களும் தங்கள் வாக்கு வங்கியை மட்டும் கருத்தில் கொண்டு புலித் தேசியத்தின் அலைக்கு எடுபட்டனர். இவர்களது தேர்தல் பிரிவில் சகல இன மக்களும் வாழ்ந்த போதும் தமிழ் வாக்காளர்கள் மொத்தமாக வாக்கு அளித்தால் வென்றுவிடலாம் என்ற கணிப்பில் (அக்கணிப்பு உண்மையானதும் கூட) இவர்கள் காலத்துக்குக் காலம் தமிழ் மக்களின் அரசியல் அவலத்தை தங்கள் அரசியல் லாபத்திற்கு பயன்படுத்திக் கொள்கின்றனர்.

இவர்களில் எலிசா பாக்கியதேவி மஅன் விதிவிலக்கானவர். இவர் தமிழ் தேசியத்தின் மீது நம்பிக்கை கொண்டவரே அன்றி அதனை வைத்து அரசியல் செய்பவர் அல்ல. அந்த அவசியம் அவருக்கு இல்லை. ஏனெனில் அவர் தமிழ் வாக்காளரில் தங்கியில்லை.

தமிழ் கவுன்சிலர்கள் தாங்கள் வாழும் தேர்தல் பிரிவின் சகல இன மக்களையும் பிரதிநிதித்துவப்படுத்தவதுடன் அம்மக்களை நோக்கி தங்கள் சேவைகளை வழங்கத் தவறும்பட்சத்தில் அவர்கள் தங்கள் ஆனசங்களை இழக்க நேரிடலாம்.

ஒரே நபர்கள் வேறுவேறு தொப்பிகளை அணிவது போல் புலித் தேசியவாதிகள் பிரித்தானிய தமிழர் பேரவை, நாடுகடந்த தமிழீழம், வட்டுக்கோட்டைத் தீர்மானக்குழு, உலகத் தமிழர் பேரவை, ரமிழ்ஸ் போர் லேபர், ரமிழ்ஸ் போர் கொன்சவேடிவ் என்ற தொப்பிகளை மாறி மாறி அணிகின்றனர். சில சமயங்களில் இவர்களுக்கு தாங்கள் எந்தத் தொப்பியை அணிந்துள்ளோம் என்று தெரியாமலேயே நடந்தும் கொள்கின்றனர். இந்தத் தொப்பிகளை சில தமிழ் கவுன்சிலர்களும் தங்கள் வாக்கு வங்கியைப் பலப்படுத்த விரும்பி அணிந்து கொள்கின்றனர். சிலர் விரும்பாமலேயே அணிந்து கொள்ள நிர்ப்பந்திக்கப்படுகின்றனர். 

இவர்களுடைய அரசியல் மாறாட்டம் மிகவும் கேலிக்கூத்தானதாக உள்ளது. நாடுகடந்த தமிழீழப் பாராளுமன்றத்தில் நின்ற டேவிட் ஜோசப் தாங்கள் ஒவ்வொரு பகுதியில் ஒவ்வொரு கட்சியை ஆதரிக்கப் போவதாக அறிவித்தார். பிரித்தானிய தமிழர் பேரவையின் உறுப்பினர்கள் ஒரு தேர்தல் பிரிவில் தொழிற்கட்சிக்கு பிரச்சாரம் செய்தனர். அதே நபர்கள் சில மைல்களுக்கு அப்பால் கொன்சவேடிவ் கட்சிக்கு பிரச்சாரம் செய்கின்றனர். ஒவ்வொரு கட்சிக்கும் அதற்கென்று கொள்கைகள் உள்ளது. அவற்றின் கொள்கை அடிப்படையில் உடன்பாட்டுக்குவராது தனிப்பட்ட வேட்பாளர்களின் அடிப்படையில் அரசியலை முன்னெடுத்து நம்பகத்தன்மை அற்றவர்களாகவும் கொள்கையற்றவர்களாகவும் தங்களை இனம்காட்டிக் கொள்கின்றனர். இவ்வாறான முரண்நகையான அரசியல் செயற்பாடுகள் கடந்தகாலங்களில் தாயகத்திலும் புலம்பெயர்நாடுகளிலும் பாதகமான விளைவுகளையே ஏற்படுத்தியது. அதனையே இன்னமும் தொடர்கின்றனர். 

வெற்றியும் தோல்வியும்:

தவத்துரை ஜெயரஞ்சன், கனபதிப்பிள்ளை நகீரதன், கிருஸ்ணா சுரேஸ், செல்லையா லோகேந்திரன் ஆகிய நால்வரும் புதிதாக இம்முறை கவுன்சிலர்களாகத் தெரிவு செய்யப்பட்டு உள்ளனர். தவத்துரை ஜெயரஞ்சன், கிருஸ்ணா சுரேஸ் ஆகிய இருவரும் கடந்த உள்ளுராட்சித் தேர்தலில் போட்டியிட்டு தோல்வியைத் தழுவி இருந்தனர். இம்முறை அவர்கள் வெற்றியைத் தழுவிக் கொண்டனர். மாறாக சென்றமுறை கவுன்சிலராக இருந்த யோகன் யோகநாதனின் மகன் றோகான் யோகநாதன் இம்முறை தனது ஆசனத்தை இழந்துள்ளார்.

கடந்த உள்ளுராட்சித் தேர்தலில போட்டியிட்ட சிலர் இம்முறை தேர்தலில் போட்டியிடவில்லை. வட்டுக்கோட்டை தீர்மானத்தை முன்னெடுத்த பரமகுமாரன் இம்முறை போட்டியிடவில்லை. ‘ஒரு பேப்பர்’ ஆசிரயர் கோபி கோபிரட்ணமும் இம்முறை போட்டியிடவில்லை. இவர்கள் கடந்த தேர்தலில் தொழிற்கட்சியில் போட்டியிட்டு இருந்தனர். தங்களுக்கு வெல்வதற்கு வாய்ப்புள்ள ஆசனங்கள் வழங்கப்படாததால் தேர்தலில் இருந்து ஒதுங்கி இருப்பதாகத் தெரியவருகின்றது. ஆனால் இத்தடவை தொழிற் கட்சியில் போட்டியிட்ட 16 தமிழ் பேசும் வேட்பாளர்களில் 10 பேர் கவுன்சிலராகத் தெரிவு செய்யப்பட்டனர். இன்னும் ஒரு சிலர் ஓரிரு நூறுக்கும் குறைவான வாக்குகளால் தோல்வியைத் தழுவி இருந்தனர்.

சென்ற தேர்தலில் கொன்சவேடிவ் கட்சி சார்பில் போட்டியிட்ட பீற்றர் ரட்ணராஜா இத்தடவை போட்டியிடவில்லை.

போல் சத்தியநேசன் மற்றும் புலித் தேசியத்திற்கு ஆதரவு வழங்காத வேட்பாளர்களுக்கு எதிரான சேறடிப்பு பிரச்சாரம் ஒன்று நியூஹாமில் தீவிரமாக மேற்கொள்ளப்பட்டது. இருந்தும் அப்பிரச்சாரம் பெரும்பாலும் அர்த்தமற்றதாகிப் போனது. போல் சத்தியநேசன் 3500க்கும் அதிகமான வாக்குகளைப் பெற்றுக் கொண்டு நான்காவது தடவையாகவும் கவுன்சிலராகத் தெரிவு செய்யப்பட்டார். ‘புலித் தேசியம்’ அணியில் நின்றவர்களைக் காட்டிலும் அவர் 1000 வாக்குகளை அதிகம் பெற்று வெற்றி பெற்றுள்ளார். 

இத்தேர்தலில் சேனன் என அறியப்பட்ட உதயசேனன் தனபாலசிங்கம் நிராகரிக்கப்பட்டமை கவனத்திற்குரியது. தான் வாழ்கின்ற பகுதியில் மட்டுமல்லாமல் உலகின் எப்பாகத்திலும் ஒடுக்கப்படுகின்ற சமூகத்திற்காக நீண்டகாலமாகப் போராடி வருபவர். உள்ளுர் விப்ஸ்குரொஸ் மருத்துவமனையின் சில பிரிவுகள் மூடப்படுவதற்கு எதிராகவும் இந்தோனேசியக் கடலில் தத்தளிக்கும் அகதிகளுக்காகவும் குரல் கொடுக்கும் இவருக்கும் இவரது கட்சிக்கும் மிகக் குறைந்த வாக்குகளே கிடைத்துள்ளது. போட்டியிட்ட 50 வரையான வேட்பாளர்களில் சேனன் 104 வாக்குகளை மட்டுமே பெற்றுள்ளார். இவர் போட்டியிட்ட தேர்தல் பிரிவிலும் இவரது வாக்கே மிகக் குறைந்ததாக உள்ளது.

மக்களுக்காக குரல் கொடுக்கும் ரேட் யூனியன் சோசலிஸ்ட் கோஓலிசன் வாக்காளர்களின் நம்பிக்கையை வென்றெடுக்கத் தவறிவிடுகின்றது. இலங்கைத் தமிழர் பிரச்சினையை கையிலெடுத்து பல்வேறு போராட்டங்களை இவர்கள் முன்னெடுத்து போதும் இவர்களால் லண்டன் தமிழ் மக்களை தம் பக்கம் வெற்றி கொள்ள முடியவில்லை. ரமிழ்ஸ் போர் லேபர், ரமில்ஸ் போர் கொன்சவேடிவ் என்றெல்லாம் அமைப்புகள் உருவாகிய போதும் ரமிழ்ஸ் போர் சோசலிஸ்ட் என்று ஒரு அமைப்பை ஏற்படுத்த முடியவில்லை. இவர்களுக்கும் தமிழ் மக்களுக்கும் மட்டுமல்ல பெரும்பான்மை மக்களுக்கும் இடையே உள்ள ஒவ்வாத இரசாயன மாற்றத்தை மாற்றாதவரை இவர்கள் தொடர்ந்தும் நிராகரிக்கப்படும் நிலையே உள்ளது. இது லண்டனில் மட்டுமல்ல இலங்கையில் உள்ள இடதுசாரிக் கட்சிகளின் நிலையும் இதுவாகவே உள்ளது. 

இக்கட்சியைக் காட்டிலும் சுயேட்சையாக போட்டியிட்ட வரன் கனகசுந்தரம் கணிசமான வாக்குகளைப் பெற்றுள்ளமை இங்கு குறிப்பிடத்தக்கது. வாக்குகளை வைத்து கட்சிகளின் கொள்கைகளை ஒப்பிடுவது மதிப்பீடு செய்வதோ சிறந்த அணுகுமுறையாக இல்லாத போதும் தேர்தலின் முடிவில் யார் மக்களுடைய அங்கிகாரத்தைப் பெறுகிறார்கள் என்பதே தீர்மான சக்தியாக அமைகின்றது.

புலம்பெயர்ந்த தமிழர்களின் பிரதிநிதித்துவம்:

புலம்பெயர்ந்து லண்டனில் கணிசமான தொகையினர் வாழ்ந்த போதும் பிரித்தானிய பிரதான அரசியல் நீரோட்டத்தில் இவர்கள் ஒரு ஓரமாகவே நிற்கின்றனர். 100 000 தமிழ் வாக்காளர்களுக்கு மேல் லண்டனிலும் லண்டனைச் சுற்றிய புறநகர்ப் பகுதிகளில் உள்ள 32 உள்ளுராட்சிப் பிரிவுகளிலும் வாழ்கின்றனர். 32 உள்ளுராட்சிப் பிரிவுகளுக்கும் 1849 கவுன்சிலர்கள் தெரிவு செய்யப்பட்டுள்ளனர். இவர்களில் 13 பேரே தமிழ் பின்னணியை உடையவர்களாக இருந்துள்ளனர். 

பாராளுமன்றத் தேர்தலுக்கு மாறாக உள்ளுராட்சித் தேர்தலில் லேபர் கட்சி கூடுதலான ஆசனங்களைப் பெற்றுள்ளது. லேபர் கட்சி 864 ஆசனங்களையும் கொன்சவேடிவ் கட்சி 748 ஆசனங்களையும் லிபிரல் டெமொகிரட் கட்சி 217 ஆசனங்களையும் ஏனையவை 20 ஆசனங்களையும் வென்றுள்ளன. 13 ஆண்டுகாலத் தொடர்ச்சியான ஆட்சிக்குப் பிற்பாடும் உள்ளுராட்சிமன்றத் தேர்தலில் லேபர் கட்சி எதிர்பார்த்திராத வெற்றியைச் சந்தித்து உள்ளது. இது பல தமிழ் கவுன்சிலர்கள் வெல்வதற்கும் வாய்ப்பை அளித்துள்ளது.

ஒரு உள்ளுராட்சித் தேர்தல் பிரிவில் சராசரியாக 9000 முதல் 10000 வரையான வாக்காளர்கள் இருப்பர். வழமையான உள்ளுராட்சித் தேர்தல்களில் 30 வீதம் முதல் 40 வீதமான வாக்காளர்களே வாக்களிப்பில் ஈடுபடுவதால் தமிழ் வாக்குகள் மொத்தமாக தமிழ் ஒரு வேட்பாளருக்குச் செல்லுமாயின் அவர் வெற்றி பெறுவதற்கான வாய்ப்புகள் அதிகம் உண்டு. அந்த வகையில் தமிழ் வேட்பாளர்களும் வாக்காளர்களும் இந்த வாக்குக் கணிப்பீட்டை சரிவரச் செய்ய முடியுமாயின் 50க்கும் மேற்பட்ட தமிழ் கவுன்சிலர்கள் உள்ளுராட்சிமன்றுக்குத் தெரிவு செய்யப்படுவதற்கு வாய்ப்புகள் உள்ளது. 

100 000 தமிழ் வாக்காளர்களும் சம அளவில் அனைத்து உள்ளுராட்சி மன்றங்களிலும் உள்ளுராட்சிப் பிரிவுகளிலும் பரவலாக வசிக்கவில்லை. குறிப்பாக நியூஹாம், ரெட்பிரிஜ், ஹரோ, பிரன்ற், குரொய்டன், வொன்ஸ்வேர்த் ஆகிய உள்ளுராட்சி மன்றங்களைச் சேர்ந்த குறிப்பிட்ட சில உள்ளுராட்சிப் பிரிவுகளிலே செறிவாக வாழ்கின்றனர். குறிப்பாக ஹரோவை எடுத்துக் கொண்டால் அங்கு 6 தமிழ் கவுன்சிலர்கள் தெரிவு செய்யப்பட்டு உள்ளனர். ஆனால் அதன் அளவுக்கு அல்லது அதிலும் அதிகமாக தமிழ் மக்களைக் கொண்ட குட்டி யாழ்ப்பாணம் என்றழைக்கப்படும் நியூஹாமில் போல் சத்தியநேசன் மட்டுமே கவுன்சிலராகத் தெரிவு செய்யப்பட்டு உள்ளார். தமிழ் மக்கள் அதிகம் வாழாத பகுதிகளில் இருந்தும் தமிழ் கவுன்சிலர்கள் தெரிவு செய்யப்பட்டு உள்ளனர். குறிப்பாக தமிழ் மக்களே இல்லாத சவுத்வாக் கவுன்சிலில் இருந்து எலிசா பாக்கியவதி மஅன் மூன்றாவது தடவையும் கவுன்சிலராகத் தெரிவு செய்யப்பட்டு உள்ளார். ஆகவே தமிழ் மக்கள் தங்கள் உள்ளுராட்சி மன்றப் பிரிவுகளில் எதிர்காலத்தில் தங்கள் பிரதிநிதித்துவத்தை அதிகரிக்கச் செய்ய நிறைய வாய்ப்புகள் உள்ளது.

தமிழ் பிரதிநிதித்துவம் பாதிக்கப்படுவதற்கான காரணங்கள்:

தமிழ் வாக்காளர்கள் தங்களை வாக்காளர் பதிவேட்டில் பதிவு செய்து கொள்ளாமை, பதிவு செய்த வாக்காளர்களும் தங்கள் வாக்குகளை செலுத்தாமை என்பன தமிழ் மக்களின் உள்ளுராட்சிமன்றப் பிரதிநிதித்துவம் பாதிக்கப்படுவதற்கான முக்கிய காரணமாக உள்ளது. மேலும் கவுன்சிலராக வர விரும்புபவர்கள் தேர்தலுக்கு சில வாரங்களுக்கு முன் கட்சியில் இணைந்து தங்களுக்கு வெல்வதற்கான வாய்ப்புள்ள ஆசனங்களை எதிர்பார்க்கின்றனர். அவ்வாறான ஆசனம் வழங்கப்படவில்லை என்றவுடன் அந்தக் கட்சியைவிட்டுவிட்டு அடுத்த தேர்தலுக்கு வேறுகட்சிக்குச் செல்கின்றனர். மேலும் கொள்கையின் அடிப்படையில் கட்சியை ஆதரிக்காமல் தங்கள் சுயநல அடிப்படையில் செயற்படுவதால் இவர்கள் கட்சியிலும் வாக்காளர் மத்தியிலும் நம்பகத்தன்மையைப் பெறுவதில்லை. 

ஆனால் தவத்துரை ஜெயரஞ்சன், சுரேஸ் கிருஸ்ணா ஆகியோர் தாங்கள் இரு தடவை தோற்றுப் போனபோதும் அதே கட்சியில் தொடர்ந்தும் நின்று கட்சிக்கு தங்கள் ஒத்துழைப்பை வழங்கி இம்முறை மீண்டும் போட்டியிட்டு வெற்றிபெற்றுள்ளனர். மக்களது சேவையை முன்னிறுத்தி கட்சிக்கு நம்பகமாக ஒருவர் தொடர்ந்தும் தனது அரசியல் கடமையைச் செய்வாராயின் அவருக்கு வெற்றிக்கான வாய்ப்புகள் அதிகம் என நான்காவது தடவையாக கவுன்சிலராகத் தெரிவு செய்யப்பட்டுள்ள போல் சத்தியநேசன் தேசம்நெற்றுக்குத் தெரிவித்தார். ஒவ்வொரு தேர்தலில் ஒவ்வொரு கட்சியில் நிற்பதும் கட்சிக்கு முரணாகச் செயற்படுபவர்களும் அரசியல் வியாபாரிகள் என்றும் போல் சத்தியநேசன் குற்றம்சாட்டினார்.

பிரித்தானிய அரசியல் கட்சிகளுடன் தமிழ் மக்களின் ஈடுபாடு:

Brent         : Queensbury – Kanapathipillai Naheerathan  (Labour)
Croydon    : Broad Green – SELVA Mike (Labour)
Harrow      : Roxbourne – Manoharan Dharmarajah (Labour)
Harrow      : Headstone South – Sasikala Suresh (Labour)
Harrow      : Queensbury – Nizam Alavi Ismail (Labour)
Harrow      : Roxeth – Thayapara Idaikkadar (Labour)
Harrow      : Rayners Lane – Krishna Suresh (Labour)
Harrow      : West Harrow – Kairul Kareema Marikar (Labour)
Kingston    : St Mark’s – YOGANATHAN Yogan (Liberal Dem)
Newham    : Eastham North – Paul Duraisamy Sathianesan  (Labour)
Merton      : Cannon Hill – Lohendran Chelliah  (Conservative)
Redbridge  : Newbury – Jeyaranjan, Thavathuray (Labour)
Southwark : Riverside – Eliza Packia Devi Mann (Liberal Dem)

இம்முறை கவுன்சிலர்களாகத் தெரிவு செய்யப்பட்டவர்களில் எலிசா பாக்கியதேவி மஅன், யோகன் யோகநாதன் ஆகிய இருவரும் லிபிரல் டெமோகிரட் கட்சியில் நின்றும் ஏனைய 10 கவுன்சிலர்களும் லேபர் கட்சியில் நின்றும் தெரிவு செய்யப்பட்டு உள்ளனர். உள்ளுராட்சித் தேர்தல் இடம்பெற்ற அதே தினம் நடைபெற்ற பிரித்தானிய பாராளுமன்றத்திற்கான தேர்தலில் பெரும்பான்மையைப் பெறாவிட்டாலும் அதிகப் படியான ஆசனங்களைப் பெற்று ஆட்சி அமைக்க முயற்சிக்கும் கொன்சவேடிவ் கட்சியில் இருந்து ஒரு தமிழர் செய்யப்பட்டு உள்ளார். கொசவேடிவ் கட்சியின் சார்பில் 13 பேர் போட்டியிட்ட போதும் ஒருவரே வெற்றி பெற்றார். கிறிஸ்ரியன் பீப்பிள்ஸ் அலையன்ஸ், கிரீன் கட்சி ஆகியவிற்றில் முறையே 5 வேட்பாளர்களும் 4 வேட்பாளர்களும் போட்டியிட்டனர் அவர்களும் வெற்றி பெறவில்லை. சுயேட்சையாக இரு தமிழர்கள் போட்டியிட்டனர். அவர்களும் வெற்றி பெறவில்லை. ரேட்யூனியன் சோசலிஸ்ட் கோஓஎலிசனில் போட்டியிட்டவரும் வெற்றி பெறவில்லை.

தெரிவு செய்யப்பட்ட 13 கவுன்சிலர்களில் 6 கவுன்சிலர்கள் கரோ உள்ளுராட்சி மன்றத்திற்கு தெரிவு செய்யப்பட்டு உள்ளனர். இங்கு 12 தமிழ் பேசுவோர் தேர்தலில் போட்டியிட்டு இருந்தனர். அடுத்து நியூஹாம், பிரன்ற் ஆகிய உள்ளுராட்சி மன்றங்களில் ஏழு, ஏழு பேர் போட்டியிட்டு இருந்தனர். இவ்விரு உள்ளுராட்சி மன்றுக்கும் ஒவ்வவொரு கவுன்சிலர்கள் தெரிவு செய்யப்பட்டு இருந்தனர். கிங்ஸ்ரன் அப்ஒன் தேம்ஸ் உள்ளுராட்சி மன்றில் ஆறு தமிழர்கள் போட்டியிட்டு ஒரு தமிழ் கவுன்சிலர் வெற்றி பெற்றிருந்தார். மேட்டன் கவுன்சிலில் மூவர் போட்டியிட்டு கொன்சவேடிவ் கட்சியில் ஒருவர் தெரிவு செய்யப்பட்டார். குரொய்டன் உள்ளுராட்சி மன்றில் 3 தமிழர்கள் போட்டியிட்டு இருந்தனர். இவர்களில் ஒருவர் கவுன்சிலர்களாகத் தெரிவு செய்யப்பட்டனர். ரெட்பிரிஜ் உள்ளுராட்சிப் பிரிவில் போட்டியிட்ட இரு தமிழர்களில் ஒருவர் கவுன்சிலராகத் தெரிவானார். தமிழ் மக்கள் பெரும்பாலும் வாழாத சவுத்வாக் உள்ளுராட்சி மன்றில் போட்டியிட்ட ஒருவர் கவுன்சிலராகத் தெரிவானார்.

லண்டன் உள்ளுராட்சிமன்றத் தேர்தலில் போட்டியிட்டவர்களும் அவர்கள் பெற்ற வாக்குகளும்:

Paul Duraisamy Sathianesan  _ _ _ _ _  Labour              3,453
SELVA Mike _ _ _ _ _ _ _ _ _ _ _ _ _   Labour               3451
Jeyaranjan, Thavathuray _ _ _ _ _ _  _ Labour               3305    
Kanapathipillai Naheerathan _ _ _ _ _   Labour               2713 
Manoharan Dharmarajah _ _ _ _ _ _ _  Labour               2662
Thayapara Idaikkadar _ _ _ _ _ _ _ _ _Labour               2514
Nizam Alavi Ismail _ _ _ _ _ _  _ _ _ _  Labour               2324
YOGANATHAN Yogan _ _ _ _ _ _ _  _ Liberal Dem      2169
Eliza Packia Devi Mann _ _ _ _ _ _ _ _  Liberal Dem     2069
Sasikala Suresh _ _ _ _ _ _ _ _ _ _ _ _ Labour               1914       
Krishna Suresh _ _ _ _ _ _ _ _ _ _ _ _  Labour              1904
Lohendran Chelliah  _ _ _ _ _ _ _ _ _ _Conservative    1860 
Kairul Kareema Marikar _ _ _ _ _ _ _ _Labour              1831

Thambimuthu Selvaratnam _ _ _ _ _ _  Labour              2216
Murugesu Sivarajah _ _ _ _ _ _ _  _ _ _Liberal Dem      2115
YOGANATHAN Rohan _ _ _ _ _ _ _ _   Liberal Dem     1933       
KUGAN Kamala _ _ _ _ _ _ _ _ _ _ _ _ Liberal Dem     1784                
Sivanantharasa Panchadcharam _ _ _ _ Conservative    1628
Marshel Amutharasan _ _ _ _ _ _ _ _ _ Liberal Dem     1614
Uma Kumaran _ _ _ _ _ _ _ _ _ _ _ _ _ Labour              1535
EMMANUEL Fabion _ _ _ _ _ _ _ _  _ _ Conservative   1521           
Sockanathan Keitheeswaran _ _ _ _ _ _ Conservative    1437
Shivakuru Selvathurai _ _ _ _ _ _ _ _ _ Conservative    1419
JEYADEVA Selva _ _ _ _ _ _ _ _ _ _ _  Conservative    1418
DEWAN Rajesh Kumar _ _ _ _ _ _ _ _   Christian PA     1299
Moses Rajkumar  _ _ _ _ _ _ _ _ _ _ _  Conservative    1,245
Arujuna SIVANANTHAN _ _ _ _ _ _ _  Conservative    1,244
Sivakumar CHELLIAH _ _ _ _ _ _ _ _   Labour              1224
RATNARAJAN, KarrunaThewi _ _ _ _  Conservative    1074
Nadanakumaran, Jeya _ _ _ _ _ _ _ _ _Conservative    1052
Thaneswaran, Thane  _ _ _ _ _ _ _ _ _ Conservative      962
Duraimurugan Kannan _ _ _ _ _ _ _ _ _Conservative      911
VALLIPURAM Kulendran _ _ _ _ _ _    Liberal Dem       933
Arunasalam Pirapaharan _ _ _ _ _ _ _ _Liberal Dem       794
Sakthivel Karuppiah _ _ _ _ _ _ _ _ _ _Liberal Dem        778
Vasantha Mahadevan _ _ _ _ _ _ _ _ _  Conservative      717
Waran Kanagasundaram _ _ _ _ _ _ _ _ Independent      533
SELLAYAH Dyan _ _ _ _ _ _ _ _ _ _ _ _Labour                474 
JAYASUNDERA Niranjan _ _ _ _ _ _  _ Labour                 371                  
Thivendaram Balaraman _ _ _ _ _ _ _ _ Green                  341
Selvarani Balaraman _ _ _ _ _ _ _ _ _ _ Green                  309
Balakrishnasharma Srikanthan _ _ _ _ _ Green                  260 
Sella Varathalingam Jeyakumar _ _ _ _  ChristianPA         186
Subashini Srikanthan _ _ _ _ _ _ _ _ _ _Green                  184
Mauran Uthayakumar _ _ _ _ _ _ _ _ _ Christian PA        157  
Jayakrishna, Jayarajasingham _ _ _ _ _  ChristianPA         149
Nakkeeran Arasaratnam _ _ _ _ _ _ _ _ Independent       146    
Senan THANABALASINGAM _ _ _ _ _  Socialist Coal’n   104
Danaraj Joseph _ _ _ _ _ _ _ _ _ _ _ _ _Christian PA         78

கவுன்சில்களின் அடிப்படையில் தமிழ் வாக்காளர்கள்: 

Brent
Alperton
Murugesu Sivarajah _ _ _ _ _ _ _  _ _ _  Liberal Dem   2115

Preston
Thambimuthu Selvaratnam _ _ _ _ _ _  Labour             2216

Queensbury
Selvarani Balaraman _ _ _ _ _ _ _ _ _   Green               309 
Thivendaram Balaraman _ _ _ _ _ _ _  Green               341  
Kanapathipillai Naheerathan _ _ _ _ _   Labour             2713    Elected

Sudbury
Balakrishnasharma Srikanthan _ _ _ _  Green               260   
Subashini Srikanthan _ _ _ _ _ _ _ _ _  Green              184  

Croydon
Broad Green
SELVA Mike _ _ _ _ _ _ _ _ _ _ _ _ _ Labour             3451      20.1%     Elected
EMMANUEL Fabion _ _ _ _ _ _ _ _ _ _Conservative      1521       8.9%

West Thornton.
JEYADEVA Selva _ _ _ _ _ _ _ _ _ _   Conservative  1418        7.7% 

Enfield
Edmonton Green Ward
RATNARAJAN, KarrunaThewi _ _ _   Conservative  1074

Greenwich
Middle Park and Sutcliffe
Arujuna SIVANANTHAN _ _ _ _ _ _ _Conservative  1,244

Harrow
Roxbourne
Manoharan Dharmarajah _ _ _ _ _ _ _ Labour            2662       (17.76%)      Elected
Sockanathan Keitheeswaran _ _ _ _ _  Conservative  1437         (9.59%)
Shivakuru Selvathurai _ _ _ _ _ _ _ _  Conservative  1419         (9.47%)

Headstone South
Sasikala Suresh _ _ _ _ _ _ _ _ _ _ _  Labour            1914         (12.68%)     Elected
Mauran Uthayakumar _ _ _ _ _ _ _ _ Christian PA   157           (1.04%)

Queensbury
Nizam Alavi Ismail _ _ _ _ _ _ _ _ _ _Labour           2324         (15.75%)      Elected

Roxeth
Thayapara Idaikkadar _ _ _ _ _ _ _ _ Labour           2514          (16.97%)      Elected

Rayners Lane
Krishna Suresh _ _ _ _ _ _ _ _ _ _ _  Labour            1904           (11.62%)      Elected
Sivanantharasa Panchadcharam _ _   Conservative  1628             (9.94%)
Marshel Amutharasan _ _ _ _ _ _ _  Liberal Dem    1614             (9.85%)
Danaraj Joseph _ _ _ _ _ _ _ _ _ _ _ Christian PA       78             (0.48%)

Headstone North
Sella Varathalingam Jeyakumar _ _  ChristianPA       186             (1.24%)

West Harrow
Kairul Kareema Marikar _ _ _ _ _ _ Labour               1831           (12.81%)       Elected

Pinner South
Uma Kumaran _ _ _ _ _ _ _ _ _ _ _ Labour             1535             (10.00%)

Havering
Emerson Park
Nakkeeran Arasaratnam _ _ _ _ _ Independent       146

Kingston upon Thames

Berrylands
YOGANATHAN Rohan _ _ _ _ _    Liberal Dem       1933         (14%)

Beverley
SELLAYAH Dyan _ _ _ _ _ _ _ _  Labour                  474           (3%)

Coombe Vale
KUGAN Kamala _ _ _ _ _ _ _ _ _ Liberal Dem       1784          (13%)
DEWAN Rajesh Kumar _ _ _ _ _  Christian PA       1299           (1%)

St Mark’s
YOGANATHAN Yogan _ _ _ _ _  Liberal Dem       2169          (15%)      Elected
JAYASUNDERA Niranjan _ _ _ _ Labour                  371            (3%)

Merton
Longthornton
Nadanakumaran Jeya _ _ _ _ _ Conservative      1052 

Cannon Hill
Jayakrishna, Jayarajasingham _  ChristianPA        149
Lohendran Chelliah _ _ _ _ _ _ _Conservative     1860 

Newham
Eastham North
Duraimurugan Kannan _ _ _ _ _ Conservative      911
Vasantha Mahadevan _ _ _ _ _ _Conservative      717
Paul Duraisamy Sathianesan  _ _ Labour             3,453     Elected
Sakthivel Karuppiah _ _ _ _ _ _  Liberal Dem        778

Wall End
Moses Rajkumar  _ _ _ _ _ _ _ _Conservative      1,245
Waran Kanagasundaram _ _ _ _ Independent         533
Arunasalam Pirapaharan _ _ _ _ Liberal Dem         794

Redbridge
Clementswood
Thaneswaran, Thane  _ _ _ _ _ Conservative         962

Newbury   
Jeyaranjan, Thavathuray _ _ _ Labour                   3305      Elected   

Southwark
Riverside
Eliza Packia Devi Mann _ _ _ _Liberal Dem           2069       Elected

Walthamforest
Larkswood
Sivakumar CHELLIAH _ _ _ _ Labour                   1224

Higham Hill
Senan THANABALASINGAM _Socialist Coalition  104

Wandsworth
Tooting
VALLIPURAM Kulendran _ _ _Liberal Dem          933

நான்காம் முறையாக தொங்கு பாராளுமன்றம் (hung Parliament) ஒன்றை அமைப்பதுக்கான தேர்தலாகவே இத்தேர்தல் பலராலும் பார்க்கப்படுகின்றது. இதை சரியாக விளங்கிக் கொண்ட, எதிர்கட்சி தலைவர் டேவிட் கமமொரன் (David Cameron) இத்தகைய ஒரு சூழ்நிலையை ஏற்படுத்தி விடவேண்டாம் என வாக்காளர்களை கெஞ்சாக் குறையாக கேட்கிறார். இவரை பொறுத்தவரை தொங்கு பாராளுமன்றம் அல்ல பிரச்சினை. யாருடன் கூட்டு சேர்வதென்பதே இவரை அரித்துக் கொண்டிருக்கும் விடயம். அறுதி பெரும்பான்மை இல்லாத நிலையில், அதாவது 326 ஆசனங்கள் கிடைக்காவிட்டால், ஆகக்கூடிய பெரும்பான்மையில் ஆட்சி செய்வதென்பது சர்க்கஸ்காரர்கள் (circus) கயிற்றில் நடக்குமாப் போல் சாதாரண மனிதன் செய்யும் முயற்சி போன்றது. விழுவது நிச்சயம். எனவே பழமைவாத கட்சி(Conservertive) கேட்பது அறுதி பெரும்பான்மை. ஆனால் கிடைக்கத்தான் வாய்ப்பில்லை.

ஆளும் தொழிற்கட்சியோ (Labour) மீண்டும் ஒரு சந்தர்ப்பம் கொடுத்தால் இன்றைய முக்கிய பிரச்சினையான பொருளாதார பிரச்சினையை சீர்செய்து விடுவோம் என்கின்றனர். கோர்டன் பிறவுன் (Gordon Brown) மிகவும் பணிவாக எமக்கு இப்படி சொல்கின்றார், ’13 வருடங்கள் தன் கட்சியால் செய்ய முடியாது போனதை (அல்லது தான் செய்ய எத்தனிக்காத விடயத்தை) அடுத்த ஐந்து வருடத்தில் செய்து முடிப்பாராம்’. மந்திரத்தால் மாங்காய் பழுக்க வைப்பதை அனேகமாக மக்கள் விரும்புவதில்லை. இது அவருக்குப் புரியவில்லை போலும்.

பந்தயத்தில் நம்பிக்கையோடு ஓடும் அடுத்த குதிரை தாராளவாத ஜனநாயக (Liberal Democratic) கட்சி. அதன் தலைவர் நிக் க்லெக்( Nick Clgge ) ஒரு விடயத்தை தெளிவாக சொல்கிறார் (தேசம்நெற்காரர் புலி ஆதரவாளர்களிடம் சொல்வது போல்) ஒளிவு மறைவு வேண்டாம், பொருளாதார பிரச்சினை பொதுபிரச்சினை ஒன்றாக இருந்து பேசுவோம். குடிவரவு பிரச்சினை ஏற்கனவே புரையோடிப்போன பிரச்சினை அதை ஏற்றுக் கொண்டு பரிகாரம் தேடுவோம். அத்தோடு இந்த இரண்டு பெரிய கட்சிகளும் நாட்டை குட்டிச் சுவராக்கிவிட்டனர். நாட்டை என்னிடம் தாருங்கள், பரிகாரம் என்னிடம் உண்டு என்கிறார். மக்கள் குழம்பி போய்விட்டார்கள்.

13 வருடம் உண்மைதான், பிறவுன் என்ன செய்வார் பாவம். இந்த பிளயார் (Blair) அடித்துவிட்டு ஓடி (hit and run) விட்டார். ஆகவே படைகளை ஈராக்கில் இருந்தும், ஆப்கானிஸ்தானிலிருந்தும் இலகுவில் விலக்கிக்கொள்ள முடியாது. அதாவது ராணுவ செலவை கட்டுப்படுத்துவது என்பது யோசிக்கவே முடியாத விடயம். பிறவுனின் கெட்ட காலமோ என்னவோ உலக பொருளாதார சரிவு (economic downturn) வேறு. சின்ன, சின்ன நாடுகளை தூக்கி விடவேண்டாமா என்ன? உலக தலைமைத்துவ நாடுகளில் ஒன்றல்லவா யூ.கே. ஓபாமா கூட தனது எதிரி சீனாவிடம் கடன் வாங்கி அமெரிக்க பொருளாதாரத்தை சீர் செய்தார்தானே என்று மனுசன் கஸ்டப்பட்டு பல நாடுகளிடம் கடன்வாங்கி மற்ற நாடுகளையும் தூக்கிவிட்டு, தன் நாட்டின் பொருளாதாரத்தையும் சீர்செய்து வருகிறார். அப்புறம் ஏன் அவருக்கு மீண்டும் ஒரு சந்தர்ப்பம் வழங்கக்கூடாது என்று மக்கள் யோசிக்கும் போதுதானே இந்த பத்திரிகைகள், குறிப்பாக கார்டியன் (Guardian), தி ஒப்சேவர் (The Observe ) என்பன நிக் க்லெக்குக்கு ஆதரவு கொடி காட்டிவிட்டார்கள்.

லிபரல் டெமொக்ரடிக் கட்சி மெது மெதுவாக வளர்ந்து வரும் கட்சி. இவர்களின் வளர்ச்சி பெடி அஸ்ட்ரோன் (Peddy Astron), சார்ல்ஸ் கெனடி ( Charles Kennedy ) ஆகியோரின் தலைமையில் மிகவும் உறுதியாக மேல் நோக்கிச் சென்றது. இப்போது அறுவடை காலம். நிக் க்லெக்கின் ராசிபலன் இலக்கம் 10ல் கண் வைத்துவிட்டார். இருந்தும் இலக்கம் 10 நிக் க்லெக்கு சற்று பெரியது.

அரசர் 2ம் சார்ல்ஸ்சின் (King Charles II) பரம்பரையில் வந்த நான் பிரதமர் பதவியை கை நழுவவிடுவதா? ஆண்ட பரம்பரை மீண்டும் ஆள நினைப்பதில் (TULF போல) என்ன தவறு என்று நேரடியாக கேட்காவிட்டாலும் நாடு குட்டிச் சுவராகிவிட்டது. தொழிற்கட்சியே அதற்கு காரணம். ஐரோப்பிய ஒன்றியம் (European Union) எம்மை சகல வழிகளிலும் கட்டுப்படுத்துகிறது. நாம் என்ன யாருக்கும் கட்டுப்பட்டு நடக்க வேண்டியவர்களா? நாட்டில் அதிகரித்துள்ள குற்றச் செயல்களை குறைக்க வேண்டாமா? என்று கேள்விகளை அடுக்கிக்கொண்டே செல்கிறார் டேவிட் கமரொன். கடைசி 24 மணித்தியாலத்திலும் தூக்கமின்றி பிரச்சார வேலைகளில் ஈடுபட்டுள்ளார். இருந்தும் இலக்கம் 10 கை நழுவியே செல்கிறது.

யார் யார் எது செய்தாலும் முடிவு பின்வருமாறு அமையுமென்றே எதிர்பார்க்கப்படுகின்றது. பழைமைவாத கட்சி முதலாவது இடத்துக்கும், இரண்டாம் மூன்றாம் இடங்களுக்கு முறையே லிப்.டெம், தொழிற்கட்சி தள்ளப்படும் அல்லது தொழிற்கட்சி இரண்டாம் இடதுக்கும், லிப்.டெம் மூன்றாம் இடத்துக்கும் இடம் மாறலாம். அல்லது இந்த ஒழுங்கு கூட மாற்றமடைந்தாலும் தாராளவாத ஜனநாயக கட்சியின் இணைவு இல்லாமல் யாரும் இம்முறை ஆட்சி அமைக்க முடியாது என்பதனால் இத் தேர்தலில் லிப். டெம் மிக முக்கியம் இடம் பெறுகிறது.

எந்த கட்சி ஆட்சி அமைத்தாலும் பொது சேவைகளுக்கான செலவினங்கள் மிகவும் குறைக்கப்படும் என்பதாலும், வரிகள் அதிகரிக்கப்படும் சாத்தியம் மிக அதிகமாகக் காணப்படுவதாலும், நாடு இன்னுமொறு 4, 5 ஆண்டுகளுக்கு மந்த கதியிலேயே பொருளாதாரத்தில் மேல்நோக்கிச் செல்லும் என்பதாலும் இந்த இரண்டு பெரிய கட்சிகளின் கொள்கை விளக்கங்களுக்கு சற்று மாற்றமாக பேசும் லிப்.டெம் எதிவரும் அரசாங்கத்தை தீர்மானிக்கும் அளவுக்கு போதியளவு வாக்குகள் பெறும் என்பதில் எந்த சந்தேகமும் இல்லை.

அரச செலவீனங்கள் தொடர்பான நிக் க்லெக்கின் வாதம், ஆப்கானிஸ்தனில் இருக்கும் ஜக்கிய இராட்சிய படைகளை மீளப் பெறுவதின் மூலமும், ட்ரெய்டன் (Trident missile) அணு ஏவுகணை திட்டத்தை கைவிடுவதின் மூலமும் பெருந்தொகை பணத்தை மீதப்படுத்தலாம் என்பதாகும். அந்த பணத்தை தேசிய சுகாதார சேவைக்கும் (NHS ), கல்வி அபிவிருத்திக்கும் பயன்படுத்தலாம் என்பதும் க்லெக்கின் திடமான வாதாட்டம். அதேபோல் கறுப்பு பொருளாதாரத்திற்கு (black economy)காரணமாக இருக்கும் சட்டபூர்வமற்ற குடிவரவு (illegal immigrants) காரர்களை வெளியே கொண்டு வருவதன் மூலம் அவர்களை நாட்டின் பொருளாதாரத்திற்கு பங்களிப்பு செய்ய ஏற்பாடு செய்வதும், இனிமேல் இந்த சட்ட விரோத குடியேற்றகாரர்களை கட்டுப்படுத்த சரியான திட்டமிடலை செய்ய இது பெரிதும் வழிவகுக்கும் என்பதுமாகும். இந்த வாதம் அனேகமாக வாக்காளர் மத்தியில் பல கேள்விகளை ஏற்படுத்தியுள்ளதை நாம் அலட்சியம் செய்து விட முடியாது. மனிதன் வெளிப்படையாக பேசுகிறார். ஆனால் “வெளிப்படையாக பேசல்” என்ற தன் கொள்கையில் விடாப்பிடியாக இருப்பாரா?, பேசுவதுடன் மாத்திரம் நின்று விடுவாரா? அல்லது செயல்வீரனாக திகழ்வாரா? என்பதுதான் அந்த கேள்விகள்.

நான் எந்த பேயுடனும் சேர்ந்து பணியாற்ற தயங்கமாட்டேன் என்று நிக் க்லெக் கூறினாலும், கொள்கை ரீதியில் பழைமைவாதிகளுடன் சேர்ந்து ஆட்சி அமைக்க முன்வரமாட்டார். பொதுவாக மாணவர்களின் அபிமானத்தைப் பெற்றுள்ள நிக் க்லெக் தொழிற்கட்சியுடன் கூட்டு சேர்ந்து ஆட்சி அமைக்க தயார் நிலையில் உள்ளார். தொழிற்கட்சியும் வேறு தேர்வு இல்லாமல் அல்லது கொள்கை ரீதீயில் சற்று ஒத்துபோக கூடியவர்கள் என்ற ரீதியில் லிப்.டெம் உடன் சேர்ந்து ஆட்சி அமைக்க தீர்மானித்து விட்டனர்.

இருந்தும் இங்கே ஒரு அரசியல் விளையாட்டு நடைபெறவுள்ளதை யாரும் கண்டுகொள்ளாமல் இருக்கமுடியாது. அதாவது; தொழில் கட்சி மூன்றாம் இடத்தை பெற்று லிப்.டெம் முடன் சேர்ந்து அரசாங்கம் அமைக்க நேரிடும் பட்சத்தில், நிக் க்லெக்கின் முக்கிய மூன்று கோரிக்கைகள் 1. பிரதமர் பதவி, 2. நிதி மந்திரி பதவி (Chancellor of Exchequer), 3. வெளிநாட்டு அமைச்சு பதவி என்பன லிப்.டெம் முக்கு தரப்பட வேண்டும் என்பதாகும். தொழிற்கட்சி இரண்டாம் இடத்தை பெறும் போது நிக் க்லெக்கின் இரண்டு கோரிக்கைகள் 1. நிதி மந்திரி, 2. வெளி நாட்டலுவல்கள் அமைச்சு பதவிகள். இந்த கோரிக்கைகள்தான் தொழிற்கட்சிக்குள் பிரச்சினையை தோற்றுவிக்கப் போகிறது.

தொழிற்கட்சி மூன்றாமிடத்தை பெறும்போது, நிக் க்லெக்கின் கோரிக்கையை ஏற்று ஆட்சியில் தொடர்ந்தும் இருக்க கோர்டன் பிறவுனை வெளியேற்றவும் பலர் தயாராகவுள்ளனர். அவர்களில் மண்டெல்சன் பிரபு ( Lord Mandelson), உதவி பிரதமர் ஹரியட் ஹார்மன் (Harriet Harman ), நீதி அமைச்சர் ஜக் ஸ்ட்ரோ (Jack Strow ), வெளி நாட்டமைச்சர் டேவிட் மிலபண்ட் (David Milaband ) ஆகியோர் முக்கியமானவராவர். ஒரு வேளை க்லெக்கின் கோரிக்கை நிறைவேறலாம். அது அவர் கட்சி பெறும் ஆசனங்களைப் பொறுத்தது. அப்படியானால் கோர்டன் பிறவுனின் நிலை? அம்போ.

ஆனால் தொழிற்கட்சி முதலாம் அல்லது இரண்டாம் இடத்திற்கு வரும் போது, லிப்.டெம் முக்கு நிதிஅமைச்சு பதவி கொடுத்தாவது அக்கட்சியை தம்பக்கம் வைத்திருக்க வேண்டிய தேவை தொழிற்கட்சிக்குண்டு. அதைவிட அதிகம் எதிர்பார்ப்பது க்லெக்குக் ஆபத்தாக முடியாவிட்டாலும் லிப்.டெம் மின் நிலைமையை கஸ்டத்துக்குள்ளாக்கும் அபாயம் உள்ளது. இருந்தும் ஆளும்கட்சி ஆசனமா அல்லது எதிர்கட்சி ஆசனமா என்ற கேள்விக்கு முகம்கொடுக்க நேரிடும்போது தொழிற்கட்சி கோபத்துடனும், சலிப்புடனும் லிப்.டெம் மை அரவணைத்தே செல்லும். நிக் க்லெக் இந்த சந்தர்ப்பத்தை தவற விடமாட்டார் என்றே தெரிகிறது. எனவே பழைமைவாத கட்சி ஆட்சிக்கு வருவதை தவிர்க்கும் வகையில் தொழிற்கட்சி, லிப்.டெம் கூட்டணி தவிர்க்கப்படலாகாது. ஏற்பாடுகளும் அதை நோக்கியே போகின்றன.

ஆக தொழிற்கட்சிக்கு எப்படியாவது ஆட்சியை தக்கவைக்க வேண்டும், பழைமைவாத கட்சியை பொறுத்தவரை 13 வருடங்களுக்குப் பின்னும் ஆட்சியை கைப்பற்றவில்லை என்றால் அந்த கட்சியின் மீதான நம்பிக்கையீனம் அதிகரிக்கும், கமெரோனின் மாணவபருவ கனவு சுக்கு நூறாகிவிடும். ஆனால் க்லெக்குக்கோ தனது கோரிக்கைகளை எந்த அளவுக்கு அதிகமாக அடையலாம் என்பதை தவிர வேறு பிரச்சினைகள் இருப்பதாக தெரியவில்லை. ஏனெனில் அவர்தான் அடுத்த அரசாங்கத்தை தீர்மானிப்பவர் (king maker) .

யார் ஆட்சிக்கு வரினும் எதிர்வரும் ஐந்து ஆண்டுகள் கடினமானவை. ஆட்சியாளர்களுக்கு மாத்திரமல்ல, பொது மக்களுக்குமே. சமூகநல உதவியில் வாழ்வோர் இப்போதே தொழில் தேட ஆரம்பிக்க வேண்டும். பிரஜா உரிமை பெற விரும்புவோர் நல்ல பிள்ளைகளாய் இருக்கப் பழக வேண்டும். ஆங்கிலம் தெரியாதோர் பிரஜாவுரிமை பற்றி யோசிக்கத் தேவையே இல்லை. கிட்டடியில் ஓய்வூதியம் பெற யோசித்தோர் உடனடியாக யோசினையை மாற்றி 70 வயது வரையினும் மாரடிக்க வேண்டும். வரி செலுத்துவோர் வயிற்றை சற்று இறுக்கமாக கட்டிக்கொள்ள வேண்டும். மொத்தத்தில் எல்லோரும் சற்று அனுரிசத்து செல்லவேண்டும்.

ஐஸ்லாந்து, கிரீஸ் நிலைமைக்கு நாட்டை இட்டுச் செல்லாது ஏனைய ஐரோப்பிய நாடுகளுக் சமமாக யூ.கே யை கட்டி எழுப்பவேண்டியது அடுத்த கூட்டரசாங்கத்தின் பொறுப்பு மிக்க பணி. செய்வார்கள் என நம்புவோம்.

முஹம்மத் எஸ்.ஆர். நிஸ்த்தார்.

மே 6 பிரித்தானிய பாராளுமன்றத்துக்கான தேர்தலுடன் லண்டனில் உள்ள உள்ளுராட்சிக் கவுன்சில்களுக்கான தேர்தல்களும் நடைபெறுகின்றது. லண்டன் மற்றும் புறநகர்ப் பகுதிகளில் தமிழ் வாக்காளர்களின் எண்ணிக்கை 100 000 வரை இருக்கும் என மதிப்பிடப்பட்ட போதும் விரல் விட்டு எண்ணக்கூடிய தமிழ் கவுன்சிலர்களே தெரிவு செய்யப்பட்டு உள்ளனர். லண்டன் மற்றும் புறநகர்ப் பகுதிகளில் தமிழ் மக்கள் சரியான தேர்தல் பிரிவுகளை இனம்கண்டு போட்டியிட்டு தமிழ் மக்களை தமக்க்கு முழுமையாக வாக்களிக்கச் செய்ய முடிந்தால் 60க்கும் மேற்பட்ட கவுன்சிலர்களை வெற்றி பெறச் செய்ய முடியும் என மதிப்பிடப்படுகின்றது. ஆனால் ஒரே தேர்தல் பிரிவில் ஒன்றுக்கு மேற்பட்டவர்கள் போட்டியிட்டு தமிழர்கள் தெரிவு செய்யப்படுவதை தடுக்கின்ற முயற்சிகளே தற்போது மேற்கொள்ளப்படுகின்றது. அதுவும் தமிழ் தேசியத்தின் பெயரால் மேற்கொள்ளப்படுகின்றது.

இம்முறை நியூஹாமில் உள்ள வோல் என்ட், ஈஸ்ற்ஹாம் நோத் ஆகிய இரு தேர்தல் பிரிவுகளில் 7 பேர் போட்டியிடுகின்றனர். நியூஹாம் பகுதியின் ஒரே தமிழ் கவுன்சிலர் போல் சத்தியநேசன் முதன் முதலில் வெற்றி பெற்ற வோல் என்ட் தேர்தல் பிரிவில் . வரதீஸ்வரன் கனகசுந்தரம் சுயேட்சையாகப் போட்டியிடுகின்றார். அவரை எதிர்த்து லிபிரல் டெமொகிரட் கட்சி சார்பில் பிரபாகரன் கொன்சவேடிவ் கட்சி சார்பில் ராஜ்குமார் ஆகிய இரு தமிழர்கள் போட்டியிடுகின்றனர்.

நியூஹாமின் மற்றுமொரு தேர்தல் பிரிவான ஈஸ்ஹாம் நோத்தில் மூன்று தடவைகள் கவுன்சிலராக தெரிவு செய்யப்பட்ட போல் சத்தியநேசன் தொழிற் கட்சியின் சார்பில் நான்காவது தடவையும் போட்டியிடுகின்றார். இவருக்குப் போட்டியாக வசந்தா மாதவன் துரைக் கண்ணன் ஆகிய இருவர் கொன்சவேடிவ் கட்சியின் சார்பில் போட்டியிடுகின்றனர். சக்திவேல் லிபிரல் டெமொகிரட் கட்சியின் சார்பில் போட்டியிடுகின்றார்.

60 கவுன்சிலர்களைக் கொண்ட நியூஹாம் கவுன்சிலில் 54 கவுன்சிலர்கள் தொழிற்கட்சியைச் சேர்ந்தவர்கள். இவர்களில் போல் சத்தியநேசன் ஒருவரே தமிழ் கவுன்சிலராக உள்ளார். லண்டனில் தமிழ் மக்கள் செறிந்து வாழ்கின்ற நியூஹாம் கவுன்சிலில் கணிசமான தமிழர்கள் வாழ்கின்றனர். இங்கு ஒன்றுக்கு மேற்பட்ட தமிழ் கவுன்சிலர்கள் வருவதற்கு வாய்ப்பு இருந்த போதும் ஒன்றுக்கு மேற்பட்ட தமிழர்கள் ஒரே தேர்தல் பிரிவில் நிற்பதால் தமிழ் வாக்குகள் இங்கும் பிளவடைவதற்கான வாய்ப்புகள் உள்ளது.

குறிப்பாக தமிழ் தேசியத்தின் பெயரில் அணிதிரண்ட ஒரு பிரிவினர் தற்போது ஈஸ்ற்ஹாமில் கொன்சவேடிவ் கட்சிக்கு அலுவலகம் ஒன்றைத் திறந்து ஈஸ்ற்ஹாமில் உள்ள ஒரே தமிழ் கவுன்சிலரான போல் சத்தியநேசனை தோற்கடிப்பதில் குறியாக உள்ளனர். இத்தமிழ் வேட்பாளர்களுக்கு இடையேயான போட்டி கட்சி கொள்கை அடிப்படையில் இல்லாமல் தனிப்பட்ட தாக்குதலாக நடாத்தப்படுகின்றது. ஏற்கனவே கவுன்சிலராக இருந்த போல் சத்தியநேசனுக்கு எதிராக கொலைப் பயமுறுத்தல் சம்பவம் ஒன்று இடம்பெற்றிருந்ததும் தெரிந்ததே.

தேர்தலில் வென்றாலும் தோற்றாலும் மக்களுக்கான தனது சேவை என்றும் போல் தொடரும் எனத் தெரிவித்தார் போல் சத்தியநேசன். உள்ளாட்சித் தேர்தலிலும் நாடு தழுவிய ரீதியிலும் தொழிற்கட்சியின் நீண்ட கால ஆட்சி மீது மக்களுக்கு இயல்பான சலிப்பு ஏற்பட்டுள்ள நிலையிலும் தமது பகுதியில் தனது வாக்கு வங்கி பலமாகவே இருப்பதாகவும் அவர் தேசம்நெற்க்கு நம்பிக்கையுடன் தெரிவித்தார்.

கிழக்கு லண்டனைச் சேர்ந்த நியூஹாம் கவுன்சிலின் அயல் கவுன்சில்களான வோல்தம்ஸ்ரோ கவுன்சிலிலும் ரெட்பிரிஜ் கவுன்சிலிலும் தமிழ் வேட்பாளர்கள் போட்டியிடுகின்றனர். இப்பகுதிகளில் தமிழ் வேட்பாளர்கள் ஒரே தேர்தல் பிரிவில் போட்டியிடவில்லை என்பது குறிப்பிடத்தக்கது. வோல்தம்ஸ்ரோவில் தொழிற்சங்கமும் சோசலிஸ் பார்ட்டியும் இணைந்து போட்டியிடுகின்றனர். தனபாலசிங்கம் உதயசேனன் வோல்தம்ஸ்ரோ ஹயம்ஹில் தேர்தல் பிரிவில் போட்டியிடுகின்றார். உள்ளுராட்சித் தேர்தலில் போட்டியிடுகின்றவர்களில் உதயசேனனே இளையவர் என்பது குறிப்பிடத்தக்கது. இடதுசாரிக் கருத்துக்களில் நின்று தொடர்ச்சியான உள்ளுர்ப் போராட்டங்களில் இவர் ஈடுபட்டு வருவது குறிப்பிடத்தக்கது.

ரேட்பிரிஜ் கவுன்சிலில் தொழிற்கட்சி சார்பில் தவத்துரை ஜெயரஞ்சன் நியூபரி தேர்தல் பிரிவிலும் கௌரி என்பவர் கிலேஹோல் தேர்தல் பிரிவிலும் போட்டியிடுகின்றனர்.

மேலும் போல் சத்தியநேசனைத் தவிரவும் கடந்த ஆட்சிக் காலத்தில் கவுன்சிலாகத் தெரிவு செய்யப்பட்ட எலிசா மஅன் (லிப் டெம்) – சதேக் கவுன்சில், யோகநாதன் மற்றும் அவரது மகன் (லிப் டெம்) – கிங்ஸ்ரன் கவுன்சில், சசிகலா (லேபர்) தயாஇடைக்காடர் (லேபர்), மனோ தர்மராஜா (லேபர்) ஆகிய மூவரும் ஹரோ கவுன்சில் – இவர்களும் இந்த உள்ளுராட்சித் தேர்தலில் போட்டியிடுகின்றனர். கடந்த ஆண்டு தேர்தலில் போட்டியிட்டு வெற்றிபெறாத பலரும் இத்தடைவ மீண்டும் களமிறங்கி உள்ளனர். இவர்களுடன் உதயசேனன் போன்ற புதுமுகங்களும் இத்தேர்தலில் களமிறங்கி உள்ளனர்.

மே 2ல் இடம்பெற்ற நாடுகடந்த தமிழீழப் பாராளுமன்றத் தேர்தலில் வாக்குக் கேட்டு வீடுகளைத் தட்டியவர்களை சிலர் அவர்கள் பிரித்தானிய பாராளுமன்றத்துக்கான தேர்தலில் போட்டியிடுவதாக அல்லது உள்ளுராட்சித் தேர்தலில் போட்டியிடுவதாகக் குழம்பிய சில சம்பவங்களும் நடந்துள்ளது. இலங்கைத் தேர்தல் போன்று பிரித்தானியாவில் நடைபெற்ற நாடு கடந்த தமிழீழப் பாராளுமன்றத் தேர்தலிலும் மோசடிகள் இடம்பெற்றதாக குற்றச்சாட்டுகள் வெளிவந்து சில பகுதிகளில் மீளவும் தேர்தல் நடத்தப்பட வேண்டும் என்று அறிவிக்கப்பட்டு உள்ளது. சில ஆயிரம் வாக்காளர்கள் ஏகபோக பிரதிநிதித்துவக் கொள்ளை அடிப்படையில் விளையாட்டாக நடத்திய தேர்தலிலேயே மோசடி செய்து வெல்வதற்கு சிலர் முயற்சித்துள்ளனர் என்பது வேடிக்கையானதாக அமைந்துள்ளது. பிரித்தானியாவில் நடைபெறவுள்ள தேர்தல்கள் முன்பு குறிப்பிட்டுள்ள தேர்தல்களிலும் பார்க்க நியாயமான முறையில் நடத்தப்படும் என்பதில் ஐயம்கொள்ள வேண்டியதில்லை.

ஏப்ரல் 26ல் விடுதலைப் புலிகளுடன் தொடர்புடையவர்கள் என்ற சந்தேகத்தில் ஏழு பேர் கைது செய்யப்பட்டு உள்ளனர். இவர்கள் பயங்கரவாத அமைப்பாக தடை செய்யப்பட்ட தமிழீழ விடுதலைப் புலிகளுக்கு நிதி சேகரித்ததாக நெதர்லாந்து பொலிசாரினால் கைது செய்யப்பட்டு உள்ளனர். 16 வீடுகள் மற்றும் வர்த்தக நிறுவனங்களைச் சோதணையிட்ட பொலிசார் 40 000 ஈரோ பணம் மற்றும் அவர்களால் பயன்படுத்தப்பட்டதாக நம்பப்படும் கணணிகள் தொலைபேசிகள் புகைப்படங்கள் டிவிடி க்கள் என்பனவற்றை கைப்பற்றி உள்ளனர்.

நெதர்லாந்தின் வெவ்வேறு நகரங்களில் உள்ள வீடுகளையும் கட்டிடங்களையும் பொலிசார் சோதணையிட்டு உள்ளனர்.

தமிழீழ விடுதலைப் புலிகளுக்கு நிதி சேகரிக்கும் நடவடிக்கையில் இவர்கள் ஈடுபட்டதாக நெதர்லாந்தின் தேசிய பொலிஸ் பிரிவு வெளியிட்டுள்ள செய்திக் குறிப்புத் தெரிவிக்கின்றது. நிதி சேகரிப்பது நிதி சேகரிப்பு நிகழ்வுகளை நடாத்தி நிதி சேகரிப்பது கலண்டர் டிவிடி என்பனவற்றை விற்பனை செய்து நிதி சேகரிப்பது சட்ட விரோதமான வாக்களிப்பை நடாத்தி நிதி சேகரிப்பது போன்ற நடவடிக்கைகளுக்காக இவர்கள் கைது செய்யப்பட்டு உள்ளனர்.

கைது செய்யப்பட்டவர்களில் தமிழ் அமைப்புகளின் தலைவர்கள் அடங்குவதாகவும் அவர்கள் தமிழீழ விடுதலைப் புலிகளின் சர்வதேச வலைப் பின்னலுடன் தொடர்புடையவர்கள் என்றும் பொலிஸ் அறிக்கை தெரிவிக்கின்றது.

கைது செய்யப்பட்டவர்கள் Tamil Coordinating Committee (TCC), the Tamil Rehabilitation Organisation (TRO), Tamil Youth Organisation (TYO), Tamil Women Organisation (TWO) and Tamil Arts and Cultural Organization Netherlands (TKCO), ஆகிய தமிழீழ விடுதலைப் புலிகளின் ஆதரவு அமைப்புகளின் தலைவர்கள் எனத் தெரியவருகின்றது.

தமிழீழ விடுதலைப் புலிகள் 2006ல் ஐரோப்பிய ஒன்றிய நாடுகளால் பயங்கரவாத இயக்கமாகத் தடை செய்யப்பட்டனர். 2008ல் பிரான்ஸ் தமிழீழ விடுதலைப் புலிகளின் ஆதரவாளர்களுக்கு எதிராக கடுமையான நடவடிக்கையை எடுத்து பலரைக் கைது செய்திருந்தது. அதன் பிற்பாடு இவ்வாண்டு ஜேர்மன் அரசு விடுதலைப் புலிகளின் ஆதரவாளர்களுக்கு எதிரான கடுமையான நடவடிக்கையை மேற்கொண்டு சிலரைக் கைது செய்தும் இருந்தது.

மே 18க்குப் பின் தமிழ் மக்கள் மத்தியில் ஜனநாயகப் புயல் மையங்கொண்டது போன்று மாறி மாறித் தேர்தல்கள் வந்து போகின்றது. வட்டுக்கோட்டைத் தேர்தல், ஜனனி ஜனநாயகத்தின் ஐரோப்பிய பாராளுமன்றத் தேர்தல், நாடுகடந்த தமிழீழத்தின் நாட்டுக் குழுக்களுக்குத் தேர்தல், யாழ்ப்பாண மாநகரசபைக்கும், வவுனியா நகரசபைக்குமான தேர்தல், இலங்கை ஜனாதிபதித் தேர்தல், இலங்கைப் பாராளுமன்றத் தேர்தல், நாடு கடந்த தமிழீழப் பாராளுமன்றத்திற்கான தேர்தல், பிரித்தானியத் தமிழர்களுக்கு இவற்றுடன் பிரித்தானியப் பாராளுமன்றத்திற்கான தேர்தல், பிரித்தானிய உள்ளுராட்சி மன்றங்களுக்கான தேர்தல் என்று கடந்த ஓராண்டுக்குள் தமிழ் மக்கள் மீதான ஜனநாயகச் சுமை பெரும் சுமையாகிவிட்டது. இதுவரை ஏக தலைவரும் அவரது இயக்கமும் மட்டும் உள்நாட்டிலும் வெளிநாடுகளிலும் முடிவெடுத்த நிலைபோய் தற்போது தமிழ் மக்களை வாக்களித்து ஆணை வழங்கும்படி கேட்கின்ற நிலை உருவாக்கப்பட்டு உள்ளது. போகின்ற போக்கில் வட்டுக் கோட்டைக்கும் நாடு கடந்த தமிழீழத்திற்கும் மட்டுமல்ல ஏக தலைவர் இருக்கின்றாரா? இல்லையா? ஏக தலைவருக்கு அஞ்சலி செலுத்துவதா இல்லையா என்று தேர்தல் வைத்து முடிவெடுக்கப்பட்டாலும் ஆச்சரியம் இல்லை. தமிழ் மக்கள் மத்தியில் ஜனநாயகம் ஏதோ ஒரு வகையில் வீச்சுப் பெற்றுள்ளது.

மே 02, 2010ல் நாடு கடந்த தமிழ் பாராளுமன்றத்திற்கான தேர்தல் தமிழ் மக்கள் புலம்பெயர்ந்து செறிந்து வாழும் இடங்களில் நடைபெறவுள்ளது. 135 பேர் கொண்டு அமைக்கப்படவுள்ள நாடு கடந்த தமிழீழப் பாராளுமன்றத்தில் 115 பேர் புலம்பெயர்ந்து தமிழ் மக்கள் செறிவாக வாழுகின்ற நாடுகளில் இருந்து தேர்தல் மூலமாகத் தெரிவு செய்யப்படுவார்கள். ஏனைய 20 பேரும் தமிழ் மக்கள் செறிவு குறைந்த அல்லது தேர்தலை நடாத்துவதற்கு வாய்ப்புக் குறைந்த பகுதிகளைப் பிரதிநிதித்துவம் செய்வார்கள். இவர்கள் மக்களால் தெரிவு செய்யப்பட்ட 115 பேரால் தெரிவு செய்யப்படுவார்கள். 20 பேரில் ஈழத்தமிழ் மக்கள் வாழாத நாடுகளில் வாழும் தமிழ் மக்களும் பங்குபெற்ற வாய்ப்பு வழங்கப்பட்டு உள்ளது.

நாடு கடந்த தமிழீழ அரசாங்கம் பற்றி அதன் மதியுரைக் குழு அறிக்கை இவ்வாறு தெரிவிக்கின்றது: ”தமிழ் மக்களின் அரசியல் தன்னாட்சி உரிமையினை வென்றெடுப்பதற்கு வேண்டிய பணிகளினை பல்வேறுபட்ட அணுகுமுறைக்கூடாக முன்னெடுக்க வேண்டிய பாரிய கடமை இலங்கைத் தீவிலிருந்து வெளியேறி வாழுகின்ற புலம்பெயர் தமிழ் மக்களின் கைகளில் வீழ்ந்துள்ளது. அத்தோடு தமிழர்கள் தமது இறைமையை நிலை நிறுத்தும் போராட்டத்தினை முன்னெடுக்கும் பணியில் புலம்பெயர் தமிழ் சமூகத்தினரும் குறிப்பாக இரண்டாம் தலைமுறையினரும் பெரும் பங்கு வகிக்க வேண்டும் எனத் தமிழீழத் தேசியத் தலைவர் திரு வே பிரபாகரன் அவர்கள் 2008 ஆம் ஆண்டு மாவீரர் நாள் உரையில் குறிப்பிட்டிருக்கிறார். புலம்பெயர் தமிழர்கள் பெரும்பாலும் தாராளவாத மக்களாட்சியின் இடையே வாழ்கின்றனர். தாம் வாழும் நாடுகளின் விதிமுறைகளுக்கேற்ற வகையில் தமிழீழ இலட்சியத்தை ஜனநாயக அமைதி வழிகளால் முன்னெடுக்கலாம் என்பதில் பற்றுறுதி கொண்டிருக்கிறார்கள். அதனை முன்னெடுப்பதற்கான ஒருங்கிணைக்கப்பட்டதும் மக்களின் ஆணையினைப் பெற்றதுமான ஒரு கட்டமைப்பின் அவசியம் இன்று உணரப்பட்டுள்ளது. அதுவே நாடு கடந்த தமிழீழ அரசாங்கம் என தற்போது முன்மொழியப்பட்டுள்ளது.”

இதில் உள்ள ஆபத்தான அம்சம் இதுவரை சரிவர உணரப்படவில்லை. ஈழத் தமிழ் மக்களின் பெயரால் நடாத்தப்படுகின்ற இந்த நாடு கடந்த தமிழீழப் பாராளுமன்றத்தில் தமது தாயகத்தை விட்டகலாத தமிழ் மக்களின் பிரதிநிதித்துவம் எதுவும் இல்லை. இலங்கை அரசு அப்பிரதிநிதிகளுக்கு எதிராக கடுமையான நடவடிக்கைகளை மேற்கொள்ளும் என்கின்ற நியாயமான அச்சம் காரணமாக இருந்தாலும் தாயக மக்களின் பெயரில் நடாத்தப்படுகின்ற இந்தப் பாராளுமன்றத்தில் அம்மக்கள் எவ்விதத்திலும் சம்பந்தப்பட்டு இராதது இதன் மிகப்பெரும் பலவீனம்.

புலம்பெயர்ந்த தமிழ் மக்கள் தாயக மக்களின் அரசியல் அபிலாசைகளை எவ்விதத்திலும் பிரதிநித்துவப்படுத்தவில்லை என்பது கடந்த ஓராண்டு காலத்தில் மிகத் தெளிவாக வெளிப்படுத்தப்பட்டு உள்ளது. வன்னி யுத்தத்தில் இடம்பெற்ற மிகமோசமான அழிவுக்கு இலங்கை அரசு எவ்வளவு பொறுப்புடையதோ அதேயளவு பொறுப்பு இந்த நாடுகடந்த தமிழீழ அரசுக்குப் பின்னணியில் உள்ளவர்களுக்கும் உண்டு. இந்த நாடுகடந்த தமிழீழ அரசுக்கான தேர்தலில் போட்டியிடுபவர்கள் பெரும்பாலும் தங்களுடைய தகமையாக புலம்பெயர்ந்த நாடுகளில் இடம்பெற்ற போராட்டங்களில் பங்குபற்றியதை குறிப்பிட்டு உள்ளனர். ஆனால் இவர்களில் யாருமே அம்மக்கள் தமிழீழ விடுதலைப் புலிகளால் வன்னி மக்கள் யுத்தத்தில் இருந்து தப்ப முடியாது தடுத்து வைக்கப்பட்டதையோ, தமிழீழ விடுதலைப் புலிகளால் சிறார்கள் பலவந்தமாக இயக்கத்தில் சேர்க்கப்பட்டதையோ, யுத்த்தில் இருந்து தப்பிச் சென்றவர்கள் தமிழீழ விடுதலைப் புலிகளால் சுட்டுக் கொல்லப்பட்டதையோ சுட்டிக்காட்டவில்லை. பணயம் வைக்கப்பட்ட தமிழ் மக்களை விடுவிக்கும் படி விடுதலைப் புலிகளைக் கோரவில்லை. சர்வதேச சமூகம் அம்மக்களை விடுவிக்க எடுத்த முயற்சிக்கு எதிராகவும் இவர்கள் குரல் எழுப்பி இருந்தனர். இந்நடவடிக்கைகள் அனைத்தும் வன்னி மக்களின் நலன்களுக்கு எதிராகவே அமைந்திருந்தது. வன்னி மக்கள் மிகக் கடுமையான யுத்தத்தை எதிர் கொண்டு வரலாறு காணாத அழிவைச் சந்தித்த போதும் இன்று தேர்தலை நடாத்துகின்ற நாடு கடந்த தமிழீழத்திற்கான செயற்குழுவும் தேர்தலில் போட்டி போடுகின்ற வேட்பாளர்களும் பொறுப்பற்ற முறையிலேயே அன்று நடந்து கொண்டனர். இவர்கள் தாயக மக்களின் அரசியல் அபிலாசைகளைப் பிரதிநிதித்துவம் செய்ய எவ்வித தகுதியையும் கொண்டிருக்கவில்லை.

இவர்கள் தங்கள் அரசியல் அபிலாசைகளை எவ்விதத்திலும் வெளிப்படுத்தவில்லை என்பதனை இவர்களின் பிரதிநிதிகளை முற்றாக நிராகரித்ததன் மூலம் தாயக மக்கள் வெளிப்படுத்தி உள்ளனர். நாடு கடந்த தமிழீழ அரசாங்கத்தின் இலட்சிய வாக்கியமான தாயகம் தேசியம் இறைமை இவற்றை முன்வைத்து தமிழ் தேசியத்திற்கான மக்கள் முன்னணி போட்டியிட்டது. இதற்கு புலம்பெயர்ந்த மண்ணில் உள்ள தமிழீழ விடுதலைப் புலிகளுக்கு ஆதரவான ஊடகங்களும் பெரும்பாலும் ஆதரவு வழங்கி இருந்தன. புலம்பெயர்ந்த நாடுகளில் நடைபெற்ற தமிழீழ விடுதலைப் புலிகளுக்கு ஆதரவாக முன்னெடுக்கப்பட்ட போராட்டங்களில் முன்னணியில் நின்ற தமிழ் தேசியத்திற்கான மக்கள் முன்னணியைச் சேர்ந்த பத்மினி சிதம்பரநாதன், கஜேந்திரகுமார் பொன்னம்பலம், கஜேந்திரன் ஆகியோர் தோற்கடிக்கப்பட்டனர். இப்போராட்டங்களில் முன்னின்ற மற்றுமொருவரான எம் கெ சிவாஜிலிங்கமும் தோற்கடிக்கப்பட்டார். இவை புலம்பெயர்ந்த அரசியல் தலைமைகள் தாயக மண்ணில் இருந்து எவ்வளவு தூரம் அந்நியப்பட்டு உள்ளன என்பதைப் புலப்படுத்துகின்றது. 

நாடு கடந்த தமிழீழ அரசாங்கத்தின் மதியுரைஞர் குழு நாடு கடந்த அரசு பற்றி இவ்வாறு வரைவிலக்கணப்படுத்துகிறது: ”ஈழத் தமிழரின் புலப்பெயர்வும் அவர்களுக்கு நாடு கடந்த வாழ்க்கையை உருவாக்கியிருக்கிறது. மரபார்ந்த நாடு-தேசியம் போன்ற எல்லைகளைக் கடந்து ‘நாடு கடந்த தேசியம்’ என்ற புதிய நிலையை அவர்கள் எட்டியுள்ளனர். நாடு கடந்த தேசியம் என்பது தமிழ் மக்களையும் அவர்களது பல்வேறு சமூக, பொருளியல், அரசியல் நிறுவனங்களையும் அவர்கள் வாழுகின்ற நாடுகளின் புவியியல் எல்லைகளைத் தாண்டி இணைக்கும் வழிமுறையாகும்.”

இப்பகுதியில் குறிப்பிடப்பட்டு இருப்பது போல புலம்பெயர்ந்து வாழ்கின்ற மக்களை அவர்களின் புவியியல் எல்லைகளைத் தாண்டி இணைப்பதற்கு இதுவும் ஒரு வழிமுறையாக அமையலாம். ஆனால் அதனைத் தாண்டி தாயகத்தில் வாழ்கின்ற மக்களின் அரசியல் பொருளாதார வாழ்நிலையில் இருந்து முற்றிலும் வேறுபட்ட சூழலுக்குள் வாழ்ந்து கொண்டு அம்மக்கள் தொடர்பான அரசியலை முன்னெடுப்பதாகக் கூறுவது ஏற்கனவே வன்னி மக்களை முள்ளிவாய்க்காலில் கொண்டுவந்து நிறுத்திய கைங்கரியத்தையே இவர்கள் மீளவும் செய்ய உள்ளனர் என்பதனைக் கட்டியம் கூறுகின்றது. ஒப்பீட்டளவில் ஜனநாயகப் பண்புள்ள மேற்குலகில் வாழ்ந்து கொண்டும் தங்கள் அரசியல் நடவடிக்கைகள் பற்றிய எவ்வித மீளாய்வும் இல்லாமல் தங்கள் பலம் பலவீனம் பற்றிய எவ்வித மதிப்பீடும் இல்லாமல் மீண்டும் தாயக மக்களுக்காக இவர்கள் சிந்திக்க முற்படுவது அம்மக்களுக்கு இவர்கள் பெரும் ஆபத்தை ஏற்படுத்தக் கூடியவர்கள் என்ற அச்சத்தையே தோற்றுவிக்கின்றது.

மேலும் நாடு கடந்த தமிழீழ அரசாங்கத்தை அமைப்பதற்கான தேர்தலில் போட்டியிடுபவர்களில் முற்றாக அல்லது பெரும்பாலானவர்கள் அரசியல் அலையில் அடிபட்டுச் செல்பவர்களாகவே உள்ளனர். தமிழீழ விடுதலைப் புலிகளுக்கு ஆதரவான போராட்டங்களில் தங்களையும் இணைத்துக் கொண்டு தங்களை முன்னிலைப்படுத்தியதற்கு அப்பால் இவர்களிடம் எவ்வித அரசியல் அனுபவமும் இருந்ததில்லை. இதனை அவர்கள் பற்றிய குறிப்புக்களே புலப்படுத்தி நிற்கின்றது. மேலும் இந்த நாடு கடந்த தமிழீழ அரசாங்கத்தின் பாராளுமன்றத்தில் போட்டியிடுபவர்கள் செயற்பாட்டாளர்களும் அல்ல. தமிழீழ விடுதலைப் புலிகள் தமிழ் தேசியக் கூட்டமைப்பை எவ்வாறு தங்கள் நோக்கங்களுக்காக பினாமிகளாகப் பயன்படுத்தினார்களோ இந்த நாடு கடந்த அரசாங்கத்திற்குப் பின்னால் உள்ளவர்களும் அதன் பாராளுமன்ற உறுப்பினர்களை தங்கள் அரசியல் நோக்கங்களுக்காகப் பயன்படுத்துவார்கள். இந்தத் தேர்தலின் மூலம் தெரிவு செய்யப்படும் நாடு கடந்த தமிழீழப் பாராளுமன்றத்திற்கு எவ்வித அரசியல் பொருளாதாரப் பலமும் கிடையாது. உண்மையான பொருளாதார பலம் இதன் பின்னணியில் உள்ளவர்களிடமே உள்ளது. அவர்களே இந்த நாடு கடந்த தமிழீழ அரசாங்கத்தை இயக்கப் போகின்றார்கள். அவர்களே இத்தேர்தலில் வேட்பாளர்களை நிறுத்தி உள்ளனர். இதில் போட்டியிடுகின்ற வேட்பாளர்கள் பெரும்பாலும் அரசியல் முகவரியற்றவர்கள். அல்லது அரசியலில் பாலபாடத்தைத் தாண்டாதவர்கள்.

”நாடு கடந்த தமிழீழ அரசாங்கத்தின் செயற்பாடுகள் எல்லாம் வன்முறை தவிர்ந்தவையாகவும் எந்த நாட்டு சட்டங்களையும் மீறாத வகையிலும் மேற்கொள்ளப்படும்.” என்று நாடு கடந்த அரசின் மதியுரைக் குழு தெரிவிக்கின்றது. இந்த நாடு கடந்த அரசாங்கத்தின் ஒவ்வொரு செயற்பாட்டிலும் தற்போது தொடர்புபட்டவர்கள் ஒவ்வொருவருமே மே 18 வரை தமிழீழ விடுதலைப் புலிகளையும் தமிழீழத்திற்கான அதன் நடவடிக்கைகளையும் முழுமையாக ஏற்றுக்கொண்டவர்கள். தற்போது அது பற்றிய எவ்வித மீள்பரிசீலனையும் அதனால் ஏற்பட்ட விளைவுகள் பற்றிய எவ்வித மதிப்பீடும் இன்றி வன்முறையைக் கைவிட்டுவிட்டதாக அறிவிக்கின்றனர். மே 18ல் இரவோடு இரவாக இவர்கள் பெற்ற ஞானம் மிக ஆபத்தான ஞானம். இன்னொரு மே 18ல் இரவோடு இரவாக ஆயுதப் போராட்டம் தான் ஒரே வழி என்று இவர்கள் சொன்னாலும் ஆச்சரியப்படுவதற்கில்லை. ஏனென்றால் இவர்கள் வெறும் பினாமிகளே. இவர்களை இயக்குபவர்கள் தான் எப்போதும் முடிவுகளை எடுப்பார்கள்.

பிரித்தானியாவில் நாடு கடந்த தமிழீழ பாராளுமன்றத்திற்கு 20 பேரைத் தெரிவு செய்வதற்கு 38 பேர் வரை போட்டியிடுகின்றனர். இதில் தமிழீழ விடுதலைப் புலிகளின் அரசியல் பொருளாதார பலத்தை தம் வசம் வைத்துள்ள ரூட் ரவி, தனம் மற்றும் முக்கிய புள்ளிகள் போட்டியிடவில்லை. இவர்களால் இயக்கப்படுகின்ற அடிப்பொடிகளே தேர்தலில் நிற்கின்றனர். இவர்களில் யார் வென்றாலும் முடிவுகள் எடுக்கப் போகின்றவர்கள் இவர்களை இயக்குகின்ற எஜமானர்களே. நாடு கடந்த தமிழீழப் பாராளுமன்றம் இன்னுமொரு பிரிஎப், ரிவைஓ போன்றே இயங்கும்.

தங்களுக்கு சமூக அந்தஸ்த்தை வேண்டுபவர்கள் போட்டியிட்டு தங்கள் இமேஜை கட்டமைப்பதற்கு அப்பால் தாயக மக்களுக்கு இவர்களால் ஏதுவும் சாதிக்க முடியும் என்பது சந்தேகமே. தமிழ் தேசியக் கூட்டமைப்பில் உள்ள சம்பந்தன், மாவை, சுரேஸ் கூட்டு குறைந்த பட்சம் மே 18ற்குப் பின்னாவது தங்கள் சொந்தக் கருத்தை வெளிப்படுத்தத் தலைப்பட்டுள்ளனர். ஆனால் நாடு கடந்த தமிழீழ பாராளுமன்றத் தேர்தலில் நிற்பவர்கள் பெரும்பாலானவர்களுக்கு சுயமான அரசியல் சிந்தனையே கிடையாது.

சுரேஸ் பிரேமச்சந்திரனுடைய சகோதரர் ஆறுமுகம் கந்தையா மனோகரன் யுகே யில் வட்டுக்கோட்டைக்கு வாக்கெடுப்பு நடத்தி இப்போது நாடுகடந்த தமிழீழம் அமைக்கவும் போட்டியிடுகின்றார். இவர் படித்துப் பெற்ற சமூக விஞ்ஞானம் – (அரசியல்) கலாநிதிப் பட்டமோ அல்லது ‘தூள்’ விநாயகர் என்று அறியப்பட்ட இல்போர்ட்டில் ‘செல்வ விநாயகர்’ என்ற ஆலயத்தை நிறுவிய செல்வராஜா செல்லத்துரை ஆன்மீகப் பலத்தோடு மேற்கொண்டுள்ள அறவழிப் பயணமோ தாயக மக்களுக்கு உதவியாக அமையாவிட்டாலும் உபத்திரவமாக அமையாது இருக்க முயற்சிக்க வேண்டும். இவர்கள் நாடு கடந்த தமிழீழம் எடுக்கிறார்களோ அல்லது தாங்கள் வாழும் நாடுகளில் தமிழீழம் எடுக்கிறார்களோ அவர்களது ஜனநாயக உரிமை. ஆனால் தங்கள் அபிலாசைகளுக்காகவும் பாராளுமன்ற உறுப்பினர் (நாடு கடந்த தமிழீழம்) பதவிகளுக்காகவும் தாயக மக்கள் மீது சவாரி செய்யாமல் இருக்க வேண்டும்.

குறிப்பாக பிரித்தானியாவைப் பொறுத்தவரை நாடு கடந்த தமிழீழ பாராளுமன்றத்திற்கான தேர்தலும் இத்தேர்தல் ஆணைக்குழுவும் சிறு பிள்ளைத் தனமானதாகவே உள்ளது. ஒவ்வொரு தேர்தல் வாக்காளர் அட்டையிலும் அடையாள அட்டை இலக்கத்தை பதிவு செய்து வாக்களிப்பு நடைபெறுகின்ற தேர்தல்களிலேயே முறைகேடுகள் பற்றிய செய்திகள் வருகின்றன. இங்கு வாக்காளர் அட்டை இல்லை. தன்னை உறுதிப்படுத்த முடியாத வாக்காளரும் வாக்களிக்க வழியுண்டு. சில மாதங்களுக்கு முன்னர் இரு நாள் இடம்பெற்ற வட்டுக்கோட்டைத் தீர்மானத்திற்கான தேர்தலில் ஈஸ்ற்ஹாம் பேர்ச்சஸ் வீதியில் உள்ள ஒருவர் ஒரே நாளில் தான் வெவ்வேறு வாக்களிப்பு நியைங்களில் 15 வாக்குகளை அளித்ததாகத் தெரிவித்தார். இதற்கு மேல் இத்தேர்தல் பற்றியோ அதனைக் கண்காணிக்கும் ஆணைக்குழு பற்றியோ குறிப்பிடுவதற்கு எதுவும் இல்லை. தேர்தல் ஆணைக் குழுத் தலைவர் நடராஜா விஜயசிங்கம் தமிழ் தொலைக்காட்சியில் அரசியல் விமர்சனம் என்ற போர்வையில் தமிழீழ விடுதலைப் புலிகளுக்கும் அதன் தலைமைக்கும் துதிபாடி வன்னி மக்கள் முள்ளிவாய்க்காலில் பேரழிவுக்கு உள்ளாவதை வேடிக்கை பார்த்தவர். ஓய்வு பெற்றுள்ள இவருக்கு இதுதான் தற்போது பொழுது போக்கு.

பிரித்தானியாவில் நாடு கடந்த தமிழீழப் பாராளுமன்றத்திற்கான தேர்தலில் போட்டியிடுபவர்களின் முக்கிய தகுதி தமிழீழ விடுதலைப் புலிகளுக்கு ஆதரவாக நடாத்தப்பட்ட போராட்டங்களில் பங்கு பற்றியது, கோசம் எழுப்பியது, புலிக் கொடி பிடித்தது. இதற்கு அப்பால் இவர்கள் தங்கள் சமூகம் சார்ந்த நடவடிக்கையாக எதனையும் குறிப்பிடவில்லை. பலருக்கு அவ்வாறு குறிப்பிடுவதற்கு எதுவும் இல்லை என்பதும் உண்மை. போட்டியிடும் வேட்பாளர்கள் கல்வித் தகமை உடையவர்களாகவும் வியாபார உரிமையாளர்களாகவும் ஆலய உரிமையாளர்களாகவும் உள்ளனர். ஆனால் இவர்கள் இதுவரை தமிழ் சமூகத்திற்கும் தமிழ் மக்களின் உரிமைப் போராட்டத்திற்கும் எவ்வாறான காத்திரமான பங்களிப்பைச் செய்துள்ளனர் எனக் குறிப்பிடவில்லை. ஆனால் ‘தூள் விநாயகர்’ உரிமையாளர் செல்வராஜா உட்பட சிலரது குறிப்புகளோ 1977 அல்லது அதற்கு முன்பிருந்தே தமிழ் மக்களின் உரிமைப் போராட்டத்தில் ஆர்வத்துடன் ஈடுபடுவதாகக் குறிப்பிட்டு உள்ளனர். உண்மைகள் உறங்குவதில்லை என்பதில் நம்பிக்கை கொள்வோம். அவை நிச்சயம் வெளிச்சத்திற்கு வரும்.

இக்கட்டுரையை 18 ஆண்டுகளுக்கு முன் இடம்பெற்ற நினைவுக் குறிப்புடன் முடிக்கலாம் என நினைக்கிறேன். தற்போதைய ரிஆர்-ரெக் கல்வி நிலையம் தங்களது ஆறு மாத கணணிப் பயிற்சியில் டிப்ளோமா பெற்ற மாணவர்களுக்கு மிடில்செக்ஸ் பல்கலைக் களகத்தில் பட்டமளிப்புச் செய்யும் முறையை அப்போது அறிமுகப்படுத்தி இருந்தது. பட்டப் படிப்பை முடித்த மாணவர்கள் பட்டமளிப்பின் போது அணியும் அங்கிகளை அணிந்து புகைப்படங்களையும் எடுத்துக் கொண்டனர். இந்தப் புகைப்படங்கள் வீட்டில் பிறேம் போட்டு அலங்காரத்துக்கே வைக்க முடியும். இந்த நாடு கடந்த தமிழீழப் பாராளுமன்றமும் கிட்டத்தட்ட அது போன்ற ஒரு விடயமே.

மே 18 2009ல் பிரித்தானியாவில் பொது அமைப்புகளின் ஆணைக்குழுவின் கீழ் பதிவு செய்யப்பட்ட லிற்றில் எய்ட் தனது முதலாவது ஆண்டைப் பூர்த்தி செய்யும் நிலையில் கடந்த நான்கு மாதங்களில் 1.54 மில்லியன் அமெரிக்க டொலர் பெறுமதியான மருந்துப் பொருட்களை வவுனியா, மன்னார், யாழ்ப்பாணம், நாவலப்பிட்டியா மாவட்டங்களில் உள்ள வைத்தியசாலைகளுக்கு விநியோகித்து உள்ளது. www.littleaid.org.uk இலங்கையில் இவ்வளவு தொகையான மருந்துப் பொருட்களைப் பொறுப்பேற்று முற்றிலும் இலவசமாக விநியோகித்துள்ள குறிப்பிடத்தக்க நடவடிக்கையாக இது அமைந்துள்ளது. டென்மார்க்கில் உள்ள மருத்துவ பொது அமைப்பான எல்லைகளற்ற மருத்துவர்கள் – Medicine Without Borders (Denmark) அமைப்பினரால் வழங்கப்பட்ட மருந்து வகைகளை இலங்கையில் பெறுப்பேற்று அதன் விநியோகத்தை லிற்றில் எய்ட் மேற்கொண்டிருந்தது.

1.54 மில்லியன் அமெரிக்க டொலர் பெறுமதியான மருந்துகளின் இறுதித் தொகுதி இவ்வாண்டு ஜனவரி முதல் நாள் முதல் லிற்றில் எய்ட் பொறுப்பேற்றுக் கொண்டது. கடந்த நான்கு மாதங்களாக மேற்குறிப்பிடப்பட்ட உள்ளுர் வைத்தியசாலைகளின் தேவையையொட்டி அவை அனுப்பி வைக்கப்பட்டு இருந்தது. இலங்கையில் இம்மருந்துப் பொருட்களின் சேமிப்பு மற்றும் விநியோகத்தைப் பார்வையிட டென்மார்க் எல்லைகளற்ற மருத்துவப் அமைப்பில் இருந்து இருவர் உட்பட நால்வர் இலங்கை வந்திருந்தனர். இவர்களில் இருவர் டென்மார்க் தேசிய நாளிதலான பொலிரிக்கன் பத்திரிகையில் இருந்து வந்திருந்தமை குறிப்பிடத்தக்கது. ஊடகம் ஒன்றுக்கு வழங்கிய செவ்வியில் டென்மார்க் குழுவிற்கு தலைமை தாங்கி வந்த Hans Frederik Dydensborg லிற்றில் எய்ட் இன் நடவடிக்கைகளை நேரில் பார்வையிட்டதில் தங்களுக்கு  எதிர்காலத்தில் லிற்றில் எய்ட் உடன் இணைந்து பணியாற்ற விருப்பம் தெரிவித்துள்ளனர்.

இவர்களின் ஆலோசனைக்கு அமைய நீர்கொழும்பில் குளிரூட்டப்பட்ட சேமிப்பு இடம் ஒன்னை லிற்றில் எய்ட் 10000 ரூபாய் மாத வாடகைக்குப் பெற்றுள்ளது. எதிர்காலத்தில் லிற்றில் எய்ட் மருந்து மற்றும் பொருட்களை தனியார் சேமிப்பு இடங்களில் வைக்காமல் தங்களது கட்டிடத்திலேயே விநியோகிக்கப்படும் வரை பாதுகாக்க முடியும். இலங்கைக்கு விஜயம் செய்த டென்மார்க் குழு வவுனியா அரசாங்க அதிபர் திருமதி சார்ள்சை சந்தித்து உரையாடி இருந்தனர். இக்குழு அருணாச்சலாம் இடப்பெயர்வு முகாமுக்குச் சென்றும் நிலைமைகளை நேரடியாகப் பார்வையிட்டு இருந்தனர்.

இம்மருத்துவ உதவிக்கு முன்னதாக 1140 கிகி (1.12 தொன்) எடையுள்ள மருந்தப் பொருட்கள் எல்லைகளற்ற மருத்துவர்கள்  – டென்மார்க் அமைப்பினரால் அன்பளிப்புச் செய்யப்பட்டு இருந்தது. இம்மருந்துகளின் காலாவதிக் காலம் யூலை 2011. வவுனியா மருத்துவமனைக்கு அனுப்பி வைக்கப்பட்டுள்ள இம்மருந்துப் பொருட்கள் பரவலாக உள்ள நோய்களுக்கான 7 வகையான மருந்துகளை உள்ளடக்கி இருந்தது. வலி நிவாரணம், மன அழுத்தம் மன உளைச்சல், இதய எரிவு, வயிற்று அல்சர், உயர் கொலஸ்திரோல் ஆகியவற்றிற்கான மருந்துகள் இந்த மருந்துத்தொகுதியில் உள்ளடங்கி இருந்தது. இம்மருந்துப் பொருட்களின் மதிப்பீடு 16,000 பவுண்கள் (30 லட்சம் ரூபாய்.)

இந்த மருத்துவத் திட்டம் வெற்றிகரமாக முடிக்கப்பட்டதைத் தொடர்ந்தே 1.54 மில்லியன் அமெரிக்க டொலர் பெறுமதியான மருந்துகள் லிற்றில் எய்ட் இன் பொறுப்பில் கையளிக்கப்பட்டது.

இந்த ஓராண்டில் குறிப்பாக வன்னி முகாம்களுக்கு மக்கள் மிகுந்த நெருக்கடியை எதிர்நோக்கி இருந்த ஆரம்பக்கட்டத்தில் மரக்கறிகள், குழந்தைகளுக்கான பால்மா, துணிவகைகள் ஆகியவற்றை தம்புல்லவில் இருந்து செட்டிகுளம் முகாம்களுக்கு அனுப்பி வைத்தது. மேலும் அம்பேபுச முகாமில் உள்ள முன்னாள் போராளிகளின் புனர்வாழ்வில் அவர்களுக்கு இசைப் பயிற்சி வகுப்புகளை லிற்றில் எய்ட் மேற்கொண்டிருந்தது. இத்திட்டம் சட்ட மற்றும் மறுசீரமைப்பு அமைச்சின் ஒத்துழைப்புடன் லிற்றில் எய்ட் இனால் மட்டுமே மேற்கொள்ளப்படுகின்றது. 5ம் தர புலமைப் பரிசில் பரீட்சைக்க்கு தோற்றிய மாணவர்களுக்கு தேசம்நெற் மேற்கொண்ட நூவிநியோகத் திட்டத்திற்கும் லிற்றில் எய்ட் நிதிப் பங்களிப்புச் செய்திருந்தது. மேலும் மன்னாரில் டிலா பிரதர்ஸின் ஒத்துழைப்புடன் அகிலன் பவுண்டேசன் செஞ்சோலைச் சிறார்களை பராமரிப்பதற்கான ஏற்பாடுகளை லிற்றில் எய்ட் மேற்கொண்டிருந்தது.

லிற்றில் எய்ட் உதவி வழங்குவதை மட்டுமல்ல உதவி வழங்கும் நிறுவனங்களை தாயகத்தில் உதவி தேவைப்படும் மக்களுடன் தொடர்புபடுத்தி விடுவதிலும் கவனம் எடுத்து வருகின்றது. லிற்றில் எய்ட் நேரடியாக நிதி உதவிகளைப் பெற்று மேற்கொண்ட உதவிகள் 10 000 புவண்களுக்குள் அமைய, சர்வதேச மற்றும் அமைப்புகளுடன் தொடர்புகளை ஏற்படுத்தி பெற்றுக் கொடுத்து வரும் உதவிகள் சில மில்லியன் அமெரிக்க டொலர்களாக மதிப்பிடப்படுகின்றது.

லிற்றில் எய்ட் தங்கள் அனைத்து நடவடிக்கைகளையும் நிதிப் பரிமாற்றங்களையும் அனைவரும் பார்வையிடக் கூடிய வகையில் இணையத்தில் வெளியிட்டு வருகின்றது. தமிழ் பொது அமைப்புகள் மத்தியில் உள்ள பொறுப்பற்ற ஒளிவு மறைவான கணக்கியல் நடைமுறைக்கு மாறாக லிற்றில் எய்ட் திறந்த புத்தகமாக உள்ளமை அதன் நம்பகத்தன்மையின் வெளிப்பாடாக உள்ளது.

லிற்றில் எய்ட் பற்றிய மேலதிக விபரங்களுக்கு : www.littleaid.org.uk

சில இந்து மத ஆலயங்கள் முற்றாக வருமானம் ஈட்டும் வியாபார நோக்கங்களுக்காகவே ஆரம்பிக்கப்பட்டன. அந்தவகையில் தனி நபர்களாலும் குழுக்களாலும் வியாபார நோக்கங்களுக்காக ஆலயங்கள் ஸ்தாபிக்கப்பட்டன. தனிநபர்களால் ஆரம்பிக்கப்பட்ட ஆலயங்கள் தனிநபர்களின் வர்த்தக நிறுவனங்கள் போன்றே செயற்படுகின்றன. அவற்றின் வருமானங்கள் தனிநபர்களையே சென்றடைகின்றது. ரூற்றிங் முத்துமாரி அம்மன் ஆலயம் வெம்பிளி ஈழபதீஸ்வரர் ஆலயம் என்பீல்ட் நாகபூசணி அம்மன் ஆலயம் என்பன அரசியல் நோக்கங்களுக்கு வருமானத்தைப் பெறும் நோக்கில் ஆரம்பிக்கப்பட்டு நடாத்தப்பட்டு வருகின்றது. இவற்றில் வெம்பிளி ஈழபதீஸ்வரர் ஆலயம் அரசியல் பிளவுக்குள் சென்ற போது அதனை ரூற்றிங் முத்துமாரி அம்மன் ஆலய நிர்வாகம் ந சீவரட்ணம் கைப்பற்றுவதற்கு எடுத்த முயற்சி பலனளிக்கவல்லை. இது நீதிமன்றம் வரை சென்று ரூற்றிங் முத்தமாரி அம்மன் ஆலயத்திற்கு பல்லாயிரம் பவுண்கள் நஸ்டம் ஏற்பட்டது.

ஆலயங்கள் ஆன்மீகத்தையும் மனஅமைதிக்கான சூழலை ஏற்படுத்துவதற்குப் பதிலாக பணத்தினைக் குறியாகக் கொண்டு செயற்படுகின்ற தன்மை பரவலாகக் குற்றம்சாட்டப்பட்டு வருகின்ற விடயம். பல்வேறு கஸ்டங்கள் மத்தியிலும் ஆலயம் செல்பவர்கள் இறைவனுடன் தங்கள் கஸ்டங்களைப் பகிர்ந்துகொண்டு மனநிறைவை வேண்டிச் செல்கின்றனர். ஆனால் ஆலயத்தில் உள்ள அர்ச்சகர்களும் நிர்வாகிகளும் மனுக் காட்டைக் கொடுத்து என்ன மீல் வேண்டும் என்பது போல அர்சனை விலைப் பட்டியலை வழங்கி செலவான அர்ச்சனைகளைச் செய்ய அடியார்களுக்கு அழுத்தம் கொடுக்கின்றனர்.

என்பீல்ட் நாகபூசணி அம்மன் ஆலயத்திற்கு தனது பிறந்ததினத்தன்று வழிபட்டுவிட்டு வரச் சென்ற பெண்ணுக்கு அர்ச்சகர் 30 பவுண்களுக்கு அர்ச்சனை செய்வதற்கு அழுத்தம் கொடுத்து மறுக்க முடியாமல் அப்பெண் 30 பவுண்களுக்கு அர்ச்சனை செய்துவிட்டு வந்துள்ளார். மிகுந்த கஸ்டத்தில் வாழ்கின்ற அப்பெண் அன்று ஆலயத்திற்குச் சென்றது அவருக்கு பெரும் பணச் செலவை ஏற்படுத்தி இருந்தது. அப்பெண் இதனை தனது நண்பிக்கு போன் எடுத்துக் குறைப்பட்டுள்ளார்.

அதே என்பீல்ட் நாகபூசணி அம்மன் ஆலயத்தின் அர்ச்சகர்கள் தங்கள் ஆலயத்திற்கு வந்த வழிபட்டால் பல்வேறு நோய்கள் நீங்கும், மகப்பேறு கிடைக்கும், பரீட்சையில் சித்தியடையலாம் என்பது போன்ற அறிவிப்புக்களையும் விளம்பரங்களையும் மேற்கொண்டு வந்துள்ளனர். கீழே பெப்ரவரி 28 மாசி மகத் திருவிழா தொடர்பாக என்பீல்ட் நாகபூசணி அம்மன் ஆலயம் வெளியிட்ட தூண்டுப் பிரசுரம் இவ்வாறு சொல்கின்றது:

‘வட இலண்டன் என்பீல்ட் நாகபூசணி அம்பாள் திருவருள் துணைநிற்க மார்க்கண்டேய முனிவர்களால் அருளிச் செய்யப்பட்ட தேவி மகாத்மியம் என்னும் 700 சுலோகங்களை அம்பிகையின் திருவருள் வேண்டி யார் பாராயணம் செய்கிறார்களோ  அவர்களின் துன்பங்கள் நீங்கி, நோயற்ற வாழ்வும், ஐஸ்வரியமும், உயர் பதவிகளும் பெறவும், கிரக பீடைகள் நீங்கவும், புத்திர சௌபாக்கியமும், பரீட்சையில் சித்தி பெறவும், சீக்கிரம் விவாகம் நடந்தேறவும், கவலைகளும் கஸ்டங்களும் நீங்கி நல்வாழ்வு கிடைக்கும். எனவே அடியார்கள், என்பீல்ட் நாகபூசணி அம்பாள் திருவருள் வேண்டி வெள்ளி தோறும் ஆலயத்திற்கு வருகை தந்து கீழ்காணும் சுலோகங்களை 9 தடவைகள் பாராயணம் செய்து பாலாபிசேகம் செய்து அர்ச்சனை வழிபாடு ஆற்றி நல்வாழ்வு வாழப் பிரார்த்திக்கின்றோம்.’

என்பீல்ட் நாகபூசணி அம்மன் ஆலயத்தின் துண்டுப் பிரசுரம்

 இந்தப் பால் குடம் ஒன்றின் விலை 10 பவுண்கள். அர்ச்சனை வேறு விலைகளில் உள்ளது. பெரும்பாலும் ஆலயங்கள் எல்லாமே தாங்கள் ஊரில் உள்ளவர்களுக்கு உதவுகின்றோம் என்ற போர்வையிலேயே வழிபாடுகளை நடாத்துவதாகத் தெரிவிக்கின்றனர். ஆனால் இந்த வழிபாடுகளால் ஈட்டப்படும் வருமானம் ஊருக்கு செலவு செய்யப்படும் விபரங்கள் பற்றிய வெளிப்படையான கணக்கு விபரங்களை ஆலயங்கள் வெளியிடுவதில்லை. அதனால் அவ்வாலயங்கள் பற்றிய நம்பகத் தனமை ஒரு கேள்விக்குறியாகவே உள்ளது.

தவறான விளம்பரங்களைச் செய்து பலவீனமான நிலைப்பட்டவர்களிடம் பணம் பறிக்கின்ற விடயம் இந்துமதத்திற்கு மட்டுமான பிரச்சினையல்ல. வௌ;வேறு மதநிறுவனங்களும் இதனைச் செய்கின்றன. குறிப்பாக பிரித்தானியாவில் உள்ள சமூகப் பத்திரிகைகளில் இவற்றுக்கான விளம்பரங்களுக்கு குறையிருப்பது இல்லை. ஆனால் இவை பிரித்தானிய வர்த்தக மதிப்பீட்டு முகவரகத்தின் விதிமுறைகளுக்கு அமைவதில்லை. இதுதொடர்பாக வர்த்தக மதிப்பீட்டு முகவரகம் பிபிசி க்கு தெரிவிக்கையில் இப்பிரச்சினை பரவலாகக் காணப்படுவதாகவும் அதன் பாதிப்பின் ஆழம் அளவிடமுடியாததாக உள்ளது என்றும் தெரிவித்துள்ளனர். பாதிக்கப்பட்டவர்கள் தங்களுக்கு தீங்கு ஏற்படும் என்ற பயத்தினாலும் சிலர் வெட்கம் காரணமாகவும் முறையிடுவதில்லை என அவர்கள் தெரிவித்து இருந்தனர்.

வெம்பிளியைச் சேர்ந்த ஜெகதீசன் குணராஜா (20) என்ற இளைஞர் கிங்ஸ்பறியைச் சேர்ந்த பிரேம் என அறியப்பட்ட பிரனானந் கணேஸ்நாதனை பயமுறுத்தி மிரட்டி பணம் பறிக்க முயன்றதற்காக குற்றவாளியாகக் காணப்பட்டு உள்ளார். நீதிபதி கிரகாம் அரன் தலைமையில் 12 ஜூரிகளுடன் வழக்கு நடைபெற்றது.

1200 பவுண்களை வழங்காமல் விட்டால் பிரேமின் வீட்டுக்கு பெற்றோல் குண்டு வீசப்போவதாக ஆறு பேரைக் கொண்ட குழு மிரட்டியாதாக பிரேம் குற்றம்சாட்டி இருந்தார். 2009 செப்ரம்பரில் நடந்த இச்சம்பவம் தொடர்பான வழக்கு ஹரோ கிறவுண் கோர்ட்டில் நடைபெற்று 2010 பெப்ரவரி 15ல் தீர்ப்பு வழங்கப்பட்டது.

திவீகன் குகநாதனுக்குச் சொந்தமான காரை பிரேம் காப்புறுதி இன்றி ஓட்டியதால் வாகனம் பொலிசாரினால் பறிமுதல் செய்யப்பட்டது. அதனால் ஏற்பட்ட நஸ்டத்திற்காக 1200 பவுண்களை தன்னிடம் கேட்டு மிரட்டியதாக நீதிமன்றத்தில் பிரேம் தெரிவித்து இருந்தார். தன்னை தனது விருப்பத்திற்கு மாறாக கிங்ஸ்பறியில் உள்ள தனது வீட்டுக்கு அருகாமையில் வைத்து பலவந்தமாக வானில் ஏற்றி வொன்ஸ்வேத் செயின்ஸ்பறி கார் பார்க்குக்கு கூட்டிச் சென்று தாக்கியதாக பிரேம் நீதிமன்றில் குற்றம்சாட்டி இருந்தார். இந்த கடத்தல் நாடகம் நான்கு மணிநேரம் நீடித்ததாகவும் பிரேம் தெரிவித்து இருந்தார்.

மருத்துவரினால் முகத்தில் உள்ள காயங்கள் உறுதிப்படுத்தப்பட்ட போதும் அவற்றுக்கு தாங்கள் காரணமல்ல என சந்தேகநபர்கள் வாதிட்டனர். மேலும் பணம் கேட்டதை ஒத்துக் கொண்டவர்கள் தாங்கள் கையால் தட்டியதாகத் தெரிவித்திருந்தனர். ஆனால் காயம் ஏற்படுத்தும் வகையில் தாக்கவில்லை என்றும் தெரிவித்தனர். பணத்திற்காகப் பயமுறுத்தவில்லை எனவும் தெரிவித்து இருந்தனர்.

ஜெகதீசன் குணராஜ் உடன் குற்றம்சாட்டப்பட்டு இருந்த பின்வருவோர் மீதான குற்றச்சாட்டுகள்  நிராகரிக்கப்பட்டது
சுதர்சன் சிறீதரன் (22) – மில்ரன் கீன்ஸ்
சுதாகரன் ராசலிங்கம் (21) – வெம்பிளி
வேணுசங்கர் லம்பொதரராஜா (20) – வெம்பிளி
சிவகுமார் தினேஸ்குமார் (19) – ஹரோ
தீவிகன் குகநாதன் (திவான்) – ஆகியோர் மீதான குற்றச்சாட்டுகளை நீதிமன்றம் நிராகரித்தது.

யாழ் இந்துக் கல்லூரி பழைய மாணவர் சங்கம் – யுகே யின் தலைவர் க செவ்வேள் யாழில் சுயேட்சைக் குழுவில் போட்டியிடுகின்றார். பெரும்பாலும் ஆளும்கட்சியின் பட்டியலில் போட்டியிடுவார் என எதிர்பார்க்கப்பட்ட க செவ்வெள் தற்போது சுயேட்சையாக களம் இறங்கி உள்ளார். அல்லது களம் இறக்கப்பட்டு உள்ளார்.

தன்னை லண்டனின் முன்னணி சட்டத்தரணி என விளம்பரப்படுத்தும் க செவ்வேள் லண்டனில் சட்டத்தரணி அல்ல என்றும் சட்ட உதவியாளராகவே பணியாற்றி வருகின்றார்.ஆனால் க செவ்வேளுக்காக யாழில் ஒட்டப்பட்ட பிரசுரங்கள் அவரை லண்டனின் முன்னணி சட்டத்தரணி என வர்ணித்து இருந்தது.

சில ஆண்டுகளுக்கு முன் சினிமாத்துறையிலும் ஈடுபட்ட க செவ்வேள் சில படங்களையும் தயாரித்து இருந்தார். இவர் படத் தயாரிப்பில் ஈடுபட்டு இருந்த வேளையில் இவரது பொறுப்பில் இருந்த அரசியல் தஞ்ச வழக்குகள் சில பாதிக்கப்பட்டு இருந்தது.

யாழ் இந்துக் கல்லூரியின் பழைய மானவரான இவர் பழைய மாணவர் சங்கத்தின் தலைவராக இருந்துகொண்டு தேர்தலில் போட்டியிடுவதற்கு விசனம் தெரிவித்து உள்ளனர். ஆனால் அது அவருடைய அரசியல் தெரிவு என்ற அடிப்படையிலும் பழைய மாணவர் சங்கத்தின் யாப்பு உறுப்பினர்கள் தமது அரசியல் செயற்பாடுகளை முன்னெடுப்பதில்லை என்ற கடப்பாட்டை கொண்டிராததால்  க செவ்வேளிற்கு எதிராக எவ்வித நடவடிக்கையும் எடுக்கப்படவில்லை. யாழ் இந்துக் கல்லூரி பழைய மாணவர்கள் இன்னும் சிலரும் தேர்தலில் போட்டியிடுகின்றனர்.
க செவ்வேளை விடவும் முன்னாள் ஈரோஸ் உறுப்பினர் அருளர், முன்னால் தமிழ் சட்டத்தரணிகள் அமைப்பின் தலைவர் கிறிஸ் சரவணன் ஆகியோரும் லண்டனில் இருந்து சென்று தேர்தல் களத்தில் குதித்துள்ளார்.