மொகமட் அமீன்

Sunday, January 23, 2022

மொகமட் அமீன்

இஸ்ரேல் குண்டு வீச்சில் ‘ஹமாஸ்’ இயக்க அமைச்சர் பலி- ஐ. நா. சபை உதவிக்குழு கட்டடமும் தகர்ப்பு

gaza_war02.jpgபலஸ் தீனத்தின் காஸா நகரம் மீது இஸ்ரேல் விமானங்களும் பீரங்கிப் படையினரும் தொடர்ந்து தாக்குதல் நடத்தி வருகின்றன. 21வது நாளாக இந்த தாக்குதல் நடத்தப்பட்டது. தாக்குதலை நிறுத்தும்படி ஐ. நா. சபை விடுத்த கோரிக்கைகளையும் இரு தரப்பினரும் ஏற்றக்கொள்ளவில்லை.

ஏற்கனவே பலஸ்தீனத்தின் காஸா நகரில் இருந்த ஹமாஸ் இயக்கத்தினரின் அலுவலகங்கள் தகர்க்கப்பட்டு விட்டன. 21 நாட்களாக நடந்த தாக்குதல்களில் பலியானவர்கள் எண்ணிக்கை 1000-க்கும் அதிகமாகிவிட்டது. இந்த நிலையில் பலஸ்தீனத்தின் ஜபாலியா பகுதியில் ஹமாஸ் இயக்கத்தின் உள்துறை அமைச்சர் சயீத் சலாம் வீடு மீது இஸ்ரேல் விமானங்கள் குண்டு வீசியது. இதில் அந்த அமைச்சர் பலியானார். அவரது மகன் மற்றும் சகோதரரும் இஸ்ரேல் விமானங்கள் குண்டு வீச்சில் கொல்லப்பட்டனர்.

காஸா பகுதியில் தாக்குதலில் வீடுகளை இழந்து முகாம்களில் தங்கி உள்ளவர்களுக்கு நிவாரணப் பொருள்கள், மருந்துகள், உணவுப் பொருட்கள் வழங்க ஐ. நா. சபை ஏற்பாடு செய்துள்ளது. காஸா பகுதியில் உள்ள ஐ. நா. சபை கிளை அலுவலகத்தில் டன் கணக்கில் இந்த பொருட்கள் சேமித்து வைக்கப்பட்டு இருந்தன.

அந்த கட்டடம் மீதும் இஸ்ரேல் விமானங்கள் குண்டு வீசின. இதில் 3பேர் பலியானதுடன் டன் கணக்கில் மருந்து பொருட்கள் நாசம் அடைந்தன. இஸ்ரேலின் இந்த நடவடிக்கையைத் தொடர்ந்து ஐ. நா. சபை அவசரமாகக் கூடுகிறது.

இலங்கையில் போர் நிறுத்தத்தின் அவசியம் குறித்து பிரிட்டிஷ் பிரதமர்

cordan-bran.jpgஇலங் கையில் யுத்தநிறுத்தத்தின் தேவையை வலியுறுத்தியிருக்கும் பிரிட்டிஷ் பிரதமர் கோர்டன் பிரவுண், இந்த விடயம் தொடர்பாக பிரெஞ்சு ஜனாதிபதி சார்கோஸி, ஜேர்மனியின் அதிபர் ஏஞ்சலா மேர்சல் ஆகியோரின் கவனத்திற்கு கொண்டு செல்லப் போவதாகவும் அறிவித்திருக்கிறார். இலங்கை அரசாங்கத்தின் விமானக் குண்டு வீச்சால் இலட்சக்கணக்கான தமிழ் மக்கள் முற்றுகைக்குள்ளாக்கப் பட்டிருப்பதாகவும் முன்னணிப் பத்திரிகையொன்றின் ஆசிரியர் படுகொலை செய்யப்பட்டிருப்பதாகவும் பிரிட்டிஷ் பாராளுமன்றத்தில் புதன்கிழமை தெரிவித்த கிழக்கு லெய்செஸ்ரர் எம்.பி. கீத் வாஸ், ஒரு தலைப்பட்சமாகவோ அல்லது ஐரோப்பிய ஒன்றியத்தினூடாகவோ மோதலில் சம்பந்தப்பட்டவர்கள் வன்முறையை நிறுத்துவதற்காக யுத்தநிறுத்தத்திற்கான அழைப்பை விடுக்க பிரதமர் தனது நல்லெண்ணத்தை பயன்படுத்துவாரா? என்றும் இதன் மூலம் அழகிய தீவில் சமாதானத்தை திரும்ப ஏற்படுத்த முடியுமா? என்றும் கேள்வியெழுப்பியிருந்தார்.

இதற்குப் பதிலளித்த பிரதமர் கோர்டன் பிரவுண், இலங்கையில் இடம்பெறும் மோசமான வன்முறைகள் குறித்து தான் அறிந்துள்ளதாகவும் கௌரவ உறுப்பினரின் (கீத்வாஸ்) உரிமையை தான் முழுமையாக ஏற்றுக் கொள்வதாகவும் அதேசமயம், இலங்கையில் அவசரமாக யுத்தநிறுத்தம் தேவையென்ற கோரிக்கையையும் தான் ஏற்றுக் கொள்வதாகவும் குறிப்பிட்டார். தனது மனதிலுள்ள விடயங்களில் இதுவும் ஒன்றெனக் குறிப்பிட்டுள்ள கோர்டன் பிரவுண், அடுத்த ஓரிரு தினங்களில் பிரெஞ்சு ஜனாதிபதியும் ஜேர்மன் அதிபரும் விஜயம் செய்யும் போது இந்த விடயத்தை அவர்களின் கவனத்துக்கு கொண்டு செல்வாரெனவும் தெரிவித்துள்ளார். சமாதானத்திற்காகவும் தீர்வுக்காகவும் தன்னால் உதவியளிக்க முடியுமென பல சந்தர்ப்பங்களில் கிழக்கு லெய் செஸ்ரர் எம்.பி. கீத்வாஸ் கூறியிருந்தார். ஆனால், சம்பந்தப்பட்ட இரு தரப்பினரையும் பேச்சுவார்த்தை மேசைக்கு கொண்டுவர வேண்டும் என்றும் அதன் மூலமே யுத்தநிறுத்தத்தை ஏற்படுத்த முடியுமெனவும் அவர் கூறியிருந்ததுடன், தனது நிலைப்பாட்டை பல தடவைகள் கூறியிருந்தார்.

மாகாணசபைத் தேர்தலில் மக்களின் ஆர்வம் குறைவாயிருப்பதால் வன்முறைகளும் குறைவு – “கபே’ கூறுகின்றது

ballot-box.jpgவட மேல் மற்றும் மத்திய மாகாணசபைத் தேர்தல்களுக்கு வேட்பு மனுத்தாக்கலுக்கான திகதி அறிவிக்கப்பட்டது முதல் இதுவரை 12 தேர்தல் வன்முறைகள் இடம்பெற்றுள்ளதாக நீதியானதும் சுதந்திரமானதுமான தேர்தலுக்கான மக்கள் இயக்கம் (கபே) தெரிவித்துள்ளது. இது தொடர்பாக அந்த அமைப்பின் ஊடகப் பேச்சாளர் கீர்த்தி தென்னக்கோன் தெரிவிக்கையில்; வடமேல் மற்றும் மத்திய மாகாணசபைகளுக்கான வேட்புமனுத்தாக்கல் திகதி அறிவிக்கப்பட்டது முதல் இதுவரை 12 தேர்தல் வன்முறைச் சம்பவங்கள் இடம்பெற்றுள்ளன. இவற்றில் மூன்று பெரிய வன்முறைச் சம்பவங்களாகும்.

இரு மாகாணத்திலும் தேர்தல் தொடர்பில் மக்களுக்கு ஈடுபாடு குறைந்து காணப்படுவதால் தேர்தல் தொடர்பிலான வன்முறைகளும் வெகுவாக குறைந்து காணப்படுகின்றது. எனினும், தேர்தல் நெருங்கும் போது மக்களின் ஈடுபாடு அதிகரிக்க வன்முறைகள் அதிகரிக்கும் சாத்தியமுள்ளது. கடந்த முறை வடமத்திய மற்றும் சப்ரகமுவ மாகாணசபைத் தேர்தலுடன் ஒப்பிடும்போது இம்முறை வன்முறைகள் குறைவாகவே காணப்படுகின்றன. எமது இயக்கம் தேர்தலைக் கண்காணிப்பதற்கான பணிகள் குறித்துக் கண்காணிப்பு உறுப்பினர்களுக்கு விளக்கங்களை அளித்து வருகின்றது. தற்போது புத்தளம் மாவட்டத்தில் இதனை மேற்கொண்டுவரும் நிலையில், இருமாகாணங்களிலும் நான்கு மாவட்டங்கள் இவற்றை மேற்கொள்ளவுள்ளதாகவும் தெரிவித்தார்

சகல பிரஜைகளையும் பதிய பாதுகாப்பு அமைச்சு முடிவு

laptop.jpgநாட்டிலுள்ள அனைத்து இன மக்களையும் பதிவு செய்வதற்கு பாதுகாப்பு அமைச்சு தீர்மானித்துள்ளது. சகல மக்களினதும் பாதுகாப்பை கருத்திற்கொண்டு பாதுகாப்பு அமைச்சு இம்முடிவை எடுத்திருப்பதாக பாதுகாப்புக்கான ஊடக மத்திய நிலையம் தெரிவிக்கிறது.

அனைத்து இன மக்களும் தமது விபரங்களை பாதுகாப்பு அமைச்சில் பதிவு செய்வதற்கு இலகுவாக இணையத்தளம் ஒன்றையும் அமைச்சு அறிமுகப்படுத்தியுள்ளது.

www.citizens.lk

என்ற இணையத்தளம் ஊடாக வீட்டிலிருந்தபடியே தமது விபரங்களை பதிவு செய்ய முடியும் என்றும் பாதுகாப்பு அமைச்சு தெரிவிக்கிறது.

தென்னிந்திய தமிழ் திரைப்படங்களை இலங்கையில் திரையிடப்படுவது தடை செய்யப்பட வேண்டும்!

tamil-cini.pngதென்னிந்திய தமிழ் திரைப்படங்களை இலங்கையில் திரையிடப்படுவது தடைசெய்யப்பட வேண்டும் என்று கோரிய சில சுவரொட்டிகள்  கண்டி நகரப்பகுதியிலும் மேலும் சில நகரப்பகுதிகளிலும் ஒட்டப்பட்டிருந்ததை காணமுடிந்தது. கண்டி மத்திய பேருந்து நிலையம் சந்தை தொகுதி கட்டிடங்கள் மற்றும் புகையிரத நிலையங்கள் உள்ளிட்ட பல பிரதேசங்களில் இந்த சுவரொட்டிகள் ஒட்டப்பட்டுள்ளன.

சிங்கள மொழியில் எழுதப்பட்டிருந்த இந்த சுவரொட்டிகளில் தென்னிந்திய தமிழ் திரைப்படங்கள் தமிழீழ விடுதலைப் புலிகளுக்கு ஆதரவான கருத்துக்களை வெளிப்படுத்துவதாக குறிப்பிடப்பட்டிருந்தது.

காஸா மீதான தாக்குதலை கண்டித்து நாடு முழுவதும் நேற்று ஆர்ப்பாட்டம்

gaasa.jpgகாஸா மீதான இஸ்ரேலிய தாக்குதலைக் கண்டித்து நேற்று (9) கொழும்பு உட்பட நாடு பூராவும் ஜும்ஆத் தொழுகையின் பின்னர் எதிர்ப்பு ஆர்ப்பாட்டங்கள் நடத்தப்பட்டன. ஜும்ஆ தொழுகையின் போது விசேட துஆப் பிரார்த்தனைகளும் நடத்தப்பட்டன.

இந்த எதிர்ப்பு ஆர்ப்பாட்டங்களில் மதத் தலைவர்கள், அரசியல்வாதிகள் பொதுமக்கள் உட்பட பெருந்திரளான வர்கள் கலந்து கொண்டனர். காஸா மீதான குரூரமான தாக்குதலை நிறுத்துமாறும் சர்வதேச சமூகம் தலையிட்டு இதற்கு முடிவு கட்ட வேண்டும் எனவும் ஆர்ப்பாட்டக்காரர்கள் கோரினர்.

கொழும்பு தெவட்டகஹ பள்ளிவாசலின் முன்பாக நடைபெற்ற எதிர்ப்பு ஆர்ப்பாட்டத்தில் மேல் மாகாண ஆளுநர் அலவி மெளலானா, தொழில் அமைச்சர் அதாவுத செனவிரத்ன, பலஸ்தீன தூதுவர், ஜே. வி. பி. பாராளுமன்ற உறுப்பினர் சுனில் ஹந்துன் ஹெட்டி, மு. கா. தலைவர் ரவூப் ஹக்கீம், மு. கா. உறுப்பினர் சபீக் ரஜாப்தீன், முஸ்லிம் உரிமைக்கான அமைப்பின் தலைவர் முஜீபுர் ரஹ்மான் உட்பட பெருந் திரளானவர்கள் இதில் கலந்து கொண்டனர்.

தென் கிழக்குப் பல்கலைக்கழக முஸ் லிம் மஜ்லிஸ், மாணவர் பேரவை மற்றும் பல்கலைக்கழக மாணவ கழகம் என்பன இணைந்து ஏற்பாடு செய்த ஆர்ப்பாட்டப் பேரணி ஜும்ஆத் தொழுகையின் பின் நடைபெற்றது. இதில் நூற்றுக்கு மேற்பட்ட மாணவர்கள் கலந்து கொண்டனர்.

இஸ்ரேலிய பொருட்களை பகிஷ்கரிக்குமாறு ஜம்இய்யதுல் உலமா சபை வேண்டுகோள்

gaasa.jpgஇஸ்ரேலர்களின் மனிதாபிமானமற்ற குரூரமான தாக்குதல்களுக்கு முகம் கொடுத்திருக்கும் பலஸ்தீன மக்களுக்கு ஆதரவு நல்கும் வகையில் இஸ்ரேலிய உற்பத்திகளைப் பகிஷ்கரிக்குமாறு அகில இலங்கை ஜம்இய்யதுல் உலமா சபை வேண்டும் கோள்விடுத்துள்ளது. உலமா சபையின் உதவிப் பொதுச் செயலாளர் மெளலவி எம்.எஸ்.எம். தாஸிம் கையெழுத்திட்டு விடுத்திருக்கும் அறிக்கையிலேயே இந்த வேண்டுகோள் விடுக்கப்பட்டிருக்கப்பட்டிருக்கிறது.

அதேநேரம், பலஸ்தீன மக்களின் இன்றைய அவல நிலைய தொடர்பாக  வெள்ளிக் கிழமை ஜும்ஆ பிரசங்கங்களை நிகழ்த்துமாறும் சகல உலமாக்களையும் உலமா சபை அறிவுறுத்தியுள்ளது. உலமா சபை விடுத்துள்ள அறிக்கை வருமாறு,

பலஸ்தீனர்கள் மீதான தாக்குதலை நாம் வன்மையாகக் கண்டிப்பதோடு, இதனை உடன் நிறுத்த ஆவண செய்யுமாறு உலக நாடுகளையும், சம்பந்தப்பட்ட நிறுவனங்களையும் வேண்டிக் கொள்கின்றோம். பலஸ்தீனர்கள் ஒரு ஜீவமரணப் போருக்கு தள்ளப்பட்டுள்ள இந்த நிர்க்கதியான நிலையில் சர்வதேச முஸ்லிம்கள் மட்டுமன்றி முஸ்லிமல்லாதோரும் குரல் கொடுக்கின்றனர்.

இந்தப் பின்னணியில், அகில இலங்கை ஜம்இய்யத்துல் உலமாவின் தலைமையகத்தில் 04.01. 2009ம் திகதி ஞாயிற்றுக்கிழமை மாலை, அதன் தலைவர் அஷ்-ஷைக் முப்ஃதி எம். ஐ. எம். றிஸ்வி தலைமையில் நடைபெற்ற, நாட்டின் பல முஸ்லிம் இயக்கங்களினதும், அரச சார்பற்ற நிறுவனங்களினதும் பிரதிநிதிகளுடனான “பலஸ்தீன முஸ்லிம்களின் அவலநிலை” தொடர்பான, அவசர ஆலோசனைக் கூட்டத்தைத் தொடர்ந்து, அகில இலங்கை ஜம்இய்யத்துல் உலமா பின்வரும் தீர்மானங்களை எடுத்தது.

01. 09.01.2009ம் திகதி வெள்ளிக் கிழமை நாடளாவிய ரீதியில் நாட்டின் அனைத்து ஜும்ஆ மஸ்ஜித்களிலும் கதீப்மார்கள் தமது குத்பாப் பேருரைகளை “பலஸ்தின் மக்களின் இன்றைய அவலநிலை”யை மையப்படுத்தியே நிகழ்த்த ஒழுங்குகளை மேற்கொள்ளுமாறும், விசேடமாக வெள்ளிக்கிழமையில் துஆக்கள் அங்கீகரிக்கப்படும் நேரமாக இருப்பதால் அனைவரும் அதிகமதிகமாக துஆக்களில் ஈடுபடுமாறும் கேட்டுக் கொள்கிறது.

02. ஜவேளைத் தொழுகைகளுக்குப் பின்னர் குனூத் நாஸிலாவை அமுல்படுத்துமாறும், அதிகமதிகமாக பலஸ்தீன மக்களின் விடுதலைக்காக துஆக்களில் ஈடுபடுமாறு வேண்டுகோள்.

03. இந்த அத்துமீறல்களுக்கும், அநீதிகளுக்கும் எதிராக அகில இலங்கை ஜம்இய்யத்துல் உலமாவின் தலைமையில், எதிர்வரும் 09.01.2009 ஆம் திகதி வெள்ளிக்கிழமை அஸர் தொழுகையைத் தொடர்ந்து, இலங்கை முஸ்லிம்களின் ஒருமித்த கண்டனத்தை வெளிப்படுத்துவதற்காக பிரமாண்டமானதொரு கூட்டத்தை கொழும்பு சாஹிராக் கல்லூரி வளாகத்தில் நடாத்துவது எனவும், நாட்டின் பல பாகங்களிலும் உள்ள முஸ்லிம்கள் இதுவிடயத்தில் தங்களது எதிர்ப்பையும், கண்டனத்தையும் தெரிவிக்குமாறும், அவ்வமயம், ஷரீஆவின் வரையறைகளைப் பேணியும், யாருக்கும், பொதுச் சொத்துக்களுக்கும் எதுவித இடையூறும் விளைவிக்காமலும் மிகவும் அவதானமாக நடந்து கொள்ளுமாறும் முஸ்லிம் சமூகத்தை வேண்டிக் கொள்கிறது.

04. உலகை அடக்கியாள விரும்பும் யூதக் கும்பல்களின் அட்டகாசத்தை அடக்கும் வண்ணம் அவர்களை பொருளாதார ரீதியிலும், வேறு எந்த வழிகளிலெல்லாம் பலவீனமடையச் செய்ய முடியுமோ அவ்வழிகளைக் கையாள்தல் வேண்டும். அதன் முதற்படியாக இஸ்ரேலுக்கும், உலகில் பலபாகங்களிலும் வாழும் யூத இரத்த வெறிக் காட்டேரிகளுக்கும் செல்வத்தை தேடிக் கொடுக்கும் அனைத்து நாடுகளினதும் உற்பத்திப் பொருட்களையும், உற்பத்தி நிறுவனங்களையும் நாட்டு முஸ்லிம் சமுகம் பகிஷ்கரிக்க வேண்டும் எனவும் அகில இலங்கை ஜம்இய்யத்துல் உலமா வேண்டிக் கொள்கிறது.

இல‌ங்கை‌த் த‌மிழ‌ர் ‌பிர‌ச்சனை : கா‌ங்‌கிர‌சு‌க்கு ‌கி.‌வீரம‌ணி எ‌ச்ச‌ரி‌க்கை

vmani.jpgஇலங்கை‌த் தமிழர் பிரச்சனையில் தமிழர்களின் உணர்வுகளை மதித்து போரை நிறுத்துவதற்கு நடவடிக்கை எடுக்காவிட்டால் வரும் மக்களவை தேர்தலில் காங்கிரஸ் கட்சி தமிழக‌த்‌தி‌ல் மிகப்பெரிய விலையை கொடுக்க வேண்டி இருக்கும் என்று திராவிடர் கழகத் தலைவர் கி.வீரமணி எ‌ச்ச‌ரி‌க்கை ‌விடு‌த்து‌ள்ளா‌ர்.

இது தொடர்பாக அவ‌ர் (06) வெளியிட்டுள்ள அறிக்கையில், ஏற்கனவே சேது கால்வாய் திட்டத்தில் மத்திய அரசு காலதாமதம் செய்து வருவது தமிழக மக்களிடம் மிகுந்த கசப்புணர்வை உருவாக்கி உள்ளது. தற்போது இலங்கை‌த் த‌மிழ‌ர் ‌பிர‌‌ச்சனை‌யி‌லு‌ம் போரை நிறுத்துவதற்கு மத்திய அரசு உருப்படியான நடவடிக்கைகளை எடுக்காமல் தமிழக சட்ட‌ப்பேரவை‌யி‌ல் நிறைவேற்றப்பட்ட தீர்மானத்தையும் அலட்சியப்படுத்துவது தேர்தலில் மிகப்பெரிய விலையை தரவேண்டிய கட்டாயத்தை காங்கிரஸ் கட்சிக்கு உருவாக்கும்.

எனவே இனியாவது இலங்கை‌த் தமிழர் பிரச்சனையை காங்கிரஸ் தலைவர் சோனியா கா‌ந்‌தி தெளிவுடன் புரிந்து செயல்பட வேண்டும் என்று ‌‌‌கி.வீரம‌ணி கேட்டுக்கொண்டா‌ர்.
 
 

அரசியல் தீர்வை முன்வைக்க சர்வகட்சிக்குழு தவறினால் அதிலிருந்து வெளியேறும் நிலை ஏற்படுமென்கிறார் ஹக்கீம்

hakeem_.jpgசர்வ கட்சி மாநாட்டில் இன்றைய போக்கு நம்பிக்கையூட்டுவதாகத் தெரியவில்லையெனத் தெரிவித்திருக்கும் ஸ்ரீலங்கா முஸ்லிம் காங்கிரஸ் தலைவரும் பாராளுமன்ற உறுப்பினருமான ரவூப் ஹக்கீம், இம்மாத இறுதிக்குள் அரசியல் தீர்வு யோசனையை முன்வைக்கத் தவறினால் சர்வகட்சி மாநாட்டிலிருந்து வெளியேறும் நிலை ஏற்படலாமெனவும் சர்வகட்சி மாநாட்டுக்கு சாம்பிராணி பிடிப்பதில் அர்த்தமில்லையெனவும் சுட்டிக்காட்டினார்.

எதிர்க்கட்சிக் கூட்டணியின் விசேட ஊடகவியலாளர் மாநாடு  திங்கட்கிழமை எதிர்க்கட்சித் தலைவர் அலுவலகத்தில் நடைபெற்ற போது கருத்துத் தெரிவிக்கையிலேயே ரவூப் ஹக்கீம் மேற்கண்டவாறு குறிப்பிட்டார். ஊடகவியலாளர்கள் மத்தியில் மேலும் விளக்கமளித்த முஸ்லிம் காங்கிரஸ் தலைவர் ரவூப் ஹக்கீம் தெரிவித்ததாவது; யுத்த வெற்றியின் மூலம் இனப்பிரச்சினைக்குத் தீர்வுதேட முடியாது. அதற்குச் சமாந்தரமான நிலையில் அரசியல் தீர்வுத் திட்டம் முன்வைக்கப்பட வேண்டும். ஆனால் அரசாங்கம் அதில் ஆர்வம் காட்டுவதாகவே தெரியவில்லை.

சர்வகட்சிக் குழுவின் மீதான நம்பிக்கை தமிழ் பேசும் மக்களுக்கு அற்றுப் போய்விட்டது. இம்மாத இறுதிக்குள் சர்வகட்சி குழு அரசியல் தீர்வை முன்வைக்காவிட்டால் ஸ்ரீலங்கா முஸ்லிம் காங்கிரஸ் அதில் பங்கேற்பது தொடர்பில் மறுபரிசீலனை செய்ய வேண்டிவரும். ஐக்கிய தேசியக் கட்சி ஒன்றரை வருடங்களுக்கு முன்பே சர்வகட்சி மாநாட்டிலிருந்து வெளியேறி விட்டது. ஜே.வி.பி.யோ சர்வகட்சி குழுவை கலைக்கக் கோருகிறது. அரசியல் தீர்வு குறித்து அரசு அலட்சியப் போக்கில் செயற்பட்டுக் கொண்டிருக்கிறது. எந்த அடிப்படையில் இந்த அரசு மீது நாம் நம்பிக்கை வைக்க முடியும் எனக் கேட்க விரும்புகிறேன்.

கடந்த இரண்டு தினங்களாக முஸ்லிம்கள் வாழும் கிராமப்புறங்களில் மக்களையும் வர்த்தக நிலையங்களையும் பட்டாசு கொளுத்துமாறு கட்டாயப்படுத்துகின்றனர். தேசப்பற்றை திணிக்க முடியாது. தேசப்பற்று தானாக வரவேண்டும். தமிழ் மக்களின் மனோநிலை குறித்து நாம் கவனம் செலுத்த வேண்டும். இந்த நடவடிக்கைகள் கிழக்கில் வாழும் தமிழ்முஸ்லிம் மக்களிடையே முரண்பாட்டை ஏற்படுத்தலாம். தமிழ், முஸ்லிம் மக்கள் பலவந்தப்படுத்தப்படுவதை நாம் கடுமையாக ஆட்சேபிக்கிறோம். முஸ்லிம் மக்களிடம் தேசிய உணர்வு உண்டு. அரசு தனது சுயநலனுக்கு மக்கள் மீது எதனையும் திணிக்க முடியாது. இந்த யுத்தமும் யுத்த வெற்றியும் மக்களை துருவப்படுத்தும் போக்காக மாறியுள்ளது. தீவிரவாத சக்திகளின் கைப்பொம்மையாக ஜனாதிபதியும் அவரது அரசும் மாறியுள்ளது. தவறான திசையில் சென்று கொண்டிருக்கும் அரசுக்கெதிராக மக்கள் பேரணியை திரட்ட எதிர்க் கட்சிகள் கூட்டணி தயாராகியுள்ளது. முதலாவது பேரணி  புதன்கிழமை கொழும்பில் இடம்பெறும். இன, மத, மொழி பேதம் மறந்து எமது உரிமைகளை வென்றெடுக்க ஒன்றுபடுமாறு மக்களிடம் கேட்டுக் கொள்கின்றோம்.

காஸா மீதான தாக்குதலைக் கண்டித்து இஸ்ரேல், அமெரிக்க கொடிகள் தீக்கிரை; ஐ. நா அலுவலகங்கள் மீது கல்வீச்சு

ag-gasa.jpgகாஸா மக்களுக்கு ஆதரவு தெரிவித்தும் இஸ்ரேலின் கொடூரமான தாக்குதலைக் கண்டித்தும் உலகின் பல பாகங்களிலும் ஆர்ப்பாட்டங்கள் இடம்பெறுகின்றன. ஐ. நா. வின் முயற்சிகள் தோல்வியுற்று இஸ்ரேல் தரை மார்க்கமான தாக்குதலை காஸாமீது ஆரம்பித்துள்ளதால் மிக மோசமான நெருக்கடிகளுக்கு அங்குள்ள மக்கள் முகங்கொடுக்கின்றனர். பள்ளிவாசல்கள், மருத்துவமனைகள், பாடசாலைகள், பல்கலைக்கழகங்களில் தஞ்சமடைந்த அப்பாவிகளையும் இஸ்ரேல் இராணுவம் தாக்குவதாகத் தகவல்கள் தெரிவிக்கின்றன. நேற்றைய தாக்குதலில் அறுபது பேர் உயிரிழந்தனர். காஸாவில் இதுவரை ஐநூற்றுக்கும் மேலானோர் உயிரிழந்தும் இரண்டாயிரம் பேர் காயமடைந்துமுள்ளனர். தரைத்தாக்குதல் ஆரம்பிக்கப்பட்டு இரண்டு நாட்களின் பின்னர் காஸாவின் சில பகுதிகளை இஸ்ரேல் கட்டுப்பாட்டில் வைத்துள்ளது. நான்கு பக்கங்களிலும் காஸாவை முற்றுகையிட்டுள்ள இஸ்ரேலின் தாக்குதலால் அங்கு பெரும் மனித அவலம் ஏற்பட்டுள்ளது.

பெரும்பாலும் குழந்தைகள், பெண்கள், வயோதிபர்களே பலியாகியும், காயமடைந்துமுள்ளனர். இவ்வாரான நிலைமைக்கு காரணமான இஸ்ரேலைக் கண்டித்து அரபு நாடுகள் உட்பட ஐரோப்பிய நாடுகளிலும் ஆர்ப்பாட்டங்கள் நடைபெறுகின்றன. பெருந்தொகையானோர் இதில் பங்கேற்பதால் பொலிஸார் திணறுகின்றனர். எகிப்து, லெபனான், மொரோக்கோ, நோர்வே, பிரான்ஸ், கிரேக்கம், கனடா, அவுஸ்திரேலியா, அமெரிக்கா ஆகிய நாடுகளில் பிரமாண்டமான ஆர்ப்பாட்டங்கள் நடந்தன. எகிப்தில் இடம்பெற்ற காஸாவுக்கு ஆதரவான ஆர்ப்பாட்டத்தில் அறுபதாயிரம் பேர் கலந்து கொண்டனர். தலைநகர் ஸ்தான்புல் மக்கள் வெள்ளமாகக் காட்சியளித்ததால் அன்றைய தினம் வழமையான அலுவலகங்கள் அனைத்தும் செயலிழந்தன. அரபு ஆட்சியாளர்களையும் எகிப்து ஜனாதிபதியையும் மிக மோசமாக ஆர்ப்பாட்டக்காரர்கள் கண்டித்தனர்.

இஸ்ரேலைக் கண்டிக்கும் மிக மோசமான வார்த்தை கள் ஆங்கிலத்தில் எழுதப்பட்ட பெனர்கள், போஸ்டர்கள் காட்சிக்கு வைக்கப்பட்டன. நோர்வே, கனடா, மொரோக்கோ உள்ளிட்ட நாடுகளில் இடம்பெற்ற ஆர்ப்பாட்டங்களில் பெருமளவானோர் கலந்து கொண்டனர். இவர்கள் கடும் ஆவேசத்துடன் காணப்பட்டதால் பொலிஸாரால் ஆர்ப்பாட்டக்காரர்களைக் கலைக்க முடியவில்லை. நிலைமை மோசம டையவே கண்ணீர்ப் புகைப்பிரயோகம் மேற்கொள்ளப்பட்டது. ஆர்ப்பாட்டங்கள் நடந்த அனைத்து நாடுகளிலும் இஸ்ரேல், அமெரிக்கக் கொடிகள் எரிக்கப்பட்டன. ஜோர்ஜ் புஷ், பராக் ஒபாமா, இஸ்ரேல் தலைவர்களின் கொடும்பாவிகளும் எரிக்கப்பட்டன. சில நாடுகளில் இருந்த ஐ. நா. அலுவலகங்கள் அடித்து நொருக்கப்பட்டன. ஈராக்கில் நடந்த ஆர்ப்பாட்டத்தில் புஷ்ஷ¤க்கு காலணிகளை வீசிய ஊடகவியலாளரின் புகைப் படமும் ஏந்திச் செல்லப்பட்டது. கர்பவாவில் இது நடந்தது.