செய்திகள்

இலங்கையை சர்வதேச நீதிமன்றில் நிறுத்துவோம்!” சைக்கிள் கஜா 16வது வருசமாக உறுமுகிறார்!

தகவல் கிடைத்ததாம். ஊசி அர்சுனா மன்னார் ஹொஸ்பிடலுக்கு போய்ட்டாரா?

பிரேசிலில் நடைபெற்ற G 20 உச்சி மாநாட்டில் கலந்துகொண்ட சீன ஜனாதிபதியிடம், உக்ரைன் போரை நிறுத்த ரஷ்யாவுக்கு அழுத்தம் கொடுக்குமாறு பிரான்ஸ் ஜனாதிபதி கேட்டுக்கொண்டார்.

பிரேசில் G 20 உச்சி மாநாட்டில் கலந்துகொண்ட சீன ஜனாதிபதியான ஜி ஜின்பிங்கிடம், உக்ரைன் போரை நிறுத்த புடினுக்கு அழுத்தம் கொடுக்குமாறு பிரான்ஸ் ஜனாதிபதியான இமானுவல் மேக்ரான் கேட்டுக்கொண்டார்.

ரஷ்ய ஜனாதிபதியான புடின், அணு ஆயுதக் கொள்கையில் திடீரென புதிய மாற்றம் ஒன்றை அறிவித்த நிலையில், அணு ஆயுத மோதலைத் தவிர்ப்பதில் சீனாவுக்கு முக்கிய பங்கு இருப்பதாகக் கூறியுள்ளார் மேக்ரான்.

உக்ரைனில் போரிடுவதற்காக தனது படைவீரர்களை உக்ரைனுக்கு அனுப்பும் வட கொரியாவின் முடிவால் சீனாவுக்கு அபாயம் அதிகரித்துள்ளதாக தெரிவித்த மேக்ரான், ரஷ்ய ஜனாதிபதியான புடின் அணு ஆயுதக் கொள்கையில் புதிய மாற்றம் ஒன்றை அறிவித்துள்ள நிலையில், போரை நிறுத்த சீனா புடினுக்கு அழுத்தம் கொடுக்கவேண்டும் என வலியுறுத்தியுள்ளார்.

உக்ரைன் மீது ரஷ்யா போர் தொடுத்த நேரத்திலேயே, எந்த நாடாவது உக்ரைனுக்கு ஆதரவாக ரஷ்யாவின் இறையாண்மைக்கு அச்சுறுத்தலை ஏற்படுத்துமானால், அந்நாட்டின்மீது அணு ஆயுதம் பிரயோகிக்கப்படும் என எச்சரித்திருந்தார் ரஷ்ய ஜனாதிபதியான புடின்.

இந்நிலையில், தற்போது அணு ஆயுத தாக்குதல் தொடர்பில் புதிய கொள்கை ஒன்றிற்கு புடின் அனுமதி அளித்துள்ளார்.

அதன்படி, ரஷ்யாவின் மீது எந்த நாடாவது சாதாரண ஆயுதங்கள் கொண்டு தாக்குதல் நடத்தினாலே, அதாவது, உயிரி ஆயுதங்கள், ரசாயன ஆயுதங்கள், அணு ஆயுதங்கள் மற்றும் கதிரியக்க ஆயுதங்கள் இல்லாமல் சாதாரண ஆயுதங்களைக் கொண்டு தாக்குதல் நடத்தினாலே, அந்த நாடுகள் மீது அணு ஆயுத தாக்குதல் நடத்தும் உரிமை ரஷ்யாவுக்கு உள்ளது என்கிறது ரஷ்யாவின் புதிய அணு ஆயுதக் கொள்கை.

அடுத்த மறுமலர்ச்சி யுகத்திற்கு ஏற்ற பிரஜைளை உருவாக்கக்கூடிய மன அழுத்தமில்லாத கல்விக்காக மாணவர்களின் நம்பகத்தன்மையை நிலைநாட்ட அர்ப்பணிப்புடன் செயற்படவுள்ளதாக பிரதமர் ஹரிணி அமரசூரிய தெரிவித்தார்.

புதிய அரசாங்கத்தின் கல்வி, உயர்கல்வி மற்றும் தொழிற்கல்வி அமைச்சில் தனது அமைச்சுப் பதவியை இன்று (20) பொறுப்பேற்றுக்கொண்ட போதே அவர் இதனை சுட்டிக்காட்டினார்.

அங்கு மேலும் கருத்து தெரிவித்த பிரதமர், கல்வி போன்றதொரு விடயத்துடன் தொடர்புடைய அமைச்சுப் பதவியை ஏற்றுக்கொள்வதில் மிகவும் மகிழ்ச்சியடைவதாக தெரிவித்தார்.

விடயத்தின் ஆழத்தை தான் முழுமையாக புரிந்து கொண்டதாகவும் அவர் குறிப்பிட்டார்.

புதிய அரசின் கொள்கைகளின்படி, கல்விக்கு அதிக முன்னுரிமை அளிக்கப்பட்டு, பாடசாலைக் கல்வியானது முறையாகவும் கால ஒழுங்கிலும் வெற்றிகரமாக செயல்படுத்தப்பட வேண்டும் என்றார்.

குழந்தைகள் மகிழ்ச்சியுடன் கல்வி கற்கும் சூழல் உருவாக்கப்பட வேண்டும் எனவும், தற்போது கல்வித்துறையில் நிலவும் பிரச்சனைகள் விரைவில் தீர்க்கப்பட வேண்டும் எனவும் பிரதமர் சுட்டிக்காட்டினார்.

எவ்வாறாயினும், மக்கள் அனைவரினதும் கணிசமான ஆதரவு அதற்கு அவசியம் என்றும் அவர் மேலும் கூறினார்.

இதேவேளை, கல்வி, உயர்கல்வி மற்றும் தொழிற்கல்வி அமைச்சின் செயலாளராக கே. எம். ஜி. எஸ். என். களுவெவவும் இன்று தனது கடமைகளை பொறுப்பேற்றுக் கொண்டார்.

புதிய பிரதமரின் செயலாளர், அமைச்சரவையின் செயலாளர் உட்பட 18 அமைச்சுக்களுக்கு புதிய செயலாளர்களுக்கு நியமனம் வழங்கும் நிகழ்வு ஜனாதிபதியின் செயலாளர் கலாநிதி நந்திக்க சனத் குமாநாயக்க தலைமையில் செவ்வாய்க்கிழமை (19) ஜனாதிபதி செயலகத்தில் நடைபெற்றது.

அவர்களின் பெயர் விபரம் வருமாறு,

01 பிரதமரின் செயலாளராக பீ.பீ.சபுதந்திரி நியமிக்கப்பட்டுள்ளார்.

02 அமைச்சரவையின் செயலாளராக டபிள்யூ. எம்.டீ.ஜே.பெர்னாண்டோ நியமிக்கப்பட்டுள்ளார்.

03 சிரேஷ்ட பேராசிரியர் கபில சீ.கே.பெரேரா போக்குவரத்து, நெடுஞ்சாலைகள் , துறைமுகங்கள் மற்றும் சிவில் விமானத்துறை அமைச்சின் செயலாளராக நியமிக்கப்பட்டுள்ளார்.

04 கே.எம்.எம்.சிறிவர்தன நிதி ,திட்டமிடல், பொருளாதார அபிவிருத்தி அமைச்சின் செயலாளராக நியமிக்கப்பட்டுள்ளார்.

05 ஜே.எம்.திலகா ஜயசுந்தர கைத்தொழில் மற்றும் தொழில் முயற்சியாண்மை அபிவிருத்தி அமைச்சின் செயலாளராக நியமிக்கப்பட்டுள்ளார்.

06 ஏ.எம்.பீ.எம்.பி.அத்தபத்து புத்தசாசன, சமய மற்றும் கலாசார அலுவல்கள் அமைச்சின் செயலாளராக நியமிக்கப்பட்டுள்ளார்.

07 பீ.கே.பிரபாத் சந்திரகீர்த்தி பெருந்தோட்ட மற்றும் சமூக உட்கட்டமைப்பு அமைச்சின் செயலாளராக நியமிக்கப்பட்டுள்ளார்.

08 எச்.எஸ்.எஸ்.துய்யகொன்த பாதுகாப்பு அமைச்சின் செயலாளராக நியமிக்கப்பட்டுள்ளார்.

09 டீ.டபிள்யூ.ஆர்.டி.செனவிரத்ன பொதுமக்கள் பாதுகாப்பு மற்றும் பாராளுமன்ற அலுவல்கள் அமைச்சின் செயலாளராக நியமிக்க்பட்டுள்ளார்.

10 யூ.ஜீ.ரஞ்சித் ஆரியரத்ன நகர அபிவிருத்தி, நிர்மாணத்துறை மற்றும் வீடமைப்பு அமைச்சின் செயலாளராக நியமிக்கப்பட்டுள்ளார்.

11 பேராசிரியர்.கே.டீ.எம். உதயங்க ஹேமபால வலுசக்தி அமைச்சின் செயலாளராக நியமிக்கப்பட்டுள்ளார்.

12 எஸ்.ஆலோக பண்டார பொதுநிர்வாக, மாகாண சபைகள் மற்றும் உள்ளூராட்சி அமைச்சின் செயலாளராக நியமிக்கப்பட்டுள்ளார்.

13 எஸ்.எம்.பியதிஸ்ஸ தொழில் அமைச்சின் செயலாளராக நியமிக்கப்பட்டுள்ளார்.

14 ஏ.விமலேந்திரராஜா வர்த்தக,வாணிப ,உணவுப் பாதுகாப்பு மற்றும் கூட்டுறவு அபிவிருத்தி அமைச்சின் செயலாளராக நியமிக்கப்பட்டுள்ளார்.

15 டீ.பி.விக்ரமசிங்ககே. விவசாயம்,கால்நடை வளங்கள், காணி மற்றும் நீர்ப்பாசன அமைச்சின் செயலாளராக நியமிக்கப்பட்டுள்ளார்.

16 எம்.ஜீ.எஸ்.என்.களுவெவ கல்வி,உயர்கல்வி மற்றும் தொழிற்கல்வி அமைச்சின் செயலாளராக நியமிக்கப்பட்டுள்ளார்.

17 ஏ.எச்.எம்.யூ – அருண பண்டார இளைஞர் விவகார மற்றும் விளையாட்டுத்துறை அமைச்சின் செயலாளராக நியமிக்கப்பட்டுள்ளார்.

18 அருணி ரணராஜா வெளிநாட்டலுவல்கள், வெளிநாட்டு வேலைவாய்ப்பு மற்றும் சுற்றுலா அமைச்சின் செயலாளராக நியமிக்கப்பட்டுள்ளார்.

உணவுப் பாதுகாப்பு மற்றும் கூட்டுறவு அபிவிருத்தி அமைச்சின் செயலாளராக தமிழரான ஏ.விமலேந்திரராஜா நியமிக்கப்பட்டுள்ளார்.

இலங்கையில் நடைபெற்ற நாடாளுமன்ற தேர்தலில் பெரும் வெற்றிபெற்று ஜனாதிபதி அனுர தலமையிலான அரசாங்கம் அமைக்கபப்ட்டுள்ளது.

அமைச்சர்கள் நியமனத்தை தொடர்ந்து புதிய பிரதமரின் செயலாளர், அமைச்சரவை செயலாளர் உட்பட 16 அமைச்சகங்களுக்கு புதிய செயலாளர்கள் நியமிக்கப்பட்டுள்ளனர்.

அந்தவகையில் அமைச்சர் வசந்த சமரசிங்கவின் வர்த்தக,வாணிப, உணவுப் பாதுகாப்பு மற்றும் கூட்டுறவு அபிவிருத்தி அமைச்சின் செயலாளராக தமிழரான ஏ.விமலேந்திரராஜா நியமிக்கப்பட்டுள்ளார்.

இலங்கையின் நிர்வாக சேவையில் அதி உயர் பதவிகளை வகித்த ஏ.விமலேந்திரராஜா யாழ் பல்கலைக்கழகத்தில் பொருளியல் துறையில் படித்தவர் ஆவார்.

இந்நிலையில் தேசிய மக்கள் சக்தியின் அரசாங்கத்தினால் குறிப்பாக ஊழலுக்கு எதிரான குரலாக விளங்கிய வசந்தவின் தலைமையிலான அமைச்சிற்கு தமிழரான ஏ.விமலேந்திரராஜா உள்வாங்கப்படுள்ளமை குறிப்பிடத்தக்கது.

மன்னார் – கட்டையடம்பன் பகுதியை சேர்ந்த இளம் தாய் சிந்துஜா மன்னார் வைத்தியசாலையில் மரணம் அடைந்த நிலையில் குறித்த மரணம் தொடர்பில் சந்தேகம் இருப்பதாக உறவினர்கள் மற்றும் பெற்றோர்கள் மேற்கொண்ட முறைப்பாடுக்கு அமைவாக பொலிஸாரால் விசாரணைகள் இடம்பெற்று வருவதாக நம்பப்பட்டு வந்த நிலையில் விசாரணைகள் மந்த கதியில் இடம் பெற்றுள்ளமை நீதிமன்ற விசாரணையில் தெரியவந்துள்ளது.

சிந்துஜாவின் மரணம் தொடர்பான வழக்கு விசாரணை நேற்று செவ்வாய் (19) மன்னார் நீதவான் நீதிமன்றத்தில் அழைக்கப்பட்ட நிலையில்,

சில நாட்களுக்கு முன்பாக தான் குறித்த வழக்கு மன்னார் பிராந்திய குற்றத்தடுப்பு பொலிஸாருக்கு ஒப்படைக்கப்பட்டுள்ளதாக மன்னார் குற்றத்தடுப்பு பொலிஸார் மன்றில் தெரிவித்திருந்தனர்.

இதுவரை காலமும் மன்னார் மடு பொலிஸார் குறித்த வழக்கு விசாரணையை B வழக்காக பதிவு செய்யாது சாதாரண வழக்காக பதிவு செய்து விசாரணைகளை நடத்தியுள்ளனர்.

இந்த நிலையில் பாதிக்கப்பட்ட பெண் சார்பாக நீதிமன்றத்தில் ஆஜரான சட்டத்தரனி டெனிஸ்வரன் மற்றும் சர்மிலன் டயசின் கோரிக்கையை ஏற்று குறித்த வழக்கு தொடர்பான விசாரணையை துரிதப்படுத்தி இரண்டு வார காலத்திற்குள் அறிக்கை சமர்பிக்குமாறும் அதே நேரம் வழக்கை B அறிக்கையாக தாக்கல் செய்து விசாரணைகளை மேற்கொள்ளுமாறு நீதவான் உத்தரவு பிறப்பித்துள்ளார்.

குறித்த வழக்கு மேலதிக விசாரணைக்காக டிசம்பர் மாதம் 3 திகதி தவணை இடப்பட்டுள்ளது.

தேசிய மக்கள் சக்தியின் அரசாங்கத்தின் அமைச்சரவை முஸ்லிம் அமைச்சர் ஒருவர் இல்லாமை தொடர்பில் எழுந்துள்ள விமர்சனங்களுக்கு அமைச்சர் பிமல் ரத்நாயக்க விளக்கம் அளித்துள்ளார்.

எமது அரசாங்கம் இலங்கையர்களை உள்ளடக்கிய ஒரு அரசாங்கம் என்றும் சிங்களவர்கள், தமிழர்கள், முஸ்லிம்கள் என்ற மத ரீதியான அடையாளங்களை கொண்டிருக்கவில்லை என குறிப்பிட்டுள்ளார்.

ஊடகங்களுக்கு கருத்து தெரிவிக்கும் போது அமைச்சர் இதனைத் தெரிவித்துள்ளார்.

76 ஆண்டுகளில் அனைத்து சமூகங்களும் தங்களது மத, கலாசார வேறுபாடுகளை மறந்து ஒரே நாடாக வாக்களித்து பெரும்பான்மை ஆட்சியைத் தேர்ந்தெடுப்பது இதுவே முதல் முறை என்று அவர் சுட்டிக்காட்டினார்.

தேசிய மக்கள் அரசாங்கம் எந்தவொரு சமூகத்தையும் அவர்களின் மத அல்லது கலாச்சார நடைமுறைகளின் அடிப்படையில் ஒருபோதும் பாகுபாடு காட்டாது. அரசாங்கத்தின் கொள்கையில் அது இல்லையென அமைச்சர் குறிப்பிட்டுள்ளார்.

அனைத்து இன மக்களாலும் தெரிவு செய்யப்பட்ட நாடாளுமன்ற உறுப்பினர்களே எமது கட்சியில் உள்ளனர்.

இங்கு பாரபட்சம் காட்டுவதற்கு எதுவும் இல்லை. மக்களின் உணர்வுகளுக்கு மதிப்பளித்தே அமைச்சு பதவிகள் வழங்கப்படுவதாக அமைச்சர் ரத்நாயக்க மேலும் தெரிவித்துள்ளார்

மெடிக்கல் மாபியாக்களுக்கு முற்றுப்புள்ளி வைக்கப்போவது அனுர தரப்பா..? ஊசி அர்ச்சுனாவா..? – வைத்தியர் நாகநாதனுடனான கலந்துரையாடல்..!

பொலிஸ் அரசியல் மயமாக்கலுக்கு முடிவு கட்டுவதற்கு, இலங்கையின் புதிய பொது பாதுகாப்பு அமைச்சர் உறுதியளித்துள்ளதுடன், இலஞ்சம் மற்றும் ஊழலைக் கட்டுப்படுத்துவதற்கு முன்னுரிமை அளிக்கப்படும் என்றும் அவர் மக்களுக்கு உறுதியளித்துள்ளார்.

பொலிஸின் சுதந்திரத்தை மீட்டெடுப்பதற்கு தாம் அர்ப்பணிப்புடன் இருப்பதாகவும் புதிய பொது பாதுகாப்பு மற்றும் நாடாளுமன்ற விவகார அமைச்சர் ஆனந்த விஜயபால நேற்று (20) செய்தியாளர்களிடம் தெரிவித்துள்ளார்.

முந்தைய அரசாங்கங்களின் கீழ் பொலிஸ்துறை அரசியல் மயமாக்கப்பட்டதாக அவர் குற்றம் சுமத்தியுள்ளார்.

இலங்கை பொலிஸாரை அரசியல் செல்வாக்கிலிருந்து விடுவிக்க ஜனாதிபதி அநுரகுமார திஸாநாயக்க ஏற்கனவே நடவடிக்கைகளை மேற்கொண்டுள்ளார்.

இந்தநிலையில், இலங்கை பொலிஸார் பக்கச்சார்பற்ற, நியாயமான மற்றும் பொதுமக்களுக்கு பொறுப்புக்கூறும் வகையில் செயற்படுவதை உறுதி செய்வதில் தனது உறுதியான நிலைப்பாட்டை அமைச்சர் வலியுறுத்தியுள்ளார்.

டக்ளஸ் தேவானந்தாவின் கடற்தொழில் அமைச்சு தற்போது ராமலிங்கம் சந்திரசேகரிடம்!

தேசிய மக்கள் சக்தியின் 21 பேர் கொண்ட அமைச்சரவையில் இரு தமிழமைச்சர்கள் இடம்பெற்றுள்ளனர். முன்னாள் அமைச்சர் டக்ளஸ் தேவானந்தாவின் கடற்றொழில் நீரியல் வள, மற்றும் கடல்வளங்கள் அமைச்சராக இராமலிங்கம் சந்திரசேகரன் நியமிக்கப்பட்டுள்ளார். இராமலிங்கம் சந்திரசேகரன் தமிழ் கலாச்சார வேட்டி மேற்சட்டையோடு பாராளுமன்றம் சென்று தமிழில் பதவிப் பிரமாணம் செய்துகொண்டார்.

சரோஜினி சாவித்ரி போல்ராஜக்கு மகளிர் மற்றும் சிறுவர் விவகார அமைச்சு வழங்கப்பட்டுள்ளது.

ஜனாதிபதி அனுராவின் கீழ் பாதுகாப்பு, நிதி – திட்டமிடல் பொருளாதார அபிவிருத்தி, டிஜிற்றல் பொருளாதாரம் ஆகிய அமைச்சுக்கள் செயற்படும். புதிய பிரதமராக மீண்டும் ஹரிணி அமரசூரிய தெரிவு செய்யப்பட்டுள்ளார். அவர் கல்வி, உயர்கல்வி, தொழிற்கல்வி அமைச்சை பொறுப்பேற்றுள்ளார். விஜித ஹேரத் வெளிவிவகாரம், வெளிநாட்டு வேலைவாய்ப்பு சுற்றுலாத்துறை அமைச்சை ஏற்றுக்கொண்டுள்ளார். தங்களுடைய ஆட்சியில் அமைச்சரவை 25யைத் தாண்டாது என மக்களுக்கு உறுதியளித்தபடி 21 அமைச்சுப் பொறுப்புக்களே வழங்கப்பட்டுள்ளது. இதன் மூலம் பல மில்லியன் நிதி வீண்விரயம் தடுக்கப்பட்டுள்ளது. மக்கள் எங்களுக்கு மட்டற்ற அதிகாரத்தைத் தந்துள்ளார்கள். அதனைத் துஸ்பிரயோகம் செய்யாமல் பொறுப்பான முறையில் மக்களின் எதிர்பார்ப்புகளையும் அபிலாசைகளையும் நிறைவேற்றுவதற்கு அதனைப் பயன்படுத்த வேண்டும் என ஜனாதிபதி தன்னுடைய அமைச்சரவையில் உரையாற்றும் போது ஜனாதிபதி அனுரா குறிப்பிட்டுள்ளார்.

சிறுவர் வறுமை போசாக்கின்மை ஆகியவற்றுக்கு புதிய அரசாங்கம் முன்னுரிமை அளித்துள்ளதாகவும் மாற்றுத் திறனாளிகளுக்கு சிறந்த ஆதரவு வழங்கப்படும் எனவும் ஜனாதிபதி அனுரா உறுதியளித்துள்ளார். இது பற்றி கருத்துத் தெரிவித்த ஒளிரும் வாழ்வு அமைப்பின் ஸ்தாபகரும் உடல்ஊனமுற்ற பிள்ளைக்கு தந்தையுமான அனஸ்லி இது பற்றி தேசம்நெற்க்குத் தெரிவிக்கையில் “தமிழர் பூர்வீக பிரதேசங்களில் கடந்த கால 30 ஆண்டுகால யுத்தம் நூற்றுக்கணக்கான ஆயிரக்கணக்கான மாற்றுத் திறனாளிகள் உள்ளனர். நவம்பர் மாதத்திலும்; மேடைகளிலும் மட்டும் உணர்ச்சி பொங்க பேசும் இவர்களிடம் கடந்த காலங்களில் நாங்கள் உதவிகளுக்கும் சட்டவாக்கங்களை ஏற்படுத்தவும் கோரி இருந்தோம். ஆனால் தமிழ் அரசியல்வாதிகள் காத்திரமாக எதனையும் செய்யவில்லை. ஆனால் தேசிய மக்கள்சக்தி மாற்றுத்திறனாளியான வசந்த டி சில்வாவை தேசியப் பட்டியல் மூலம் பாராளுமன்றத்துக்கு அனுப்பி வைத்துள்ளது. மாற்றுத் திறனாளிகளுக்கு ஆதரவு வழங்கும் ஜனாதிபதி அனுரவின் உறுதி மொழி பாராட்டுக்குரியது. எஸ் சிறிதரனும் பொன்னம்பலம் கஜேந்திரகுமாரும் மற்றையவர்களும் நவம்பரில் துயிலும் இல்லங்களை துப்பரவு செய்து விளக்கேற்றி ஊடகங்களுக்கு படங்களை அனுப்பினால் மட்டும் போதாது. தழும்புகளுடன் வாழும் போராளிகளின் வாழ்க்கையில் நிரந்தரமாக விளக்கேற்ற வழிசெய்ய வேண்டும். இதனை ஜனாதிபதி அனுராவின் ஆட்சி செய்யுமாக இருந்தால் அது தமிழ் மக்களால் காலத்துக்கும் போற்றப்படும். தேசிய மக்கள் சக்தியின் வடக்கு கிழக்கு பாராளுமன்ற உறுப்பினர்கள் இதற்கு முன்னுரிமை அளிக்க வேண்டும்” என்றார்.

தேசிய மக்கள் சக்தியின் அலையில் சிக்குண்டு கடந்த காலங்களில் பாராளுமன்றத்தை பிரதிநிதித்துவப்படுத்திய 11 தமிழர்கள் உட்பட 150 முன்னாள் பாராளுமன்ற உறுப்பினர்கள் பாராளுமன்ற அரசியலிலிருந்து வெளியேற்றப்பட்டுள்ளனர். புதிய பாராளுமன்ற உறுப்பினர்களை ‘எல் போர்ட்’ என்று எதிர்க்கட்சிகள் மற்றும் அவர்கள் சார்பு ஊடகங்கள் கிண்டலடிக்கின்றன. அதனால் என்ன நாங்கள் புதியவர்கள் ‘எல் போர்ட்’ தான் என்கிறார் சரோஜினி சாவித்திரி போல்ராஜ். நாங்கள் ‘எல்போர்ட்’ தான் அதனால் எங்களுக்கு ஊழல் செய்யத் தெரியாது என க இளங்குமரன் தேசம்நெற்க்குத் தெரிவித்தார்.

சர்வதேச நாணய நிதியம் மக்களுடைய நெருக்கடி நிலையைக் கணக்கிலெடுத்து கெடுபிடியில்லாமல் சமநிலை அணுகுமுறையை மேற்கொள்ள வேண்டும் என அரசு கேட்டுக்கொண்டுள்ளது. அதேசமயம் தேசிய மக்கள் சக்தி யாழ் பாராளுமன்ற உறுப்பினர் க இளங்குமரன் புலம்பெயர்ந்த தமிழர்கள் தாயகத்தில் வந்து முதலீடுகளை மேற்கொள்ள வேண்டும் என்றும் கடந்த ஆட்சியாளர்கள் போலல்லாமல் அவர்களிடம் பச்சைத் தண்ணியும் வாங்காமல் அவர்கள் முதலீடுகளை மேற்கொள்ளவும் தொழிலை விருத்தி செய்யவும் எமது அரசு ஒத்துழைப்பு வழங்கும் என அவர் தேசம்நெற்க்குத் தெரிவித்தார். வேம்பிலிருந்து சூழல் நேய பொருட்களை உற்பத்தி செய்வது தொடர்பாக புலம்பெயர் தமிழர் சுந்தரமூர்த்தி புவனகுமார் ஆளுநர் நாகலிங்கம் வேதநாயகத்துடன் உரையாடியுள்ளார். சுந்தரமூர்த்தி புவனகுமார் மும்பையை தலைமையகமாகக் கொண்ட உலக வேம்பு அமைப்பின் உறுப்பினரும் கூட.

தமிழ் தேசியவாதக் கட்சிகள் மற்றும் தேசியவாதக் கட்சிகள், எதிர்க்கட்சிகள் தங்கள் தோல்விகளிலிருந்து மீள்வதற்கு முன்னரேயே தேர்தல் ஆணைக்குழு நவம்பர் 27 கூடி பிரதேசசபை மற்றும் மாகாணசபைக்கான தேர்தல்கள் தொடர்பில் ஆராய உள்னனர்.

2024 பாராளுமன்றத் தேர்தலில் இலங்கை முழுவதும் 284 சுயேச்சைக் குழுக்களைச் சேர்ந்த 3357 வேட்பாளர்கள் போட்டியிட்டு 1,16,000 வாக்குகளைப் பெற்றுள்ளனர். இது மொத்தமான வாக்குகளில் ஒரு வீதமாகும். இலங்கையில் அண்மைக்கால பாராளுமன்றத் தேர்தல்களில் சுயேட்சையாக எந்த வேட்பாளரும் வெற்றி பெற்றது கிடையாது. இலங்கையின் சகல பகுதிகளிலும் சுயேட்சையாகப் போட்டியிட்ட அனைத்து வேட்பாளர்களும் தோல்வி காண யாழ்ப்பாண தேர்தல் மாவட்டத்தில் ஊசி அர்ச்சுனா வெற்றிபெற்றமை வரலாறாக மாறியுள்ளது. மேலும் ஊசி அர்ச்சனாவுடன் போட்டியிட்ட நரேன் கௌசல்யா சைக்கிள் பொன்னம்பலம் கஜேந்திரகுமாரைக் காட்டிலும் கூடுதலான விருப்பு வாக்குகளைப் பெற்று தோல்வியைத் தழுவினார். எஸ் சிறிதரன், பொன்னம்பலம் கஜேந்திரகுமார் போன்று ஊசி அர்ச்சுனாவும் பிரபாகரனையும் மாவீரர்களையும் வைத்துத் தான் அரசியல் வியாபாரம் செய்த போதும் ஒன்றாக கடை போட மாட்டோம் என்று மறுத்து வருகின்றனர்.

பாரிஸ் லாகூர்னே சிவன் கோவிலுக்குள் பிரான்ஸ் வருமான வரித்துறையினரும் பொலிஸாரும் புகுந்து கோயிலை சில மணி நேரங்கள் மூடி ஆவணங்களை கல்லாப்பெட்டியை, உண்டியலை எல்லாம் கொண்டு சென்றது உண்மை தான் ஆனாலும் மீண்டும் கோயில் இயங்குகிறது. கோயிலுக்கு வாருங்கள் வந்து உண்டியலை நிரப்புங்கள் எனக் கேட்கும் 40 நிமிட காணொலி ஒன்றை கோயில் முதலாளி சர்ச்சைக்குரிய கிரிமினல் குற்றச்செயல்களில் ஈடுபட்ட வெற்றிவேலு ஜெயந்திரன் வெளியிட்டுள்ளார். பிரான்ஸில் பிடியாணையுள்ள உள்ள வெற்றிவேலு ஜெயந்திரன் பிரான்ஸில் உள்ள ஒரு யூரியூப்பரை அனுப்பி இக்காணொலியைப் பதிவு செய்துள்ளார். பொதுவாக ஆலயங்களுக்கு செல்லும் மக்கள் ஆலயங்களுக்கு நிதிப்பங்களிப்பை செய்ய வேண்டாம் என்றும் ஆலயங்களுக்கு வழங்கப்படும் பெருமளவான நிதி அதன் முதலாளிகளால் அறக்கட்டளை உறுப்பினர்களால் வீண் விரயம் செய்யப்படுகின்றது அல்லது சட்டவிரோத காரியங்களுக்கு பயன்படுத்தப்படுகின்றது என்ற குற்றச்சாட்டுக்கள் பல்வேறு ஆலயங்களிலிருந்தும் தெரிவிக்கப்படுகின்றது.

லண்டனில் வருமானம் கூடிய ஈலிங் ஆலயம் பல்கலைக்கழக மாணவர்களின் உயர்கல்விக்கு வழங்கி வந்த நிதியை கடந்த ஏப்ரல் மாதம் முதல் இடைநிறுத்தியுள்ளதாக பயன்பெற்று வந்த மாணவர்கள் தேசம்நெற்க்குத் தெரிவிக்கின்றனர். இதனால் 240 மாணவர்கள் வரை பாதிக்கப்பட்டுள்ளதாகவும் ஆலயத்திலிருந்து இது தொடர்பில் எவ்வித விளக்கங்களும் அளிக்கப்படவில்லை என்றும் குற்றம்சாட்டப்படுகின்றது. ஆனால் இந்த மாணவர்களின் உயர்கல்விக்குரிய நிதி சேகரிக்கப்பட்டு வைப்பிலிடப்பட்டுள்ளதாக ஆலய வட்டாரங்கள் தெரிவிக்கின்றன. ஆலயத்திற்கு சேருகின்ற வருமானத்தில் செலவீனங்கள் போக மீதியுள்ள நிதியில் மூன்றில் இரண்டு தாயக மக்களின் மேம்பாட்டுக்கு பயன்படுத்தப்படுவதாக ஆலயத்தின் செயற்குழுவின் தீர்மானம் குறிப்பிடுகின்றது. ஆனால் அண்மைக்காலமாக தாயக மேம்பாட்டு நடவடிக்கைகளை ஈலிங் கனகதுர்க்கை அம்மன் ஆலயமும் ஏனைய ஆலயங்களைப் போல் கைவிட்டு வருகின்றது என அம்பாள் அடியார்கள் குற்றம்சாட்டுகின்றனர். உயர்கல்வி மற்றும் மாணவர்களுக்கான உதவித் திட்டங்களுக்கான நிதி ஆலயத்தின் நிதியிலிருந்து வருவதில்லை. அவை மக்களிடமிருந்து பிறம்பாக சேகரிக்கப்படுகின்ற நிதி என்பது குறிப்பிடத்தக்கது. அந்த நிதியையும் வழங்காமல் ஆலய செயற்குழு தாயக மக்களின் கல்வி வளர்ச்சியில் தடையைப் போடுகின்றது.

நடந்த முடிந்த பாராளுமன்றத் தேர்தலில் தமிழ் அரசியல் தலைமைகள், தமிழ் தேசியம் பேசியவர்கள், லைக்கா மற்றும் ஐபிசி வியாபார முதலைகள் மட்டும் தோற்கடிக்கப்பட வில்லை. இவர்களுக்கெல்லாம் முண்டு கொடுத்து தமிழ் மக்களை தேசியவாதத்தின் பெயரால் முட்டாள்களாக்கலாம் என்று எண்ணிய தமிழ் தேசியவாத ஊடகங்கள் அத்தனையும் மண் கவ்வியுள்ளது. யாழிலிருந்து வெளிவருகின்ற பத்திரிகைகள் தொலைக்காட்சிகள் இவற்றுள் ஆய்வுகளை மேற்கொள்பவர்கள் அனைவரும் மண் கவ்வியுள்ளனர். தமிழ் தேசியவாத அரசியல் தலைவர்களோடு அவர்களின் ஊழல்களுக்கும் அநியாயங்களுக்கும் துணைபோன ஊடகங்களும் ஆய்வாளர்களும் கூட இத்தேர்தலில் மண்கவ்வியுள்ளனர். இதில் பொதுக்கட்டமைப்பை உருவாக்கி சங்கு சின்னத்தை விற்றதாகச் சொல்லப்படும் நிலாந்தன், ஜோதிலிங்கம் போன்றவர்களின் நிலை மிக மோசமானது.