May

முதல் அமைச்சர் கருணாநிதியை இன்று காலையில் மாநிலங்களவை உறுப்பினர் கனிமொழி இல்லத்தில் மத்திய அரசின் தேசிய பாதுகாப்பு ஆலோசகர் எம்.கே.நாராயணன் சந்தித்து பேசினார். பின்னர் நிருபர்களுக்கு கருணாநிதி பேட்டி அளித்தார். அதன் விவரம் வருமாறு: 

கேள்வி: இன்று காலை தேசிய பாதுகாப்பு ஆலோசகர் எம்.கே.நாராயணன் உங்களை சந்தித்துப் பேசியதைப் பற்றி?

பதில்: நேற்றைய தினம் பிரதமருடனும், சோனியா காந்தியுடனும் நான் பேசிய தின் தொடர்ச்சியாக இன்றைக்கு அவர் இலங்கைக்கு செல்கிறார். அங்குள்ள சூழ் நிலைகளை அறிந்து வந்து மீண்டும் என்னைச் சந்தித்து விவரங்களை கூறுவார்.

கேள்வி: இலங்கைக்கு நிவாரணம் அளிப்பது பற்றி குறிப்பிட்டு ஏதாவது கேட்டிருக்கிறீர்களா?

பதில்: இலங்கை தமிழர் பகுதிகளில் நிவாரணத்திற்காக எவ்வளவு தேவையோ அவ்வளவையும் நிறைவு செய்வோம் என்று பிரதமர் சொல்லியிருக்கிறார்.

விடுதலைப் புலிகள் இயக்கத் தலைவர் பிரபாகரன் ‘கொல்லப்பட்டபோது’ நடந்த சம்பவங்கள் குறித்து இலங்கை அதிகாரி ஒருவர் கூறியுள்ளார்.

அது இதோ…

பிரபாகரனின் நடமாட்டம், அவர் எங்கு செல்கிறார் என்பது அவரது மனைவி மதிவதனி தவிர மூன்றே மூன்று விடுதலைப் புலிகள் அமைப்பினருக்கு மட்டும்தான் தெரியுமாம்.

ஒருவர் பொட்டு அம்மான், இன்னொருவர் பிரபாகரனின் மகன் சார்லஸ் அந்தோணி. மூன்றாவது நபர் புலிகளின் மருத்துவப் பிரிவு தலைவர் டாக்டர் ரீகன்.

சமீபத்தில் டாக்டர் ரீகன் ராணுவத்திடம் சிக்கினார். அவரை பல நாட்கள் கடுமையாக சித்திரவதை செய்து விசாரித்துள்ளனர். முதலில் பிரபாகரன் குறித்து தனக்குத் தெரியாது என்று கூறியுள்ளார் ரீகன். ஆனால் கொடூர சித்திரவதையில் பிரபாகரன் இருப்பிடம் குறித்து கூறி விட்டார் ரீகன்.

இதன் மூலம் 16ம் தேதி நள்ளிரவுவாக்கில்தான் பிரபாகரன் இருப்பிடம் குறித்து ராணுவத்திற்கு தெளிவாகத் தெரிய வந்தது.

மேலும், பிரபாகரன் போட்டு வைத்திருந்த முழுத் திட்டமும் தெரிய வந்தது.

பிரபாகரனின் திட்டம் என்னவென்றால், ராணுவத்தின் 53வது முன்னரங்கு பாதுகாப்பு வளையத்தை உடைத்துக் கொண்டு, முல்லைத்தீவு- வெளிஓயா காடுகளுக்குச் செல்வது. பின்னர் அங்கிருந்து திரிகோணமலை வழியாக கிழக்கு மாகாணத்தில் உள்ள மட்டக்களப்பு அல்லது அம்பாரைக்கு தப்பிச் செல்வது.

ஏற்கனவே அங்கு நிலை கொண்டிருந்த கர்னல் ராம் தலைமையிலான படையினரிடம் தங்களது வருகையை முன்கூட்டியே தெரிவித்து விட்டாராம் பிரபாகரன்.

இதையடுத்து 17ம் தேதி அதிகாலையில் புலிகள் தங்களது கடைசி தாக்குதலைத் தொடங்கினர். கடல் மார்க்கமாக விடுதலைப் புலிகளின் கடற்புலிகள் பிரிவினர் படு துணிச்சலான தாக்குதலை மேற்கொண்டு சென்றனர்.

ஏற்கனவே எச்சரித்து வைக்கப்பட்டிருந்த ராணுவப் பிரிவுகள், விடுதலைப் புலிகளை மடக்க முயன்றன. ஆனால், அதையும் மீறி 53வது பிரிவின் முன்னரங்கு பாதுகாப்பு வளையத்தை புலிகள் உடைத்துக் கொண்டு சென்றனர்.

மேலும் ராணுவத்தின் ஆம்புலன்ஸ் ஒன்றையும் பறித்துக் கொண்ட அவர்கள், 15 ராணுவ வீரர்களையும் சுட்டுக் கொன்றனர்.

ஆனால் அடுத்த சில நிமிடங்களிலேயே ராணுவம் திருப்பித் தாக்கத் தொடங்கியது. சக்தி வாய்ந்த எறிகணை ராக்கெட்டுகளை வீசித் தாக்கியது. இதில் 200 விடுதலைப் புலி வீரர்கள் கொல்லப்பட்டனர். அவர்களில் 30 பேர் வரை கருகிப் போய் விட்டனர்.

விடுதலைப் புலிகள் இயக்கத்திலேயே மிகச் சிறந்த வீரர்களாக அவர்களின் உடல்கள் அந்தப் பகுதி முழுவதும் சிதறிக் கிடந்தன. விடுதலைப் புலிகள் தப்பிச் சென்ற ஆம்புலன்ஸும் தாக்குதலில் சிக்கி எரிந்து போனது.

பின்னர் ராணுவத்தினர் அந்த ஆம்புலன்ஸை நெருங்கிப் பார்த்தபோது உள்ளே பிரபாகரனைப் போன்ற உடலமைப்புடன் கூடிய உடல் உள்பட 3 உடல்கள் சிக்கின.

பிரபாகரனைப் போன்ற உடலமைப்புடன் கூடிய உடல், கருகிப் போயிருந்தது. முகத்தையோ, உடலையோ அடையாளம் காணவே முடியாத அளவுக்கு அது இருந்தது.

(முதலில் இப்படித்தான் கூறியிருந்தது இலங்கை ராணுவமும், அரசும். அந்த கருகிப் போன உடலை அடையாளம் காண முயன்று வருவதாகவும் அது கூறியிருந்தது.

ஆனால் திடீரென பிரஷ்ஷான முக அமைப்புடன் கூடிய ஒரு உடலைக் காட்டி இதுதான் பிரபாகரன், நந்திக்கடல் கழிமுகப் பகுதியில் இந்தப் பிணம் கிடந்தது என்று இலங்கை அரசும், ராணுவமும் கூறியது நினைவிருக்கலாம்.

முதலில் கருகிப் போய் அடையாளமே தெரியவில்லை என்று கூறிய ராணுவம், பின்னர் புது உடலைக் காட்டியதுதான் ராணுவத்தின் பேச்சை நம்புவதா, இல்லையா என்ற சந்தேகத்தை பலமாக எழுப்பியுள்ளது).

இருந்தாலும், அந்த உடல் பிரபாகரனுடையதாக இருக்கும் என்றே ராணுவம் உறுதியாக நம்பியது. காரணம், பிரபாகரன் தப்பிப் போக வேறு வழியே இல்லை.

சிறப்பு ராணுவப் படையினரால் பிரபாகரன் சுட்டுக் கொல்லப்பட்டிருக்க வேண்டும். அல்லது காயமடைந்து, நந்திக்கடல் கழிமுகப் பகுதியில் போய் அவர் உயிரிழந்திருக்க வேண்டும்.

ஆனால் அவரது உடலை கருகிப் போன ஆம்புலன்ஸிலிருந்துதான் ராணுவம் எடுத்தது.

இந்தத் தாக்குதலின்போது உயிருடன் சிக்கிய விடுதலைப் புலிகள்  சிலரை விசாரித்தபோது, பிரபாகரன் சுடப்பட்டு இறந்ததாக தெரிவித்தனர்.

பிரபாகரன் உள்ளிட்டோரின் கருகிய உடல்களை 53வது பிரிவு வீரர்கள் மீட்டாலும் கூட, உடலை வேறு ஒரு பிரிவினர் வந்து வாங்கிச் சென்று விட்டனர்.

ராணுவம் 400 உடல்களை மீட்டது. உடல்களை மீட்கும் பணியில் 1, 2, மற்றும் 5வது சிறப்புப் படைப் பிரிவினர் ஈடுபட்டனர்.

கொல்லப்பட்ட வீரர்கள் பட்டியலில் முக்கியமான விடுதலைப் புலிகளான லாரன்ஸ், கரிகாலன், பாப்பா, இளந்திரையன் ஆகியோரைக் காணவில்லை.

அதேசமயம், பொட்டு அம்மான், பானு, சூசை ஆகியோரின் உடல்கள் அடையாளம் காணப்பட்டு விட்டன.

இவர்களில் சூசையும், சொர்ணமும்தான் இறுதி வரை தீரத்துடன் போராடினார்கள். மற்றவர்கள் அங்கிருந்து தப்ப முயன்றபோது இவர்கள் இருவரும் அவ்வாறு செய்ய முயலாமல், ராணுவத்தை எதிர்த்து கடுமையாக சண்டையிட்டனர். இருப்பினும் அவர்கள் இருவரையும் ராணுவ வீரர்கள் கொன்று விட்டனர் என்று அந்த ராணுவ அதிகாரி தெரிவித்துள்ளார்.

நன்றி;தட்ஸ் இந்தியா

இந்திய வெளியுறவுச் செயலர் சிவ்சங்கர் மேனன் மற்றும் பாதுகாப்பு அமைச்சின் ஆலோசகர் எம்.கே நாராயணன் ஆகியோர் இன்று இலங்கை வரவுள்ளனர்.இலங்கை அரசாங்கம் பயங்கரவாதத்தை தோற்கடித்து உள்ளதாகவும் விடுதலைப் புலிகளின் தலமையை அழித்துள்ளதாகவும் அறிவித்துள்ள நிலையில் இந்தியாவின் உயர்மட்ட அதிகாரிகள் இலங்கை வரவுள்ளனர்.

இவர்கள் இலங்கை வருவதற்கு முன் தமிழ் நாடு முதல்வர் மு.கருணாநிதியை சந்தித்து கலந்துரையாடி ஆலோசனைகள் பெற்றுள்ளதாக இந்தியச் செய்திகள் தெரிவிக்கின்றன.

பிரபாகரனின் உடல் என்று இலங்கை அரசு வெளியிட்டுள்ள வீடியோ நம்பும்படி இல்லை என்றும், அவர் நலமாக இருப்பதாக தகவல் கிடைத்துள்ளதாகவும் இயக்குனர் பாரதிராஜா கூறியுள்ளார்.

தனது அலுவலகத்தி் மீது நடந்த தாக்குதல் குறித்து சென்னை போலீஸ் கமிஷனர் ராதாகிருஷ்ணனை நேரில் சந்தித்து புகார் தந்த பின் நிருபர்களிடம் பேசிய அவர்,

விடுதலைப் புலிகள் தலைவர் பிரபாகரன் கொல்லப்பட்டிருப்பதாக இலங்கை ராணுவம் வீடியோவை வெளியிட்டுள்ளது. ஆனால், அது பிரபாகரனின் படத்தை போல இல்லை. பிரபாகரன் சாகவில்லை. அவர் நலமோடு இருப்பதாக தகவல் கிடைத்துள்ளது.

அவரை நான் நேரில் பார்த்துள்ளேன். டிவியில் வெளியான படத்துக்கும், பிரபாகரனின் தோற்றத்துக்கும் சம்பந்தமே இல்லை என்றார்.

இலங்கையின் நிலைமைகளை அவதானிக்க இந்தியா  வெளிவிவகார செயலாளர் சிவ்சங்கர் மேனன், தேசிய பாதுகாப்பு ஆலோசகர் எம்.கே. நாராயணன் ஆகியோரை ஓரிரு தினங்களில் அங்கு  அனுப்பவுள்ளோம்  என்று இந்திய முன்னாள் வெளிவிவகார அமைச்சர் பிரணாப் முகர்ஜி தெரிவித்துள்ளார்.

யுத்தம் காரணமாக வன்னியிலிருந்து இடம்பெயர்ந்து நலன்புரி நிலையங்களில் வாழும் மக்களின் மத்தியில் புனர்வாழ்வுக்காக இந்தியா 500 கோடி ரூபாவை இலங்கைக்கு வழங்கவுள்ளது. இடம்பெயர்ந்த மக்களுக்கு புனர்வாழ்வளிப்பதே தற்போதைய முக்கிய விடயமாகும்.அதேவேளை, தமிழர்கள் உட்பட சிறுபான்மையினரின் அபிலாகளை நிறைவேற்றும் அரசியல் தீர்வுகளை முன்வைக்க வேண்டும்  என்றார்.         

விடுதலைப் புலிகளுக்கும் இலங்கை இராணுவத்துக்கும் இடையே கடுமையான மோதல்கள் நடைபெற்ற முல்லைத்தீவின் கடற்கரைப் பிரதேசத்துக்குச் செல்ல செய்தியாளர்களை இலங்கை அரசு தொடர்ந்து அனுமதிக்காமல் இருந்தது. இருந்தும் சில செய்தியாளர்கள் இராணுவத்தினரால் அந்தப் பகுதிக்கு அழைத்துச் செல்லப்பட்டிருந்தனர். கடந்த 6 நாட்களாக கிளிநொச்சியில் உள்ள 58 வது டிவிஷனின் தலைமையகத்தில் இருந்து களமுனைக்கு தினந்தோரும் சென்று வந்த ஹிந்து நாளிதழின் கொழும்பு செய்தியாளர் முரளீதர் ரெட்டி நேற்று செவ்வாய்கிழமை விடுதலைப் புலிகளின் தலைவரின் உடல் என்று அரசு கூறும் உடலையும் நேரில் பார்த்துள்ளார்.

பிரபாகரனின் உடலை நேற்று செவ்வாய் மாலை தான் பார்த்தாக கூறிய அவர், அந்த உடலை விடுதலைப் புலிகளின் முன்னாள் கிழக்குத் தளபதியும் தற்போதைய அரசாங்க அமைச்சருமான கருணாவும், படையினரிடம் சரணடைந்துள்ள தயா மாஸ்டரும், இராணவத்திடம் அடையாளம் காட்டியதாக குறிப்பிட்டார்.

பிரபாகரன் எப்படி இறந்தார் என்பது தெளிவாகாமல் உள்ளது என்றும், அந்த உடலில் சைனைட் அருந்தியதற்கான தடயங்கள் இல்லை என்று படையினர் தம்மிடம் கூறியதாகவும் ரெட்டி நம்மிடம் தெரிவித்தார். அவர் துப்பாக்கிச் சூட்டு காயம் காரணமாக இறந்ததாக தெரிவிக்கப்பட்டதாகவும் அவர் கூறினார்.

பிரபாகரனின் உடல் தவிர இராணுவ அதிகாரிகள், சார்ள்ஸ் அன்டனி உடலை காட்டியதாகக் குறிப்பட்ட அவர், பொட்டு அம்மானின் உடலை பார்க்கவில்லை என்றார். போர் பகுதியில் உள்ள உடல்களில் சில மிக மோசமான நிலையில் உள்ளதாகவும் அவர் கூறினார்

“ஒரு சமுதாயம் இன்னொரு சமுதாயத்தை வென்று விட்டது என்ற வெற்றிக்களிப்பு கொள்ளாது, இந்த நேரத்தில் இத்தனை ஆண்டுகாலமாக இருந்த ரணத்தை ஆற்றுவதற்கு வழிபார்க்க வேண்டும். அத்துடன் அனைத்து சமுதாயத்தினரும் சம உரிமையுடன் வாழ வேண்டும்” என ஐ.நாவின் மனிதாபிமான பணிகளுக்கான துணை பொதுச்செயலர் ஜோன் ஹோம்ஸ் பிபிசி தமிழோசைக்கு வழங்கிய செவ்வியில் தெரிவித்துள்ளார்.

இலங்கையின் தற்போதைய நிலவரங்கள் தொடர்பாக ஐ.நாவின் மனிதாபிமான பணிகளுக்கான துணை பொதுச்செயலர் ஜோன் ஹோம்ஸ் பிபிசி தமிழோசைக்கு வழங்கிய செவ்வி.

தமிழோசை: கொல்லப்பட்டவர்களின் உடல்கள் கொழும்புக்கு கொண்டுவரப்பட்டு பொது மக்களின் பார்வைக்கு வைக்கப்படலாம் என்பது போன்ற அச்சங்கள் நிலவுகின்றனவே

ஜோன் ஹோம்ஸ்: “எப்படி செய்வது சரியான ஒன்றாக இருக்காது என்பது என்னுடைய தனிப்பட்ட கருத்து. இப்போது என்ன செய்ய வேண்டும் என்றால், இது தான் இலங்கை அரசாங்கத்திற்கும் நான் சொல்வது, ஒரு சமுதாயம் இன்னொரு சமுதாயத்தை வென்று விட்டது என்ற வெற்றிக்களிப்பு வேண்டாம். இந்த நேரத்தில் இத்தனை ஆண்டுகாலமாக இருந்த ரணத்தை ஆற்றுவதற்கு வழிப்பார்க்க வேண்டும். அனைத்து சமுதாயத்தினரும் சம உரிமையுடன் வாழ வேண்டும்.”

தமிழோசை: அதே நேரம் விடுதலைப் புலி உறுப்பினர்கள் பலர் சரணடைந்துள்ளனர், சிலர் காயமடைந்த நிலையில் உயிருடன் பிடிக்கப்பட்டுள்ளனர். அவர்கள் எப்படி நடத்தப்படுகிறார்கள். எத்தனை பேர் கைது செய்யப்பட்டு இருக்கிறார்கள். அவர்களுக்கு சட்டபூர்வ வசதிகள் கிடைக்கின்றனவா என்பது குறித்து ஐநாவுக்கு எதாவது தெரியுமா

ஜோன் ஹோம்ஸ்: எத்தனை பேர் இருக்ககிறார்கள் என்பது எனக்கு தெரியாது. முதலில் விடுதலைப்புலிகளின் மூத்த தலைவர்கள் தவிர மற்றவர்கள் மீது நடவடிக்கை இருக்காது என இலங்கை அரசு கூறியது. முன்பு மக்கள் இடம்பெயர்ந்து முகாம்களுக்கு சென்ற போது ஏராளமான மக்களின் விபரங்கள் சேகரிக்கப்பட்டுள்ளன. இதில் விடுதலைப்புலிகளுடன் தொடர்பு கொண்டவர்களும் இருந்தனர். இவையெல்லம் முன்னர் நடந்தது. ஆகவே அனைவரும் முறையாக சட்டத்திற்கு உட்பட்டு நடத்தப்பட வேண்டும் என்று நான் நம்புகிறேன்.”

தமிழோசை: அங்கே போர் உக்கிரமாக நடந்து கொண்டிருந்தபோது மருத்துவ சிகிச்சைகளை வழங்கி வந்த மூன்று மருத்துவர்கள் தற்போது அரசால் தடுத்து வைக்கப்பட்டுள்ளனர்.அவர்கள்தான் அங்குள்ள நிலைமை குறித்து சர்வதேச ஊடகங்களுக்கும் தகவல் வழங்கி வந்தனர். அவர்களின் பாதுகாப்பை உறுதி செய்ய ஐநா என்ன செய்கிறது ?

ஜோன் ஹோம்ஸ்: “எங்களுக்கு அவர்களிடம் இப்போது தொடர்பில்லை, ஒருவர் காயமடைந்து மருத்துவமனைக்கு கொண்டு செல்லப்பட்டு பின்னர் அங்கிருந்து விடுவிக்கப்பட்டார் என்று அறிய வருகிறோம். நான் முன்பு கூறியது போல, போர்ப்பகுதியில் மிக மிக இக்கட்டான சூழ்நிலையில், மிகவும் சிறப்பாக பணியாற்றிய இவர்கள் முறையாக நடத்தப்பட வேண்டும் அவர்களை கைது செய்ய கூடாது என்பதை கூறுகிறேன்.”

தமிழோசை: விடுதலைப் புலிகளின் அரசியல் பிரிவு தலைவர் நடேசன், சமாதானச் செயலகத்தின் பொறுப்பாளர் புலித்தேவன் உள்ளிட்டோர் இராணுவத்திடம் சரணடையும் நோக்கில் வெள்ளைக் கொடியை ஏந்தியபடி வந்தபோது, அவர்கள் சுட்டுக் கொல்லப்பட்டதாக சில செய்திகள் உலவுகின்றன. சரணடைவது தொடர்பாக விடுதலைப் புலிகளுக்கும் ஐ நா உள்ளிட்ட நிறுவனங்களுக்கும் இடையே பேச்சுவார்த்தைகள் நடந்ததாகவும் கூறப்படுகிறது. இந்த சம்பவம் குறித்து உங்களுக்கு ஏதாவது தெரியுமா?

ஜோன் ஹோம்ஸ்: “பல்வேறு இடங்களில் இது போன்ற தகவல் வந்துள்ளது என்பதை நான் அறிவேன். நாங்கள் அவற்றை பகிர்ந்து கொண்டோம். என்ன நடந்தது என்பது எங்களுக்கு தெளிவாக தெரியவில்லை. சரண் அடைவது என்பது அவர்களது கோட்பாட்டிற்கு மாறானது என்பதால், அவர்களது தரப்பே அவர்களை சுட்டு கொன்று விட்டது என்று கூறப்படுகிறது,  இதற்கு எதிர் மாறாகவும் கூறப்படுகிறது. எதையும் எங்களால் உறுதி செய்ய முடியாமல் இருக்கிறது, இவை அனைத்துமே கடைசி நேரத்தில் நடந்துள்ளதால் எதுவும் சொல்ல முடியாமல் இருக்கிறது”

தமிழோசை:ஆனால் அதே நேரத்தில் விடுதலைப் புலிகள் என்ன செய்ய முன்வந்தார்கள் என்பது குறித்து உங்களால் உறுதியாக சொல்ல முடியுமா ?

ஜோன் ஹோம்ஸ்:”என்னால் விபரமாக கூற முடியாது. விடுதலைப்புலிகளிடம் இருந்து நேரடியாக நான் கேட்கவில்லை. ஆனால் அவர்கள் திங்கட்கிழமை மூன்றாம் தரப்பிடம் சரணடைய தயாராக இருப்பதாக ஒரு சிலர் சொன்னார்கள், கடைசி நேரத்தில் சொன்னார்கள். அது மிகவும் காலம் தாழ்ந்து விட்டது என்று தான் சொல்ல வேண்டும். அதற்கு பின்னர் என்ன நடந்தது என்பதை என்னால் சொல்ல முடியாது.

” தமிழோசை: விடுதலைப்புலிகள் சரணடைய முன் வந்தது குறித்து ஐநா இலங்கை அரசு மற்றும் புலிகளுக்கு இடையேயான பேச்சுவார்த்தைகளில் ஈடுபட்டதா?

ஜோன் ஹோம்ஸ்:” அப்படியான ஒரு பேச்சுவார்த்தை இடம்பெறவில்லை. அந்த கோணத்தில் பேச்சுவார்த்தை நடந்ததாக நாங்கள் அறியவில்லை. சரண் அடைந்தால் தீங்கு நேராது என்று பொதுவாக அரசாங்கம் சொல்லி இருந்ததாக நாங்கள் அறிகிறோம்.

“தமிழோசை: இது ஒரு புறம் இருக்க, கடந்த ஏப்ரல் மாதம் ஒரு லட்சத்துக்கும் மேற்பட்டோர் உள்நாட்டில் இடம்பெயர்ந்தோருக்கான முகாம்களுக்கு வந்த நிலையில், அந்த முகாம்கள் மிகவும் ஜன நெருக்கடியுடன் காணப்படுவதாகவும், குடிநீர், கழிப்பறை வசதிகள் போதுமானதாக இல்லை என்றும் ஏற்கனவே ஐநா தெரிவித்திருந்தது. தற்போது மேலும் 70 ஆயிரம் பேர் வந்துள்ள நிலையில் அங்கே நிலைமை எப்படியுள்ளது?

ஹோம்ஸ்: “மனிக்பார்ம் பகுதியில் இருக்கும் பிரதான முகாமில் ஜனநெருக்கடி ஏற்பட்டு விடும் என்று கூறியுள்ளோம். புதியதாக இடங்கள் சுத்தம் செய்யப்பட்டு தயார் செய்யப்பட்டு வருகின்றன. இது கொஞ்சம் உதவியாக தான் இருக்கும். ஆனால் பொதுவாக எல்லா மக்களையும் ஒரே இடத்தில் வைத்திருப்பது நல்லதல்ல. அவர்களை யாழ்ப்பாணம், திருகோணமலை, மன்னார் போன்ற மற்ற இடங்களுக்கு கொண்டு செல்லலாம் என சொல்லி வருகிறோம். ஏனென்றால் ஒரே இடத்தில் இருந்தால் அடிப்படை வசதிகள் கிடைப்பதில் கூட சிரமம் இருக்கும்.

அத்தோடு முகாமில் இருக்கும் அனைவரும் சர்வதேச சட்டத்திட்டங்களுக்கு உட்பட்டு நடத்தப்பட வேண்டும், அவர்களுக்கு உறவினர்கள் பற்றிய விபரங்கள் எவ்வளவு சீக்கிரம் முடியுமோ அவ்வளவு சிக்கீரம் தெரிய வேண்டும். பதிவு செய்தல் மற்றும் அடையாள அட்டைகள் சீக்கிரமாக கொடுக்கப்பட வேண்டும், அப்போது தான் அவர்கள் சுதந்திரமாக உலவ முடியும். இராணுவம் முகாமுக்குள் இருக்க கூடாது. முகாமுக்கு வெளியே இருக்கலாம். அத்தோடு மக்கள் விரைவாக வீடுகளுக்கு திரும்ப அனுமதிக்கப்பட வேண்டும் என்று இலங்கை அரசாங்கத்திடம் கூறி வருகிறோம்.

கண்ணிவெடிகள், வெடிபொருட்களை அகற்ற வேண்டும் என்பதை ஒப்புகொள்கிறோம், இருந்தபோதிலும் மக்கள் விரைவாக வீடு திரும்ப அனுமதிக்க வேண்டும்” என்றார் ஜநாவின் மனிதாபிமான பணிகளுக்கான துணைப் பொதுச் செயலர் ஜோன் ஹோம்ஸ்.

இந்தோ னேசியாவின் ஜாவா பகுதியில் உள்ள கிராமத்தில் விமானம் ஒன்று விழுந்து நொறுங்கியது. இதில் அதில் பயணம் செய்த 78 பேர் உயிரிழந்தனர்.

இந்த விமானம் இந்தோனேசிய ராணுவத்திற்குச் சொந்தமானதாகும். ஜகார்த்தாவிலிருந்து, ஜாவாவுக்குப் பறந்து கொண்டிருந்தபோது, மடியுன் என்ற இடத்தில் விமானம் கீழே விழுந்து நொறுங்கியது.

வயலில் விழுந்து நொறுங்குவதற்கு முன்பு அருகில் இருந்த கட்டடங்களில் மோதி விமானம் கீழே விழுந்துள்ளது. விழுந்த வேகத்தில் விமானம் தீப்பிடித்து எரிந்தது.

விமானம் விபத்தில் சிக்கியதற்கான காரணம் தெரியவில்லை. விமானத்தில் 100 பேர் இருந்ததாகவும், இதுவரை 78 பேர் உயிரிழந்திருப்பது உறுதி செய்யப்பட்டுள்ளதாகவும் தகவல்கள் தெரிவிக்கின்றன. இருப்பினும் உயிரிழப்பு அதிகரிக்கும் எனக் கூறப்படுகிறது.

இந்த விமானம் சி-130 ரக ஹெர்குலிஸ் விமானம் ஆகும். வழக்கமான பயிற்சியில் அது ஈடுபட்டிருந்தபோது விபத்தில் சிக்கியது

கொடூர யுத்தத்தால் பாதிக்கப்பட்டு வன்னியிலிருந்து இடம்பெயர்ந்து வவுனியா நிவாரணக் கிராமங்களில் தங்கியுள்ள மாணவர்களைப் பார்வையிட்டு அவர்களுக்கு அவசர கல்வியை செயற்படுத்தும் வகையில் பிரதிக்கல்வியமைச்சர் எம்.சச்சிதானந்தன் தலைமையிலான கல்வி அமைச்சின் உயர்மட்டக் குழுவொன்று அடுத்த வாரம் வவுனியா செல்லவுள்ளது.

இது தொடர்பாக பிரதிக்கல்வியமைச்சர் வெளியிட்டுள்ள அறிக்கையில்;

அமைச்சர் சச்சிதானந்தனால் கல்வி அமைச்சின் செயலாளர் நிமல் பண்டாரவிற்கு வழங்கிய பணிப்புரைக்கமைய கல்வி அமைச்சின் நிதி ஒதுக்கீட்டின் மூலமும் ஏனைய நன்கொடைகள் மூலமும் சேகரிக்கப்பட்ட பாடசாலை உபகரணங்கள், புத்தகங்கள், உடைகள் மற்றும் மருந்துவகைகளுடன் இக்குழு செல்லவுள்ளது.

“”யுத்தத்தின் காரணமாக இதுவரை நாற்பது ஆயிரத்திற்கும் மேற்பட்ட மாணவர்கள் இடம்பெயர்வுக்குள்ளாகியுள்ளனர். அத்துடன் மோதல்கள் இடம்பெற்றுவரும் பகுதிகளிலுள்ள பல பாடசாலைகள் மூடப்பட்டுள்ளதாகவும் சில பாடசாலைகளில் அகதிகள் தங்கவைக்கப்பட்டுள்ளதாகவும் மேலும் சில பாடசாலைகள் இரண்டு அமர்வுகளாக நடத்தப்படுவதாகவும் தெரிவிக்கப்படுகின்றது.

இதன் காரணமாக மாணவர்களின் கல்விநிலை பாதிக்கப்பட்டுள்ளது. அத்துடன் ஆசிரியர் சமூகமும் இவ் இடம்பெயர்வினால் பாதிக்கப்பட்டுள்ளது. எனவே, மாணவர்களின் கல்வியைத் தொடர உடனடிச் செயற்பாடுகள் அவசியம்.

இது தொடர்பில் ஜனாதிபதி, கல்வி அமைச்சர், கல்வியமைச்சின் செயலாளர் ஆகியோருடன் கலந்துரையாடல்கள் நடத்தினோம். அதன் பயனாக கல்வி அமைச்சின் நிதி ஒதுக்கீட்டின் மூலமும் ஏனைய நன்கொடைகள் மூலமும் பாடசாலை உபகரணங்கள், புத்தகங்கள், உடைகள் மற்றும் மருந்துவகைகள் சேகரிக்கப்பட்டுள்ளன.

இவற்றுடன் அடுத்த வாரமளவில் நாம் வன்னி செல்லத் தீர்மானித்துள்ளோம். இதன்போது மாணவர்களுக்கு வகுப்புகள் நடத்துவதற்கும் ஏற்பாடுகள் செய்யப்படும்’ எனத் தெரிவிக்கப்பட்டுள்ளது.

குழந்தை ஒன்று பிறந்தவுடன் ஒரு தாயின் முதலாவது கடமையும் உரிமையும் தாய்ப்பால் கொடுப்பதாகும். அதேபோல குழந்தையின் முதலாவது உரிமையும் தாய்ப்பாலாகும். ஆனால், அந்த உரிமையும் கடமையும் தற்போது மறுக்கப்பட்டு வருவதைக் காண்கிறோம். இவ்வாறு கல்முனை வடக்கு சுகாதார வைத்திய அதிகாரி ரமேஷ் தெரிவித்துள்ளார்.

சேனைக்குடியிருப்பு “சேவோ’ அமைப்பு ஏற்பாடு செய்த சிறுவர் ஊர்வலமும் குறைகேள் மன்றமும் கல்முனை கிறிஸ்தவ இல்லத்தில் நடைபெற்றபோது அதில் கலந்து கொண்டு பேசும்போது இவ்வாறு கூறினார்.

சேவோ நிறுவனத்தின் நிறைவேற்று பணிப்பாளர் க.சத்தியநாதன் தலைமையில் நடைபெற்ற இந்த நிகழ்வில் தொடர்ந்து பேசிய டாக்டர் ரமேஸ்; சிறுவர் உரிமைகள் பற்றி பல நிறுவனங்கள் பலதரப்பட்ட விழிப்புணர்வுக் கருத்தரங்குகளை நடத்திவருகின்றன. ஆனால், ஒரு தாய் தனது பிள்ளைக்குத் தாய்ப்பால் கொடுக்க மறுப்பது அக்குழந்தையின் உரிமையை தாயே மீறும் போது இக்கருத்தரங்குகளும் விழிப்புணர்வுகளும் அர்த்தமற்றதாகிவிடும்.

தாய்ப்பால் இன்றி குழந்தைக்குப் போதிய போஷாக்குக் கிடைப்பதில்லை.அதனால், அக்குழந்தையின் எதிர்காலம் பாழடிக்கப்படுகிறது. ,மின்சாரம் இல்லாதது ஒரு தடையாக அமையாது. தன்னம்பிக்கை இருந்தால் எதிலும் வெற்றிபெறலாம். இதற்கு உதாரணமாக அமெரிக்க முன்னாள் ஜனாதிபதி ஆபிரகாம் லிங்கன் தெருவிளக்கில் கல்வி கற்று வாழ்க்கையில் உயர்ந்தார் என்பதை நாம் மறந்துவிடக்கூடாது என்றார்.