24

பிரித் தானிய பிரதி உயர்ஸ்தானிகர் மார்க்குட்டிங் வியாழக்கிழமை செட்டிகுளத்தில் வன்னி மக்கள் தங்கவைக்கப்பட்டுள்ள அகதி முகாம்களுக்கு விஜயம் செய்து அந்த மக்களின் நிலைமைகளை அவதானித்தார். பின்னர் வவுனியா கச்சேரியில் நடைபெற்ற கலந்துரையாடலில் கலந்துகொண்ட அவர், இடம்பெயர்ந்த வன்னி மக்களின் மீள் குடியேற்றம், அகதி முகாம்களின் தற்போதைய வெள்ள நிலைமை மற்றும் அம்மக்களின் அன்றாட பிரச்சினைகள் குறித்து உரையாடினார்.

இந்த மக்களின் மீள்குடியேற்றம், நிவாரண உதவிகள் குறித்தும் பிரதி உயர்ஸ்தானிகர் வலியுறுத்தியதாக தெரிவிக்கப்படுகிறது.

வவுனியா அரசாங்க அதிபர் பீ.எம்.எஸ். சார்ள்ஸ், வன்னி கட்டளைத் தளபதி ஆகியோரையும் அவர் சந்தித்துப் பேசியுள்ளார்.

பாகிஸ்தானின் பெஷாவர் நகரில் கடந்த சனிக்கிழமை நடந்த கார்க் குண்டுத் தாக்குதலில் இருவர் உயிரிழந்ததுடன், ஐந்து பேர் காயமடைந்தனர். ரிமோட் கருவி மூலம் தூரத்திலிருந்து இக் குண்டு வெடிக்க வைக்கப்பட்டது. அரசாங்க வைத்திய சாலைக் கருகாமையில் இக்கார் குண்டு வெடிக்கவைக்கப்பட்டது.

பலியான இருவரும் அன்ஸாருல் இஸ்லாம் இயக்கத்தைச் சேர்ந்தவர்கள் என பெஷாவர் பொலிஸ் நிலையப் பொறுப்பதிகாரி தெரிவித்தார். பலியான முபீன் அப்ரிடி இவ்வியக்கத்தின் பேச்சாளராவார். மற்றவர் இவரின் கார் சாரதியாவார். காயமடைந்தோர் பொது மக்களாவர்.

லக்ஷர் இ இஸ்லாம் என்ற அமைப்பு இக் குண்டுத் தாக்குதலை நடத்தியதாக பொலிஸார் சந்தேகிக்கின்றனர். குண்டு வெடித்த இடம் சன நெருக்கமுள்ள பகுதியாகும். ரமழான் மாதம் ஆரம்பமானதால் பெருந் தொகையானோர் வீதிகளில் நடமாட வில்லையென்பதால் இழப்புகள் குறைவாக இருந்தன.

பாகிஸ்தான் இராணுவத்தின் பாரிய நடவடிக்கைகள் வஸிரிஸ்தான் பகுதியில் ஆரம்பித்துள்ளதால் இஸ்லாமிய அமைப் புகளிடையே பிளவுகள் ஏற்பட்டுள்ளதை இந்த தாக்குதல் உணர்த்துவதாகக் கூறப்படுகிறது.

அவுஸ்தி ரேலியாவிற்கு எதிரான சாம்பல் கிண்ணத்துக்கான ஆஷஸ் தொடரை இங்கிலாந்து அணி வென்று கிண்ணத்தைக் கைப்பற்றியது.

இங்கிலாந்து-ஆஸ்‌ட்ரேலிய கிரிக்கெட் அணிகள் இடையே வரலாற்று புகழ்மிக்க ‘ஆஷஸ்` டெஸ்ட் தொடர் நூறு ஆண்டுகளுக்கும் மேலாக நடந்து வருகிறது. 2 ஆண்டுகளுக்கு ஒரு முறை இந்த போட்டி நடத்தப்படுகிறது. இதன்படி 65-வது ஆஷஸ் டெஸ்ட் கடந்த மாதம் இங்கிலாந்தில் தொடங்கியது. இதில் முதல் 4 டெஸ்டில் இரு அணியும் தலா ஒரு வெற்றி பெற்றன. இரு போட்டி டிராவாகின.

இதனால் தொடர் சமன் ஆன நிலையில் கோப்பையை வெல்வது யார் என்பதை நிர்ணயிக்கும் பரபரப்பான 5-வது மற்றும் கடைசி டெஸ்ட் போட்டி லண்டன் ஓவல் மைதானத்தில் கடந்த 20ஆ‌ம் தேதி தொடங்கியது. இதில் முதல் இன்னிங்சில் இங்கிலாந்து 332 ஓட்டங்களும், ஆஸ்‌ட்ரேலியா 160 ஓட்டங்களும் எடுத்தன. பின்னர் 172 ஓட்டங்கள் முன்னிலையுடன் 2-வது இன்னிங்சை ஆடிய இங்கிலாந்து அணி 2-வது இன்னிங்சில் 9 விக்கெட்டுக்கு 373 ஓட்டங்கள் சேர்த்து டிக்ளேர் செய்தது. இதன் மூலம் ஆஸ்‌ட்ரேலிய அணிக்கு 546 ஓட்டங்கள் வெற்றி இலக்காக நிர்ணயிக்கப்பட்டது.

கடினமான இலக்கை நோக்கி 2-வது இன்னிங்சை தொடங்கிய ஆஸ்‌ட்ரேலிய அணி 3-வது நாள் ஆட்ட நேர முடிவில் விக்கெட் இழப்பின்றி 80 ரன்கள் எடுத்திருந்தது. இந்த நிலையில் 4-வது நாள் ஆட்டம் நேற்று நடந்தது. முந்தைய நாள் சிறப்பான தொடக்கம் அமைத்து தந்த வாட்சன், சைமன் கேடிச் இருவரும் சிறிது நேரத்தில் அடுத்தடுத்து எல்.பி.டபிள்யூ. ஆனார்கள். கேடிச் 43 ஓட்டங்களுடனும் வாட்சன் 40 ஓட்டங்களுடனும் அவுட் ஆனார்கள்.

இதை தொடர்ந்து அ‌ணி‌த் தலைவ‌ர் ரிக்கி பாண்டிங்கும், மைக் ஹஸ்ஸியும் அணியை வீழ்ச்சியில் இருந்து மீட்கும் போராட்டத்தில் இறங்கினார்கள். அணியை ஓரளவு தூக்கி நிறுத்திய இந்த அபாயகரமான கூட்டணி துரதிர்ஷ்டவசமாக ரன்-அவுட்டில் பிரிந்தது. பிளின்டாப்பால் ரன்-அவுட் செய்யப்பட்ட பாண்டிங் 66 ஓட்டங்களுடன் (103 பந்து, 10 பவுண்டரி) பெவிலியன் திரும்பினார். அடுத்து இறங்கிய துணை தலைவ‌ர் மைக்கேல் கிளார்க்கும் (0) வந்த வேகத்தில் ரன்-அவுட் ஆகவே ஆஸ்‌ட்ரேலிய அணி தோல்வி பாதைக்கு தள்ளப்பட்டது. 5-வது விக்கெட்டுக்கு உள்ளே வந்த மார்கஸ் நார்த்தும் (10 ரன்) நீண்ட நேரம் நீடிக்கவில்லை.

இதன் பின்னர் ஒரு முனையில் ஹஸ்ஸி தனது 10-வது சதத்தை பூர்த்தி செய்து கொண்டு போராட, மறுபக்கம் வேகமாக விக்கெட்டுகள் சரிந்தன. ஹேடின் (34 ஓட்டங்கள்), ஜான்சன் (0), சிடில் (10), ஸ்டூவர்ட் கிளார்க் (0) ஆகியோர் சிறிய இடைவெளியில் வெளியேறினர்.

கடைசி விக்கெட்டாக மைக்ஹஸ்ஸி (121 ஓட்டங்கள், 263 பந்து, 14 பவுண்டரி) ஆட்டம் இழக்க ஆஸ்‌ட்ரேலிய அணி 2-வது இன்னிங்சில் 348 ஓட்டங்களு‌க்கு அனை‌த்து ‌வி‌க்கெ‌ட்டுகளை இழ‌ந்தது. இதன் மூலம் 197 ஓட்டங்கள் வித்தியாசத்தில் இங்கிலாந்து அணி வெற்றி பெற்றது. இந்த வெற்றியின் மூலம் 2-1 என்ற கணக்கில் 4 ஆண்டுகள் இடைவெளிக்கு பிறகு இங்கிலாந்து அணி மீண்டும் ஆஷஸ் கோப்பையை கைப்பற்றி இருக்கிறது. இங்கிலாந்து அணியில் ஸ்வான் 4 விக்கெட்டுகளும், ஹார்மிசன் 3 விக்கெட்டுகளும் வீழ்த்தினர். வெற்றி கொண்டாட்டத்துடன் இங்கிலாந்து ஆல்-ரவுண்டர் பிளின்டாப் டெஸ்ட கிரிக்கெட்டில் இருந்து ஓய்வு பெற்றார்.

முதல் இன்னிங்சில் 5 விக்கெட்டுகள் ஆஸ்‌ட்ரேலியாவை நிலை குலைய செய்த இங்கிலாந்து ப‌ந்து ‌வீ‌ச்சாள‌ர் ஸ்டூவர்ட் பிராட் ஆட்டநாயகன் விருது பெற்றார். இங்கிலாந்து அ‌ணி‌த் தலைவ‌ர் ஸ்டிராஸ் (மொத்தம் 474 ஓட்டங்கள் ), ஆஸ்‌ட்ரேலிய வீரர் மைக்கேல் கிளார்க் (448 ஓட்டங்கள் ) ஆகியோர் தொடர் நாயகன் விருது பெற்றனர்.

இந்த தோல்வியின் மூலம் ஆஸ்‌ட்ரேலிய அணி முதல் முறையாக ஐ.சி.சி. தரவரிசையில் முதலிடத்தை இழந்துள்ளது.

நண்பர்களே

இலங்கையில் யுத்தம் உக்கிரமடைந்த காலங்களின்போது உலகமே சனங்கள் சனங்கள் என்று ஓலமிட்டுக் கொண்டிருந்தது. இப்போது யுத்தம் முடிவடைந்து விடுதலைப் புலிகள் முற்றாக அழிக்கப்பட்ட பிறகான காலத்திலும்‌ அந்தச் சனங்களின் வாழ்நிலையில் மாற்றமேதும் வந்துவிடவில்லை – சாவின் கரங்கள் மூர்க்கமான எறிக்ணைகளாகத் தம்மைத் தாக்கிச் சிதைக்கும் என்ற பயத்தில் மருளத் தேவையில்லை என்பதைத் தவிர்த்துப் பார்த்தால். ஆனால் போரின் கடைசிக் கணம்வரை பெருங்குரலெடுத்துக் கதறிக் கொண்டிருந்த உலகு சட்டென்று மௌனமாகிக் கிடப்பதைத் தான் புரிந்து கொள்ள முடியவில்லை. இதைப்பற்றிப் பேசுபவர்கள் அதற்குக் கபடத்தனமான அரசியற் சாயம் பூசியே அதைச் செய்கிறார்கள்.

260 000க்கும் மேற்பட்ட தமிழ் அகதிகள் தடுத்து வைக்கப் பட்டிருக்கும் செட்டிக்குளம் பகுதியில் கடந்த மூன்று நாட்களாகப் பெய்து வரும் கடும் மழை நிலைமையைப் படுமோசமாக்கியிருப்பதாகக் கண்டு வந்தவர்கள் சொல்கிறார்கள்.. (இணைக்கப் பட்டிருக்கும் படங்கள் சாட்சி). தற்காலிகமாக அமைக்கப்பட்ட‌ மலக்குழிகளில் பல நிரம்பி வழிந்தபடியிருப்ப‌தாகவும் பல முற்றாகச் சீர்கெட்டு விட்டதாகவும் சொல்கிறார்கள். எங்கும் தாங்க முடியாத‌ துர்நாற்றம். இது பெருத்த சுகதாரச் சீர்கேட்டுக்கும் நோய்களுக்கும் வழிவகுக்கும் என்பது திண்ணம். இணைக்கப்பட்டிருக்கும் படங்களில் மனிதக் கழிவின் மீது நெளியும் புழுக்களைக் காணலாம்.. (அரசாங்கம் நெடுநாளைக்கு மக்களை இந்த முகாம்களில் வைத்திருக்கக் கூடாது என்பதற்காகவே ஐ.நா தற்காலிக மலசலக் குழிகளை அமைத்துக் கொடுத்திருந்தது. ஆனால் அரசாங்கத்துக்கு அவர்களை இப்போதைக்கு மீளக் குடியேற்றும் எண்ணம் சற்றேனும் இருப்பதாகத் தோன்றவில்லை. குறைந்த பட்சம் வெளியே உறவினர்களோடு சென்று தங்கி வாழக்கூடிய நிலையிலுள்ள குடும்பங்களையாவது சோதனைகளை முடித்து விட்டுச் செல்ல அனுமதிப்பதாயில்லை. அப்படிச் செய்வது முகாம்களில் நிலவும் மிகுந்த சனநெரிசலை வெகுவாகக் குறைக்கும்)

இங்கே இலங்கையில் ஜனநாயகம் நாளுக்கு நாள் சீர் கெட்டுக் கொண்டிருக்கிறது. அனைவரும் ஒரேகுரலில் ஒரேதொனியில் ஒரேபொருளையே உரைக்க வேண்டுமென்று நிர்ப்பந்திருக்கிறது. ஒரு சில பேரால் மட்டுமே இயக்கப்படும் அரச யந்திரம். பெருத்த மௌனம் சனங்கள் மீது ஒரு கரும்போர்வையாகப் படர்ந்திருக்கிறது. ஆனால் வெளியுலகிலும் அப்படியா? இலங்கை அரசுக்கெதிரான குரல் விடுதலைப் புலிகள் அழியும் மட்டும் தான் ஒலித்தென்றால், அவ்வளவும் புலிகளுக்கு ஆதரவாக ஒலித்த குரல் மட்டும் தானா? சனங்களைப் பற்றிய கரிசனை..? இனியான எதிர்காலம் என்ன?

நண்பர்களே, இப்பிரச்சனை குறித்து நான் பணிபுரியும் பத்திரிகைக்காக எழுதிய செய்தியில் எனது பெயரைப் போடுவதற்கே திராணியற்ற நிலையில், அரச சார்பற்ற நிறுவனங்களில் வேலை செய்யும் நபரொருவர் அனுப்பி வைத்த இப்படங்களை உங்களுக்கு அனுப்பி வைக்கிறேன். இவற்றை உங்களின் வலைத்தளங்களில் பிரசுரிப்பதன் மூலமும், வெகுஜன ஊடகங்களில் பணிபுரிபவர்கள் தத்தமது ஊடகங்களில் வெளியிடுவதன் மூலமும் பரந்தவொரு சனத்திரளின் பார்வைக்கு இந்தப் பிரச்சனையைக் கொண்டு செல்லலாம் என்ற நம்பிக்கையில்…

முல்லைத் தீவு மாவட்டத்தில் சிவில் நிர்வாக நடவடிக்கைகளை மீள ஆரம்பிப்பது தொடர்பாக அம்மாவட்ட அரசாங்க அதிபரும், மாவட்டக் கட்டளைத் தளபதியும் சந்தித்து ஆராய்ந்துள்ளனர். அரசாங்க அதிபர் இமெல்டா சுகுமாரும், மாவட்ட கட்டளைத் தளபதி மேஜர் ஜெனரல் நந்தன உடவத்தவுமே இது விடயமாக நேற்று முன்தினம் ஆராய்ந்திருக்கின்றனர்.

முல்லைத்தீவு மாவட்டக் கட்டளைத் தளபதியின் அலுவலகத்தில் இடம்பெற்ற இச்சந்திப்பின் போது முல்லைத்தீவு மாவட்டத்தில் சிவில் நிர்வாகத்தை மீள ஆரம்பிப்பது தொடர்பாக விரிவாக ஆராயப்பட்டுள்ளது. சிவில் நிர்வாக நடவடிக்கைகளை மீள ஆரம்பிப்பதற்குக் கண்னி வெடிகளைத் – துரிதமாக அப்புறப்படுத்தப்பட வேண்டியதன் அவசியம் குறித்தும் இச்சமயம் அதிக கவனம் செலுத்தப்பட்டுள்ளது. அதேவேளை முல்லைத்தீவு மாவட்ட மீள்குடியேற்றம், உட்கட்டமைப்பு வசதிகளின் மேம்பாடு, புனரமைப்பு பணிகள் என்பன தொடர்பாகவும் இச்சந்திப்பின் போது ஆராயப்பட்டுள்ளன.

இதேவேளை மாங்குளத்தில் இலங்கை வங்கி மற்றும் மக்கள் வங்கி கிளைகளை மீள ஆரம்பிப்பதற்கான சாத்தியப் பாடுகளையும் அவ்வங்கிகளின் அதிகாரிகள் அரசாங்க அதிபருடன் ஸ்தலத்திற்கு நேரில் சென்று ஆராய்ந்திருக்கின்றனர்.

வன்னி யிலிருந்து இடம்பெயர்ந்தவர்களுக்கு விநியோகிப்பதற்காக இந்திய செஞ்சிலுவைச் சங்கத்தால் இலங்கை செஞ்சிலுவை சங்கத்துக்கு கொலராடோ கப்பல் மூலம் அனுப்பப்பட்ட பொருட்களை துறைமுகத்திலிருந்து வெளியிலெடுப்பதற்கு நடவடிக்கை எடுக்கப்பட்டு வருவதாக இலங்கைச் செஞ்சிலுவைச் சங்கம் தெரிவித்துள்ளது. அடுத்தவாரம் முற்பகுதியில் அவற்றை வெளியில் கொண்டுவருவதற்கான சாத்தியமுள்ளதாக நம்பிக்கை இலங்கை செ.சங்கம் தெரிவித்தது. இது தொடர்பில் அச்சங்கத்தின் தேசிய செயலாளர் நிமால் குமார் கருத்துத் தெரிவிக்கையில்;

இந்திய செஞ்சிலுவைச் சங்கத்தால், வன்னியிலிருந்து இடம்பெயர்ந்து முகாம்களிலுள்ளவர்களுக்கு விநியோகிக்குமுகமாக எமது சங்கத்துக்கு 650 தொன் அத்தியாவசியப் பொருட்கள் மற்றும் மருந்துப் பொருட்கள் அனுப்பப்பட்டிருந்தன. இப்பொருட்கள் கொலராடோ கப்பல் மூலம் கொண்டுவரப்பட்டுள்ள நிலையில் இன்னும் துறைமுகத்திலிருந்து வெளியிலெடுக்கப்படவில்லை.

சங்கம் இப்பொருட்களை துறைமுகத்திலிருந்து வெளியிலெடுப்பதற்கு அனுமதிப்பதற்குத் தேவையான நடைமுறை செயற்பாடு பூர்த்தியாகாததன் காரணமாகவே வெளியிலெடுக்க முடியாதுள்ளது. இப்பொருட்களை வெளியிலெடுப்பதற்கு நாம் தொடர்ந்து நடவடிக்கையெடுத்து வருகிறோம்.

அநேகமாக வார முற்பகுதியில் இப்பொருட்கள் வெளியிலெடுக்கக் கூடியதாகவிருக்குமென நினைக்கிறேன். இதற்காக சம்பந்தப்பட்ட அமைச்சுடன் தொடர்புகளை நாம் மேற்கொண்டு வருகின்றோம் என்றார்.

கொலராடோ கப்பல் மூலம் சுமார் ஒரு மாதத்துக்கு முன்னர் இப்பொருட்கள் துறைமுகத்துக்குக் கொண்டுவரப்பட்டன. வன்னி அகதிகளுக்கென புலம்பெயர் சமூகத்திடம் சேகரிக்கப்பட்ட பொருட்கள் ஐரோப்பாவிலிருந்து கடந்த ஏப்ரலில் கப்டன் அலி கப்பல் (வணங்காமண்) நிவாரணப் பொருட்கள் தொடர்ந்தும் கொழும்புத் துறைமுகத்தில் மூலம் கொண்டுவரப்பட்டது. இலங்கை கடல் எல்லைக்குள் கப்பல் அனுமதிக்கப்படாத நிலையில் திருப்பி அனுப்பப்பட்டு இக் கப்பல் சென்னை துறைமுகத்துக்கு சென்று கொலராடோ கப்பலுக்கு பொருட்கள் மாற்றப்பட்டு கொழும்புக்கு பொருட்கள் கொண்டுவரப்பட்டன.

கிரேக்கத்தில் பரவிவரும் காட்டுத்தீ அந்நாட்டின் தலைநகரில் சேதங்களை ஏற்பபடுத்தும் என்று அஞ்சப்படும் நிலையில், அப்பகுதியில் ஏற்பட்டுள்ள மிக மோசமான சுற்றுச்சூழல் பேரவலம் இதுதான் என அதிகாரிகள் தெரிவித்துள்ளனர்.

பெரும் சீற்றத்துடன் காற்று வீசுவதால் தீ வேகமாக பரவி வரும் நிலையில், அதென்ஸ் நகரின் வடக்கு மற்றும் கிழக்கு புறநகர்ப் பகுதிகளிலிருந்து ஆயிரக்கணக்கான மக்களை வீடுகளை துறந்து வெளியேறுமாறு அதிகாரிகள் உத்தரவிட்டுள்ளனர்.

இத்தாலி, பிரான்ஸ் சைப்ரஸ் போன்ற நாடுகளிலிருந்து தீயணைப்பு விமானங்கள் உள்ளிட்ட சர்வதேச உதவிகளை காட்டுத் தீயை அணைப்பது தொடர்பில் கிரேக்க அரசாங்கம் பெற்றுள்ளது.

இரண்டு ஆண்டுகளுக்கு முன்பு கிரேக்கத்தில் இதேபோல் காட்டுத் தீ பரவியதில் எழுபதுக்கும் அதிகமானோர் கொல்லப்பட்டிருந்தனர்.

கிழக்கு,  ஊவா மற்றும் வடமத்திய மாகாணங்களில் அடுத்துவரும் இரண்டொரு தினங்களில் இடி, மின்னலுடன் கூடிய மழை பெய்யுமென வானிலை அவதான நிலையத்தின் வானிலையாளர் சமிந்த டி சில்வா நேற்றுத் தெரிவித்தார்.

அதன் காரணத்தினால் இடி, மின்னல் தாக்கத்திலிருந்து பாதுகாப்பு பெற்றுக்கொள்வதில் பொது மக்கள் கூடிய கவனம் செலுத்த வேண்டும் என்றும் அவர் வேண்டுகோள் விடுத்தார்.

இது தொடர்பாக அவர் மேலும் கூறுகையில்,

மேற்படி பகுதிகளில் பெரும்பாலும் மாலை வேளையிலேயே இடி, மின்னலுடன் மழைபெய்யும்.

இடி, மின்னல் தாக்கத்திலிருந்து பாதுகாப்பு பெற்றுக்கொள்வதில் ஒவ்வொருவரும் கூடிய கவனம் செலுத்த வேண்டும். இவ்வருடத்தின் முதல் எட்டு மாதங்களில் இடி, மின்னல் தாக்கம் காரணமாக சுமார் 8 பேர் உயிரிழந்துள்ளனர்.

ஆகவே இடி, மின்னலுடன் மழை பெய்யும் வேளையில் திறந்த வெளியில் நடமாடவோ, வயல் வேலைகளில் ஈடுபடவோ வேண்டாம். மோட்டார் பைசிகிள், பைசிகிள் போன்ற வாகனங்களில் பயணம் செய்ய வேண்டாம். தொலைக்காட்சி, வானொலி என்பவற்றைப் பயன்படுத்த வேண்டாம், மின்சார உபகரணங்களின் மின் இணைப்பை துன்டித்து விடவும் வேண்டும் என்றும் அவர் கேட்டுக்கொண்டார்.

வவுனியா நிவாரணக் கிராமங்களில் தங்க வைக்கப்பட்டுள்ள மன்னார் மற்றும் யாழ். மாவட்டங்களைச் சேர்ந்த அனைவரும் எதிர்வரும் இரண்டு வார காலப்பகுதிக்குள் தமது சொந்த இடங்களில் மீளக்குடியமர்த்தப்படுவரென மீள்குடியேற்ற மற்றும் அனர்த்த நிவாரண சேவைகள் அமைச்சர் றிசாட் பதியுதீன் நேற்று தெரிவித்தார்.

மன்னார் மாவட்டத்தின் மன்னார் நகரம், நானாட்டான் மற்றும் முசலி ஆகிய பகுதிகளில் தற்போது கண்ணிவெடிகள் முற்றாக அகற்றப்பட்டிருப்பதால் நிவாரணக் கிராமங்களில் தங்கியிருக்கும் அவ்வப் பிரதேசங்களைச் சேர்ந்தவர்களை அவர்களது சொந்த இடங்களுக்கு திருப்பியனுப்ப தீர்மானிக்கப்பட்டிருப்பதாக அமைச்சர் கூறினார்.

இதேவேளை மன்னாரில் மாந்தை மேற்கு, மடுவின் சில பகுதிகளில் தற்போதும் கண்ணிவெடி அகற்றும் பணிகள் முன்னெடுக்கப்பட்டு வருகின்றன. இந்நிலையில் மாந்தை மேற்கு மற்றும் மடு ஆகிய இரு பிரதேச செயலாளர் பிரிவுகளையும் சேர்ந்தவர்களை மடுவில் நிலக்கண்ணி வெடிகள் அகற்றப்பட்ட பிரதேசமொன்றினுள் சிறிது காலத்திற்கு தற்காலிகமாக மீளக்குடியமர்த்த தீர்மானித்திருப்பதாகவும் அமைச்சர் றிசாட் பதியுதீன் தெரிவித்தார்.

மெனிக்பாம் நிவாரண கிராமத்தில் யாழ்ப்பாணத்தின் பல்வேறு பகுதிகளைச் சேர்ந்தவர்களும் தங்க வைக்கப்பட்டுள்ளனர். இவர்களுள் யாழ்ப்பாணத்தில் மிதிவெடியகற்றப்பட்ட இடங்களைச் சேர்ந்தவர்கள் எதிர்வரும் இரண்டு வார காலப்பகுதிக்குள் தமது சொத்த இடங்களில் மீளக்குடியமர்த்தப்படவுள்ளனர்.

நிவாரணக் கிராமங்களிலிருக்கும் யாழ்ப்பாணத்தின் நிலக்கண்ணி வெடிகள் அகற்றப்படாத பகுதிகளை தமது சொந்த இருப்பிடங்களாக கொண்டவர்கள் அப்பணிகள் நிறைவடையும் வரை யாழ்ப்பாண நிவாரணக் கிராமங்களில் தற்காலிகமாக தங்க வைக்கப்படுவரேனவும் அமைச்சர் றிசாட் சுட்டிக்காட்டினார்.

பன்றிக் காய்ச்சலுக்கு (ஸ்வைன்புளூ) எதிரான மருந்துகளைப் பயன்படுத்துவது குறித்து புதிய அறிவுறுத்தல்களை விடுத்திருக்கும் உலக சுகாதார அமையம், சிக்கலான வியாதிகளற்ற நோயாளர்கள் வைரஸ் எதிர்ப்பு மருந்துகளை எடுக்க வேண்டிய தேவை இல்லையென்று கூறியுள்ளது.

உலகளாவிய ரீதியில் பாதிக்கப்பட்ட நோயாளர்கள் தொடர்ந்து காய்ச்சலுக்கான அறிகுறிகளுடன் காணப்படுகின்றனர். அவர்கள் எந்தவொரு மருத்துவ சிகிச்சையும் இல்லாமல் ஒரு வாரத்திற்குள் முழுமையாக குணமடைந்து வருவதாக உலக சுகாதார அமையம் மேலும் தெரிவித்துள்ளது.

சர்வதேச நிபுணர்கள் குழுவின் கருத்தொருமைப்பாட்டின் அடிப்படையில் புதிய வழிகாட்டல்கள் விடுக்கப்பட்டுள்ளன. இதன் பிரகாரம் சிக்கலற்ற வியாதியுடைய நோயாளர்களுக்கு வைரஸ் எதிர்ப்பு மருந்துகளைச் சேர்த்து சிகிச்சையளிக்க வேண்டிய தேவை இல்லை என்று உலக சுகாதார அமையம் தெரிவித்துள்ளது.

ஒசெல்றமிவிர் (Oseltamivir) சனமிவிர் (Zanamivir) போன்ற மருந்துகளைப் பயன்படுத்துமாறு அறிவுறுத்தல்களில் வலியுறுத்தப்பட்டுள்ளது. இந்த மருந்துகள் நோயின் தாக்க கடுமையையும் மரணங்களையும் தடுக்கக் கூடியதென்றும் மருத்துவமனையில் அனுமதித்து சிகிச்சையளிக்க வேண்டியதன் தேவையையும் ஆஸ்பத்திரியில் தங்கியிருக்கும் காலத்தையும் குறைக்கும் என்றும் குறிப்பிடப்பட்டுள்ளது.

ஸ்வைன்புளூ மற்றும் வழமையாக ஏற்படும் காய்ச்சல் என்பவற்றால் மரணத்திற்கு வழிவகுக்கும் காரணமான நியூ மோனியா ஆபத்தைக் கணிசமான அளவுக்குத் தடுக்கும் மருந்தாக ஒசெல்றமிவிர் இருப்பது கண்டுபிடிக்கப்பட்டிருப்பதாகத் தெரிவிக்கப்பட்டுள்ளது.

மோசமான பாதிப்பு ஏற்பட்டால் ஒசெல்ரமிவிர் கிடைக்காது விடின் சனமிவிரை கொடுக்கலாம் என்று உலக சுகாதார அமையம் தெரிவித்துள்ளது.

ஸ்வைன்புளூ தாக்கத்திற்கு உட்படும் அதிக ஆபத்து கர்ப்பிணிகளுக்கு இருப்பதாகவும் நோய் அறிகுறிகாணப்பட்டால் சாத்தியமான அளவுக்கு விரைவாக அவர்கள் வைரஸ் எதிர்ப்பு சிகிச்சையைப் பெற்றுக் கொள்ளவேண்டும் என்றும் உலக சுகாதார அமையம் சிபார்சு செய்துள்ளது.

அத்துடன் சிறுவர்களுக்குக் குறிப்பாக 5 வயதுக்குட்பட்ட சிறாருக்கு உரிய சிகிச்சை அளிக்கப்படுவது தொடர்பாகவும் அறிவுறுத்தல்கள் வழங்கப்பட்டுள்ளது.

அதேசமயம், 5 வயதிற்கு மேற்பட்ட ஆரோக்கியமான சிறுவருக்கு அவர்களுக்கு நோயின் தாக்கம் கடுமையாக ஏற்படாவிடின் அல்லது நிலைமை மோசமடையாவிடின் வைரஸ் எதிர்ப்பு சிகிச்சை தேவையில்லை என்றும் தெரிவிக்கப்பட்டுள்ளது.

மூச்சு விடுதல் சிரமம், மார்பு வலி, கடும் காய்ச்சல் மூன்று நாட்களுக்கு மேல் நீடித்தல் போன்றவை H1N1 தாக்கத்துக்கான அறிகுறிகளாகும். H1N1 தாக்க அறிகுறி இருப்பதாக சந்தேகப்பட்டால் அல்லது உறுதி செய்யப்பட்டால் உடனடியாக மருத்துவ சிகிச்சைக்கு உட்படுத்தப்படவேண்டும். குழந்தைகள் மூச்சுவிட சிரமப்பட்டால், எழுந்திருக்கக் கஷ்டப்பட்டால், விளையாட ஆர்வம் காட்டாவிட்டால். சாப்பிடாமல் விட்டால் எச்சரிக்கைக்குரிய அறிகுறிகளாகும் என்று உலக சுகாதார அமைய அறிவுறுத்தல்களில் குறிப்பிடப்பட்டுள்ளது.