30

பாகிஸ்தான் பாராளுமன்றத்தில் பிரதமர் இம்ரான்கான் அரசு மீது எதிர்க்கட்சிகள் நம்பிக்கையில்லா தீர்மானத்தை கொண்டு வந்துள்ளன. இந்த தீர்மானத்தின் மீது நாளை(வியாழக்கிழமை) விவாதம் நடக்கிறது. அதை தொடர்ந்து 3-ந் திகதி ஓட்டெடுப்பு நடத்தப்படும் என்று எதிர்பார்க்கப்படுகிறது.

இந்நிலையில்  இம்ரான்கான் அரசுக்கு அளித்த ஆதரவை விலக்கிக்கொள்வதாகவும், எதிர்க்கட்சியான பாகிஸ்தான் மக்கள் கட்சிக்கு ஆதரவளிப்பதாகவும் எம்.க்யூ.எம் கட்சி அறிவித்துள்ளது.

இதனால் இம்ரான்கானின் அரசு நாளை நடைபெறும் நம்பிக்கை வாக்கெடுப்புக்கு முன்னரே பெரும்பான்மையை இழந்தது. ஆட்சியை தக்கவைக்க பெரும்பான்மைக்கு 172 எம்.எல்.ஏ.க்கள் தேவை என்ற நிலையில்  இம்ரான்கானுக்கு 164 எம்.எல்.ஏ.க்களின் ஆதரவு மட்டுமே உள்ளதால் ஆட்சி கவிழ வாய்ப்பு உள்ளது.

ஜனாதிபதி கோட்டாபய ராஜபக்ச “தனது ஆட்சிக் காலத்தில் தமிழ் மக்களின் அனைத்துப் பிரச்சினைகளுக்கும் தீர்வுகளைக் காண்பேன்.” என தெரிவித்துள்ளார்.

இது தொடர்பில் அவர் மேலும் தெரிவித்துள்ளதாவது,

அதன் ஒரு கட்டமாகவே தமிழ் மக்களின் பிரதிநிதிகளான தமிழ்த் தேசியக் கூட்டமைப்பினருடன் பேச்சுக்களை ஆரம்பித்துள்ளதாக தெரிவித்துள்ளார்.

“அரசியல் தீர்வு, காணி விடுவிப்பு, கைதிகள் விடுதலை உள்ளிட்ட ஐந்து விடயங்கள் தொடர்பில் தமிழ்த் தேசியக் கூட்டமைப்புடன் முதல்கட்டமாகப் பேசியுள்ளேன். இந்தப் பேச்சுக்குப் பல தரப்பிலிருந்தும் வரவேற்புக் கிடைத்துள்ளது. பேச்சுக்கள் தொடரும்,

தமிழ் மக்களின் சகல பிரச்சினைகளுக்கும் நான் தீர்வுகளைக் காண்பேன். இது எனது கடமை. புலம்பெயர் தமிழர்களுடனும் நான் பேசத் தயாராகவுள்ளேன். நாட்டின் அபிவிருத்திக்கு அவர்களின் பங்களிப்பு மிகவும் அவசியம்” என அவர் மேலும் தெரிவித்துள்ளார்.

“நான்கு  விடயங்களில்  ஜனாதிபதிக்கும்  தமிழ் தேசியக் கூட்டமைப்புக்கும் இடையில் இணக்கம் காணப்பட்டுள்ளது.” என இந்திய வெளியுறவு அமைச்சர் எஸ். ஜெய்சங்கர் தெரிவித்துள்ளார்.

தற்போதைய சூழ்நிலையில், சாதாரண வேகத்தில் விடயங்களை செய்ய முடியாது. எல்லாவற்றையும் வேகமாக கண்காணிக்க வேண்டும். எனவே தான் இந்தியா கூடுதல் நேரம் வேலை செய்கிறது எனவும் தெரிவித்துள்ளார்.

கொழும்பில் நடைபெற்ற பிம்ஸ்டெக் உச்சி மாநாட்டில் கலந்துகொள்வதற்காக சிறிலங்கா வந்திருந்த நிலையில், தனது பயணத்தை முடித்துக் கொண்டு நாடு திரும்பத் தயாராகவுள்ள நிலையில்,  இந்த கருத்தை அவர் வெளிப்படுத்தியுள்ளார்.

இது தொடர்பில் தொடர்ந்தும் கருத்துத் தெரிவித்த அவர்,

இலங்கையின் நெருக்கடியில் சிறந்த அண்டை நாடாக இந்தியா செயற்படுவாதகவும் அதேநேரம் அரசியலில் இருந்து விலகி இந்த நெருக்கடியான சூழலில் உதவுவதாகவும் அவர் தெரிவித்தார்.

இந்த நிலையில் அத்தியாவசிய இறக்குமதிகளுக்காக சமீபத்தில் இறுதி செய்யப்பட்ட 1 பில்லியன் டொலர் கடன் திட்டம் மிக விரைவில் செயல்படுத்தப்படும்.

400 மில்லியன் டொலர் நாணய பரிமாற்றம், 500 மில்லியன் டொலர் கடன் ஒத்திவைப்பு, எரிபொருளுக்கான 500 மில்லியன் டொலர் கடன் மற்றும் ஒரு பில்லியன் டொலர் கடன் வரி என்பவற்றை புதுடில்லி இந்த ஆண்டு இலங்கைக்கு வழங்கியுள்ளது.

இதேவேளை அரசியல் கைதிகளின் விடுதலை, காணி, காணாமல் ஆக்கப்பட்டோர் மற்றும் அபிவிருத்தி ஆகிய நான்கு  விடயங்கள் ஜனாதிபதிக்கும்  தமிழ் தேசியக் கூட்டமைப்புக்கும் இடையிலான கலந்துரையாடலில் முன்வைக்கப்பட்டுள்ளன. இதன்போது இரு தரப்பினரும் குறிப்பிட்ட, செயற்படக்கூடிய புள்ளிகளை அடையாளம் கண்டு அவற்றில் இணக்கம் கண்டுள்ளனர் என்றும் ஜெய்சங்கர் தெரிவித்துள்ளார்.

எனினும் இன்னும் உரையாடல் முடிவடையவில்லை என்றும் தெரிவித்துள்ளார்.

பழிவாங்கும் விளையாட்டை தவிர்த்து தற்போதுள்ள பிரச்சினைகளுக்கு பொருத்தமான தீர்வுகளை தேட வேண்டும் என ஶ்ரீலங்கா சுதந்திரக் கட்சியின் தேசிய அமைப்பாளராரும் இராஜாங்க அமைச்சருமான துமிந்த திஸாநாயக்க தெரிவித்தார்.

மேலும் ஊடகங்கள் எதிர்மறையான செய்திகளையே ஒளிபரப்புவதாகவும் அவர் தெரிவித்துள்ளார்.

அனுராதபுரத்தில் இடம்பெற்ற நிகழ்வொன்றில் உரையாற்றும் போதே அவர் இதனை தெரிவித்தார்.

தாம் ஆட்சிக்கு வந்தால் இரண்டு வருடங்களுக்கு எவ்வித கட்டணமும் இன்றி எரிபொருளை இறக்குமதி செய்யவுள்ளதாக அரசியல்வாதி ஒருவர் பேரணியின் போது தெரிவித்ததாகவும் அவர் குறிப்பிட்டார்.

பொதுமக்கள் மீதும் நாட்டின் மீதும் அவருக்கு அக்கறை இருந்தால் , தற்போது எந்த விலையும் இன்றி எரிபொருளை வழங்க அரசியல்வாதி முயற்சிக்க வேண்டும் எனவும் அவர் தெரிவித்தார்.

இவ்வாறான நபர்கள் நாட்டை வழிநடத்துவதற்கு பொருத்தமானவர்கள் அல்ல என அவர் மேலும் தெரிவித்துள்ளார்.

இதற்கிடையில் மற்றுமொரு அரசியல் குழு, தற்போதைய நிர்வாகத்தை அகற்றுவதற்காக அரசியல் சார்புகள் இன்றி ஒன்றிணைந்து வீதிக்கு இறங்குமாறு பொதுமக்களிடம் அழைப்பு விடுப்பதாகவும் அவர் குறிப்பிட்டார்.

அரசாங்கத்தை கவிழ்ப்பதால் சலுகைகள் அல்லது நிவாரணம் கிடைக்காது என அவர் மேலும் தெரிவித்துள்ளார்.

இலங்கை மோசமான பொருளாதாரநெருக்கடியில் சிக்குண்டுள்ள நிலையில் அத்தியாவசிய பொருட்களை இறக்குமதி செய்வதற்கான டொலர் பற்றாக்குறை காரணமாக இலங்கையின் அரசாங்க மருத்துவமனைகளில் உயிர்காக்கும் மருந்துகள் முடிவடையும் நிலை உருவாகியுள்ளது என அதிகாரிகள் தெரிவித்துள்ளனர்.

மத்திய மாகாணத்தில் 2.4மில்லியன் மக்களிற்கு சேவை வழங்கும் பேராதனை போதனா வைத்தியசாலை வழமையான சத்திரசிகிச்சைகளை இடைநிறுத்துவதாகவும்,மயக்க மருந்துகள் சத்திரகிசிச்சைக்கான அத்தியாவசிய பொருட்கள் இல்லை எனவும் அறிவித்தது.

இந்த பிரச்சினை பேராதனை மருத்துவமனைக்கு மாத்திரம் உரியது இல்லை அரசமருத்துவமனைகள் பலவற்றில் இந்த நிலை காணப்படுகின்றது என சுகாதார தொழிற்சங்கமொன்று தெரிவித்துள்ளது.
மருந்துகள் மற்றும் அத்தியாவசியப்பொருட்களை வழங்குபவர்களிற்கு ஆறுமாசமாக பணம் செலுத்தப்படவில்லை என தொழிற்சங்கம் தெரிவித்துள்ளது.

பல முக்கிய மருந்துகளிற்கான பற்றாக்குறையை எதிர்கொள்வதாக தெரிவித்துள்ள கொழும்பு தேசிய வைத்தியசாலையின் சத்திரகிசிச்சை நிபுணர் ஒருவர் தெரிவித்துள்ளார்.
நிலைமை மிகவும் மோசமாக உள்ளது மோசமடையும் நிலைமையை கையாள்வதற்கு பேரிடர் முகாமைத்துவ நடவடிக்கைகள் அவசியம் என மருத்துவ ஆய்வுகூட தொழில்நுட்பவியலாளர்கள் சங்கத்தின் தலைவர் ரவிகுமுதேஸ் தெரிவித்துள்ளார்.

இதேவேளை பொருட்கள் விலை அதிகரிப்பினால் பாதிக்கப்பட்ட விநியோகஸ்தர்கள் இருதய நோயாளிகளிற்கு பயன்படுத்தப்படும் ஸ்டென்ட் உட்பட மருத்துவ உபகரணங்களின் விலைகளை 30 வீதத்தினால் அதிகரிப்பதற்கான அனுமதியை வழங்கியுள்ளதாக அரசாங்கம் தெரிவித்துள்ளது.
இலங்கைக்கு பிராந்திய மாநாடு ஒன்றில் கலந்துகொள்வதற்காக விஜயம் மேற்கொண்டுள்ள இந்திய வெளிவிவகார அமைச்சர் பேராதனை மருத்துவனையின் நிலைமையை அறிந்து கலக்கமடைந்துள்ளதாக தெரிவித்துள்ளதுடன் அவர்களிற்கு உதவுவதற்கான வழிமுறைகள் குறித்து ஆராயுமாறு இந்திய தூதரகத்தினை கேட்டுக்கொண்டுள்ளதாக தெரிவித்தார்.

பேராதனை மருத்துவமனை மீண்டும் சத்திரகிசிச்சைகளை ஆரம்பிப்பதற்கு அவசியமான மருந்துகளை வழங்குவதற்கான நடவடிக்கைகளை எடுத்துள்ளதாக சுகாதார அமைச்சு தெரிவித்துள்ளது.

இலங்கையின் உள்நாட்டுபோரின்போது என்ன நடைபெற்றது என்பது குறித்த தெளிவாக அறிந்துகொள்வதற்கு இலங்கையின் உள்நாட்டு போரின்போது இலங்கையில் உள்ள பிரித்தானிய தூதரகத்திலிருந்து பிரிட்டனிற்கு அனுப்பப்பட்ட இரகசிய ஆவணங்களில் உள்ள திருத்தங்களை மாற்றவேண்டும் என மைக்கல் நேஸ்பி பிரபு தெரிவித்துள்ளார்.

2007 முதல் 2009 வரையான காலப்பகுதியில் கொழும்பில் உள்ள பிரித்தானிய தூதரகத்தின் பாதுகாப்பு அதிகாரி பிரிட்டனிற்கு அனுப்பிய இரகசிய ஆவணங்கள் குறித்தே அவர் இவ்வாறு தெரிவித்துள்ளார்.

பிரிட்டிஸ் அரசாங்கம் இரகசிய ஆவணங்கள் என வகைப்படுத்திய ஆவணங்களை நேஸ்பி பிரபு பிரிட்டனின் தகவல் சுதந்திர சட்டத்தை பயன்படுத்தி கேள்விக்கு உட்படுத்தினார்.

பிரிட்டனில் அந்த ஆவணங்களில் பெரும்மாற்றங்களை மேற்கொண்டார்கள் எனக்கு அந்த திருத்தங்கள் குறித்து திருப்தியில்லை என்பதை நான் வெளிப்படையாக தெரிவிக்கின்றேன்,நான் இது குறித்து சில காலமாக தெரிவித்து வருகின்றேன், அந்த திருத்தங்களை அகற்றுவதற்கான நடவடிக்கைகளில் நான் தொடர்ந்தும் தீவிரமாக ஈடுபடப்போகின்றேன் என தெரிவித்துள்ளார்.

ஸ்ரீலங்கா பரடைஸ் லொஸ்ட் பரடைஸ் ரிகெய்ன்ட் என்ற நூல் வெளியீட்டு நிகழ்விலேயே அவர் இதனை தெரிவித்துள்ளார்

மின் உற்பத்தி நிலையங்களுக்கு எரிபொருள் வழங்கப்படாவிட்டால், அடுத்த வாரம் முதல் தினமும் 10 மணி நேரத்துக்கும் மேலாக மின்சாரம் துண்டிக்கப்படும் என மின்சார சபை வட்டாரங்கள் தெரிவிக்கின்றன.

எரிபொருள் தட்டுப்பாடு காரணமாக களனிதிஸ்ஸ அனல்மின் நிலையம் முற்றாக நேற்று மூடப்பட்டதுடன் இன்று முதல் பல பகுதிகளில் 10 மணித்தியாலங்கள் மின்சாரம் தடைப்பட்டுள்ளது.

மின்சாரம் மற்றும் எரிசக்தி அமைச்சு தேவையான அளவு எரிபொருளை விநியோகிக்கத் தவறினால் அடுத்த வாரம் முதல் 10 மணித்தியாலங்களுக்கு மேல் மின்சார விநியோகத்தை துண்டிக்க நேரிடும் எனத் தெரிவிக்கப்படுகிறது.

இந்த வாரத்துக்குத் தேவையான எரிபொருள் கையிருப்பு இதுவரை வழங்கப்பட வில்லை எனவும், எனவே இன்று முதல் 10 மணித்தியாலங்களுக்கு மின்சாரம் துண்டிக்கப்படவுள்ளதாகவும், அவசரகால கையிருப்பு கிடைக்காவிட்டால் நேரம் மேலும் அதிகரிக்கப்படும் எனவும் தெரிவிக்கப்படுகிறது.

நிலவும் மின்சார நெருக்கடியை நிவர்த்தி செய்வதற்காக இன்றும் நாளையும் அரச துறை ஊழியர்களுக்கு வீட்டிலிருந்து வேலை செய்யும் முறையை இலங்கை பொதுப் பயன்பாடுகள் ஆணைக்குழு,( PUCSL) முன்மொழிந்துள்ளது.

வீட்டிலிருந்து வேலை செய்யும் முறையை பின்பற்றினால் மின்வெட்டு காலத்தை இரண்டு அல்லது மூன்று மணிநேரம் குறைக்க முடியும் என அதன் தலைவரான ஜானக ரத்நாயக்க தெரிவித்தார்.

அலுவலகங்கள் செயற்படுவதற்கு மின்வெட்டு நேரத்தில் மின்பிறப்பாக்கிகள் பயன்பாட்டில் இருப்பதாகவும், இதற்குப் பயன்படுத்தப்படும் டீசலின் அளவைக் குறைத்து, நாளாந்த போக்குவரத்து சேவைகளைக் குறைப்பதன் மூலம், டீசல் இருப்புக்களை மின் உற்பத்தியை நோக்கி செலுத்த முடியும் .

, இந்திய கடன் திட்டத்தின் மூலம் பெறப்பட்ட எரிபொருள் ஏற்றுமதி நாளை நாட்டை வந்தடையும் எனவும், ஏப்ரல் 1 ஆம் திகதி இறக்கப்படும் என்றும் அவர் தெரிவித்தார்.

எனவே இன்றும் நாளையும் சவாலான காலகட்டமாக இருக்கும் எனவும் அவர் மேலும் தெரிவித்தார்.

எவ்வாறாயினும், மருத்துவமனைகள் போன்ற முக்கியமான உள்கட்டமைப்புகள் மின் தடைகளை எதிர்கொள்ளாது, அதே நேரத்தில் சுதந்திர வர்த்தக வலயங்கள் மின்வெட்டுகளை எதிர்கொள்ளக்கூடும் என அவர் தெரிவித்தார்.

கடந்த இரண்டு மாதங்களில் அதிகளவிலான வளங்களைப் பயன்படுத்தியதன் காரணமாக நீர்மின் உற்பத்தி கணிசமாகக் குறைந்துள்ளது. காசல்ரீ நீர்த்தேக்கத்தின் கொள்ளளவு 7% ஆகவும், கொத்மலை 20% ஆகவும், சமனலவெவயில் 11% ஆகவும், மொத்த நீர் ஆதாரங்கள் 27% ஆகவும் குறைந்துள்ளதாக அவர் தெரிவித்தார்.

நீர்மின் உற்பத்தி 325 மில்லியன் அலகாக உள்ளதாகவும், அது 200 மில்லியன் அலகுகளை எட்டும்போது, ​​நீர் மின் உற்பத்தியை நிறுத்த வேண்டும் என்றும் அவர் தெரிவித்தார்.

எரிசக்தி நெருக்கடி மோசமடைந்து வருவதாகவும், காலப்போக்கில் எச்சரிக்கப்பட்டும் பொதுமக்களும் நிறுவனங்களும் அதன் தாக்கத்தைத் தணிக்க எந்த நடவடிக்கையும் எடுக்கவில்லை எனவும் அவர் தெரிவித்தார்.

அந்நியச் செலாவணி நெருக்கடியில் இருந்து மின் நெருக்கடி உருவாகிறது என்றும், பல நாட்களுக்கு முன்னர் வந்த எரிபொருள் ஏற்றுமதி இன்னும் வெளியிடப்படவில்லை, ஏனெனில் பங்குகளை வெளியிடுவதற்கு டொலர்களை பெற முடியாது என அவர் மேலும் தெரிவித்தார்.