2024 ஆம் ஆண்டுக்கான பாராளுமன்றத் தேர்தலில் 284 சுயேச்சைக் குழுக்களைச் சேர்ந்த 3357 வேட்பாளர்கள் போட்டியிட்டு 1.04 வீத வாக்குகளைப் பெற்றுக் கொண்டதுடன் ஒரு ஆசனத்தையும் பெற்றுக்கொண்டனர்.
யாழ் மாவட்டத்தை பிரதிநிதித்துவப்படுத்திய சுயேச்சைக்குழு 17 மாத்திரம் ஒரு பாராளுமன்ற ஆசனத்தைப் பெற்றுக்கொண்ட நிலையில் ஏனைய அனைத்து சுயேச்சைக் குழுக்களும் 13 ஆயிரத்துக்கும் குறைவான வாக்குகளையே பெற்றுக்கொண்டிருந்தன.
வெற்றி பெற்ற சுயேச்சைக்குழு 17 மாத்திரம் 27,855 வாக்குகளைப் பெற்று ஒரு ஆசனத்தைப் பெற்றுக்கொண்டது. போட்டியிட்ட ஏனைய 284 சுயேச்சை குழுக்களில் 282 சுயேச்சைக் குழுக்கள் மாத்திரம் ஒரு வாக்குகளையேனும் பெற்றுக்கொண்டிருந்தன.
அதனடிப்படையில் 2024 பாராளுமன்றத் தேர்தலில் 284 சுயேச்சைக் குழுக்களைச் சேர்ந்த 3357 வேட்பாளர்கள் போட்டியிட்டு 115,966 வாக்குகளைப் பெற்றுக்கொண்டிருந்தமை குறிப்பிடத்தக்கது.
இதில் ஒரு சுயேச்சைக்குழு 13 ஆயிரம் வாக்குகளைப் பெற்றுக் கொண்டதுடன் 70 சுயேச்சைக் குழுக்கள் 1000 – 7500 வரையான வாக்குகளைப் பெற்றுக்கொண்டிருந்தன.
40 சுயேச்சைக் குழுக்கள் 500 – 1000 வரையான வாக்குகளை பெற்றுக் கொண்டதுடன் 139 சுயேச்சைக் குழுக்கள் 100 – 500 வரையான வாக்குகளையும் 31 சுயேச்சைக் குழுக்கள் 100 க்கும் குறைவான வாக்குகளையே பெற்றுக்கொண்டிருந்தன.
இதனடிப்படையில் 2024 ஆம் ஆண்டு பாராளுமன்றத் தேர்தலில் 11,148,006 மொத்தம் செல்லுபடியான வாக்குகளில் 1.04 வீத வாக்குகளை மாத்திரம் சுயேச்சைக் குழுக்கள் பெற்றிருந்தமை குறிப்பிடத்தக்கது.
