யாழ்ப்பாணம் போதனா வைத்தியசாலை

யாழ் போதனா வைத்தியசாலையின் பணிப்பாளர் த சத்தியமூர்த்தி தன்மீது வீண்பழிகள் சுமத்தியதாக அவ்வைத்தியசாலையில் ; தற்போதும் மருத்துவ அதிகாரியாகப் பணியாற்றும் டொக்டர் வி நாகநாதன் யூலை 25 அன்று குற்றம்சாட்டியுள்ளார்.

பணிப்பாளர் டொக்டர் சத்தியமூர்த்தி இவ்வாறு பலர் மீதும் பாய்ந்துள்ளதாகவும் அவர் தனது குற்றச்சாட்டில் தெரிவித்துள்ளார் . அதிகாரத்தில் உள்ளவர் கையில் உள்ள முட்டை கூட அம்மிக்கல்லையும் உடைக்கும் எனத் தெரிவிக்கின்றார் , மிகுந்த மனவுறுதி கொண்ட டொக்டர் வி நாகநாதன் . பணிப்பாளர் டொக்டர் சத்தியமூர்த்தியால் ஓகஸ்ட் 2017 இல் அனுப்பி வைக்கப்பட்ட கடிதத்தில் , டொக்டர் வி நாகநாதன் மனநிலை பாதிக்கப்பட்டவர் என்று குற்றம்சுமத்தி அவரை தற்காலிகமாக பணி இடைநீக்கம் செய்ததோடு அவருக்கு வழங்கவேண்டிய சம்பளத்தையும் இடைநிறுத்தி வைத் ; திருந்தார் .

இது தொடர்பான தேசம் திரை காணொளியை காண கீழே உள்ள லிங்கை கிளிக் செய்யவும்..!

குழந்தையை பிரசவித்த பாடசாலைச் சிறுமி குழந்தையை வைத்தியசாலையிலேயே விட்டுவிட்டு சென்ற சம்பவம் யாழ்ப்பாணம் போதனா வைத்தியசாலையில் இடம்பெற்றுள்ளது.

வடமராட்சி துன்னாலைப் பகுதியைச் சேர்ந்ததாக தெரிவித்து 15 வயது சிறுமியொருவர் கர்ப்பம் தரித்த நிலையில் தனது தாயுடன் குழந்தை பிரசவத்துக்காக நேற்று மாலை வைத்தியசாலையில் அனுமதிக்கப்பட்டுள்ளார்.

குழந்தை நேற்று இரவு பிரசவித்த நிலையில், குழந்தையை அநாதரவாக விட்டுவிட்டு இன்று காலை முதல் தாய், சிறுமி என இருவரும் தலைமறைவாகியுள்ளனர் என தெரிவிக்கப்படுகிறது.

சம்பவம் தொடர்பாக வைத்தியசாலை நிர்வாகத்தால் யாழ்ப்பாணம் பொலிஸ் நிலையத்தில் முறைப்பாடு பதிவு செய்யப்பட்டுள்ளநிலையில் பொலிஸார் விசாரணைகளை ஆரம்பித்துள்ளனர்.

யாழ்ப்பாணம் போதனா வைத்தியசாலைக்குள் அத்துமீறி நுழைந்து குழப்பத்தில் ஈடுபட்ட கும்பலை கைது செய்வதற்கு யாழ்ப்பாண பொலிஸார் நடவடிக்கைகளை முன்னெடுத்துள்ளனர்.

விபத்தில் படுகாயமடைந்த நிலையில் சிகிச்சைக்காக யாழ். போதனா வைத்தியசாலையில் அனுமதிக்கப்பட்ட இளைஞன் ஒருவர் சிகிச்சை பலனின்றி உயிரிழந்துள்ளார்.

இளைஞனின் உயிரிழப்பை அடுத்து , அவரின் நண்பர்கள் என தம்மை அடையாளப்படுத்திக்கொண்ட சுமார் 20 பேர் கொண்ட கும்பல் ஒன்று வைத்தியசாலைக்குள் அத்துமீறி நுழைந்து அடாவடியில் ஈடுபட்டதுடன், மருத்துவர்கள், தாதியர்கள், நோயாளிகளுடன் முரண்பட்டனர்.

அது தொடர்பில் மருத்துவ சேவைக்கு இடையூறு ஏற்படுத்தினார் என வைத்தியசாலை நிர்வாகத்தினரால், யாழ்.பொலிஸ் நிலையத்தில் முறைப்பாடு பதிவு செய்யப்பட்டுள்ளது.

முறைப்பாட்டின் பிரகாரம் விசாரணைகளை முன்னெடுத்துள்ள பொலிஸார் அடாவடியில் ஈடுபட்டவர்களை இனம் கண்டுள்ளதாகவும், அவர்களை கைது செய்ய நடவடிக்கை எடுத்து உள்ளதாகவும் தெரிவித்துள்ளனர்.

சிவபூமி அறக்கட்டளை செயற்பாட்டில் அடுத்தகட்டமாக யாழ்ப்பாணத்தில் கரு வளர்ச்சிக்கான சுக நல வைத்திய நிலையம் திறந்துவைக்கப்படவுள்ளது என செஞ்சொற்செல்வர் கலாநிதி ஆறுதிருமுருகன் தெரிவித்தார்

குறித்த விடயம் தொடர்பில் அவர் மேலும் தெரிவிக்கையில்,

சிவபூமி அறக்கட்டளை கடந்த 23 ஆண்டுகளாக இலங்கையில் செயற்பட்டுக் கொண்டிருப்பதை யாவரும் அறிவர் மன வளர்ச்சி குன்றிய பிள்ளைகளுக்கான பாடசாலை, முதியோர் இல்லங்கள், கீரிமலை மடம் ,குப்பிளான் சிவபூமி ஞான ஆச்சிரமம், மயிலிட்டி சிவபூமி கந்தபுராண மடம், நாவற்குழி திருவாசக அரண்மனை ,நாவற்குழி சிவபூமி அருங்காட்சியகம்,திருகோணமலை சிவபூமி யாத்திரிகர் மடம் ,சிவபூமி பாடசாலை, கிளிநொச்சி கனகபுரம் சிவபூமிப் பாடசாலை ,மட்டக்களப்பு கொக்கட்டிச் சோலை திருமந்திர அரண்மனை ,பம்பலப்பிட்டி சிவபூமி ஆத்மீக நிலையம் ,கண்டி கலகா சிவபூமி மலையக ஆச்சிரமம் , மலையக மாணவர் கல்வி விருத்தி நிலையம் இவற்றைக் கடந்த காலங்களிலே அன்பர்களின் பூரண ஒத்துழைப்புடன் மேலும் சிறப்பாக நடாத்தி வருகின்றோம்.

மேலும் லண்டன் அவயம் அறக்கட்டளையின் உதவியுடன் ஆனைக்கோட்டையில் சிவபூமி அவயம் இலவச வைத்தியசாலை, இயக்கச்சி சிவபூமி இலவச வைத்தியசாலை, கண்டி கலகாவில் சிவபூமி இலவச அபய வைத்தியசாலை போன்றவற்றை நடாத்தி வருகின்றோம்

இத்தனைக்கும் மத்தியில் எமது பணிகள் விரிவடைந்து போகும் நிலையில் ஆதரவற்ற சிறுவர்கள் பல்கலைக்கழக மாணவர்களுக்கு மாதாந்த நிதி உதவி வழங்கல் தெல்லிப்பளை புற்றுநோய் வைத்தியசாலைக்கு தேவை ஏற்படுகின்றபோது தேவைகளை செய்து வருகின்றோம்.

பத்திரிகை தொலைக்காட்சி வசதிகள் ஏற்படுத்திக் கொடுக்கின்றோம் ஒவ்வொரு செவ்வாய்க்கிழமைகளிலும் புற்றுநோய் வைத்தியசாலைக்கு பாயாசத்தை கடந்த மூன்று ஆண்டுகளாக வழங்கி வருகின்றோம் இந்த அரிய பணிகளை இறை அருளாள் தொடர்ச்சியாக மேற்கொண்டு வருகின்றோம்.

இந்த ஆண்டு புதிய செயற்றிட்டமாக யாழ்ப்பாணம் முதலாம் குறுக்குத் தெருவில் இரண்டு மாடிக் கட்டடத்தை நாம் பெற்றுக் கொண்டுள்ளோம். குறிப்பாக இந்தக் கட்டடத்தை புகழ்பூத்த வழக்கறிஞர் செனற்றர் எஸ்.ஆர்.கனகநாயகம் அவருடைய இல்லத்தை அவுஸ்திரேலியாவில் வாழும் அவருடைய மகள் மருமகன் டாக்டர் பாலசுப்பிரமணியம் சாவித்திரி தேவி தம்பதிகள் எமக்கு அன்பளிப்பாக வழங்கினார்கள் எம்முடைய அறக்கட்டளையூடாக எதிர்வரும் 21 ஆம் திகதி யாழ் போதனா வைத்தியசாலை யாழ் பல்கலைக்கழக மருத்துவ பீடத்துடன் இணைந்து பெண்கள் சுக நல நிலையத்தை யாழ் போதனா வைத்தியசாலையுடன் ஒப்பந்தம் செய்து திறந்து வைக்கவுள்ளோம்.

குறிப்பாக இங்கு கருவளச்சி சிசிக்கை நிலையம் குறிப்பாக குழந்தை இல்லாதவர்களுக்கான சிகிச்சை நிலையம் அமையவுள்ளது. அனைவருக்கும் இலவசமாக சிகிச்சை அளிக்கும் வகையில் யாழ்.போதனா வைத்தியசாலைக்கு வழங்கவுள்ளோம்.

பொது மக்களுக்கு பயனுள்ள வகையில் சிவபூமி நடவடிக்கை எடுப்பதால் இந்த இல்லத்தை கையளிப்பதாக எமக்கு வாக்குறுதி அளித்தார் எதிர்வரும் ஞாயிற்றுக்கிழமை ஜனாதிபதி சட்டத்தரணி எஸ்ஆர் கனகஈஸ்வரன் பிரதம விருந்தினராகக் கலந்துகொண்டு இந்த சுக நல நிலையத்தை திறந்து வைக்கின்றார்.

மேலும் வரவேற்புரையை யாழ்.போதனா வைத்திய சாலை ந.சரவணபவன் தொடக்க உரையை யாழ்.போதனா வைத்தியசாலைப் பணிப்பாளர் ந.சத்தியமூர்த்தி நிகழத்தவுள்ளதுடன் வாழ்த்துரைகளை யாழ். புல்கலைக்கழக துணைவேந்தனர் ஸ்ரீ சற்குணராசா மற்றும் யாழ.மருத்துவப் பீட பீடாதிபதி பேராசிரியர் சுரேந்திர குமார் அறிமுக உரையை யாழ்.மருத்துவ பீட விரிவரையாளர் வைத்திய நிபுணர் பால கோபி யாழ்.வைத்திநிபுணர் சி.ரகுராமன் ஆகியோர் நிகழ்த்தவுள்ளனர்.

அண்மைய நாட்களில் தினசரி 1000க்கும் குறையாத கைது நடவடிக்கைகள் நாடு முழுவதிலும் தினசரி இடம்பறெ்று வருவதுடன் வடக்கின் பல பகுதிகளிலும் யுக்திய எனும் போதைப்பொருள் ஒழிப்பின் ஒரு கட்டமாக கண்காணிப்பு நடவடிக்கைகள் தீவிரப்படுத்தப்பட்டும் வருகின்றது. இதனால் 24 நேரத்திலும் பொலிஸாரின் தேடுதல் நடவடிக்கைகள் ஓய்வில்லாமல் தொடர்ந்து கொண்டுதான் இருக்கின்றது. இப்படியான ஒரு இறுக்கமான பொலிஸ் கெடுபிடி கால கட்டத்தில் கூட யாழ்ப்பாணத்தில் வாள்வெட்டு சம்பவங்களும் – கட்டப்பஞ்சாயத்துக்களும் – போதைப்பொருள் கடத்தல் நகர்வுகளும் குறைவில்லாமல் அரங்கேறிக்கொண்டு இருக்கின்றன.

இது தொடர்பான முழுமையான தேசம் திரை காணொளியை காண கீழே உள்ள லிங்கை கிளிக் செய்யவும்…!

யாழ்ப்பாணம் போதனா வைத்தியசாலைக்கு வந்த நபர் மீது தாக்குதல் முயற்சியை மேற்கொண்ட இரண்டு பாதுகாப்பு உத்தியோகத்தர்களும் இன்றிலிருந்து கடமை நீக்கம் செய்யப்படுவதாக யாழ்ப்பாண போதனா வைத்தியசாலையின் பணிப்பாளர் த.சத்தியமூர்த்தி தெரிவித்தார்.

குறித்த விடயம் தொடர்பில் கருத்து தெரிவிக்கும்போது மேற்கண்டவாறு தெரிவித்தார்.

அவர் மேலும் தெரிவிக்கையில்,

யாழ்ப்பாணம் போதனா வைத்தியசாலை நுழைவாயிலில் வைத்து, வைத்தியசாலைக்கு வந்த நபர் ஒருவர் பாதுகாப்பு ஊழியர்களால் தாக்கப்பட்ட சம்பவமானது கண்டிக்கப்பட வேண்டியது. இந்த விடயத்தை நான் மிகவும் கடுமையாக எச்சரிக்கை செய்துள்ளதோடு குறித்த பாதுகாப்பு கடமையில் ஈடுபடும் தனியார் நிறுவனத்துக்கு எழுத்து மூலம் அறிவித்துள்ளேன்.

இந்த சம்பவத்துடன் தொடர்புடைய இரண்டு காவலாளிகளையும் இன்றிலிருந்து வைத்தியசாலை பாதுகாப்பு கடமைக்கு அனுப்ப வேண்டாம் எனவும் அவர்களுக்கு எச்சரித்துள்ளேன். எனினும் இவ்வாறான சம்பவங்களை இனி மேலும் ஏற்றுக்கொள்ள முடியாது.

பொதுமக்கள் வைத்தியசாலைக்கு சுதந்திரமாக வந்து தமது மருத்துவ தேவைகளை பூர்த்தி செய்வதற்காக பல்வேறுபட்ட வேலைத்திட்டங்கள் மேற்கொள்ளப்படுகின்றன. எனவே, இவ்வாறான ஒருசில சம்பவங்கள் மூலம் அவை மழுங்கடிக்கப்படக் கூடாது எனவும் தெரிவித்தார்.

இந்நிலையில், யாழ்ப்பாணம் போதனா வைத்தியசாலைக்கு மதுபோதையில் வந்த நபர் அநாகரிகமாக நடந்துகொண்டு, பாதுகாப்பு உத்தியோகத்தர்கள் மீது தாக்குதலை மேற்கொண்டு வைத்தியசாலைக்குள் செல்ல முற்பட்டபோதே பாதுகாப்பு உத்தியோகத்தர்கள், அந்நபர் மீது தாக்குதலை மேற்கொண்டனர் என பாதுகாப்பு உத்தியோகத்தர்கள் தரப்பு தெரிவித்தது.

தற்போது, யாழ்ப்பாணம் போதனா வைத்தியசாலை நுழைவாயிலுக்கு அருகில் நபர் ஒருவரை பாதுகாப்பு உத்தியோகத்தர்கள் தாக்கும் காணொளி சமூக ஊடகங்களில் வைரலாகி வருகிறது.

இச்சம்பவம் தொடர்பில் யாழ்ப்பாண பொலிஸார் விசாரணைகளை முன்னெடுத்துள்ள நிலையில், தாக்குதலுக்கு இலக்கான நபரையும், தாக்குதல் மேற்கொண்ட பாதுகாப்பு உத்தியோகத்தர்கள் இருவரையும் கைது செய்து விசாரணைகள் மேற்கொண்ட நிலையில் தாக்குதல் நடத்திய காவலாளிகள் தாங்கள் தாக்குதல் நடத்தியமை  தொடர்பில் பொலிஸில் விளக்கமளித்துள்ளனர்.

யாழ்ப்பாணம் போதனா வைத்தியசாலையில் சிறுமி ஒருவரின் கை, மணிக்கட்டுடன் அகற்றப்பட்ட சம்பவம் தொடர்பில் 03 பேரை உடனடியாக கைது செய்யுமாறு  நீதிமன்றில் கோரிக்கை முன்வைக்கப்பட்டுள்ளது.

சிறுமி சார்பில் முன்னிலையான சட்டத்தரணிகள் நேற்று யாழ்ப்பாணம் நீதவான் நீதிமன்றில் குறித்த கோரிக்கையினை முன்வைத்துள்ளனர்.

குறித்த சம்பவத்துடன் தொடர்புடைய விடுதி வைத்தியர், பெண் மற்றும் ஆண் தாதி உத்தியோகத்தர்கள் ஆகிய மூவரையும் உடனடியாக கைது செய்யுமாறு கோரிக்கை முன்வைக்கப்பட்டுள்ளதாக தெரிவிக்கப்பட்டுள்ளது.

இந்த நிலையில் அடுத்த வழக்கில் குறித்த விடயம் தொடர்பில் விசாரணைகளை முன்னெடுப்பதாக நீதவான் தெரிவித்துள்ளார்.

யாழ்ப்பாணம் போதனா வைத்தியசாலையில் ஸ்மார்ட் போன்களை பாவிக்க பணிப்பாளர்களுக்கு தடை விதிக்கப்பட்டுள்ளது என வைத்தியசாலை பணிப்பாளர் த. சத்தியமூர்த்தி தெரிவித்துள்ளார்.

கடமை நேரத்தில் தாதியர்கள், சுகாதார ஊழியர்கள், பாதுகாப்பு பணியாளர்கள் மற்றும் நோயாளர் பராமரிப்பில் ஈடுபட்டுள்ளவர்கள் கையடக்க தொலைபேசியை பாவிக்க தடை விதிக்கப்பட்டுள்ளது.

யாழ்.போதனா வைத்தியசாலையில், சிகிச்சைக்காக அனுமதிக்கப்பட்ட 08 வயது சிறுமிக்கு இடது கை மணிக்கட்டுடன் அகற்றப்பட்ட சம்பவம் அண்மையில் பதிவாகி பெரும் பரபரப்பை ஏற்படுத்தியது.

தாதியர்கள் கவன குறைவினாலையே சிறுமியின் கை அகற்றப்பட்டது என பல தரப்பினராலும் குற்றம் சாட்டப்பட்டுவரும் நிலையில் கடமையின் பொது ஸ்மார்ட் போன் பாவிக்க தடை விதிக்கப்பட்டுள்ளது.

யாழ்ப்பாணம் போதனா வைத்தியசாலை இரத்த வங்கியில் அனைத்து வகையான குருதிக்கும் தட்டுப்பாடு ஏற்பட்டுள்ளதென இரத்த வங்கி அறிவித்துள்ளது.

நாளுக்கு நாள் குருதி விநியோகம் அதிகரித்துச் செல்வதினால் இதனால் நோயாளர்களுக்கு தேவையான குருதியை வழங்க முடியாதுள்ளது.

ஆகவே 18 – 55 வயதிற்கு இடைப்பட்ட, 50 Kg ம் அதற்கு மேற்பட்ட நிறையும் கொண்ட ஆண் பெண் இருபாலாரும் எவ்வித பிரச்சனையுமின்றி இரத்ததானம் செய்யலாம்.

ஏற்கனவே இரத்ததானம் செய்தவர்கள் எவ்வித நோய்களுமின்றி இருந்தால் 60 வயது வரை இரத்ததானம் செய்யலாம்.

எனவே தட்டுப்பாட்டை கருத்தில் கொண்டு ஏற்கனவே இரத்ததானம் செய்து நான்கு மாதங்கள் நிறைவடைந்தவர்களும் புதிதாக இரத்ததானம் செய்ய விரும்புவர்களும் யாழ்ப்பாணம் போதனா வைத்தியசாலை இரத்த வங்கிக்கு வருகை தந்து இரத்ததானம் செய்து உயிர்காக்கும் உன்னத பணிக்கு ஒத்துழைப்பு வழங்குவதுடன் உங்கள் ஊர்களிலும் இரத்ததான முகாம்களை ஏற்பாடு செய்து எமக்கு அறிவித்தால் நாம் வருகை தந்து குருதியை சேகரிக்கும் பணிகளை முன்னெடுப்போம்.

எம்முடன், 0772105375 அல்லது 0212223063 எனும் தொலைபேசி இலக்கங்கள் ஊடாக தொடர்பு கொள்ள முடியும் என அறிவித்துள்ளனர்.