வவுனியா செட்டிகுளத்தில் தமிழ் மக்கள் பல ஆண்டுகளாக பயிர்ச்செய்கையில் ஈடுபட்டு வந்த காணிகளுக்குள் நேற்று உள்நுழைந்த வனவளத் திணைக்களத்தினா் எல்லைக்கற்களை நட்டு அவற்றைக் கையகப்படுத்தியுள்ளனா்.
100 ஏக்கருக்கும் அதிகமான இடத்தில் உழுந்து பயிர்ச்செய்கை செய்யப்பட்டு ஒன்றரை மாதங்கள் கடந்த நிலையில் அங்கு சென்ற வனவளத் திணைக்களத்தினா் பூத்துக்காய்ப்பதற்கு தயாராகக் காணப்பட்ட உழுந்துப் பயிர்களுக்குள் தமது உழவு இயந்திரங்களை ஓட்டிச் சென்று பயிர்களுக்கும் சேதம் விளைவித்துள்னா்.
இதனால் பலரது வாழ்வாதாரம் பாதிக்கப்பட்டுள்ளது. அண்மைக் காலமாக தமிழர்களின் காணிகள் வனவளத் திணைக்களத்தினரால் கபளீகரம் செய்யப்பட்டு வருகின்றமை குறிப்பிடத்தக்கது.
