வவுனியா பொது வைத்தியசாலை சவச்சாலையில் வைக்கப்பட்டிருந்த அடையாளம் காணப்பட்டு உறவினர்களினால் பொறுப்பேற்காததும், அடையாளம் காணப்படாததுமான 56 உடல்கள் அரச செலவில் நேற்று முன்தினம் சனிக்கிழமை மாலை 6.30 மணியளவில் அடக்கம் செய்யப்பட்டது.
மாவட்ட நீதிவானின் அனுமதியுடன் உடல்கள் பூந்தோட்டம் பொதுமயானத்திற்கு எடுத்துச் செல்லப்பட்டு கனரக இயந்திரம் மூலம் குழி தோண்டப்பட்டு அடக்கம் செய்யப்பட்டது என பொது வைத்தியசாலை சட்ட வைத்திய அதிகாரி தெரிவித்தார்.
சுமார் இரண்டு வாரத்திற்கு மேலாக இந்த சடலங்கள் சவச்சாலையில் வைக்கப்பட்டிருந்தது.
