ஹமாஸ் தலைவர் யஹ்யா சின்வார் கொல்லப்பட்டதாக இஸ்ரேலிய இராணுவம் உறுதிப்படுத்தியுள்ளது.
கட்டிட இடிபாடு ஒன்றில் சின்வாரின் உடல் இருப்பதை இஸ்ரேலிய இராணுவத்தின் ஆளில்லா விமானம் ஒன்று நேற்று (17.10.2024) கண்டுபிடித்துள்ளது.
கடந்த புதன்கிழமை நடத்தப்பட்ட தாக்குதலிலேயே சின்வார் கொல்லப்பட்டதாக தெரிவிக்கப்பட்டுள்ளது.
மரபணு சோதனை மற்றும் பல் மாதிரிகளை பயன்படுத்தி சின்வார் கொல்லப்பட்டதை இஸ்ரேலிய இராணுவம் உறுதி செய்துள்ளது.
யஹ்யா சின்வர், கடந்த வருடம் ஒக்டோபர் 7 அன்று இஸ்ரேலில் இடம்பெற்ற தாக்குதலின் முக்கிய பின்புலமாக செயற்பட்டவர் ஆவார்.
இந்நிலையில், இது ஒரு ஆரம்பம் மட்டுமே என சுட்டிக்காட்டியுள்ள இஸ்ரேலிய பிரதமர் பெஞ்சமின் நெதன்யாகு, இஸ்ரேலியர்களை சிறைப்பிடித்து வைத்திருக்கும் காசா படையினரை ஆயுதங்களை கீழே போடும் படியும் வலியுறுத்தியுள்ளார்.
மேலும், பணயக்கைதிகளாக உள்ள இஸ்ரேலியர்களை திருப்பி அனுப்புபவர்கள் வெளியே சென்று வாழ்வதற்கு இடம் வழங்கப்படும் எனவும் அவர் கூறியுள்ளார்.
