போலி பேராசிரியர்கள் கவனம் : பல்கலைக்கழக மானியங்கள் ஆணைக்குழு
சிரேஷ்ட பேராசிரியர், பேராசிரியர் மற்றும் உதவிப்பேராசிரியர் பட்டங்களை குறிப்பிட்ட கல்வி நிறுவனம் அல்லது உயர்கல்வி நிறுவனங்களில் சேவையாற்றும் போது மட்டுமே பயன்படுத்த முடியும். குறிப்பாக பேராசிரியர்கள் ஓய்வு பெற்றபின் அவர்களது பேராசிரியர் பட்டம் செல்லுபடியற்றதாகிவிடும். சில விசேட சந்தர்ப்பங்களில் ஓய்வுபெற்ற பின்னரும் பல்கலைக்கழகத்தால் பட்டம் வழங்கப்பட்டால் பேராசிரியர் என அழைக்கப்படலாம்.
கோப் குழு பரிந்துரையின்படி ஒகஸ்டில் நடந்த பல்கலைக்கழக மானியங்கள் ஆணைக்குழுவின் கூட்டத்தில் இம் முடிவு எடுக்கப்பட்டதுள்ளது. இத் தீர்மானம் அனைத்து உயர்கல்வி நிறுவனங்களுக்கும் சுற்றறிக்கை மூலம் அறிவிக்கப்பட்டுள்ளது. இனிமேல் உயர்கல்வி நிறுவனங்கள் சிரேஷ்ட பேராசிரியர், உதவி பேராசிரியர் மற்றும் பேராசிரியர் பதவிகள் வழங்கும் போது அவர்களது பதவி நியமனக் கடிதங்களில் இச்சரத்தை சேர்க்கும் படி சுற்றறிக்கையில் குறிப்பிடப்பட்டுள்ளது.
அண்மைக்காலமாக போலிப் பேரசிரியர்கள் தொடர்பில் எழுந்த சர்ச்சையும் சபாநாயகர் அசோக் ரன்வல்லா பதவியை ராஜினாமாச் செய்ததும் தெரிந்ததே. மேலும் பல்கலைக்கழகங்களில் குறிப்பாக கலைப்பீடங்களில் இவ்வாறான போலிப் பேராசிரியர்களின் எண்ணிக்கை கணிசமான அளவில் காணப்படுகின்றது. யாழ் பல்கலைக்கழகத்தில் கோயில் மலரில் கட்டுரை எழுதி பேராசிரியர் ஆனவர் முன்னாள் துணைவேந்தர் சண்முகலிங்கன். யாழ் பல்கலைக்கழகத்தின் நன்மதிப்பைச் சிதைத்து அதனை இறங்குமுகத்தில் கொண்டுவந்து நிறுத்தியவர் வாழ்நாள் பேராசிரியர் பொன் பாலசுந்தரம் பிள்ளை.
