நீதியின் முன் அனைத்து இனமும் சமம் : ஓய்வு பெறும் பிரதம நீதியரசர்

சரத் சில்வா நீதிமன்ற வளாக திறப்பு விழாவில் அண்மையில் சொன்னது…..

“வன்னி இடம்பெயர் மக்கள் தங்கவைக்கப்பட்ட ‘நிவாரண கிராமங்களை’ பார்வையிட்டேன். அங்குள்ள மக்களின் அவதியையும் வேதனையையும் என்னால் சொற்களால் விபரிக்க முடியவில்லை. நாம் இந்நாட்டில் எல்லோரும் ஒரே இனம் இங்கு சிறுபான்மையென்றோ பெரும்பான்மை என்றோ இல்லை எனச் சொல்வது கடைந்தெடுத்த பொய்யாகும்”

”செட்டிக்குளம் இடைத்தங்கல் முகாம்களில் தங்கவைக்கப்பட்டுள்ள இடம்பெயர்ந்த வன்னி மக்கள் ஸ்ரீலங்காவின் சட்டங்களிற்கமைய எந்த ஒரு நீதியையும் எதிர்பார்க்க முடியாது. நாட்டின் சட்டங்கள் இவர்களில் எந்த அக்கறையையும் காட்டவில்லை. இதை நான் வெளிப்படையாகவே சொல்கிறேன். இதற்காக அதிகாரிகள் என்னை தண்டிக்கலாம்.”

அண்மையில் சென்ற அமெரிக்க காங்கிரஸ் பிரதிநிதியின் சொற்களால் புலம்பெயர் புலிப்பினாமிகளின் கபடநாடகம் வெளியில் வந்து சந்தி சிரித்தது !!!!!! இப்போ பார்த்தால் சொந்த நாட்டின் பிரதம நீதியரசர் காங்கிரஸ் பிரதி நிதியையே கவிட்டு விட்டார்.

கனம் நீதிபதி அவர்கள் பரிந்துரைக்கின்ற> நீதி+நேர்மை ஐனநாயகம்+சமத்துவம்> என்பன இலங்கையில் நடைமுறையில் இல்லை! தமிழ்மக்களைப் பொறுத்தவரை இது வெறும் ஏட்டுச் சுரைக்காயே!

ஓய்வு பெறும் பிரதம நீதியரசர், இலங்கையில் தற்போதுள்ள நிலைமைகளை அடிப்படையாக வைத்து தனது தலையாய கருத்துகளை வைத்திருப்பது பாராட்டத் தக்கது. அந்த வகையில் அரசும் இப்படியானவர்களின் கருத்துகளைக் கேட்டறிந்து சட்டத் திருந்தங்களை மேற்கொள்ள முன் வர வேண்டும். 30 வருடங்களுக்கு மேலாக இரத்தம் சிந்திய போராட்ட வரலாறின் பின்னாவது வைக்கப்படும் தீர்வானது ஏதோ எடுத்தேன் கவிழ்த்தேன் என்றிலில்லாது, ஏற்கனவே இருந்த இனப் பாகுபாடுகளைக் களைந்து ஒரு தீர்க்கமான தீர்வாக இருக்க வேண்டும். இலங்கை என்பது ஒரே நாடு, எல்லா மக்களும் இலங்கை மக்களே என்ற நிலையை அரசு வைக்கும் தீர்வே அந்த மக்களின் மனதில் தாமாக தோன்ற வைக்க வேண்டும். கடந்த காலங்களில் விட்ட அரசியல் தவறுகளை திருத்தி அதிகாரங்களை எல்லோருக்கும் பகிர்ந்தளித்து, எனியும் ஒரு கசப்பான போராட்ட அனுபவங்கள் ஏற்படாதவாறு, அரசு நடந்து கொள்ள வேண்டும். அதற்கு சட்டங்களிலுள்ள ஓட்டைகளையும் களைய ஏனைய அரசியல்க் கட்சிகளினதும் ஆதரவையும் அரசு திரட்டி ஆவன செய்ய வேண்டும். மொத்தத்தில் இலங்கையில் எனியும் ஒரு இனம், போராட வேண்டிய நிலை ஏற்படுவதும் ஏற்படாமல் போவதும், மகிந்தவின் தலைமையிலுள்ள தற்போதைய அரசின் கைகளிலேயே தங்கியுள்ளது.