வன்னியிலிருந்து இடம் பெயர்ந்து வவுனியா, நலன்புரி முகாம்களில் தங்கவைக்கப்பட்டுள்ளவர்களுக்கான கல்வியமைச்சின் இரண்டாம் கட்ட உளவள ஆலோசனைச் சேவை செயற்திட்டம் எதிர்வரும் 7 ஆம் திகதி ஆரம்பமாகவுள்ளது.
ஜனாதிபதி மகிந்த ராஜக்ஷவின் பணிப்புரைக்கமைய முன்னெடுக்கப்பட்டு வரும் இவ்வேலைத்திட்டத்தில் முதலாம் கட்டம் கடந்த மே மாதம் திருகோணமலை மாவட்ட நலன்புரி நிலையங்களில் நடைபெற்றன.
யுத்தச் சூழலிலிருந்து மீண்டும் வந்துள்ள மக்களின் மனோநிலையில் மாற்றங்களைக் கொண்டு வருவதனை நோக்கமாகக் கொண்டே இச் செயற்திட்டம் நடைமுறைப்படுத்தப்பட்டு வருகின்றது.
இச் செயற்திட்டத்திற்கு நாட்டின் அரச பாடசாலைகளில் உளவள ஆலோசனைச் சேவையில் ஈடுபட்டு வரும் ஆசிரியர்கள் தெரிவு செய்யப்பட்டிருப்பதாகவும் தெரிவிக்கப்பட்டுள்ளது. இரத்தினபுரி மாவட்டத்திலிருந்தும் ஆசிரியர்கள் இவ்வேலைத்திட்டத்திற்கு செல்லவுள்ளனர்.
