யாழ் மாநகர சபையின் மேயராக யோகேஸ்வரி பற்குணராசாவும், துணை மேயராக துரைராஜா இளங்கோவும் (றீகன்) அமைச்சர் டக்ளஸ் தேவானந்தாவினால் நியமிக்கப்பட்டுள்ளனர். நடந்து முடிந்த யாழ் மாநகரசபைக்கான தேர்தலில் ஐக்கிய மக்கள் சுதந்திரக் கூட்டமைப்புடன் இணைந்து போட்டியிட்ட ஈழமக்கள் ஜனநாயகக் கட்சியின் வேட்பாளர்களாகிய இந்த இருவரும் வெற்றியடைந்திருந்தமை குறிப்பிடத்தக்கதாகும்.
சிறந்த கல்விமானாகிய யோகேஸ்வரி பற்குணராஜா சுமார் 28 வருட காலமாக கிளிநொச்சி யாழ்ப்பாணம் கொழும்பு மாவட்டங்களிலுள்ள பல்வேறு கல்லூரிகளில் ஆசிரியராகவும், அதிபராகவும் பணியாற்றியுள்ளார்.
அத்துடன் அமைச்சுக்களில் உயரிய பதவிகளையும் இவர் வகித்துள்ளார். சர்வதேச லயன்ஸ் கழகம் இவருக்கு சிறந்த ஆலோசகர் என்ற பட்டத்தை வழங்கிக் கௌரவித்துள்ளது. யாழ் மாநகர சபையின் முன்னாள் உறுப்பினரான துரைராஜா இளங்கோ (றீகன்) சிறந்த சமூக சேவையாளர். சகல சமூக மக்கள் மத்தியிலும் தனது சேவையால் மக்களின் நன்மதிப்பைப் பெற்றவர்.
