இடம்பெயர்ந்து நிவாரணக் கிராமங்களில் தங்கியுள்ள மக்களை துரிதமாக சொந்த இடங்களில் மீள் குடியேற்றுவது தொடர்பாக ஆராயும் உயர்மட்ட மாநாடு நாளை (19) மீள்குடியேற்றம் மற்றும் அனர்த்த நிவாரண சேவைகள் அமைச்சர் ரிசாத் பதியுதீன் தலைமையில் வவுனியா மாவட்ட செயலகத்தில் நடைபெறும்.
இடம்பெயர்ந்த மக்களை மீள்குடியேற்ற மேற்கொள்ளப்படும் நடவடிக்கையின் முன்னேற்றம் குறித்தும் இங்கு ஆராயப்படவுள்ளதோடு வெள்ளம் காரணமாக பாதிக்கப்பட்ட மக்களுக்கு வழங்கப்படும் உதவிகள் குறித்தும் இங்கு கவனிக்கப்பட உள்ளதாக பிரதி மாவட்ட செயலாளர் திருஞானசம்பந்தர் கூறினார்.
இடம்பெயர்ந்து வவுனியா நிவாரணக் கிராமங்களில் சுமார் 2,52,000 பொதுமக்கள் தங்க வைக்கப்பட்டுள்ளனர். இவர்களை 180 நாட்களுக்குள் மீள்குடியேற்ற அரசாங்கம் திட்டமிட்டுள்ளது.
