இந்தியா, பாகிஸ்தான், நேபாளம் உட்பட 11 தென் கிழக்கு ஆசிய நாடுகளின் சுகாதார அமைச்சர்கள் மற்றும் உலக சுகாதார நிறுவன பிரதிநிதிகள் பங்கேற்கும் கூட்டம் காட்மாண்டுவில் வரும் 7ஆம் தேதி தொடங்குகிறது.
செப்டம்பர் 10ஆம் தேதி வரை நடைபெறவுள்ள இக்கூட்டத்தில் பன்றிக்காய்ச்சல் தொற்று நோய் பாதிப்பு, அதனைத் தடுக்க எடுக்கப்பட்டுள்ள முன்னெச்சரிக்கை நடவடிக்கைகள் உள்ளிட்ட சுகாதார பிரச்சினைகள் குறித்து விவாதிக்கப்பட உள்ளது.
தட்ப வெப்பநிலை மாற்றத்தால் மனிதனுக்கு ஏற்படும் சுகாதார பிரச்சினைகள் குறித்தும் இந்தக் கூட்டத்தில் விவாதிக்கப்படும் என்று தெரிகிறது. தென் கிழக்கு ஆசிய உலக சுகாதார நிறுவனத்தின் மண்டலக் குழுக் கூட்டமும் அப்போது நடைபெறும் என்று அறிவிக்கப்பட்டுள்ளது.
