வரலாற்றுப் பெருமைமிக்க கதிர்காமம் எம்பெக்க தேவாலயம் மற்றும் தேவத பண்டார தேவாலயம் ஆகியவற்றின் முதலாவது ரன்தோலிப் பெரஹர இன்று ஆரம்பமாகவுள்ளதாக இரு தேவாலயங்களினதும் பஸ்நாயக்க நிலமே தெரிவித்துள்ளார்.
எதிர்வரும் செப்டம்பர் மாதம் 5ஆம் திகதி வரை தினமும் நடைபெறவுள்ள இப்பெரஹர நிகழ்வுகளில் புராதன கண்டி ஓவியங்கள் மற்றும் நடனம் ஆகியவற்றுடன் காவடி ஆட்டம் மற்றும் யானைகளின் வீதி அணிவகுப்பு என்பனவும் இடம்பெறவுள்ளன. இப்பெரஹரவின் இறுதி வைபவம் செப்டம்பர் மாதம் 6ஆம் திகதி நடைபெறும் நிகழ்வுகளுடன் முடிவடையவுள்ளது என அவர் மேலும் குறிப்பிட்டார்.
கதிர்காமம் எம்பெக்க தேவாலயத்தில் மூன்றாம் விக்ரமபாகு மன்னனின் காலத்தில் கட்டப்பட்ட மரத்தினாலான கட்டிடக் கலை அம்சங்கள் காணப்படுவதால் இந்த தேவாலயம் உலகப் பிரசித்தி பெற்றதாகக் கருதப்படுகின்றமை குறிப்பிடத்தக்கது.
