இலங்கை- இந்திய ஆங்கில மொழிப் பயிற்சி மத்திய நிலையமொன்றை நிறுவுவதற்கான உடன்படிக்கை கைச்சாத்து இன்று ஜனாதிபதி செயலகத்தில் நடைபெறவுள்ளது.
மேற்படி உடன்படிக்கைச்சத்து நிகழ்வில் இலங்கை அரசாங்கத்தின் சார்பில் கல்வியமைச்சர் சுசில் பிரேமஜயந்த், ஜனாதிபதியின் செயலாளர் லலித் வீரதுங்கவும் கலந்துகொள்ளவுள்ளனர்.
இந்திய அரசாங்கத்தின் சார்பில் இந்திய உயர்ஸ்தானிகர் ஆலோக் பிரசாத் மற்றும் இந்திய மொழி ஆய்வு பல்கலைக்கழகத்தின் உபவேந்தர் தலைமையில் துறை சார்ந்த முக்கியஸ்தர்கள் பலரும் கலந்து கொள்ளவுள்ளதாக ஜனாதிபதி செயலகம் தெரிவித்தது.
அரசாங்கம் இந்த ஆண்டை ஆங்கில மொழிப் பயிற்சி ஆண்டாக பிரகடனப்படுத்தியுள்ளதைத் தொடர்ந்து அதன் ஒரு அம்சமாகவே மேற்படி ஆங்கில மொழி பயிற்சி மத் திய நிலையம் நிறுவப்படவுள்ளது. உடன்படிக்கை கைச்சாத்தின் பின்னர் அது தொடர்பில் ஊடகவியலாளர்களுக்கு விளக்கமளிக்கப்படவுள்ளது.
