குற்றப் புலனாய்வத் துறையினரால் அவசர கால சட்ட விதிகளின் கீழ் கைதாகி 6 வது மாடியில் தடுத்து வைக்கப்பட்டுள்ள வன்னி மாவட்ட நாடாளுமன்ற உறுப்பினர் சதாசிவம் கனகரத்தினத்தை, பாராளுமன்ற உறுப்பினர் என்.கே.ஸ்ரீகாந்தா நேற்று சென்று பார்வையிட்டு உரையாடினார்
தமது கட்சியைச் சேர்ந்த நாடாளுமன்ற உறுப்பினர் சதாசிவம் கனகரத்தினத்தை சந்தித்து சுமார் 25 நிமிடங்கள் இயல்பாகவும் சுதந்திரமாகவும் பேச முடிந்ததாக இச் சந்திப்பு தொடர்பாக நாடாளுமன்ற உறுப்பினர் என்.ஸ்ரீகாந்தா கூறுகின்றார்.
சந்திப்பையடுத்து, தடுத்து வைக்கப்பட்டுள்ள நாடாளுமன்ற உறுப்பினர் கனகரத்தினம் தனது விடுதலையை எதிர்பார்த்திருப்பதாக என்.ஸ்ரீகாந்தா, குறிப்பிட்டுள்ளார். எனினும் நாளை திங்கட்கிழமை நடைபெறவுள்ள தமிழ் தேசியக் கூட்டமைப்பிற்கும் ஜனாதிபதிக்குமிடையிலான சந்திப்பின் போது இவரது விவகாரம் தொடர்பான விடயததையும் பேசுவதற்கு தமது கட்சி உத்தேசித்துள்ளதாகவும் அவர் மேலும் குறிப்பிட்டார்.
