நீதிமன்றங்கள் மூலம் பகிரங்கப் பிடியாணை பிறப்பிக்கப்பட்டுள்ள 2500 பேர் கண்டி பொலிஸ் பிரிவுக்குள் இருப்பதாகக் கண்டி பொலிஸ் நிலைய சிரேஷ்ட பொலிஸ் அதிகாரி ரஞ்சித் கஸ்தூரிரத்ன தெரிவித்தார்.
இதேவேளை காலம் குறிக்கப்பட்டபிடி ஆணை தொடர்பில் 800 பேரும் குறித்த பொலிஸ் அத்தியட்சகர் பிரிவுக்குள் இருப்பதாகவும் அண்மையில் கண்டி பொலிஸ் நிலையத்தினால் மேற் கொண்ட விசேட ஆய்வொன்றின் மூலம் தெரியவந்துள்ளதாக அவர் குறிப்பிட்டார்.
இதனை முன்னிட்டு இவர்களைக் கைது செய்யும் முகமாக தற்போது விசேட நடவடிக்கைகளில் கண்டி பொலிஸார் இறங்கியுள்ளதாகவும் அவர் கூறினார். கண்டி, கட்டுகஸ்தோட்ட, பேராதனை பிரதேசங்களிலே கணிசமான தொகையினர் ஒளித்திருப்பதாகவும் குறிப்பிட்டார்.
