அம்பாந்தோட்டை நிர்வாகக் கட்டடம், எண்ணெய்க் களஞ்சியத்துக்கு நேற்று அடிக்கல்!

அம்பாந்தோட்டை சர்வதேச துறைமுகத்தில் நிர்மாணிக்கப்படவுள்ள 15 மாடிகளுடன் கூடிய நிர்வாகக் கட்டடம் மற்றும் எண்ணெய் களஞ்சியசாலை என்பவற்றுக்கான அடிக்கல் நாட்டு விழா ஜனாதிபதி மஹிந்த ராஜபக்ஷவின் தலைமையில் நேற்று (7) இடம்பெற்றது.

அம்பாந்தோட்டை சர்வதேச துறைமுக நிருமானப் பணிகள் கடந்த வருடம் ஜனவரி 15ஆம் திகதி ஆரம்பிக்கப்பட்டன. இத்துறைமுகத்தினுள் 15 எண்ணெய்க் குதங்கள் நிர்மாணிக்கப்படவுள்ளதோடு இதற்கு 76,581,774 அமெரிக்க டொலர்கள் செலவிடப்பட உள்ளதாக இலங்கை துறைமுக அதிகாரசபை கூறியது.

அதில் கப்பல்களுக்கு எண்ணெய் விநியோகிப்பதற்காக 8 குதங்களும் விமானங்களுக்கு எண்ணெய் விநி யோகிப்பதற்காக 3 குதங்களும் எல். பி. காஸ் விநியோகிக்க 3 குதங்களும் அடங்கு வதாக அதிகாரசபை கூறியது.