தமிழ் மக்கள் வாக்குகள் யாருக்கு?: குலன்

துரை! நல்ல கேள்விகளைக் கேட்டிருந்தீர்கள். ஆயுதப்போராட்டம் என்று முத்திரிக் கொட்டைகளாக முந்திக் கொண்ட புலிகளிடம் என்றும் சரியான தெளிவான அரசியல் இருந்ததில்லை. அரசியல் என்று ஓடித்திரிந்த தமிழ் அரசியல் வாதிகளிடம் ஆயுதப்போராட்டம் பற்றிய அறிவும் இருந்திருக்கவில்லை. இளைஞர்களைத் தூண்டி உசுப்பேற்றி விட்டார்களே அன்றி அந்த இளம் கொதிநிலை இரத்தம் எப்படிப்பாயும் என்பதை ஒரு நிமிடம் கூட அவர்கள் சிந்திக்கவில்லை. அரசியலில்லா புலிகளிடம் மக்கள் அரசியலை எதிர்பாப்பது தவறுதானே. //திடமான ஓர் அரசியல் தலைமை தமிழர்களிற்கு வழிகாட்டும் வரை தமிழரின் வாக்குகள் யாருக்குப் போட்டாலும் செல்லாக் காசுகளேயாகும்.// திடமான அரசியலுக்கு இப்படியான தேர்தல் படிக்கட்டுகள் தேவை. செல்லாக்காசு என்று சொல்லாதீர்கள். இத்தேர்தல் எமக்கு ஒரு தமிழர் மனநிலை பற்றி ஒரு செய்தியை நிச்சயம் தரும். தமிழரின் வாக்குக்கள் என்றும் செல்லும் வாக்குகளாக இருந்தன. 76ல் எதிர்கட்சிநிலை எய்தியும் எம்வாக்குக்களை செல்லப்பண்ணப்பட்டதா?

குலன் நீங்களும் குழம்பி அடுத்தவர்களையும் குழப்ப முயன்றுள்ளீர்கள். எனி உங்கள் கருத்துகள் சம்மந்தமாக எனது கருத்துகளையும் நான் தருகின்றேன்.

1)கூத்தமைப்பினர் இரு முக்கிய வேட்பாளர்களான மகிந்த மற்றும் சரத் ஆகியோரை அவர்கள் தமிழர்களை கொன்ற கொலைகாரர்கள் என்பதால், ஆதரிப்பது தவறென்று கூறினீர்கள். ஆனால் கூத்தமைப்பினர் இந்த இரு முக்கிய வேட்பாளர்களுடனும் பேச்சுவார்த்தையிலீடுபடுவது தவறில்லை என்கின்றீர்கள். அப்போ அவர்கள் பேச்சுவார்த்தை எதற்காக நடாத்துகின்றார்கள்?? மாதம் மும்மாரி பொழிகின்றதா என அறிவதற்காகவா??

2) நாளை இந்த இரு வேட்பாளர்களில் ஒருவர் வெற்றி பெற்று வந்த பின், அப்படி வருபவருடன் தானே தமிழர்கள் பேச்சுவார்த்தை நடாத்த வேண்டும். அப்போது மட்டும் இவர்களை மன்னிப்பதாக கருத முடியுமா??

3) தமிழர்களின் வாக்குகள் முக்கிய இரு வேட்பாளர்களுக்கும் போவதை தடுப்பதற்காகத் தான் சிவாஜிலிங்கம் தேர்தல் களத்தில் குதிக்கின்றார் என்றால், அவர் விக்கிரமபாகு கருணாரட்ணாவிற்கு தமிழர்களின் வாக்குகளைப் போடுங்கள் எனக் கேட்டிருக்கலாம். அல்லது தேர்தலில் குதித்துள்ள இரு தமிழ் முஸ்லிம் வேட்பாளர்களில் ஒருவருக்காக ஆதரித்து தமிழர்களின் வாக்குகளை கேட்டிருக்கலாம். தேர்தலில் வேட்பாளர்களாக வந்துள்ள இந்த இரு முஸ்லிம் வேட்பாளர்களும், சிவாஜிலிங்கத்திற்கோ அல்லது கட்டுரையாளருக்கோ தமிழராகத் தெரியவில்லையா??

4) புலிகளால் ஆட்டுமந்தைக் கூட்டமாகவே மாற்றியமைக்கப்பட்ட கூத்தமைப்பினர், தன்னிச்சையாக முடிவெடுப்பதையோ புலிகளைக் கேள்வி கேட்பதையோ புலிகள் விரும்பியதில்லை. இந்த பலவருட பழக்கத்திலிருந்து கூத்தமைப்பினர் மீண்டு வருவதற்கு சிலகாலம் எடுக்கும். இந்த நிலையை தனக்கு சாதகமாகப் பயன்படுத்தி சிவாஜிலிங்கம் இந்த இரு முக்கிய வேட்பாளர்களில் ஒருவருக்கு விலைபோய் ஏன் அவர்களின் செயற்திட்டத்ததின்படி தனது நடவடிக்கையை மேற்கொண்டிருக்க முடியாது??

5)சில வாரங்களுக்கு முன் கொழும்பு ஊடகமொன்றிற்கு பேட்டியளித்த சிவாஜிலிங்கம் தான் தேர்தலில் நிற்பதன் மூலம் முக்கிய இரு வேட்பாளர்களுக்கும் 50 சதவிகித வாக்குகள் கிடைக்காமல் போகுமென்றும், அப்போது மறு வாக்கு பதிவு நடாத்த வேண்டி வந்தால், இவர்களுடன் பேரம் பேசலாமென்றும் கூறியிருந்தார். இரு முக்கிய வேட்பாளர்களும் தமிழர்களைக் கொன்ற கொலைகாரர்கள் அதனால் தமிழர்கள் அவர்களை ஆதரிக்ககக் கூடாதென்று கதையளந்த சிவாஜிலிங்கம், பின்பு எதற்காக இவர்களுடன் பேரம் பேசலாமென்கின்றார்?? அப்போது மட்டும் இந்த இருவரும் புனிதர்கள் ஆகி விடுவார்களா??

6) சமீபத்தில் பிரித்தானிய வானொலியொன்றில் சிவாஜிலிங்கத்திடம் 2005 இல் நடைபெற்ற ஜனாதிபதித் தேர்தலை புலிகளும் கூட்டமைப்பும் பகிஸ்கரித்ததால் வந்த விளைவு தானே இன்றைய நிலை என்று ஒரு நேயர் கேட்டார். அதற்கு சிவாஜிலிங்கம் இல்லை அன்று ரணில் வந்திருந்தாலும் இது தான் நடந்திருக்கும் என்றும், காரணம் இந்த யுத்தத்தை சரியாகத் திட்டமிட்டு அந்த திட்டத்தின் மூலமாக இதை செய்து முடித்தது வெளிநாடுகளே என்றும் அது தனக்கு ஏற்கனவே தெரியுமென்றும் பிதற்றினார். அப்படியாயின் இந்த யுத்தத்தில் எப்படி மகிந்தவையும் சரத்தையும் மட்டும் அவரால் கொலைகாரர்கள் என்று சொல்ல முடியும்?? அத்துடன் இந்த திட்டங்கள் ஏற்கனவே தெரியுமென்று கதையளப்பவர் பிரித்தானியாவிலும் இந்தியாவிலும் புலிகள் வெற்றிவாகை சூடுவார்கள் என்று வெறுமனே மக்களை உசுப்பேற்றி, வன்னி மக்களையும் புலிகளையும் புதைகுளிக்குள் அனுப்பும் வேலையை ஏன் செய்தார்.

7) ஏற்கனவே குமார் பொன்னம்பலம் தேர்தலில் நின்று அவர் பெற்ற வாக்குகள் தமிழர்கள் சார்பாக உலகிற்கு என்ன செய்தியைச் சொன்னது??

8.)சிவாஜிலிங்கம் தேர்தலில் நிற்பதால் தமிழ் மக்களின் பெருண்பான்மை வாக்குகள் அவருக்குத் தான் செல்லும் என்று எதை வைத்துக் கூறுகின்றீர்கள்??

9) இந்தத் தேர்தலில் மக்களே சுயமாக முடிவெடுத்து வாக்களிக்கட்டும், என்று ஏன் விடக் கூடாது?? தொடர்ந்தும் மக்களை ஆட்டுமந்தைக் கூட்டமாகவே வைத்திருக்க வேண்டுமென்றா நினைக்கின்றீர்கள்??

சரியான கால நேர சந்தர்ப சூழ்நிலைக்கு ஏற்ப கட்டுரை. நிச்சயம் எத்தனையோ மக்கள் இப்போ குழப்பத்தில் இருக்கிண்றனர் அவர்களுக்கு இதன்மூலம் பலன் கிடைக்கும் குலன் நன்றி. தொடந்து எழுதுங்கள் பாராட்டுக்கள். மாற்றங்கள் தமிழருக்கு நிச்சயம் தேவை. எனது கருத்து சிவாஜி சரியான நிலைப்பாட்டை எடுத்துள்ளார்.

பார்த்திபன் மீண்டும்:
கேள்வி5: //வேட்பாளர்களுக்கும் 50 சதவிகித வாக்குகள் கிடைக்காமல் போகுமென்றும்இ அப்போது மறு வாக்கு பதிவு நடாத்த வேண்டி வந்தால், இவர்களுடன் பேரம் பேசலாமென்றும் கூறியிருந்தார்.// இதற்கான சந்தர்ப்பம் மிகக்குறைவு பேரம்பேசுவதற்கான சந்தர்பமே இல்லை. 50விகிதம் கிடைக்காமல் உடைப்பது சாத்தியமானாலும் பேரம் பொருந்தாத ஒன்றே. காரணம் இரண்டாவது சுற்று பேரத்துக்கு உரியதல்ல. இரண்டாவது தெரிவாக (ஆலடநட்டிவ்) எவருக்கு அதிக வாக்குகள் வருகிறதே அதை ஏற்கனவே கிடைத்த வாக்குகளுடன் ஒப்பிடும் போது 50க்கு மேல் வரவேண்டும். இங்கே சிவாஜிக்கு வேலையில்லை. ஆனால் முக்கியமாக சிறுபான்மையினரின் இரண்டாவது தெரிவே ஜனாதிபதியைத் தெரியும் காரணியாக அமைவதற்கு சாத்தியங்கள் உண்டு.

கேள்வி6: இதற்கு சிவாஜிதான் பதில் செல்லவேண்டும். 2005 போன்று இது அமையாது. அது பூவா தலையா இது மூன்று தலைச் சிங்கம். புரிந்திருப்பீர்கள் என்று எண்ணுகிறேன்.

கேள்வி 7: தமிழ்மக்களின் இயலாமையைச் சொன்னது. மேலும் அதை நான் ஆய்வுக்கு உட்படுத்தவில்லை.

கேள்வி 8:தமிழ்மக்களின் பெரும்பான்மை வாக்குக்கள் சிவாஜிக்குத்தான் என்று நான் எங்கும் சொன்னதில்லை. தமிழ்மக்கள் சிவாஜிக்குத்தான் போடுவார்கள்; போடவேணும் என்பது எனது நோக்கமல்ல. தேர்தலில் சிவாஜிக்கு விழும் தமிழ்மக்களின் வாக்குக்கள் எமக்கு ஒரு சரியான பதில் சொல்லும் அங்குள்ள தமிழர்கள் நிலை என்ன நிலைப்பாடு என்ன என்பதை. எம்மக்களுக்கிருந்த 2 தெரிவு பூவா? தலையா? என்ற நிலையை மாற்றி சிவாஜி 3 ஆக்கியிருக்கிறார். இங்கே புலியின் நிழலும் சிவாஜி ஊடாக வெளிவரும்.

கேள்வி9: பார்த்தீபன் மக்களை குறைத்து மதிப்பிடுவது தவறு. 72க்கு முன்னிருந்த சமூகமல்ல இன்று இருப்பது. இவர்கள் அடித்து நொருக்கப்பட்டு தம்மைக் காப்பதற்காக மீட்பரை எதிர்பார்த்திருப்பவர்கள். இவர்களை இலகுவாக மாற்றலாம். சுயமாகச் சிந்திக்கும் மனோநிலை வன்னிமக்களுக்கு இல்லை. வடக்குக் கிழக்கில் பலாற்காரமும் பதில் சொல்லப்போகிறது. அமைதி: கல்வியறிவு போன்றவை கிடைத்த மக்களால் மட்டுமே சுயமாகச் சிந்திக்க முடியும். நடுத்தர மக்கள் கூட அடிநிலைக்கத் தள்ளப்பட்ட நிலையில் சுயசிந்தனையை எப்படி எதிர்பார்க்க முடியும்? எம்மக்கள் சுயமாகச் சிந்தித்திருந்தால் புலி தொடர்ச்சியாக மற்ற இயக்கங்களைப் பிடித்துத் தின்னும் போதே சிந்தித்திருப்பார்கள். பார்த்திபன் காலம் எடுக்கும்.

உங்கள் கேள்விகள் ஒவ்வொன்றாய் பதில் எழுதியதற்குக் காரணம் அரசியல் அறிவும் ஆர்வமும் மேலிட்ட ஒருவர் தாங்கள் என்பதால். அதனால் நான் ஏதோ அரசியல் சாணக்கியன் அல்ல. உங்கள் போன்றோரிடம் இருந்துதான் நானும் படிக்க விரும்புகிறேன். நிச்சயமாக என் பதில்கள் சரியாக இருக்க வேண்டிய அவசியம் இல்லை. சிவாஜி திறந்த அந்த 3ஆவது களம் எம்மக்கள் நிலையை சொல்லப்போகிறது. சுருக்கமாகச் சொன்னால் புலிகள் சுமந்துவந்த தமிழ்தேசியம் இன்று என்ன நிலையில் உள்ளது என்பதையாவது அறியலாமல்லவா? இல்லை என்று சொல்லப் போகிறீர்களா?

பல்லி உங்கள் கருத்துக்கு எதிர்கருத்து எனக்கில்லை. நான் இன்று பார்ப்பது சிவாஜியையோ? மகிந்த சரத்தையோ அல்ல. அங்குள்ள எம்மக்களின் கருத்தை மட்டுமே. சிவாஜி திறந்த இந்த 3ம் களம் எப்படி எம்மக்களால் பார்க்கப்படப் போகிறது என்பது தான் என் ஆர்வம். தேர்தல் களம் எப்படி இருந்தாலும் இந்த 3ம் களம் எமக்கு ஒரு முக்கியமான செய்தியைச் சொல்லும். அதாவது புலிவாடை தொடர்ந்திருக்கிறதா? இல்லையா? என்பதைத் திட்டவட்டமாகச் சொல்லும். இதற்கான களத்தைத் திறந்த பலிக்கடாவானவர் சிவாஜி. நான் இவரின் அரசியலை நோக்கவில்லை. அரசியல் களத்தையும் எம்மக்களின் நிலையையுமே பார்க்கிறேன். மக்களின் நிலையைச் சரியாக அறிவது இன்றைய தேவை. இந்த 3ம் களத்துக்கான தேவை இருந்தது அதை கூத்தமைப்பு செய்யும் என்று எதிர்பார்க்கப்பட்டது. சிவாஜி நிற்பது அதைவிடச் சிறந்தது. காரணம் சுயேட்சை தேசியம் காவி நிற்கிறது. இதைவிட சிறந்த பலியாடு யார்?

‘சிங்களக் கட்சிகளுக்கு எம்மக்கள் பழக்கப்படாது வைத்திருப்பதற்கும் ஒரு வழிசமைக்கப்பட்டிருக்கிறது.’/ குலனினின் பேனாவிலும் மெல்லியதாய் இனவெறி கசிகிறது. கீரோவாக ஆசைப்பட்டு களத்தில் நிற்கும் சிவாஜிலிங்கம் எப்படி பலிக்கடா ஆகிறார் என்பது புரியவில்லை. சிவாஜலிங்கமும் கூட்டமைப்பும் தஙகள் கடந்தகால செயற்பாடுகளினுடாக அம்பலமாகிநிற்கையில் சிவாஜிலிங்கத்திறகு பன்னீர் தெளித்து நடுவீட்டுக்குள் கொண்டுவந்து வைக்கும் தேவை ஏன் குலனிற்கு ஏற்பட்டது? தமிழ்மக்கள் இந்த்தேர்தலில் விக்கிரமாபாகு அவர்களுக்கே வாக்களிக்க வேண்டும். அதனூடாக தமிழ்மக்கள் சிவாஜிலிங்கம் சொல்லாத மிகப்பெரிய செய்திகளை உலகுக்கும் குறிப்பாக சிங்கள சகோதரர்களுக்கும் சொல்லலாம்.

//பேச்சுவார்த்தை என்பது எதிரியுடனும் செய்யப்படும். இதைப்புலிகளும் செய்தார்கள். பேச்சுவார்த்தை என்பது ஒத்துப்போவது என்றோ: ஆதரிப்பது என்றோ அர்த்தமாகாது பார்த்தீபன்.- Kulan on December 27, 2009 12:54 am //

புலிகள் பேச்சு வார்த்தைகளுக்காக எப்போதும் போனதே இல்லை. அதை இல்லாமல் செய்வதற்காகவே போனார்கள். இதை நீங்களும் ஏற்று எழுதியுள்ளீர்கள். இது தொடர வேண்டுமா? ஒரு முடிவே வராதா? முள்ளிவாய்க் கால்வாய்க்கு பதிலாக , இன்னொரு கால்வாயை திறக்க தங்களது உத்தேசமா?

//முஸ்லீம் வேட்பாளர்களை எடுத்துக் கொண்டால் முஸ்லீம்கள் தம்மை தமிழர்கள் என்று மொழிசார்ந்து அடையாளப்படுத்துவதை விட மதம் சார்ந்தே தம்மை அடையாளப்படுத்துகிறார்கள். இதை யாரும் மறுக்க இயலாது. இங்கும் துவேசமே புரையோடிக் கிடக்கிறது. – Kulan on December 27, 2009 12:54 am //

தமிழரும் , தம்மை இலங்கையர் என தம்மை அடையாளப்படுத்துவதை விட , தம்மை தமிழர் என்றே அடையாளப்படுத்துகிறார்கள். இதை எப்போது திருத்திக் கொள்வீர்கள்?

என்பின்நோட்ட அன்பர்களுக்கு நான் கொடுக்கும் ஒருசெய்தி: இக்கட்டுரை ஒரு கருத்தக் களத்தைத் திறக்கவேண்டும் என்பதே என் ஆர்வம். பலதும் பத்தும் வரும் போதுதான் மறுபக்கங்களை நாம் பார்க்கக் கூடியதாக இருக்கிறது. நான் பார்க்காத பக்கங்களை பலர் பார்த்திருப்பார்கள். அவை சமூகத்துக்கு வந்து சேர்வது முக்கியமல்லவா? ஆரோக்கியமான கருத்துப் பரிமாற்றம் என்றும் ஒரு நல்ல சமூகத்தைத் தோற்றுவிக்கும். இதனால்தான் கட்டுரையில் இறுதியில் எழுதியிருந்தேன். என்கருத்தை எழுதிவிட்டேன் உங்கள் கருத்தை எதிர்பார்த்து நிற்கிறேன். உங்களையும் என்னையும் உட்கொண்டது தானே ஒரு சமூகம்.

குலன்
உங்கள் பொறுப்பான பதில்களுக்கு முதலில் நன்றிகள். ஆனாலும் உங்களின் சில பதில்கள் கழுவிற நீரிலே நழுவுற மீன் போலவே உள்ளன. மகிந்தவும் சரத்தும் கொலைகாரர்கள் என்பதால் அவர்களை கூத்தமைப்பு ஆதரிக்கக் கூடாதென்ற நீங்களே அவர்களுடன் பேச்சுவார்த்தை கூத்தமைப்பு நடாத்துவது தப்பில்லை என்றும் அது எதிரியுடன் நடாத்துவது என்று சமாளிக்கின்றீர்ககள். அப்படியானால் அந்தப் பேச்சுவார்த்தையை கூத்தமைப்பு யாரை ஏமாற்ற நடாத்துகின்றது. பேச்சுவார்த்தையை எதிரியுடன் மாத்திரமல்ல நண்பர்களுடனும் ஒரு தீர்வுக்காகவே நடாத்துகின்றோம். அந்தப் பேச்சுவார்த்தையில் ஒரு தீர்வை எட்டும் போது அந்தத் தீர்வை ஏற்றுக் கொள்பவரை நாம் ஆதரித்தே ஆக வேண்டும். அல்லது அந்தப் பேச்சுவார்த்தையிலீடுபட்டதற்கு எந்தவித பிரயோசமுமில்லை. ஆனால் முன்பு புலிகள் பேச்சுவார்த்தை என்ற போர்வையில் நாடகமாடி காலத்தை இழுத்தடிப்பதையே செய்து மக்களை ஏமாற்றி வந்தார்கள். அதையே கூத்தமைப்பினரும் செய்து மக்களை ஏமாற்றலாம் என நீங்கள் சொல்வது முரண்பாடானதாக உங்களுக்குத் தெரியவில்லையா??

அடுத்ததாக சிவாஜிலிங்கம் முக்கிய இரு வேட்பாளரு்களுக்கும் 50 சதவிகித வாக்குகள் கிடைக்காதபோது, இரண்டாம் கட்ட வாக்களிப்பு நடாத்த வேண்டிய சந்தர்ப்பம் வந்தால், அவர்களுடன் பேரம் பேசலாமெனக் குறிப்பபிட்டதை நான் சுட்டிக்காட்டினேன். ஆனால் அப்படியொரு நிலைமை வராதென்பது எனக்கும் தெரியும். முதற்கட்டத்தில் 50 சதவிகித வாக்குகள் எவருக்கும் கிடைக்காத பட்சத்தில், விருப்ப வாக்குகளின் எண்ணிக்கையையே முதலில் பார்ப்பார்கள். அனேகமாக அந்த எண்ணிக்கையே முடிவெடுக்க போதுமானதாக அமைந்து விடும். ஆனால் முதலில் கொலைகாரர்களை ஆதரிக்க முடியாதென்று கதையளந்த சிவாஜிலிங்கமே, பின்பு இவர்களுடன் பேரம் பேசலாமென மக்களை முட்டாளாக்கவே முயல்கின்றாரென்பது தங்களுக்குப் புரியவில்லை??

பல்லியின் பின்நோட்டத்தை எங்குகண்டாலும் விரும்பி வாசிப்பவன் யான். //தமிழருக்கு சாதகமாக இல்லை என்பதை தங்களுக்கு பல்லி சொல்ல தேவையில்லை காரனம் நீங்களே அதை ஆய்வு செய்தவர் அதில் வோட்டு போட்டவர்களை விட // இது உண்மை. ஆனால் புலத்துப் புண்ணாக்குகளின் கருத்து எமக்கு முக்கியமில்லையே. எம்மக்களின் கருத்து இந்தப் புலம்பெயர் புலிகளின் கருத்தாக இருக்க வேண்டிய அவசியம் இல்லை. இதில் சிவாஜி அல்ல எந்த ஒரு தமிழன் நின்றாலும் இக்கட்டுரை இப்படித்தான் அமைந்திருக்கும். இதில் சிவாஜி கொண்டுவந்து நிற்பது புலி கொணர்ந்த தமிழ்தேசியம். இவர் ரெலோவின் பெயரைக் காவித்திரியும் ஒரு புலியே. இவருக்கு விழப்போகும் வாக்குகள் வடக்கு கிழக்கின் பொருளாதார வளர்சியையோ: அரசியல் தீர்வையோ வெற்றி பெறும் ஜனாதிபதியுடனான பேரம்பேசலுக்கான வாய்ப்புகளையோ காட்டாது. புலி வளர்த்துவிட்டுச்சென்ற தமிழ்தேசிய விழுமியங்களை மட்டும் தான் காட்டப்போகிறது. புலிமாயையின் படிமமே சிவாஜி ஊடாகத் தெரியவரப் போகிறது. ஒத்துக் கொள்கிறீர்களா பல்லி?

பல்லி உங்கள் 10ப்புள்ளிகளுடனும் எனக்கு உடன்பாடு உண்டு. ஒருசில புள்ளிகளுக்கான பிரத்தியேக கருத்தை இங்கே எழுதுகிறேன். புள்ளி 5;8)இவர் வன்னிப்போர் காலத்தில் நான்வதியும் நாட்டுக்கும் வந்தார் மேடை மேடையாகப் பணம் கேட்டார். என்னிடம் தனிப்பட்ட முறையில் தாருங்கள் கொண்டு போய் கொடுக்கிறேன் என்று. நான் கேட்டேன் நான் புலிக்குப் பணம் கொடுத்ததில்லை என்றாவது கொடுக்கிறேன் என்று சொன்னேனா? என்று கேட்டதும் வாயடைத்து விட்டார். நாம் எம்மக்கள் மேல்காட்டும் அன்பையும் ஆர்வத்தையும் பணமாகவே மாற்ற முயற்சிக்கிறார்கள் இவர்கள். மேலும் புதுத்தமிழர்களால்தான் ஏதாவது அரசியல் மாற்றம் நடைபெறம் என்ற மாயையும் பணமும்தான் சிவாஜியை லண்டனுக்குக் கொண்டுவந்தது. களம் அங்கிருக்க இவருக்கு இங்கு என்ன வேலை? புள்ளி6) பேரம்பேசலுக்கான சாத்தியம் இங்கில்லை. புள்ளி 9) இதுதான் மக்களை அறிய எமக்குக் கிடைத்த துரும்பு. ஆனால் வேறு ஒருதமிழர் தமிழ்தேசியத்துடன் சுயேட்சையாக நிற்பதோ சாலச்சிறந்தது. இது உங்கள் கருத்தும் கூட. மேலும் பல்லி தேர்தல் நெருங்க நெருங்க களநிலை மாறிக்கொண்டே இருக்கும்.

புலிகள் வோட்டு இவருக்கு எதிரானது என்றால் அது எங்கே போகும் என்ன கேள்வியும் எழுகின்றது அல்லா? இங்கே புலித்துவம் வெளியாகப் போகிறது. பல்லி! நான் கட்டுரையின் இறுதியில் எழுதியுள்ளேன் களநிலையை எம்மால் தற்சமயம் சரியாக ஊகிக்க இயலாது. களநிலை தேர்தல் நெருங்க நெருங்க மாறிக்கொண்டே போகும்.

பிசி! நல்ல பதில். இருப்பினும் விக்கிரமபாகுபோல் உண்மையான இடதுசாரியாகச் சிவாஜியைப்பார்க்க இயலாது. விக்கிரமபாகு சரியாகப் புரிந்து கொள்ளவில்லை. சிவாஜி தமிழ்தேசியத்தை சிவாஜி தூக்கும் போது இடதுசாரித்துவம் தொலைந்து விட்டது. ஆனால் விக்கிரமபாகுவின் தமிழர் பற்றியபார்வை அவர் கொள்கைப்படி சரியானதே. தமிழ் தேசியத்தை காவும் தமிழர்கள் விக்கிரமபாகுவிற்குப் போடமாட்டார்கள். இங்கே பிரிக்கப்படும் வாக்குகள் சுட்டுவது சரியான தேசியத் தகவலை.

பார்த்திபன்! பின்நோட்டத்துக்குப் பின்னோட்டம் விடாமல் கட்டுரையை வாசித்து எழுதுவது சிறப்புக்குரியதே.
//மகிந்தவும் சரத்தும் கொலைகாரர்கள் என்பதால் அவர்களை கூத்தமைப்பு ஆதரிக்கக் கூடாதென்ற நீங்களே அவர்களுடன் பேச்சுவார்த்தை கூத்தமைப்பு நடாத்துவது தப்பில்லை என்றும் அது எதிரியுடன் நடாத்துவது என்று சமாளிக்கின்றீர்ககள்.// மகிந்த சரத் தமிழ்கொலைஞர்கள் சந்தேகமே இல்லை. ஒத்த கருத்துடையவர்களுடன் நடாத்தும் பேச்சுவார்த்தை முதுகுதடவலே தவிர வேறில்லை. எதிரியுடனும் பேச்சுவார்த்தை நடத்தப்பட வேண்டும். பேச்சு வார்த்தைகளை பலவகைப்படும். சமாதானத்துக்குரிய பேச்சுவார்த்தை என்றால் இருசாராரும் எதேனும் ஒன்றை விட்டுக் கொடுக்காமல் பேச்சுவார்த்தைகள் வெற்றியளிக்காது. இந்த மனோநிலையின்றிதான் எமது நாட்டில் பேச்சுவார்த்தைகள் இருந்தன. மேலும் பேச்சுவார்த்தைகளில் ஒப்புக்கொண்ட முடிவுகள் நடைமுறைப்படுத்த வேண்டும். இதை இருசாராரும் செய்யவில்லை.சரி உங்களிடமே வருகிறேன் மகிந்த சரத் புலிகளை மட்டுமல்ல மட்டற்ற மக்களையும் அழித்தவர்கள். இவர்களுக்குத்தான் தமிழ்மக்கள் வாக்கிக்க வேண்டும் என்கிறீர்களா? இந்த இருவரையும் விரும்பாதவர்களுக்கான ஒல்டனட்டிவ் என்ன? நான் நழுவவில்லைப் பார்த்திபன்.

//சிவாஜிலிங்கமே பின்பு இவர்களுடன் பேரம் பேசலாமென மக்களை முட்டாளாக்கவே முயல்கின்றாரென்பது தங்களுக்குப் புரியவில்லை??// தெரியும். எல்லா அரசியல்வாதிகளும் ஆண்டாண்டு காலமாக இதைத்தானே செய்கிறார்கள். இதில் சிவாஜி என்ன விதிவிலக்கு. ஈழத்துக்காந்தி செல்வாவும் இதைத்தான் செய்தார். சிவாஜியின் அரசியல் கொள்கை சரியென்று நான் சொல்லவில்லையே. அவர் திறந்த களம் சரியானது. எமக்கு சுட்டிக் காட்டப்போகும் மக்கள் மனமே முக்கியமானது. சிவாஜிக்குப் பதிலாக வேறு ஒருவர் தமிழ்தேசியத்துடன் நின்றால் இன்னும் சிறப்பாக இருந்திருக்கும்.

குலன்
அடுத்த பிரபாகரனின் அரசியல் நகர்வாகதான் இவரையும் பார்க்கிறேன் அனைத்து இயக்கங்களின் ஒற்றுமையை உடைத்து வெளியேறி அனைத்து இயக்கங்களின் அழிவுக்கு வழிவகுத்தவர்தான் பிரபாகரன். கூட்டமைப்பை ஒரு சிறு தமிழ்மக்களின் அரசியல் ஒற்றுமைக்குரிய தாபனமாகவுள்ளது அதையும் சிதற வழிவகுக்கும் மனிதராக இவரை நான் பார்க்கிறேன் இவரையும் இந்தியா தனது நலன் சார்ந்து 100 வீதம் இயக்குகிறது.

//மகிந்த சரத் புலிகளை மட்டுமல்ல மட்டற்ற மக்களையும் அழித்தவர்கள். இவர்களுக்குத்தான் தமிழ்மக்கள் வாக்கிக்க வேண்டும் என்கிறீர்களா? இந்த இருவரையும் விரும்பாதவர்களுக்கான ஒல்டனட்டிவ் என்ன? – குலன் //

குலன்,
பின்னூட்டத்திற்கு பின்னூட்டம் எழுதுவதே, தங்களிடமிருந்து தெளிவான பதில்களை பெறும் நோக்கிலேயே. சரி இனி உங்கள் கேள்விக்கு வருகின்றேன்.

நடந்து முடிந்த இந்த யுத்த்தில் பல்லாயிரம் மக்களும் அழிந்து போனதற்கு அரசாங்கம் மட்டுமா காரணம்?? இந்த யுத்தத்தில் புலிகளை அழித்து விடுவதென்று அரசாங்கமே முடிவெடுத்துத் தான் தொடர்ந்தது. அதற்கு பல உலக நாடுகளும் ஆதரவளித்தும் இருந்தன. இந்த நிலையில் மாவிலாறில் யுத்தம் தொடங்கும் நிலை ஏற்பட்ட போது, அதைத் தவிர்க்க புலிகள் நினைக்கவில்லை, மாறாக வீரவசனங்கள் பேசி இன்னும் அரசை உசுப்பேற்றவே செய்தனர். ஒவ்வொரு தளமாக புலிகள் இழந்து வந்தபோதும் தமது பிடிவாதத்தை புலிகள் விடவில்லை. கடைசி கிளிநொச்சி விழுந்த பின்னாவது, புலிகள் அரசிடமில்லாது வேறொரு அந்நிய நாடொன்றிடமாவது சரணடைந்திருந்தால் இவ்வளவு அழிவும் தடுக்கப்பட்டிருக்குமல்லவா?? ஆக புலிகள் மக்களைக் கேடயமாக பாவித்து தமது யுத்தத்தை தொடர்ந்ததும் இந்த அழிவுகளுக்குக் காரணம் என்பது தங்களுக்குப் புரியவில்லையா?? இல்லை அரசு செய்தது தான் தவறு என்று என்னும் நீங்கள் கருதினால் அழிவுகளைத் தவிர்த்து எவ்வாறு புலிகளுடன் (மக்களைப் புலிகள் கேடயமாக வைத்திருந்த நிலையில்) அரசு போரை நடாத்தியிருக்கலாம் என்பதை விளக்குங்கள். அதற்காக அரசு போரை நிறுத்தியிருக்க வேண்டும் என்ற சப்பைக்கட்டு பதிலை வைக்க வேண்டாம். அழிவில்லாமல் எப்படிப் போரை நடாத்தியிருக்க முடியும் என்பதை மட்டும் விளக்குங்கள்.

அடுத்ததாக இந்தத் தெர்தலில் மகிந்தவோ அல்லது சரத்தோ தான் வென்று வரப் போகின்றார்கள். இதைத் தடுக்க தமிழர்கள் எவராலும் முடியாது. உங்கள் கருத்துப்படி இவர்கள் இருவரும் கொலைகாரர்கள் என்று வைத்துக் கொண்டாலும் தற்போதைய நிலையில் எந்தக் கொலைகாரன் வந்தால் தமிழர்கள் கொஞ்சமாவது நிம்மதியாக இருக்க முடியுமென்பதே எனது எண்ணம். அந்த வகையில் அதிகம் பாதகமான ஒரு கொலைகாரன் ஆட்சிக்கு வருவதை வேண்டுமானால் தமிழர்களின் வாக்குகள் திசை திருப்ப முடியும். அந்த வகையில் மகிந்தவிற்கு தமிழர்கள் ஆதவளித்தால் சரத் வருவதை தடுக்க முடியுமென்பதே எனது கருத்து.

அப்படி மகிந்தவிற்கு ஆதவளிக்க வேண்டிய அவசியமென்ன என அடுத்த கேள்வியை நீங்கள் வைக்கலாம். ஏற்கனவே தேசம்நெற்றில் இன்னொரு பகுதியில் விளக்கமாக பல்லிக்குப் பதிலாக எழுதியிருந்தாலும், அதுபற்றி மீண்டும் தருகின்றேன்.

எதிர்க்கட்சிகளின் கூட்டணி கூட புலிகளை அளித்தவர் என்ற போர் வெற்றியைக் காட்டித் தான் பதவியைப் பிடிக்க முனைகின்றனரே தவிர, நாட்டிற்கு நல்லதொரு ஊழலற்ற ஆட்சியையும் இனங்களிற்கிடையேயான ஒற்றுமைகளைப் பேணி நல்லாட்சி வழங்க வேண்டுமென்ற நல்லெண்ணத்தில் அல்ல. இதன் மூலம் மீண்டும் இனத்துவேசம் மூலம் ஆட்சியைக் கைப்பற்றும் குறுக்கு வழியையயே இவர்களும் கையிலெடுக்கின்றார்கள்.

சரத்தைப் பொறுத்தவரை அரசியல் அறிவென்பது அவருக்கு சுத்தசூனியம். இவரை வைத்து யு.என்.பியும் ஜே.வி.பியும் தமக்குச் சாதகமாக காய் நகர்த்தும் கனவிலேயே இருக்கின்றார்கள். ஆனால் சரத்தின் இதுவரையிலான நடவடிக்கைகளைக் கவனித்தவர்களுக்கு, அவர் எவருக்கும் அடங்கிப் போகும் ரகமில்லையென்பது புரியும். தேர்தல் முடியும் வரை இவர்களுடன் அடக்கி வாசிககும் சரத், தேர்தலில் வென்று வந்தால் தனது நிஜ முகத்தைக் காட்ட துணிவார். அபபோது சரத்திற்கும் யு.என்.பி மற்றும் ஜே.வி.பிக்கும் முரன்பாடுகள் தோன்ற ஆரம்பிக்கும். அப்போது சரத் இவர்களையும் இவர்களது ஆதரவாளர்களையும் அடக்குவதற்கு இராணுவ அடக்குமுறையைத் தான் கையிலெடுப்பார். அதன் மூலம் சிங்கள மக்களின் வெறுப்பை சம்பாதிக்க வேண்டி வந்தால், அப்போது தமிழ் மக்கள் மீதான அடக்குமுறைகளை ஏவிவிட்டு சிங்கள மக்களை திசை திருப்பவும் சரத் தயங்க மாட்டார். அத்தோடு தேர்தலில் எதிர்க்கட்சிகளின் பொது வேட்பாளராக சரத்தை அறிவித்த பின்பு கூட சிறுபான்மை மக்களுக்கு எதிரான கருத்துகளையே தொடர்ந்து இவர் கூறி வருகின்றார். உதாரணமாக “வரலாற்றுரீதியாக இலங்கை முழுக்க முழுக்க சிங்களவர்களுக்கு உரியதே தமிழர்கள் எந்தவிதத உரிமைகளையும் கேட்காமல் வேண்டுமானால் சேர்ந்து வாழலாம்” போன்ற கருத்துகளையே தொடர்ந்து கூறி வருகின்றார். ஆட்சிக்கு வருவதற்கு முன்பே இப்படியான கருத்துகளை வைத்து வருபவர் ஆட்சிக்கு வந்தால் என்ன செய்வாரென புரிய முடியாமல் இருக்க முடியுமா??

ஆனால் தன்னை எவராலும் அசைக்க முடியாதென்ற மமதையிலிருந்த மகிந்தவிற்கு சரத் வடிவில்வந்த எதிர்ப்பு கொஞ்சமாவது சிந்திக்க வைத்திருக்கும். இதன் மூலம் இனியாவது தனது தவறுகளை திருத்தி சகல இனமக்களும் இணக்கப்பாட்டோடு வாழ்வதற்கான வழிகளைச் செய்ய மகிந்த முன் வருவாரென்று நம்புகின்றேன். அதனைச் செய்ய அவர் தவறின் எதிர்காலத்தில் இவரால் எப்படி சந்திரிகா அரசியலிலிருந்து ஓரம் கட்டப்பட்டாரோ அதே பாணியில் இவரும் இன்னொருவரால் ஓரம் கட்டுப்பட வேண்டிய நிலை ஏற்படலாம். அந்த ஒருவர் எதிர்காலத்ததில் இவரது சகோதரர்களில் ஒருவராக வந்தாலும் வியப்பில்லை..

குலன்!
எழுந்தமான கருத்துகள் எனக்கானதல்ல. என் வரிகளில் வலிமையைத் தேடுங்கள். எனக்கு திருக்குறளாகத்தான் எழுத முடியும். பரிமேலழகர்களை நீங்களே தேடிக் கொள்ளுங்கள்.

கமல் நன்றி. நீண்டதாக ஒரு கட்டுரையே வரைந்து விட்டீர்கள். ஒவ்வொருவருடைய கருத்துக்களும் களம் இறங்கவேண்டும் என்பதால் உங்களை சிரமத்துக்கு உள்ளாக்கி விட்டேன் போலும்.

இத்துடன் தமிழர்கள் நாம் அறிந்து கொள்ள வேண்டிய விடயம் என்னவெனில் தொடர்ந்தும் நாம் ஒற்றுமை ஒரு குடை என்று கதைத்துக் கொண்ட இருக்கிறோம். ஆனால் நாம் ஒன்றும் ஒற்றுமையானது கிடையாது. அதற்கான காரண காரணிகளை யாரும் தேடியதாக இல்லை. புரிந்தாலும் புரியவைக்க முயற்சிக்கவில்லை. புலிகளும் ஒற்றுமையைப் பற்றிக் கதைத்தார்கள். ஒற்றுமை என்பது தன்னை மாதிரித்தான் மற்றவன் இருக்க வேண்டும் சிந்திக்க வேண்டும் என்று எண்ணுகிறார்கள். இது தவறு. பிறப்பில் மனிதன் வித்தியாசமானவன். வேற்றுமைகள் முரண்பாடுகள் இருந்தபோதும் குறைந்த பட்ச உடன்பாட்டுடன் வேலைத்திட்டங்களில் இணைந்து செயற்படுதலே ஒற்றுமைக்கு வழியாகும். இனியாவது ஒற்றுமை என்ற பதத்தை சரியாக விளங்கிக் கொள்வோமாக. என்னை மாதிரியே மற்றவனும் இருக்கவேண்டும் என்பது அடிமைகளாக்க முயலும் முயற்சியே அன்றி ஒற்றுமைப்படுத்தலாகாது. மற்றவனும் என்னைமாதிரிப் பெறுமதியுடையவன் என்ற எண்ணம் இருக்கும் போதுதான் ஒற்றுமை என்பது சாத்தியமாகும்.

//என் வரிகளில் வலிமையைத் தேடுங்கள். எனக்கு திருக்குறளாகத்தான் எழுத முடியும். பரிமேலழகர்களை நீங்களே தேடிக் கொள்ளுங்கள்.//
இது ஒரு தவறான வாதம்; குலன் மட்டும்தான் உங்கள் கருத்தை கவனிக்க வேண்டுமா?? ஏன் பல்லி போன்ற படிப்பறிவற்றவர்கள் புரிந்து கொள்ள கூடாதா? சிவாஜியின் நிலையில் பல்லிக்கும் உடன்பாடு இல்லை, ஆனால் பின்னோட்டகாரர் எல்லோரையும் அவரது ரசிகர்போல் தாங்கள் பின்னோட்டம் இடுவது வேடிக்கை; குலனின் கருத்தில் பல்லிக்கும் உடன்பாடு கிடையாது, ஆனால் அவரது கருத்து தவறு என சொல்ல எனக்கு என்ன தகுதி உண்டு; நாம் இப்படி நடக்கலாம் அல்லது அப்படி இருக்கலாம் என சுட்டிகாட்ட முடியுமே தவிர அவரது கருத்தை மறுக்க முடியாது, காரனம் அது அவரது கருத்துத்தானே தவிர சட்டம் அல்ல; பல்லி கூட சரத்துக்குதான் வோட்டு என எழுதினேன், அதை பலர் கிண்டல் செய்தனர், எனக்கு அதைபற்றி கவலை இல்லை, ஆனாலும் நான் ஏன் சரத்துக்கு வோட்டு என எனது நிலைபாட்டை எழுதினேன்;

குலன்போல் மகிந்தாவின் அமோக வெற்றியை பல்லியும் விரும்பவில்லை (அது எனது உரிமை) ஏன் என்பது பல தடவை எழுதியுள்ளேன்; இதில் இன்று பல கசப்பான தகவல்கள் வரும் என தெரிந்தும் குலன் தனது கருத்தை தையிரியமாக எழுதியுள்ளார், மகிந்தா வெற்றி பெறுவார் என்பதுக்காகவோ அல்லது புலியை அழித்தார் என்பதுக்காகவோ அவரை ஆதரிக்க வேண்டும் என்னும் நிலை தவறானது என்பது எனது கருத்து; இவை இரண்டுமே தமிழரின் எதிர்காலத்தை வழம்பெற செய்ய முடியாது, ஓபாமா மீது கூட விமர்சனங்கள் படை எடுக்கும்போது மகிந்தா என்னும் குடும்ப அரசியல்வாதி மீது விமர்சனமே வரபடாது என்பது எப்படி? சிவாஜி தவறானவர் என்பதில் பல்லிக்கு எந்தவிதமான கருத்து முரன்பாடும் இல்லை; ஆனால் அவரது இந்த செயலுக்கு அனுபவம் வாய்ந்த கூட்டமைப்பை சார்ந்தவர்களும் ஒரு காரனம் என்பதையும் நாம் மறந்துவிட கூடாது,

கருனாவின் காட்டி கொடுப்புக்கு பிரபா எவ்வளவு காரனமோ அதைபோல் சிவாஜியின் இந்த செயலுக்கும் கூட்டமைப்பு காரனமே, திரும்பவும் பல்லியின் கருத்தில் தவறு இருக்கலாம்; ஆனால் குலனின் கருத்தை ஏற்று கொண்டாலும் சிவாஜி அந்த பொறுப்பை ஏர்பதால் பல விளவுகள் வருமோ என்பதில் பல்லி போல் பலருக்கு பயம் உண்டு, இருப்பினும் சரியான நேரத்தில் சரி பிழைக்கு அப்பால் வேண்டிய ஒரு கட்டுரையை குலன் எழுதியதுக்கு பாராட்டுக்கள்;

முடிந்தவரை விவாதிப்போம் நட்புடன் விமர்சிப்போம் என்னும் பல நல்ல கருத்துக்கள் நண்பர்களால் வந்துசேரும்;
தொடரும் பல்லி;;;

நன்றி குலன் மற்றும் பல்லி உங்கள் புரிந்துணர்வான கருத்துகளுக்கு.
உண்மையில் இப்படியான பின்னூட்டடங்களினூடான விவாதங்கள் நாம் தெரிந்து கொள்ளாத அல்லது மற்றவர்கள் தெரிந்து கொள்ளாத பக்கங்களையும் எமக்குக் காட்ட உதவும். அதுனூடு பல தகவல்களை நாமும் பெறுகின்றோம் எமக்குத் தெரிந்ததை மற்றவர்களுக்கும் வழங்குகின்றோம். இதற்கு தளம் அமைத்துக் கொடுத்த தேசம் நெற் மூலம் உங்களைப் போன்ற பல தரமான கருத்தாளர்களோடு கருத்தாட முடிகின்றது.

இலங்கையில் வசிக்கும் தமிழர்கள் சமாதானத்தையும் நிம்மதியையும் விரும்புகின்றார்கள் அதனால் பயங்கரவாதத்தை அழித்த ஜனாதிபதியையே அவர்கள் மீண்டும் தெரிவுசெய்ய விரும்புவார்கள். ஆனால் புலத்தில் வாழும் தமிழர்களோ இலங்கையில் சமாதானத்தை விரும்பமாட்டார்கள்(அனைவருமல்ல). இவர்கள் விரும்புவது சறத் பொன்சேக்காவையே. ஏனெனில் நாட்டில் குழப்பமிருந்தால்தான் புலத்தில் ஏமாற்றிப் பணம் புடுங்கி, மிடுக்காக வாழலாம். இது நமது அநேகமான எமது ஏமாளிகளுக்கு இன்னுமா புரியவில்லை. ஆகவே நாட்டில் வாழும் மக்களின் வாக்குகள் மகிந்தாவுக்கு கிடைப்பது நல்லது..ஆனால் புலத்திலுள்ளவர்களைப்பற்றி ஏன் கவலைப்பட வேண்டும்? இவர்களுள் பலருக்குத்தான் எங்குமே வாக்குகள் இல்லையே. வாழ்வுரிமைக்கே வழியற்றவர்கள் வாக்குரிமை பேசுவது வெறுமையான வேடிக்கையல்லவா?

சுபன்! //விக்கிரமபாகு எங்களுடைய தமிழ்தலைவர்களை விட எத்தனையோ மடங்கு மேல். சிந்திக்ககூடிய தமிழ்மக்களாவது தங்களுக்தலைமை தாங்க தகுதியுடையவர்// சந்தேகமே இல்லை: ஆனால் த.வி.கூவில் இருந்து புலிகள் வரை வளர்த்து விட்டு தமிழ் தேசியம் இதற்கு இடம் கொடுக்காது. உலகமயமாதலையும் இலங்கைத் தேசியத்தையும் விரும்புபவர்கள் என்றுமே தமிழ்; சிங்கள்; முஸ்லீம் தேசியத்தைப் பற்றிக் கதைக்கவே கூடாது. இவை ஒன்றுக்கொன்று முரணானவை .இன்று உலகமயமாதலை விரும்பும் அரசு இதை நடைமுறைப்படுத்துதல் அவசியமானதே. துவேசத்துக்கு வித்திட்டவர்கள் சிங்கள அரசியல்வாதிகள் என்பதை யாரும் மறுக்க இயலாது. அதை தமிழர்பகுதியில் வளர்தெடுத்தவர்கள் தமிழ் அரசியல்வாதிகளே.

//கருத்து தவறு என சொல்ல எனக்கு என்ன தகுதி உண்டு// இப்படி நினைப்பது தவறு. //
குலன் எனக்கு அப்படி தோன்றவில்லை, காரனம் எமது கருத்தை சொல்லுவது வேறு ஒருவரது கருத்தை தவறென விமர்சிப்பது வேறு, நான்கூட பலரது கருத்து (வேறு கட்டுரையில்) தவறென எழுதியுள்ளேன், ஆனால் சரியான கருத்து கண்முன்னே தெரியும் போது அதை மறுப்பவர்களுக்காக அப்படி எழுதியிருப்பேன், ஆனால் இது பலரும் கருத்து சொல்ல வேண்டிய விடயம்(தேர்தல்) சிலவேளை தவறான கருத்தை கூட வாக்காளர்கள் ஏற்று கொள்ளலாம், சரியான கருத்துகள்கூட பொருளாதார விளையாட்டில் பொய்த்து போகலாம்; உதாரனத்துக்கு தமிழக படிக்காதமேதை காமராசர் தோல்வியை சொல்லலாம்; எமது கருத்தை எமது கருத்தாய் சொல்லுவோம் எழுதுவோம் சரியோ தவறோ காலமே பதில் சொல்லும்;

//வாழ்வுரிமைக்கே வழியற்றவர்கள் வாக்குரிமை பேசுவது வெறுமையான வேடிக்கையல்லவா?//
அப்படி சொல்ல முடியாது; சிங்கள தேசம் எம்மை நாடு கடத்தவில்லை; எமது இனமே புரிந்துனர்வற்ற சதிராட்டத்தால் சகோதரயுத்தத்தை தொடக்கி சிலரை மேல் உலகத்துக்கும், பலரை வெளி உலகத்துக்கும் அனுப்பினார்கள்; ஆக பறிபோகாத வாக்குரிமை இல்லை என்பது ஏற்க்க தக்க கருத்தா??

// தமிழ் சிங்கள தேசிய இனங்களின் முரண்பாடுகள் கூர்மையடைய அடைய அது தமிழ்மக்களுக்குத்தான் அதிகம் பாதிப்பு//
உன்மைதான் அதில் சந்தேகமே இல்லை; ஆனால்::::

//இந்த முரண்பாட்டை களையவேண்டிய அவசியம் தமிழ் மக்களுத்தான் அதிகமுண்டு. அதற்காக கிடைக்கும் சந்தர்பங்களையெல்லாம் தமிழ்மக்கள் பயன்படுத்த வேண்டும்//
அரசியல் செய்யாத பல ஆயிரம் தமிழர் அதை மிக இலகுவாக செய்த வண்னமே உள்ளனர், ராமனாதன் தொடக்கம் வினோதன் வரை பல தமிழர் ஆடம்பரம் இல்லாமல் பல சிங்கள அரசியல் வாதிகளின் ஆலோசகராகவும் இருந்துள்ளனர்; இதில் புலிகள் தவறவிட்ட சமாதான பேச்சுவார்த்தைகள் கூட அடங்கலாம்:

//கால்மாக்சையும் லெனினையும் இன்னுபல தலைவர்களையும் நாம் போலியாக ஏற்றுக் கொண்டவர்களில்லையே//
இதில் எனக்கு உடன்பாடு கிடையாது, இதை பலதடவை நான் சொல்லியுள்ளேன்; எமது இனத்தில் இருக்கும் ஒரு தமிழரை தலமை தாங்க இனம் காண முடியாத நாம், எம் கண்முன்னே நடந்த யுத்தம் தோத்துபோனதுக்கு காரனம் தெரியாத எமக்கு; கண்முன்னே நடக்கும் மிருகதனமான போக்கை கூட வேடிக்கை பார்த்து கொண்டு நடப்பதை நாம் எழுதினால் அலட்டுகிறார்கள் என கொட்டாவியும் விட்டு கொண்டு கால்மாக்சையும் லெனினையும் தொட்டுக்க ஊறுகாய்போல் எடுத்ததுக்கெல்லாம் ஏலம் விடுவது போலியில்லாமல் வேறு என்ன?? சின்னையாவின் மனனிலையோ அல்லது பொன்னையாவின் வாழ்வுநிலையோ புரியாத பலர் வெளியுலக தத்துவத்தில் மட்டும் டாகுத்தர் பட்டம் வாங்கி போடுவினம்; மனநிலையும் புரியாது, களநிலையும் தெரியாது, போலி போலி போலி;

சம்பந்தன்! நேரத்தைச் செலவிட்டு நல்ல கருத்துக்களை எடுத்து வந்துள்ளீர்கள: இதற்குத் தலைவணங்குகிறேன். சிவாஜி லண்டன் வந்தபோது கொடுத்த பேட்டிகள் தெளிவாக இருந்தன. ஒற்றையாட்சியின் கீழ் சுயாட்சி என்பதை தான் மையப்படுத்துவதாகக் கூறினார். //தமிழர் பிரச்சினைக்கு அரசாங்கம் ஓற்றையாட்சி முறைமையினை தீர்வாக முன்வைப்பதனை தான் ஏற்றுக்கொள்ளவில்லை எனவும் மாறாக சுயாட்சி முறையே அவசியமெனவும் அவர் மீண்டுமொறு முறை வலியுறுத்தினார்// சுயாட்சி என்பது ஒற்றையாட்சியின் கீழும் இருக்கலாம். இன்றைய ஜனாதிபதிபோல் வலுவுள்ள ஜனாதிபதி அமைப்பின்றி ஒன்றுக்கு மேற்பட்ட பிரதமர்களைக் கொண்ட சுழற்சி முறையிலான அரசியமைப்புச் சட்டத்தை வலியுறுத்துவதாகவும் கூறினார். இது கனடாவிலுள்ள கியூபெக் சுயாட்சியை விட சிறிது உரிமை கூடியது எனலாம். தமிழ்பிரதேசங்கள் தமிழ்பிரதமரின் கீழ் பொலிஸ்; பிராந்தியம்: மொழி; புனரமைப்பு; வேலைவாய்பு என்று பல அடங்கம். மத்திய அரசிடம் இராணுவம்; வெளிவிவகாரம் போன்றவைதான் கையில் இருக்கும். மீண்டும் சுயாட்சி என்பது தனித்தமிழீழம் மட்டும் தான் என்பது தவனானது. சுயநிர்ணய உரிமையுடன் கூடிய ஒற்றையாட்சிக்கு எந்தத் தடையும் தேவையில்லை. மனமிருந்தால்.

பல்லி, // சின்னையாவின் மனனிலையோ அல்லது பொன்னையாவின் வாழ்வுநிலையோ புரியாத பலர் வெளியுலக தத்துவத்தில் மட்டும் டாகுத்தர் பட்டம் வாங்கி போடுவினம்; மனநிலையும் புரியாது, களநிலையும் தெரியாது, போலி போலி போலி;//

ஒன்றை மட்டும் சொல்வேன்… எல்லாரினதும் மனநிலை களநிலைகளை நிர்ணயிக்கிறவர்கள் யாராவதுடன் பழகிப்பாருங்கள்… உங்களுக்கு நிறைய உண்மைகள் இன்னும் தெரிய வாய்பிருக்கு..

இலங்கையில் சிங்களர் ஒருவரே ஜனாதிபதியாகும் வாய்ப்பு பெற்றவர்-சுபன்
இதை நான் மறுக்கிறேன். தமிழனும் ஒருவர் ஜாதிபதியாக வரமுடியும். எப்படி? கடந்தகால தமிழ்அரசியல் தலைவர்கள் எவருமே! தமிழர் பெயரில் குரல் கொடுத்தார்களே ஒழிய இலங்கையில் வாழும் ஒட்டுமொத்த மக்களுக்காக குரல் கொடுத்திருக்கிறார்களா?
இலங்கையில் ஒருதேசிய கட்சியாவது உருவாக்குவதற்கு பாடுபட்டிருக்கிறார்களா?

செய்ததெல்லாம் தமிழர்பெயரில் தான். இங்கே தான் பிரிவினையும் பிளவும் ஆரம்பமாகிறது. இருபெரும் கட்சிகளான லங்காசுகந்திரகட்சி ஐக்கியதேசியகட்சி தங்களுக்குள் கொள்கைவேறு பாடுகளை வகுத்துக் கொண்டாலும் தங்கள் இனத்தின் பெயரை முன்னுக்கு இணைத்துக் கொள்ளவில்லை. தாம் வாழும் தேசத்தின் பெயரையே இணைத்துக் கொண்டிருக்கிறார்கள்.

இந்தநிலை மாறும்போது ஒரு கணிசமான பகுதியினர் இருகட்சிகளில் ஒன்றை தேர்ந்ததெடுக்கும் போது தம்மளவில் இனப்பெருமைகளை உள்ளடக்கி நாம் எல்லாம் இலங்கையர் என்ற உண்மையையும் உணர்வையும் அடையும் போது ஒரு தமிழன்மட்டுமல்ல தமிழ்முஸ்லீமும் ஜனாதிபதியாக வருவதிற்கு வாய்ப்பு உண்டு. சிலருக்கு இது ஜீரணிக்க கஷ்ரமாகயிருந்தாலும் இதுவே யதார்தமான உண்மையாகும். தாம்வாழும் தேசத்தை நேசித்தால் மட்டுமே தம்இனத்தையும் பாதுகாக்க முடியும்.

நட்புடன் குலன் அவர்களுக்கு!
புலி அழிந்து போன இன்னிலையில் இதுவே சரியான நேரம் என முடிக்கிறீர்கள்.. தமிழன் தமிழன் என்று கூச்சல் போட்டால் தமிழனின் வாழ்வு சிறக்கப் போவதில்லை. தமிழ்மொழி தமிழ்மொழி என பல உலகமாநாடுகளை நடத்தினாலும் தமிழ்மொழி அணுவும் வளரப் போவதில்லை.
இவர்கள் போடும் இந்த வெற்றுக்கூச்சல் எல்லாம் இனத்தைப்பற்றி மொழியை பற்றியதோ அல்ல. எல்லாம் தமது சுயவாழ்வு பற்றியதே! மக்களை தம்பக்கம் இலகுவாக இழுக்க தேர்தல்காலத்தில் மேடையில் விடுக்கும் வாக்குறுதிகள் போன்றதே! இது செல்வநாயகத்தில்லிருந்து கடைசியாக வந்து நிற்கும் கூத்தமைப்பு- சிவாஜிலிங்கம் வரை இதுவே.

தமது வாழ்வுக்காகவும் பதவிமோகத்திற்காகவும் புகழுக்காகவும் நாட்டை விட்டோடி சேவகம் செய்யப் புறப்பட்ட போது நாட்டின் இனத்தின் கலாச்சாரம் மொழிகளை அங்கிருந்த அடக்கியெடுக்கப் பட்டமக்கள்தான் பேணிப்பாது காத்தார்கள் என்று இடதுசாரி இயக்கத்தின் முக்கிய உறுப்பினராக இருந்த டானியல் சொல்லுகிறார். இதுவே! உண்மை.

யாராவது எமது அரசியல் தவைர்களில் வேறுபாடு காணவேண்டு என்றால் ஆயுதம் ஏந்தியலைவர்கள் ஆயுதம் ஏந்தாத தலைவர்கள் என்றே காணமுடியும். விருந்தோமல்-விட்டுக்கொடுத்தல் நன்றியுடையவராகா இருத்தல் போன்ற தமிழ் கலாச்சாரங்கள் அறவே கிடையாது. திரைக்கு முன்னும் திரைக்குப் பின்னும் கழுத்தறுப்பு வேலைகளே நடந்தேறியுள்ளது. வடக்கும் கிழக்கும் சட்டத்தால் மட்டும் பிரிக்கப்பட வில்லையென நாம் கவனத்தில் எடுப்பது அவசியமாகிறது.

கடைசியாக ஒரு சின்ன உதாரணம் குலன். 71-75 காலப்பகுதிகளில் தொழில்நிமித்தமாக குருநாகலில்லிருந்து பலபத்து மையில் தூரத்தில்லுள்ள ஒரு குக்கராமத்தில் இரண்டு இரவைக் கழிக்கவேண்டிய சந்தர்பம் எனக்கு கிடைத்தது. அந்த அப்பாவி சிங்களமக்கள் ஆசையாகவும் ஆர்வமாகவும் எமக்கு உணவு பரிமாறியானார்கள். உணவு காட்டுப்பண்டி இறச்சியும் அவர்கள் தோட்டத்தில் விழைந்த பூசணிக்காயுமே. சரி எங்கே கூப்பன் அரிசி என்று கேட்டால்… குடும்பத் தலைவன் பொதியாகவைத்து சூதுயடித்து விட்டிருப்பார் என்பதே பதிலாக வரும். இவ்வளவு தூரத்திற்கு நாடு சீர்ரளிவுக்கு போய்யுள்ளது. பொருளாதரத்தின் அடித்தளத்தில் அரசியல் கட்டுமானம் நிர்மாணிக்கப் படுகிறது என்பதை எமது இனம் உணரும்வரை இந்த பொருளாதார சக்திகள் யார் என்பதை தேடிக்கண்டு பிடிக்கும் வரை விக்கிரமபாகு கருணரடத்தினாவும் சிவாஜிலிங்கம் சரத் பொன்சேகரவும் எம்மை வலம் வந்து கொண்டேயிருப்பார்கள்

:://எம்மினத்துக்கம் சிங்கள மக்கள் எதிரியோ அல்ல. //
இல்லைதான்; இன்னும் சொல்ல போனால் தமிழர்தானே கொழும்பில் பல கடைகளை வைத்து அதில் சில சிங்களவரை அடிமையாய் வேலை வாங்கினார்கள், (சிலர் சம்பளம் கூட குடுப்பதில்லை) இன பிரச்சனை எப்படி தொடங்கியது ஏன் தொடங்கியது என பலர் ஆராட்ச்சி செய்கின்றனர், பல்லியை பொறுத்த மட்டில் இனபிரச்சனையை வளர்த்த பெருமை கூட்டணியினரையே சாரும்; (எனது வயதுக்கு தெரிந்தவை) வட்டுகோட்டையில் என்ன திட்டத்தை போட்டாங்களோ தெரியாது, அதை வேதவாக்காய் சிலர் கொண்டு திரிகிறர்கள்; 70 ம் ஆண்டு பல பிரபல்யமான தலைகள் தேர்தலில் படுதோல்வி கண்டனர், (ஆண்டு சரியோ தெரியவில்லை தவறாயின் குலன் திருத்தவும்) குறிப்பாக வட்டுகோட்டை, உடுப்பிட்டி, யாழ்பாணம், காங்கேசந்துறை ,மட்டகளப்பு; என்பவற்றை சொல்லலாம்;

இந்த தோல்வி பலதலைகளின் அரசியல் வாழ்வுக்கு முற்று புள்ளியாய் போய்விடுமோ என்ற பயம் துளிர்க்க, இதுக்கு என்ன செய்யலாம் என தம்க்கான வக்கில் புத்தியை கிண்டிவிட்டனர், பல பகல் இரவு யோசனைக்கு பின் இரு இனத்துக்கும் இடையில் உள்ள இன பிரச்சனை என்னும் புள்ளிக்கு கோலம் போடுவோம் என எடுத்த முடிவே தனிநாட்டுக் கோரிக்கை; (இது பல்லியின் கருத்துதான்)சரி இதில் என்ன லாபம் இவர்களுக்கு?? தமிழர் அனைவரும் கூட்டணி அமைத்து குமாளம் போட்டால் தனிஅரசை நிறுவி விடலாம் என்னும் விளம்பர பலகையுடன் தலமைகள் புறப்பட வேலை வெட்டி இல்லாமல் திரிந்த சிலர் இனம்காக்க வந்த தமிழரது தன்மான தலமைகளே என கையை காலை கிழித்து எச்சில் பொட்டு வைக்க மிகவும் நிதானமாக இனபிரச்சனை புற்றுநோய் போல் வளர்ந்து விட்டே வந்தது; இந்த புற்றுநோய்க்கு பரிகாரமாய் கூட்டணி அமோக வெற்றி கண்டது; அத்துடனாவது விட்டார்களா?? பொட்டு வைத்தவர்களுக்கு ஏதாவது செய்ய நினைத்த கூட்டணி தலமை ஒருசில இரத்த போராட்டத்தை மரைமுகமாக சிலர் மூலம் அறிவித்து அவர்களுக்கு பாதுகாப்பாய் பலரை பலியாக்கிவிட அவர்களும் இருண்டது விடிந்தது தெரியாமல் ஆளாளுக்கு அமைப்பு கட்டி;;; அப்புறம்தான் எல்லாம் தெரியுமே;; ஆக இன பிரச்சனை கூட்டணி வரவிட்டால் அல்லது அடக்கி வாசித்து இருந்தால் இப்படி இரு மிருகம்போல் உயிர்பலி வேண்டியிருக்காது, ஆக பேச வேண்டியதோ அல்லது வாழ வேண்டியதோ சிங்கள தமிழ் மக்களே, சிங்கமும் புலியொமோ அல்லது பண்ணியும் கரடியுமல்ல;