டெஸ்ட் போட்டியில் தொடர்ந்து நான்கு சதம் குவித்தார் சச்சின்

இந்திய கிரிக்கெட் அணியின் நம்பிக்கை நட்சத்திரம் சச்சின் டெண்டுல்கர் கொல்கத்தாவில் தென் ஆபிரிக்காவுக்கு எதிரான 2வது டெஸ்டில் சதம் அடித்தார்.

டெஸ்ட் போட்டியில் டெண்டுல்கர் அடித்த 47வது சதம் இதுவாகும். இந்த ஆண்டு டெண்டுல்கருக்கு மிகவும் சிறப்பாக அமைந்து வருகிறது எனலாம்.

அவர் டெஸ்ட் போட்டியில் தொடர்ந்து 4 சதங்கள் அடித்துள்ளார். முன்னதாக கடந்த மாதம் பங்களாதேசத்துக்கு எதிராக சிட்டகாங்கில் நடந்த முதல் டெஸ்டில் சதம் கண்ட டெண்டுல்கர், மிர்புரில் நடந்த 2வது டெஸ்டிலும் சதம் அடித்தார். நாக்பூரில் நடந்த தென் ஆபிரிக்காவுக்கு எதிரான முதல் டெஸ்டிலும் டெண்டுல்கர் சதம் கண்டு இருந்தார்.