பொதுத் தேர்தலில் ஐக்கிய மக்கள் சுதந்திர முன்னணியின் அபேட்சகர் பட்டியலில் போட்டியிடும் ஜாதிக ஹெல உருமய கட்சி உறுப்பினர்கள் மல்வத்த மற்றும் அஸ்கிரிய பீடாதிபதிகளிடம் நேற்று ஆசீ பெற்றனர். இவர்கள் கண்டி தலதா மாளிகையிலும் வழிபாடுகளில் ஈடுபட்டனர்.
எதிர்வரும் பொதுத் தேர்தலில் தமது கட்சிப் பிரதிநிதிகள் ஐ. ம. சு. மு.வில் போட்டியிட முடிவெடித்திருப்பதாகவும் மகா நாயக்கர்களுக்கு ஹெல உருமய பிரதிநிதிகள் எடுத்துக் கூறினர்.
ஜாதிக ஹெல உருமய கட்சியின் தலைவர் வண. எல்லாவல மேதானந்த தேரர், அமைச்சர் பாட்டலி சம்பிக்க ரண வக்க, துசார சுவர்ணா திலக்க, எம். சீ. ஜயரத்ன, சன்ன ஜயதிலக்க ஆகியோர் இச்சந்திப்பில் கலந்து கொண்டனர்.
