முல்லைத்தீவில் மீள்குடியேறிய மக்களுக்காக 3700 வீடுகள் – 2 ஆயிரம் வீடுகளை புனரமைக்கவும் திட்டம்

மக்களைக் கொல்ல காசு கொடுத்தவர்கள், மக்கள் வாழக் காசு கொடுப்பதில்லை. அந்த அளவு ஈழ மக்கள் ஈர மனம் படைத்தவர்கள்.

சுகி சிவம் கூட இந்தியாவின் பாதுகாப்பைத்தான் முக்கியமாக எண்ணுகிறார். பிரபாகரன் வருவார் என பேசும் , தமிழக அரசியல் கோமாளிகளுக்கு எதுவும் சொல்லவில்லை.

35 வருட யுத்த பூமியை ஓரிரு வருடங்களில் வசந்தம் வீச வைக்க முடியாது.

உதாரணத்துக்கு , சுவிஸில் சிறீலங்கன் டயஸ்பொரா அமைப்பு , வன்னி போரில் பாதிக்கப்பட்டவர்களுக்கு உதவ கூடியது. இன்னும் ஒரு பால் பக்கட் கூட கொடுக்க இவர்களால் முடியவில்லை. இன்னும் யாப்பையும் , பெயரையும் திருத்துவதிலேயே காலத்தை கழித்துக் கோப்பி குடித்து , மின் அஞ்சல் யுத்தமே நடக்கிறது.

புலிகளோ, இன்னமும் வட்டுக் கோட்டையில் கொடி ஏற்றவும் , நாடு கடந்து தமிழீழம் பெறவும் முனைகின்றனர். உன் குடும்பம் மேல் , உனக்கு ஈரம் இல்லையென்றால் எதிரியின் மனதில், ஈரம் உண்டாக வேண்டுமென்று நீ எப்படி நினைப்பாய்?

நம்மை விட அவன் எவ்வளவோ பரவாயில்லை. இது அந்த வன்னி மக்கள் சொல்வது.
நாம் இன்னும் உண்மையாக இல்லை. பேசுவதிலும் , எழுதுவதிலுமே வீரர்களாக இருக்கிறோம். இதுவே உண்மை.

இன்று கிளிநொச்சியிலிருந்து ஒருவர் தொடர்பு கொண்டார். சுகி சிவம் அவர்கள் சொல்வது குறித்து கதைக்கக் கிடைத்த போது , இதைத்தான் அரசாங்கம் செய்யப் போகிறது என்றார். 3 வருடங்களுக்குள் உள்ள சொத்துகளுக்கோ, வீடுகளுக்கோ உரிமை கோராவிட்டால் அதை அங்கே வீடு வாசல் இல்லாமல் இருப்பவர்களுக்கு எடுத்துக் கொள்ளலாமாம்.

எனக்குத் தெரிந்த மல்லாவிக் குடும்பம் ஒன்று திரும்பிச் சென்ற போது , அவர்களது வீடு , வீடிழந்த ஒரு தமிழ் குடும்பத்துக்கு கொடுக்கப்பட்டிருந்தாம். இவர்கள் அரசாங்க அதிபரை சந்தித்த பிறகு , அவர்களுக்கு வேறு ஒரு இடம் வழங்கப்பட்டதாம். அவர்களுக்கு இன்னுமொரு இடம் கொடுக்கப்படும் வரை , இருந்த வீட்டிலேயே இருக்க விடுமாறு அரசாங்க அதிபர் கேட்டுக் கொண்டாராம்.

இது போன்ற நல்லதும் அங்கே நடக்கிறது. அந்த மக்கள் வாழ்வு வளமானால் அதுவே போதும்.