சிரச ஊடகவியலாளருக்கு ‘கேக்’ ஊட்டிய மேர்வின்

திருடனிடமே , பாதுகாப்பு பொறுப்பை ஒப்படைத்தால் திருட்டு நடக்காது. அது நடந்தால் அவனே பொறுப்பு. அதை லாவகமாக மகிந்த செய்திருக்கிறார்.

எனவே அடித்த கை , அணைத்து (கேக் ஊட்டி) மகிழ்ந்திருக்கிறது. தான் மாகான் இல்லை, தன்னைத் திருத்தும் பொறுப்பு ஊடகங்களுக்கு உண்டு. நான் திருந்தினால், நீங்கள் மட்டுமல்ல, என் மனைவியும் மகிழ்வாள் என உண்மையை மெர்வீன் பகிரங்கமாக ஊடகவியளாளர் மத்தியில் பேசி சிரிக்க வைத்துள்ளார். “ஜனாதிபதிக்கு பக்கத்தில் இருந்த ஆசனம் பிரதமருக்காக ஒதுக்கப்பட்டிருந்தது. எனவே நான் அதில் உட்காராமல் , ஜனாதிபதி காலடியில் உட்கார்ந்தேன். ஜனாதிபதி என்னை தூக்கி பிரதமருக்காக ஒதுக்கப்பட்டிருந்த ஆசனத்தில் உட்கார வைத்தார். ஜனாதிபதி காலடியில் உட்காந்த படத்தை போட்ட ஊடகம், ஜனாதிபதி பக்கத்தில் , பிரதமருக்காக ஒதுக்கப்பட்ட ஆசனத்தில் உட்கார்ந்த படத்தை போடவில்லை.” என்றார் சிரிப்பொலிக்கு மத்தியில். “என் குழந்தையை வேண்டுமானால் ஜனாதிபதி மடியில் உட்கார வைக்கலாம். நான் உட்காந்தால், கொஞ்ச நேரத்துக்கு முன்ன வரை நல்லாத்தானே மெர்வீன் இருந்தான். திடீரென என்ன ஆனான்? என்று ஜனாதிபதியே யோசிப்பார்.” என சொன்ன போது பலத்த சிரிப்பு அலையே உருவானது.

பார்க்கவும்:www.youtube.com/watch?v=Dt-EUSaM7V0&feature=player_embedded