மின்சாரத்துறை அபிவிருத்திக்காக இந்த வருடம் 5 பில்லியன் ரூபா ஒதுக்கப்பட்டுள்ளது. அத்துடன் வடக்கு கிழக்கில் மின்சார இணைப்புகள், மின் கட்டமைப்பு என்பவற்றை அமைக்க 121 மில்லியன் டொலர்கள் ஒதுக்கப்பட்டுள்ளது என்றும் மின்சக்தி எரிசக்தி அமைச்சின் செயலாளர் எம்.எம். சி. பெர்டிணன்டஸ் கூறினார்.
அமைச்சில் நேற்று இடம்பெற்ற ஊடகவியலாளர் மாநாட்டில் கருத்துக் கூறிய அவர், வடக்கு அபிவிருத்திக்காக 36 மில்லியன் டொலர்கள் வெளி நாட்டு கடனுதவியாக கிடைத்து ள்ளது. இது தவிர அம்பாறையில் ஆசிய அபிவிருத்தி வங்கியின் 25 மில்லியன் உதவியுடன் மின்சார திட்டங்கள் ஆரம்பிக்கப்பட்டு ள்ளன. மட்டக்களப்பு மற்றும் திருகோணமலையில் சீன அரசின் 60 மில்லியன் டொலர் உதவியுடனும், வட மத்திய மாகாணத்தில் 53 மில்லியன் டொலர் செலவிலும் ஊவா மாகாணத்தில் 60 மில்லியன் டொலர் செலவிலும் பல மின்சாரத் திட்டங்கள் ஆரம்பிக்கப்பட்டுள்ளன என்றார்.
