பால்மாவின் விலைகள் நேற்று நள்ளிரவு முதல் அதிகரிக்கப்பட்டுள்ளதாக அமைச்சர் ஜோன்ஸ்டன் பெர்னாண்டோ தெரிவித்தார்.
இதன்படி, 400 கிராம் பால்மா பக்கற் 19 ரூபாவினாலும், ஒரு கிலோ பால்மா பக்கற் 48 ரூபாவினாலும் அதிகரிக்கப்பட்டுள்ளன.உலக சந்தையில் பால்மாவின் விலை அதிகரிக்கப்பட்டுள் ளதாலேயே இந்த விலை மீளமைப்பு செய்யப்பட்டுள்ளதாக நுகர்வோர் பாதுகாப்பு அதிகார சபையின் தலைவர் ரூமி மர்சூக் தெரிவித்தார்.
புதிய விலைப்பட்டியலின்படி 400 கிராம் பால்மா பக்கற் 225 ரூபாவிலிருந்து 244 ரூபாவாக வும், ஒரு கிலோ பால்மா பக்கற் 550 ரூபாவிலிருந்து 598 ரூபா வாகவும் விற்பனை செய்யப் படும். இதேவேளை, விலைப்பட்டியல் பொதுமக்களின் பார்வைக்கு வைக்காமை, அதிக விலைக்கு பொருட்களை விற்பனை செய்தமை, பற்றுச்சீட்டு வழங்காமை, மோசடி போன்றவற்றுக்காக 360 பேர் மீது வழக்குத் தாக்கல் செய்யப்பட்டுள்ளதாகவும் ரூமி மர்சூக் தெரிவித்தார். நுகர்வோர் பாதுகாப்பு அதிகார சபையின் சுற்றிவளைப்பு பிரிவு தொடர்ந்தும் சோதனை நடவடிக்கைகளில் ஈடுபடும் என்றும் அவர் தெரிவித்தார்.
