வடக்கிற்கான யாழ். தேவி ரயில் சேவையில் நேர மாற்றமும் ஏற்படுத்தப்பட்டுள்ளதுடன் கட்டணக் குறைப்பும் மேற்கொள்ளப்பட்டுள்ளது.
இதற்கிணங்க எதிர்வரும் 15ம் திகதி ஞாயிற்றுக்கிழமை முதல் புதிய நேர அட்டவணையின் பிரகாரம் காலை 5.45 மணிக்கு கோட்டையிலிருந்து புறப்படும் இந்த ரயில் பகல் 11.10க்கு தாண்டிக்குளத்தை வந்தடைவதுடன் வவுனியாவிலிருந்து பகல் 12.45 மணிக்கு புறப்படும் யாழ். தேவி மாலை 5.40 மணிக்கு கோட்டை ரயில் நிலையத்தினை சென்றடையும் என வவுனியா ரயில் நிலைய அதிபர் தெரிவித்தார்.
அத்துடன் சாதாரண கட்டணமே அறவிடப்படும் எனவும் அவர் தெரிவித்தார்.