முற்றிலும் வாய்பேச முடியாத மற்றும், செவிப்புலனற்றவர்களுக்கு விசேட அடையாள அட்டைகளை வழங்குவதற்கு யாழ்ப்பாணத்தில் நடவடிக்கை எடுக்கப்பட்டுள்ளது. யாழ்.மாவட்ட பிரதேசச் செயலகங்கள் ஊடாக தற்போது இவ்வடையாள அட்டைகள் வழங்கப்பட்டு வருகின்றன.
குறித்த குறைபாடுடையவர்கள் சம்பந்தப்பட்ட மருத்துவ நிபுணர்களின் சான்றிதழ்களோடு பிரதேசச் செயலகங்கள் மூலம் இவ்வடையாள அட்டைகளுக்கு விண்ணப்பிக்க முடியும் என தெரிவிக்கப்பட்டுள்ளது. இவ்விண்ணப்பங்கள் கொழும்பிலுள்ள சமூக சேவைகள் திணக்களத்திற்கு அனுப்பிவைக்கப்பட்டு விசேட அடையாள அட்டைகள் பெற்றுக் கொடுக்கப்படும் எனவும் தெரிவிக்கப்பட்டுள்ளது.
பாதுகாப்புப் படையினரின் சோதனை நடவடிக்ககைகள் மற்றும், பல்வேறு தேவைகளின் போதும் இந்த அடையாள அட்டைகளுக்கு முன்னுரிமை வழங்கப்படும் என்பதால் இதனைப் பெற்றுக்கொள்ள குறித்த குறைபாடுடையவர்கள் அதிகம் ஆர்வம் காட்டி வருகின்றமை குறிப்பிடத்தக்கது
