வடமராட்சிக் கிழக்கு மருதங்கேணி பிரதேசத்தில் மீளக்குடியமர்ந்த சுமார் ஆயிரம் கடற்றொழிலாளர் குடும்பங்களுக்கு தலா ஒரு லட்ச ருபா பெறுமதியான கடற்றொழில் உபகரணங்களை வழங்க அரசசார்பற்ற நிறுவனங்கள் முன்வந்துள்ளதாக கடற்றொழில் நீரியல் வளப் பிரதிப் பணிப்பாளர் க.தர்மலிங்கம் தெரிவித்துள்ளார்.
ஜனாதிபதியின் விசேட செயலணியின் அனுமதி பெற்ற அரசசார்பற்ற நிறுவனங்களும், அரச நிறுவனங்களும் இணைந்து மீள்குடியேறிய இக்கடற்றொழிலாளர்களின் வாழ்வாதாரத்தை மேம்படுத்தும் நடவடிக்கையை மேற்கொண்டுள்ளன.
இவ்வுதவிகளைப் பெறுவதற்கான பயனாளிகள் தெரிவுசெய்யப்பட்டு வருவதாகவும் அவர்களுக்கு விரைவில் இவ்வுதவிகள் வழங்கப்படும் எனவும் தெரிவிக்கப்பட்டுள்ளது.
