யாழ்ப்பாணத்தில் பெண்களுக்கெதிரான வன்முறை தொடர்பாக விழிப்புணர்வை ஏற்படுத்தும் விதமாக வீதி நாடகங்கள் நடத்தப்படவுள்ளன. யாழ். சமூக மேம்பாட்டு மையம் இதனை மேற்கொண்டுள்ளது.
பெண்களுக்கெதிரான வன்முறை எதிர்ப்பு வாரத்தை முன்னிட்டு 15 நாட்களுக்கு இச்செயற்பாடுகளை மேற்கொள்ள திட்டமிடப்பட்டுள்ளது. கிராமங்கள் தோறும் நடைபெறவுள்ள இவ்வீதி நாடகங்களூடாக பெண்களுக்ககெதிரான வன்முறை, பாதுகாப்பு, மற்றும் மேம்பாடு குறித்த பல கருத்துக்கள் முன்வைக்கப்படவுள்ளதாக தெரிவிக்கப்பட்டுள்ளது. இன்று சனிக்கிழமை தென்மராட்சியில் பல இடங்களில் இது தொடர்பான நிகழ்வுகள் நடைபெறுவதாகவும் தெரிவிக்கப்பட்டுள்ளன.
