வன்னியில் மீளக்குடியமர்ந்துள்ள மக்களுக்கு பல்வேறு பட்ட உதவிகள் வழங்கப்பட்டு வருகின்ற போதும் அவை பாதிக்கப்பட்ட மக்களுக்கு சீராகச் சென்றடைவதில்லை என பொதுமக்கள் தெரிவிக்கின்றனர். நெற்செய்கையாளர்கள். தோட்டச்செய்கையாளர்கள், கால்நடை வளர்ப்போர் என பலவேறு தரப்பினருக்கும் நிறுவனங்களால் வழங்கப்படுகின்ற உதவிகளை குறிப்பட்ட சிலரே பெற்றுக்கொள்ள முடிவதாகவும,; எதுவித முன்னறித்தலும் இல்லாமல் இவை வழங்கப்படுவதாகவும் பொது மக்கள் தெரிவிக்கின்றனர்.
இதே வேளை, வீடமைப்பு வீட்டுச் சேதங்களுக்கான உதவிகள், குடிநீர்க்கிணறுகள் இறைத்துக்கொடுத்தல் போன்ற பணிகளும் அரசசார்பற்ற நிறுவனங்களால் மேற்கொள்ளபட்டு வருகின்றன இவை கூட தேவைப்படுவோருக்கு சரியான முறையில் கிடைப்பதில்லை என தெரிவிக்கப்படுகின்றது கிராமசேவை அலுவலர்களின் அக்கறையின்மை மற்றும், கிராம அபிவிருத்திச்சங்களைச் சேர்ந்தவர்களின் சுயநலமான செயற்பாடுகள் காரணமாகவே இந்நிலை ஏற்பட்டுள்ளதாக தெரிவிக்கப்படுகின்றது.
