யாழ்ப்பாணம் வரணி பகுதியில் இளைஞன் ஒருவன் கடத்திச் செல்லப்பட்டு வாளால் வெட்டப்பட்ட நிலையில் மீட்கப்பட்டுள்ளதாக தெரிவிக்கப்படுகிறது.
இச்சம்பவம் நேற்று (25) மாலை வரணி, இயற்றாலை பிரதேசத்தில் இந்த சம்பவம் இடம்பெற்றுள்ளது.
வேலைக்கு சென்றுவிட்டு பேருந்தில் வந்து சுட்டிபுரம் பகுதியில் இறங்கும் போது அங்கு நின்றிருந்த இனந்தெரியாத கும்பல் ஒன்று குறித்த இளைஞனை கடத்திச் சென்று வாளால் வெட்டி படுகாயப்படுத்தி விட்டு தப்பிச்சென்றுள்ளது.
சம்பவம் தொடர்பில் பொலிஸார் விசாரணைகளை முன்னெடுத்துள்ளதாக தெரிவிக்கப்படுகிறது.
இது போன்றதான வன்முறைச்சம்பவங்கள் தமிழர் பகுதிகளில் அதிகரித்து வருவதை காணக்கூடியதாகவுள்ளது. வாள்வெட்டுக்கள் மட்டுமன்றி போதைப்பொருள்பாவனை, திருட்டு சம்பவங்கள் , என பல்வேறுபட்ட சமூக சீர்கேடுகள் அதிகரித்து வருகின்ற இவற்றினுடைய பின்னணி என்ன..? இவற்றுக்கான முடிவு என்ன..? இவை தொடருமாயின் எதிர்கால தலைமுறையின் நிலை என்ன ..? என பல்வேறு கோணங்களில் சிந்திக்க வேண்டியவர்களாக நாம் உள்ளோம்.
