கொரோனா பரவலைத் தடுக்க அமெரிக்க ஜனாதிபதி ட்ரம்ப் தவறிவிட்டார் என்று அமெரிக்க முன்னாள் ஜனாதிபதி பராக்ஒபாமா தனது தேர்தல் பிரச்சாரத்தில் குற்றம் சாட்டியுள்ளார்.
அமெரிக்க ஜனாதிபதி தேர்தல் நவம்பர் மாதம் 3 ஆம் நாள் நடைபெறுகிறது. இதனைத் தொடர்ந்து ஜனநாயகக் கட்சி மற்றும் குடியரசுக் கட்சி வேட்பாளர்கள் தொடர்ந்து பிரச்சாரத்தில் ஈடுபட்டு வருகின்றனர்.
அமெரிக்காவில் நடந்த தேர்தல் பேரணி ஒன்றில் ஒபாமா பேசும்போது, “ 8 மாதங்களாக நமது நாட்டில் கொரோனா பரவல் உள்ளது. இதனைக் கட்டுப்படுத்த ட்ரம்ப் தவறிவிட்டார். கொரோனாவிலிருந்து நம்மைக் காக்க அவர் முதல் படியைக் கூட எடுத்து வைக்கவில்லை. எந்த வேலை செய்வதிலும் ட்ரம்ப் ஆர்வம் காட்டுவது இல்லை” என்று தெரிவித்தார்.
மேலும், ட்ரம்ப்புக்கு சீனாவில் வங்கிக் கணக்கு உள்ளது எனவும் ஒபாமா குற்றம் சாட்டியுள்ளமையானது பலரையும் ஆச்சரியப்பட சைவத்துள்ளது. ஏனெனில் தன்னுடைய தேர்தல் கால அரசியலிலும் பிரச்சாரங்களிலும் சீனாவை எதிரியாக மட்டுமே ட்ரம்ப காட்டி வந்ததுடன் சீன நிறுவனங்களுக்கு எதிரான பொருளாதாரத்தடைகளையும் விதித்தார். இந்த நிலையில் ட்ரம்பினுடைய வங்கிக்கணக்கானது சீனாவில் உள்ளது என்ற ஒபாமாவின் கருத்து பெரிய விவாதங்களை அமெரிக்க ஊடகங்களில் ஏற்படுத்தியுள்ளது.
