நாடு பொருளாதார நெருக்கடியை எதிர்கொள்ளும் தருணத்தில் நிதியமைச்சர் நாடாளுமன்ற அமர்வுகளில் கலந்துகொள்ளாமலிருப்பது குறித்து எதிர்க்கட்சிகள் இன்றும் தமது எதிர்ப்பை வெளியிட்டுள்ளன.
தற்போது நாடு எதிர்கொண்டுள்ள பொருளாதார நெருக்கடி குறித்து நாடாளுமன்றத்தில் அறிக்கையொன்றைவெளியிடுவதற்காக நிதியமைச்சரை சபாநாயகர் நாடாளுமன்றத்திற்கு அழைக்க வேண்டும் என எதிர்கட்சிகள் மீண்டும் வேண்டுகோள் விடுத்தன.
நாங்கள் வெறுமனே நிதியமைச்சரை நாடாளுமன்றத்தில் பார்க்க விரும்பவில்லை பொருளாதார நெருக்கடி குறித்து அவர் நாடாளுமன்றத்தில் அறிக்கையொன்றை வெளியிடவேண்டும் என ஜேவிபியின் தலைவர் அனுரகுமார திசநாயக்க வேண்டுகோள் விடுத்துள்ளார்.
எனினும் அமைச்சரை நாடாளுமன்றத்திற்கு அழைப்பதற்கான அதிகாரம் தனக்கில்லை என சபாநாயகர் தெரிவித்தார்.
