இலங்கை ஜனாதிபதி கோத்தபாய ராஜபக்ச தமிழ்தேசிய கூட்டமைப்பினை சந்திக்கவுள்ளதை இலங்கைக்கு விஜயம் மேற்கொண்டுள்ள அமெரிக்காவின் அரசியல் விவகாரங்களிற்கான துணை இராஜாங்க செயலாளர் விக்டோரியா நூலண்ட் வரவேற்றுள்ளார்.
இலங்கை ஜனாதிபதி கோத்தபாய ராஜபக்ச தமிழ்தேசிய கூட்டமைப்பினை சந்திக்கவுள்ளதை இலங்கைக்கு விஜயம் மேற்கொண்டுள்ள அமெரிக்காவி;ன் அரசியல் விவகாரங்களிற்கான துணை இராஜாங்க செயலாளர் விக்டோரியா நூலண்ட் வரவேற்றுள்ளார்.
தமிழ்தேசிய கூட்டமைப்பை சந்திக்கும் ஜனாதிபதியின் முடிவு மிக முக்கியமான ஒன்று அதனை நாங்கள் வரவேற்கின்றோம்என அவர் தெரிவித்துள்ளார்.
இலங்கை அரசாங்கம் சர்வதேச நாணயநிதியத்துடன் உதவியை நாடுவதற்கு எடுத்துள்ள துணிச்சலான முடிவை வரவேற்றுள்ள அமெரிக்காவின் அரசியல் விவகாரங்களிற்கான துணைச்செயலர் விக்டோரியா நூலண்ட் இலங்கை அரசாங்கம் மாகாணாசபை தேர்தலை நடத்தவேண்டும் ஜனநாயக செயற்பாடுகளிற்கான சூழலை அதிகரிக்கவேண்டும் எனவும் அவர் தெரிவித்துள்ளார்.
இலங்கை வெளிவிவகார அமைச்சரை சந்தித்த பி;ன்னர் செய்தியாளர்களிற்கு கருத்து தெரிவிக்கையில் இதனை குறிப்பிட்டுள்ள அவர் மேலும் தெரிவித்துள்ளதாவது.
இலங்கையுடனான எங்களுடைய உறவு மிகவும் நெருக்கடியான கொவிட் பெருந்தொற்று காலம் உட்பட 70வருடங்களிற்கு மேல் வலுவானதாக காணப்படுகின்றது, இந்தக்காலப்பகுதியில் இலங்கைக்கு தடுப்பூசிகளையும் உபகரணங்களையும் வழங்கமுடிந்தமை குறித்து நாங்கள் திருப்தியடைந்துள்ளோம்.
ஆனால் இலங்கைக்கு மிகவும் கடினமான முக்கியமான தருணத்தில் நாங்கள் வந்துள்ளோம். நீங்கள் இலங்கையின் முக்கியமான சகா. இந்தோ பசுபிக்கில் முக்கியமான அமைவிடத்தில் இலங்கை உள்ளது, எங்களால்இந்த முக்கியமான தருணத்தில் உதவுவதற்கு ஆர்வமாக உள்ளோம்.
வெளிப்படையான சுதந்திரமான இந்தோ பசுபிக்கிற்கான அர்ப்பணிப்iயும் உங்கள் வெளிவிவகார அமைச்சர் தெரிவித்தது போல விதிமுறைகளை அடிபப்படையாக கொண்ட ஜனநாயக உலக ஒழுங்குமுறைக்கான அர்ப்பணிப்பையும் நாங்கள் பகிர்ந்துகொள்கின்றோம். வெளிவிவகார அமைச்சர் தெரிவித்தது போல அமெரிக்காவுடன் ஒத்துழைப்புடனான – அதிக வலுவான -அதிக ஜனநாயக தன்மை மிக்க அதிக வளம் மிக்க- அதிகளவு நியாயமான இலங்கைகக்கான எங்களின் பகிரப்பட்ட அபிலாசைகள் குறித்து நாங்கள் மிகவும் ஆழமான பலதரப்பட்ட விடயங்கள் குறித்து கலந்துரையாடினோம்,
இந்த சூழமைவி;ன் அடிப்படையில் சமீபவாரங்களில் எடுக்கப்பட்டுள்ள நீதியை நோக்கிய- காயங்களை ஆற்றுவதை நோக்கிய – மனித உரிமைகளை நோக்கிய ஆரம்பகட்ட நடவடிக்கைகளை நாங்கள் பாராட்டுகின்றோம். குறிப்பாக நேற்றுபயங்கரவாத தடைச்சட்டத்தில் திருத்தங்கள் மேற்கொள்ளப்பட்டு நாடாளுமன்றத்தில் நிறைவேற்றபப்பட்டதையும் சில கைதிகள் விடுதலை செய்யப்பட்டதையும் வரவேற்கின்றோம்.
இன்னமும் மேற்கொள்ளப்படவேண்டிய நடவடிக்கைகள் உள்ளன. வேறு எவரையும் விட உங்களிற்கு நன்கு தெரிந்திருக்கும் நீங்கள் இந்த முக்கியமான பணியை முன்னெடுக்கும் அதேவேளையில்
நாங்கள் உங்களுடன் இணைந்து செயற்பட ஆர்வமாக உள்ளோம். வெளிவிவகார அமைச்சர் தெரிவித்துள்ளதை போல வெள்ளிக்கிழமை தமிழ்தேசிய கூட்டமைப்பை சந்திக்கும் ஜனாதிபதியின் முடிவு மிக முக்கியமான ஒன்று அதனை நாங்கள் வரவேற்கின்றோம்.
உலக வரலாற்றில் நெருக்கடியான வரலாற்றை கொண்ட பல நாடுகள் செயற்பட்டதை போல உண்மையை கண்டறியும் பொறிமுறையை அமைக்கும் எண்ணம் – குறிப்பாக தென்னாபிரிக்க அனுபவத்தை பயன்படுத்தும் யோசனை மிகச்சிறந்தது – அதற்கு ஆதரவளிப்பது குறித்து ஆர்வமாக உள்ளோம். அரசசார்பற்ற அமைப்பை சேர்ந்தவர்கள் பத்திரிகையாளர்கள் சிவில் சமூகத்தினர் மீதான கண்காணிப்பை-தடுத்துவைத்தலை- துன்புறுத்தல்களை முடிவிற்கு கொண்டுவரவேண்டியதை நாங்கள் வலியுறுத்தவிரும்புகின்றோம்.
நாங்கள் இன்று சிவில் சமூக தலைவர்களை சிவில் சமூக பிரதிநிதிகளை சந்திக்கவுள்ளமை குறித்து மகிழ்ச்சியடைகின்றேன். மாகாணசபைதேர்தல்களையும் ஜனநாயக சூழலை மேலும் விரிவுபடுத்துவதையும் நாங்கள் வரவேற்கின்றோம்.
ஒட்டுமொத்தத்தில் நான் வெளிவிவகார அமைச்சரையும் நீதியமைச்சருடனான அவருடைய இணைந்த செயற்பாடுகளையும் நீதி மற்றும் தேசிய காயத்தை ஆற்றுதல் தொடர்பான விடயங்களை முன்னோக்கி நகர்த்துவதற்காக பாராட்ட விரும்புகி;ன்றேன்,நீங்கள் இந்த நடவடிக்கைகளை எடுக்கும்போது இது எங்கள் இரு நாடுகளிற்கு மத்தியிலான இணைந்த செயற்பாடுகளிற்கான தளத்தை மேலும் அதிகரிக்கும்,குறிப்பாக பாதுகாப்பு துறைகளில.
வெளிவிவகார அமைச்சர் தெரிவித்தது போல பொருளாதார ஒத்துழைப்பு மிகவும் முக்கியமானது,கொவிட் காலம் முழுவதும் அது வலுவானதாக காணப்பட்டது, இருநாடுகளிற்கும் இடையிலான வர்த்தகம் வளர்ச்சியடைந்துள்ளது,
தற்போது மிகவும் முக்கியமான நடவடிக்கை என்னவென்றால் சர்வதேச நாணய நிதியத்தின் உதவியை நாடும் துணிச்சலான நடவடிக்கையாகும்.” என அவர் தெரிவித்துள்ளார்.
