ஜனாதிபதி கோட்டாபய ராஜபக்ஷவின் வீட்டிற்கு செல்லும் மிரிஹான – பெங்கிரிவத்தை வீதியில்
மக்கள் ஆர்ப்பாட்டத்தில் ஈடுபட்டுள்ளனர்.
இதனால் குறித்த பகுதியில் பதற்ற நிலையேற்பட்டுள்ளது.
சுமார் 3 மணி நேரத்துக்கு மேலாக இந்தப் போராட்டம் நீடித்து வருகிறது. குறித்த பகுதியில் இணைய சேவை துண்டிக்கப்பட்டுள்ளதுடன், மின்சேவையும் துண்டிக்கப்பட்டுள்ளது எனத் தெரிய வருகின்றது.
போராட்டக்காரர்கள் மீது தண்ணீர்ப் பிரயோகம் மேற்கொள்ளப்பட்டுள்ளதுடன் கண்ணீர் புகைப் பிரயோகமும் மேற்கொள்ளப்பட்டுள்ளது.
இதனால் ஆத்திரமடைந்த மக்கள் பொலிஸார் மற்றும் இராணுவத்தின் வாகனங்கள் மீது தாக்குதலை நடத்தி வருகின்றனர்.
நாட்டில் தற்போது நிலவும் பொருளாதார நெருக்கடிக்கு எதிராகவும் அரசாங்கத்தின் தவறான
நிர்வாகத்திற்கு எதிராகவும் மக்கள் இந்த ஆர்ப்பாட்டத்தை முன்னெடுத்துள்ளனர்.
