கட்டாய மரண தண்டனையை இரத்து செய்ய ஒப்புக்கொண்டதாக மலேசிய அரசாங்கம் அறிவித்துள்ளது.
தென்கிழக்கு ஆசிய நாடான மலேசியாவில், கொலை மற்றும் போதைப்பொருள் கடத்தல் உள்ளிட்ட பல குற்றங்களுக்கு மரண தண்டனை கட்டாயமாக உள்ளது.
2018ஆம் ஆண்டு ஆட்சியைப் பிடித்த ஒரு சீர்திருத்தக் கூட்டணி மரண தண்டனையை முற்றிலுமாக ரத்து செய்வதாக அறிவித்தது, ஆனால் அரசியல் போட்டியாளர்கள் மற்றும் கொலை செய்யப்பட்டவர்களின் குடும்பங்களின் எதிர்ப்பால் திட்டம் ஸ்தம்பித்தது.
அப்போதிருந்து, மரண தண்டனை கட்டாயமாக இருக்கும் சந்தர்ப்பங்களில் மட்டுமே அதை குறைக்க வேண்டும் என்ற நீர்த்துப்போன திட்டம் முன்வைக்கப்பட்டது. ஆனால், தற்போது கட்டாய மரண தண்டனையை இரத்து செய்ய அமைச்சரவை ஒப்புக்கொண்டதாக சட்ட அமைச்சர் வான் ஜுனைடி துவாங்கு ஜாபர் தெரிவித்தார்.
மரண தண்டனைக்கு பதிலாக என்ன தண்டனைகளை வழங்கலாம் என்பது குறித்து மேலும் ஆய்வு நடத்தப்படும் என கூறினார்.
இதுதொடர்பாக அவர் வெளியிட்டுள்ள அறிக்கையில்,
‘இந்த விவகாரத்தில் எடுக்கப்பட்ட முடிவு, அனைத்துத் தரப்பினரின் உரிமைகளும் பாதுகாக்கப்படுவதையும் உத்தரவாதப்படுத்தப்படுவதையும் உறுதி செய்வதில் அரசாங்கத்தின் முன்னுரிமையைக் காட்டுகிறது’ என தெரிவிக்கப்பட்டுள்ளது.
மரணதண்டனை கட்டாயமாக இருக்கும் குற்றங்களுக்கு, நீதிபதியின் விருப்பப்படி மரண தண்டனை வழங்கக்கூடிய பல குற்றங்களும் உள்ளன.
மாற்றங்களைச் செய்வதற்கு நாடாளுமன்றத்தில் சட்டம் இயற்றப்பட வேண்டும், மேலும் வான் ஜுனைடி ஒரு காலக்கெடுவை வழங்காமல் சிறிது நேரம் எடுக்கும் என கூறினார். இந்த செயல்முறை மக்கள் கற்பனை செய்வது போல் எளிதானது அல்ல என்று அவர் மேலும் கூறினார்.
அறிவிப்பை வரவேற்கும் அதே வேளையில், பிரச்சாரகர்களும் எச்சரிக்கையை வெளிப்படுத்தினர். ‘கட்டாய மரண தண்டனையை ஒழிப்பதாக மலேசியாவின் பொது அறிவிப்பு ஒரு முக்கியமான முன்னோக்கிய படியாகும்’ என்று மனித உரிமைகள் கண்காணிப்பகத்தின் துணை ஆசிய இயக்குனர் பில் ராபர்ட்சன் கூறினார்.
ஆனால் அனைவரும் உற்சாகப்படுத்தத் தொடங்கும் முன், இந்த உறுதிமொழியை நடைமுறைப்படுத்த மலேசியா உண்மையான சட்டத் திருத்தங்களை நிறைவேற்றுவதை நாம் பார்க்க வேண்டும் எனவும் தொடர்ந்து வந்த மலேசிய அரசாங்கங்கள் மனித உரிமைகள் குறித்து அதிகம் வாக்குறுதி அளித்தாலும் இறுதியில் மிகக் குறைவாகவே வழங்குகின்றன என்றும் அவர் சுட்டிக்காட்டினார்.
மலேசியாவில் மேலும் 22 குற்றங்களுக்கு மரண தண்டனை விதிப்பதற்கு சட்டத்தில் ஒப்புதல் இருந்தது. இந்நிலையில், கட்டாய மரண தண்டனை அங்கு இரத்து செய்யப்பட்டுள்ளது. இந்த மரண தண்டனையை எதிர்கொள்பவர்களில் பெரும்பாலானவர்கள் போதைப்பொருள் குற்றங்களுக்காக தண்டனை பெற்றவர்கள் என தகவல் வெளியாகியுள்ளது.
